3 patay sa Bagyong Kiyapo

ni Jeff Tumbado @News | July 27, 2026

Photo: Batac LGU

Tatlo na ang bilang ng mga nasawi habang isa ang nawawala, at mahigit 285,000 indibidwal ang naapektuhan ng Tropical Storm Kiyapo, ayon sa pinakahuling ulat ng National Disaster Risk Reduction and Management Council.

Batay sa datos ng NDRRMC, isa sa mga nasawi ay naitala sa Davao, habang dalawa naman sa Sarangani.

Nilinaw ng ahensya na sumasailalim pa sa beripikasyon ang sanhi ng pagkamatay ng dalawang biktima sa Sarangani.

Mayroon ding isang indibidwal na nananatiling nawawala sa Sarangani.

Higit 20K indibidwal, inilikas dahil sa Bagyong Ramil — NDRRMC

by Info @News | October 19, 2025

Photo: Coast Guard District Southern Tagalog

Sinabi ng National Disaster Risk Reduction and Management Council (NDRRMC) na nasa 22,311 na indibidwal o 7,884 na pamilya ang nailikas na nila mula sa mga lugar sa Calabarzon at Region 5 dahil sa inaasahang epekto ng Bagyong Ramil.

Kasabay nito ay mayroon ding 39 na seaport na pansamantalang itinigil ang operasyon dahilan para ma-stranded ang ilang pasahero at sasakyang pandagat.

Idinagdag din nila na nasa 3,242 pasahero, 1,050 cargo, anim na vessel, at pitong bangka ang kasalukuyang stranded.

Baha, lampas-tao... Habagat, hataw hanggang Huwebes

ni Mai Ancheta @News | July 22, 2025

Patuloy na makararanas ng tuluy-tuloy na pag-ulan dulot ng Habagat hanggang sa Huwebes sa Metro Manila at mga kalapit na lalawigan.

Ito ang pagtaya ng  Philippine Atmospheric, Geophysical and Astronomical Services Administration (PAGASA) sa harap ng walang patid na pag-ulan simula nitong weekend kahit nakaalis na ang Bagyong Crising.

Ayon sa PAGASA, bukod sa Metro Manila, mararamdaman din ang mga pag-ulan sa Zambales, Bataan, Occidental Mindoro at ilang bahagi ng Ilocos Region.

Patuloy na mararamdaman ang malakas na pag-ulan simula Lunes hanggang Martes sa National Capital Region, Zambales, Bataan, Pampanga, Bulacan, Cavite, Batangas at Rizal.

Nitong Lunes, nakaranas ng mga pagbaha ang maraming lugar sa Metro Manila kaya nag-alok ng libreng sakay ang Department of Transportation (DOTr) partikular sa MRT 3, LRT 1 at 2.

Nag-deploy naman ng bus at truck ang Philippine Coast Guard (PCG) para sa libreng sakay sa rutang Quiapo hanggang Angono, Rizal; Quiapo hanggang Fairview, Quezon City; at Lawton hanggang Alabang, Muntinlupa City. 

Samantala, sa ibang lugar sa bansa, umabot na sa lampas-tao ang baha na nagdulot ng pagkawasak ng mga bahay at ari-arian.