10-oras na walang tubig sa ilang lugar sa MM

ni Lolet Abania | May 31, 2021

Aabot sa 500,000 customers ng Manila Water Company Inc. ang makararanas ng 10-oras na service interruption ngayong linggo dahil sa pagsasagawa ng kumpanya ng maintenance operations.

Sa isang advisory, ayon sa Manila Water, puputulin muna nila ang mga linya at ikakabit ang lumang 500mm mainline sa kahabaan ng Ortigas Avenue malapit sa EDSA sa Barangay Ugong Norte, Quezon City.

Magsisimula ang interruption ng alas-11:00 ng Miyerkules, June 2, hanggang alas-9:00 ng umaga ng Huwebes, June 3.

Apektado ang nasa 500,000 indibidwal sa 110,355 kabahayan, at commercial at business na establisimyento sa 39 mga barangay sa Metro Manila.

Narito ang mga sumusunod na lugar:

Sa Mandaluyong -- Addition Hills, Barangka Drive, Barangka Ibaba, Barangka Ilaya, Barangka Itaas, Buayang Bato, Hagdang Bato Itaas, Hagdang Bato Libis, Highway Hills, Hulo, Malamig, Maumay, San Jose, Plainview, Plesant Hills, Wack-Wack East Greenhills.

Sa Pasig City-Bagong Ilog, Oranbo, at mga parte Kapitolyo, San Antonio, at Ugong.

Sa Quezon City- Bagong Lipunan ng Crame, Horseshoe, Immaculate Concepcion, Kaunlaran, Pinagkaisahan, San Martin de Porres, Ugong Norte, Valencia

Sa San Juan City-Addition Hills, Corazon de Jesus, Greenhills, Isabelita, Little Baguio, Maytunas, Onse, Santa Lucia, St. Joseph, West Crame.

"Manila Water is advising residents of the said barangays to store enough water to supply their needs only during the interruption period," ayon pa sa Manila Water.

Paalala ng kumpanya sa mga customers, ilang minuto munang buksan ang tubig bago gamitin.

Ang Manila Water ay ang east zone na concessionaire kung saan nagseserbisyo sa 23 lungsod at munisipalidad sa Metro Manila at Rizal.

Kabilang dito ang Mandaluyong, Makati, Pasig, Pateros, San Juan, Taguig, Marikina, at mga parte ng Quezon City at Manila. Kasama rin ang bayan ng Angono, Baras, Binangonan, Cainta, Cardona, Jalajala, Morong, Pililia, Rodriguez, Tanay, Taytay, Teresa, San Mateo at Antipolo sa lalawigan ng Rizal.

Walang tubig hanggang May 27 — Manila Water

ni Mary Gutierrez Almirañez | May 25, 2021

Magkakaroon ng ‘water interruption’ hanggang sa ika-27 ng Mayo sa ilang lugar sa Metro Manila at Rizal dahil sa isinasagawang maintenance schedule, batay sa inilabas na abiso ng Manila Water sa kanilang website.

Nakasaad dito, kabilang sa maaapektuhang lugar sa Metro Manila ay ang bayan ng Taguig, Quezon City, Pasig, at Makati.

Samantalang sa Rizal nama’y kasama rito ang Cainta, Teresa at Morong.

Sa ngayon ay pinaaalalahanan ang mga residente na mag-imbak ng tubig upang maging handa.

Mas mahabang water interruption, mararanasan sa Metro Manila

ni Ronalyn Seminiano Reonico | November 19, 2020

Mararanasan ng ilang lugar ang mas mahabang water interruption, ayon sa Maynilad Water Services Inc.. Pahayag ng Maynilad ngayong Huwebes, “Sinimulan na namin kagabi ang pagpuno ng tubig sa isang basin ng La Mesa Treatment Plant matapos itong matanggalan ng naipong sludge o putik.

Ngunit dahil patuloy pa rin ang pagpasok ng turbid water mula sa Ipo Dam, hindi pa namin maabot ang target water production. “Ito ang dahilan kaya ang mga customer na nasa matataas na lugar ay nakakaranas ng mas mahabang water interruption kumpara sa inanunsiyong schedule.”

Kahapon, November 18 ay naglabas ng advisory ang Maynilad na mawawalan ng suplay ng tubig ang ilang lugar hanggang November 24. Samantala, saad naman ng Maynilad,

“Nagsasagawa na ng system adjustment ang aming technical team upang ma-address ang nasabing concern. Dinagdagan din namin ang water tankers na nag-iikot sa nasabing mga lugar, at nakikipag-ugnayan kami sa mga LGU at local fire bureau upang makatulong sa pag-deliver ng tubig.”

Maaaring tumagal nang 12 hanggang 16 oras ang water interruption. Sa Manila, mararanasan ang water interruption simula 4 AM hanggang 4 PM; sa Malabon at Navotas naman ay simula 4 AM hanggang 5 PM; at 4 AM hanggang 7 PM naman sa Pasay, Parañaque at Makati.

Mawawalan din ng suplay ng tubig sa Bacoor, Imus, Kawit, Noveleta at Cavite City simula 6 AM hanggang 4 PM. Simula 6 AM hanggang 6 PM naman sa Quezon City, Las Piñas at Valenzuela. Mararanasan din ang water interruption sa Muntinlupa simula 10 PM hanggang 5 AM at sa Caloocan simula 4 PM hanggang 5 AM.