Young acteess, kitikiti raw… DINA, INISMIRAN DAW NI FYANG, NAGSALITA NA

ni Vinia Vivar @Frankly Speaking | May 8, 2026

Photo: IG _dinabonnevie

Nilinaw ni Dina Bonnevie ang tsikang inismiran niya si Fyang Smith sa advanced screening ng Love Is Never Gone (LING) na ginanap kamakailan.

Magkasama ang dalawa sa naturang Prime Video original series na pinagbibidahan nina Joshua Garcia at Ivana Alawi.

Ayon kay Dina nang makatsikahan ng entertainment press last Wednesday sa isang pocket mediacon, love na love raw niya si Fyang at parang anak na rin ang turing niya rito. Ang tawag pa nga raw niya rito ay ‘my little shrimpy’ dahil favorite raw nito ang hipon.

‘Mommah’ naman daw ang tawag ng dalaga sa kanya.

Kuwento pa ng aktres, sinorpresa pa siya ni Fyang noong birthday niya last January 27. Ganoon sila ka-close.

“Oo, ang cute n’ya. Kahit makulit s’ya, ‘pag may eksena s’ya, she can deliver. So sa loob-loob ko lang, ‘Ah, naglalaro ka, ha? ‘Di ka nagko-concentrate, ha? Tingnan natin kung makaka-deliver ‘to. Tingnan ko lang. Makulit s’ya, ha? Nagdadadaldal ‘to, ha?’ Pero she can. On point,” tsika ni Dina.

Tuwang-tuwa raw siya kay Fyang dahil mukha itong ‘susuret’.

“Ano ba’ng susuret? Wala namang meaning ang susuret, eh. Parang maliit kasi na makulit na makulit,” sey niya.

Agree rin si Dina sa sinabi ng Regal producer na si Roselle Monteverde na parang si Maricel Soriano si Fyang.

“Parang oo, ganu’n kakiti-kiti si Fyang. As in makulit s’ya, but she can deliver. Kaya natutuwa kaming lahat sa kanya,” saad ng seasoned actress.

Samantala, magsisimula na ngayong May 8 ang Love Is Never Gone sa Prime Video. Dalawang episodes ang mapapanood pagsapit ng 12 midnight na susundan ng bagong episodes every Friday.

Produced ng ABS-CBN Studios at Dreamscape Entertainment sa ilalim ng direksiyon nina Manny Palo at Jojo Saguin, nasa cast din sina Jane Oineza, Jameson Blake, Ara Mina, Epy Quizon at marami pang iba.

---

Proud mommy si Aiko Melendez sa kanyang anak na si Marthena Jickain na isa sa 16 fresh faces na inilunsad ng Star Worx, ang bagong talent management ng TV5 na dating MediaQuest Artists Agency (MQAA).

Ginanap ang media launch last Tuesday (May 5) sa MVP Studios at present si Aiko para samahan ang kanyang unica hija.

Si Marthena ay 19 years old, 5’6” ang height at kasalukuyang nag-aaral ng AB Development Studies sa Ateneo de Manila University (ADMU). Ang talent niya ay acting, singing at marunong tumugtog ng gitara.

Bahagi siya ng Star Worx Block 1 kasama ang iba pang 15 hopefuls na sina Adam Buck, Amo Wilding, Chan Martin, Nico Matugas, Patrick Ballesteros, Spencer Capistrano, Wayne Leonard, Carmela Lorzano, Celyn David, Kaitlyn King, Keisha Serna, Nathalie Apollo, Rahil Gatali, Selina Griffin at Steph Razon.

Lahat sila ay nagpakitang-gilas sa entertainment press sa pamamagitan ng kani-kanilang singing at dance performances at halatang pinaghandaan talaga ng mga bagets ang kanilang kauna-unahang pagsalang sa stage.

Bago ipinakilala sa press ang 16 new faces ay sumailalim muna sila sa isang intensive training na tinatawag nilang ‘bootcamp of brilliance’, complete with dance choreography sessions, voice lessons, acting workshop at maging ang pagsasalita ng matatas na Tagalog ay pinag-aralan nila.

Dumalo sa launching ang mga big boss ng TV5 na sina Guido R. Zaballero, president and CEO ng TV5; Victorico P. Vargas, president and CEO of MediaQuest Holdings; Johnny Manahan; Star Worx head na si Jeff Remigio; at consultant for Entertainment Content and Creative Strategy na si Enrico Santos.

Sa speech ni Jeff Remigio, sinabi niyang two years ago pa nagsimula ang ideya na magkaroon ng nasabing artist agency.

Pahayag nito, “We needed to have an artist agency that at least would somehow support muna, support lang, the basic needs of the organization of the network, and then what we plan to do.”

Ibinahagi niyang ang kauna-unahan nilang artist ay si Cedrick Juan na noo’y katatapos lang gawin ang historikal na pelikulang GomBurZa kung saan ay pinag-usapan nang husto ang mahusay nitong pagganap bilang Padre Burgos.

“Today, I’m very happy to say that we have signed more than 50 artists from MQAA. We’re very proud of our artists today,” pahayag ni Remigio.

Anyway, abangan na lang natin ang Star Worx Block 1 artists sa mga shows ng TV5 at kung sinu-sino sa kanila ang unang sisikat.

After sa Coachella… BINI, SA SUMMER SONIC FESTIVAL NAMAN SA JAPAN MAGPE-PERFORM

ni Vinia Vivar @Frankly Speaking | May 4, 2026

Photo: IG BINI PH

Isa na namang pangarap ng BINI ang natupad matapos ang sunud-sunod na milestones sa kanilang career lately.

Sa X (dating Twitter) account ni BINI Sheena Catacutan ay ini-repost niya ang announcement ng Summer Sonic Festival na nakatakdang mag-perform ang Nation’s Girl Group sa nasabing event na gaganapin sa Japan sa Dec. 10, 2026.

Sa caption ay tila hindi makapaniwala si Sheena na matutupad na ang kanilang pangarap na makapunta sa kanilang dream country.

“For the nth time, KANINONG PANAGINIP TO TYL (thank you), Huhuhu! OUR DREAM COUNTRY BINI’S DREAM COUNTRY,” tweet ni Sheena.

Maging ang mga Blooms, BINI’s fandom, ay masayang-masaya at proud na proud para sa kanilang idolo.

“Di ko rin alam bebe kung kaninong panaginip ‘yan, eh, amin na kayo guys kung kanino ‘to! Hahahaha! jk (joke). CONGRATS, BEBEEEE SO PROUD OF Y’ALL,” sey ng isang fan.

Komento naman ng isa pang Bloom, “Buong taon ata ako iiyak para sa inyo girls, ilabas n’yo na lahat, please. Lord, thank you. Deserve na deserve n’yo ‘yang walo (BINI).”

“Panaginip nating lahat ‘to, Shee. Congrats! Kapit pa. Malulunod pa kayo sa mga darating na blessings,” sabi naman ng isa pa.

Anang isa pa, “Congrats sa inyo bunso, waiting pa kami sa iba pa n’yong mga announcements. Grabe kayo magbigay ng surprises, nakakakilig at nakaka-proud.”

Matatandaang katatapos lang tanggapin ng BINI ang kanilang Global Force Award sa Billboard Women in Music 2026 na ginanap noong April 30. Ito ay matapos ang kanilang historic performance sa Coachella Valley Music and Arts Festival 2026 noong Abril 10 at 17 at nasundan pa ng kanilang guesting sa Grammy Museum noong April 22.

---

Pilit itinawid…

RALPH, NAG-TRENDING SA PAULIT-ULIT NA SPIELS SA MISS U-PHILS. CORONATION NIGHT

Trending na at viral pa si PBB Celebrity Collab Edition (PBBCCE) 2nd Big Placer Ralph de Leon matapos magkaroon ng technical problem habang nagho-host ng Miss Universe Philippines 2026 Coronation Night na ginanap nu'ng May 2.

Habang nagsasalita si Ralph ay pahintu-hinto ang kanyang spiel at ilang beses niya itong inulit.

“Tonight we have witnessed Filip— (long pause)…

“Tonight we have witnessed Filipinas who have stepped into their power and owned their story…

“Tonight, we (pause). Tonight (long pause)…” ang paulit-ulit na sabi ni Ralph.

Ayon sa mga nanonood sa finals night ng Miss Universe Philippines 2026, dinig ang boses ni Ralph sa live telecast pero wala siyang audio sa loob ng SM Mall of Asia Arena.

Isa sa mga nag-react ay ang social media personality na si Senyora. Ipinost niya ang litrato ng aktor sa kanyang Facebook (FB) page.

“I think, ‘di kaya tonight, tomorrow na lang,” ang caption niya.

Sumagot naman si Ralph ng “Senyora, ‘di naman tayo umabot ng tomorrow.”

Pero naitawid din naman ni Ralph ang kanyang spiel dahil naayos na rin ang mga technical issues.

Marami naman ang nagtanggol na mga netizens sa aktor at naintindihan nila na hindi nito kasalanan ang nangyari.

Sey ng mga netizens…

“Pero in fairness kay Ralph, nakaya n’ya tonight.”

“Laro talaga. Hahaha! Buti, ang galing n’yang mag-save (program) tonight.”

“So, naka-ilang tonight? Sino nagbilang?”

“‘Di po kasalanan ni Ralph.”

“Pero grabe ang poise ni Ralph, super-cute pa rin sa recovery n’ya.”

Lumakas ang self-confidence… JANINE, NATUTONG MAGPAKATOTOO DAHIL KAY ECHO

ni Vinia Vivar @Frankly Speaking | May 3, 2026

Photo: Jericho Rosales at Janine Gutierrez - Instagram

Masayang-masaya si Janine Gutierrez na muli niyang makakatrabaho ang boyfriend na si Jericho Rosales, this time, sa isang psychological series na The Loyalty Game (TLG) under Star Creatives.

Matatandaang unang nagkasama ang dalawa sa seryeng Lavender Fields (LF) noong 2025, at dito rin nagsimula ang kanilang relasyon.

Ayon kay Janine sa panayam ng ABS-CBN, sobrang excited siya sa bagong serye dahil bukod sa challenging ang kanyang role ay muli pa niyang makakasama si Echo.

“Exciting kasi sobrang ibang-iba s’ya na kuwento sa Lavender Fields and I’m so happy to be given another opportunity to work with him sa iba namang kuwento at iba namang team,” sey ng aktres.

Dagdag pa niya, “It’s also my first time working with Star Creatives at patuloy lang talaga akong nagpapasalamat sa mga opportunities na dumarating. Parang even if ilang years na rin ako rito sa ABS-CBN, parang palaging may something new and something better and something bigger, at part na rin ang pagsali ko sa Star Magic.”

Mas okay na rin daw ang working relationship nila ni Echo ngayon dahil mas kilala na nila ang isa’t isa.

“We know each other better now so parang walang awkwardness pagdating sa mga eksena. ‘Yung team niya at ‘yung team ko sa set, parang isang buong pamilya na rin. He’s worked with Star Creatives din mula sa Pangako Sa ‘Yo days pa lang, so excited ako to be part of a family na matagal na n’ya talagang kakilala at ka-work,” saad ni Janine.

Ibinahagi rin niya na napakarami niyang natutunan kay Echo pagdating sa trabaho bilang halos 30 years na rin ang aktor sa showbiz.

“Well, ako, sobrang dami kong natututunan sa kanya kasi this is his 30th year na. Magse-celebrate siya ng 30th year this year so ang dami n’yang knowledge pagdating sa set, pagdating sa collaborating with the team. Sobrang professional n’ya, sobrang down-to-earth, sobrang friendly sa lahat ng tao. As in, super,” papuri ni Janine sa BF.

“So, parang dahil sa kanya, pakiramdam ko, mas naging open din ako at komportable na maging myself saanman,” aniya pa.

Malaki rin daw ang naitulong ng aktor para mag-gain ang kanyang self-confidence.

“Sobrang nakatulong din s’ya sa confidence ko kasi minsan, feeling ko pa rin na baguhan ako. Ewan ko, parang in my head lang. Pero he always reminds me na maganda ‘yung work at kung ano ‘yung kaya kong gawin, to not be afraid to be seen,” pahayag ng aktres.

---

Mister, suportado nu’ng wala pang datung…

KZ, TUWANG-TUWA NA BINIGYAN NG CHANEL BAG NI TJ

Ang bongga naman ni TJ Monterde dahil binigyan niya ng isang luxury bag ang kanyang wifey na si KZ Tandingan bilang surprise gift.

Makikita sa video na in-upload niya sa kanyang Instagram na inaabot niya sa tuwang-tuwang misis ang Chanel bag na naka-box pa.

Pero ang nakaka-touch at nakakakilig ay ang caption ni TJ kung saan ay nagbalik-tanaw siya sa panahong wala pa siyang pera pero laging nariyan si KZ na sumusuporta sa kanya at naniniwalang darating din ang kanyang panahon.

“A few years ago, when my bank account only had a few thousands, she would smile and say, ‘Darating din tayo diyan—maaabot mo rin ‘yan. Bibilhan mo pa nga ako ng bag, ‘di ba?’” kuwento ni TJ.

“Back when it felt impossible, you already saw it done—and I’m not even talking about the bag,” sey pa niya.

“Thank you for believing in me, babi. Since day one. Je t’aime,” ang mensahe pa ni TJ sa misis.

Sa comment section ay mababasa ang kilig ng mga fans at hanga sila sa pagmamahalan ng dalawa, gayundin sa pagiging ever-supportive wife ni KZ kay TJ.

“At ‘yun na nga! Yehey! But aside from the ‘finally her dream bag,’ nakakakilig din ‘yung part na ‘andiyan talaga s’ya palagi to cheer for you, support you, and believe in you. Part talaga s’ya ng every ‘darating din’ at ‘lahat matutupad’ moments mo. I love you two so much,” sey ng isang fan.

“Behind every successful man is a very supportive and understanding wife,” komento naman ng isa pang netizen.