Nasasagad at napupuyat daw, laging nagkakasakit…JESSY, UMAMING 'DI HAPPY NU'NG NAG-AARTISTA PA

ni Vinia Vivar - @Frankly Speaking | August 01, 2021

Sa recent vlog ni Enchong Dee ay sinagot ni Jessy Mendiola ang mga ibinabato sa kanya ng ibang tao na laos na siya at wala nang offers.

Paglilinaw niya, “Ang totoo n’yan, ever since before the pandemic started, marami nang offers talaga but I think it’s more of I value my health more than anything.”

She added, “And ever since nag-start ‘yung pandemic, siyempre, nand'yan ‘yung fear, nand'yan ‘yung kailangan mong mag-locked-in, nand'yan ‘yung marami kang taong makakasama.”

Sa ngayon daw ay mas gusto niyang mag-explore ng iba pang bagay.

“I feel that nasa point na ako ng life ko na I’m enjoying what I’m doing which is vlogging, diving na nagka-vertigo ako, but I’m trying to explore other things in my life. I’m also entering the world of business.

“And I think nandu’n na tayo sa point ng buhay natin na hindi na tayo nape-pressure to please everyone, kasi ganu’n naman talaga 'pag nagsisimula, 'di ba?

“I don’t think I’m ready for you know, ‘yung taping talaga na sagaran o kaya locked-in,” aniya.

Bilang bagong kasal at maybahay ni Luis Manzano, okay na okay daw ang lahat, chill lang. Suportado raw ng mister niya ang lahat ng gusto niyang gawin ever since.

Sinabi rin daw niya kay Luis na parang hindi na niya kayang bumalik sa dati na sagad-sagaran ang taping na hindi siya nakakatulog, lagi siyang nagkakasakit at hindi siya happy.

“Siya rin mismo ang nagsabi sa akin na ‘Go, if you want to rest, find other things to do,’ and ‘yun na nga ang nagawa ko, vlogging, and sa awa naman ng Diyos, brands are still getting,” she said.

After 5 yrs., GF, gusto nang mag-asawa… SIGAW NI ENRIQUE: BAHAY MUNA BAGO KO PAKAKASALAN SI LIZA

ni Vinia Vivar - @Frankly Speaking | July 31, 2021

Sa ginanap na Virtual Fans Day nina Liza Soberano at Enrique Gil kamakailan ay sinagot nila ang katanungan ng mga fans at isa na rito ay kung kailan ang wedding proposal.

Ayon sa aktor ay gusto niyang maayos na maayos na ang lahat kapag ginawa niya ‘yun.

“I really wanted to be complete, you know. First, I want our businesses to really do well, I wanna have our own place and everything before we actually settle down.

“But of course, that’s all in God’s grace when it will happen and you know, I’m just waiting. I’m just waiting for the perfect time,” sabi ni Quen.

Ayon naman kay Liza, mararamdaman naman daw kung kelan ang perfect time.

“You can never say when is the perfect time, you can just feel it. And 'coz I’m only 23, so we’re not really in a rush. There’s so many things that we want to achieve in life pa that we feel that if we rush into things in our relationship, we might not be able to achieve at the moment.

“So, we’re taking it step by step,” ani Liza.

Dagdag pa ng aktres, sine-secure raw muna nila ang kanilang future.

Natanong din ang LizQuen kung paano nila nakikita ang sarili nila 5 years from now.

Sagot ni Quen base sa post ng fans, “Hopefully taking care of businesses, projects here and there, having our own home/place together and traveling."

Sagot naman ni Liza, “Get married at the age of 28. Five yrs. from now I wanna be married,” na for sure ay ikinakilig ng mga fans.

Nagbigay din ng update ang LizQuen kung ano ang susunod na aabangan sa kanila ng mga fans.

“Actually, to be honest, we were expecting to do a movie but when we received the script, we weren’t really 100% happy with it. So we were asking for revisions but I think they’re gonna work on a totally new concept for the movie. So, hopefully, by this year, yes,” sabi ni Liza.

Dagdag naman ni Quen, “By the end of the year or early next year.”

Sa wakas, Angel… BELA, NAGSALITA NA SA TOTOONG DAHILAN NG HIWALAYAN NILA NI NEIL

ni Vinia Vivar - @Frankly Speaking | July 29, 2021

Natatawa na lang ngayon si Bela Padilla habang ikinukuwento ang breakup with Neil Arce sa panayam sa kanya ni G3 San Diego.

Matatandaang before, nu'ng fresh pa ang pangyayari ay ayaw itong pag-usapan ng aktres, ganundin ang producer/businessman na ngayon ay malapit nang ikasal kay Angel Locsin.

“We broke up right in the middle of shooting and nahiya rin kami siguro kay Jericho (Rosales), kay Direk Dan (Villegas), everyone. So, we had to be professional,” kuwento ni Bela.

Not long after ay napabalita na ngang magdyowa sina Angel at Neil at marami ang humanga na magkaibigan pa rin ang dalawang aktres.

“As individuals, Neil is very mature, I’m also very mature. I still consider Angel a friend like I feel like if she needs anything from me or I need anything from her, we can still go to each other like there’s no animosity at all.

“So, there’s no need for me to cut ties (with them)…. You know, our world is very small, the showbiz industry in the Philippines is also very small. I don’t want to avoid going to a certain building 'coz I might run into someone.

“I hate that feeling. Why would I stress myself like that?” paliwanag ni Bela.

In fact, nagkita na nga raw sila one time ni Angel sa isang awards night kung saan ay pareho silang tumanggap ng parangal at nag-dinner pa nga raw silang lahat with some other friends pagkatapos.

“I think, it comes with a certain level of maturity or also the personality type, like I’m very non-confrontational, Neil is also non-confrontational, Angel is as well. Like we’re all also at an age where we don’t have to fight or bicker anymore and there’s really nothing to fight about because the reason why we broke up is because we didn’t like each other that way anymore,” ani Bela.

“It’s nice that we are open-minded enough to be friends,” sey pa ni Bela.

Sa ngayon ay maligaya na nga si Bela sa kanyang bagong pag-ibig, ang Swiss guy na si Norman Bay and just recently nga ay nagkita sila sa Switzerland. Sa ngayon ay nasa United Kingdom siya para bisitahin naman ang kanyang kapatid.

Nilinaw niya rin na wala naman siyang balak iwan ang showbiz tulad ng mga naglalabasan.

“I’m not engaged, I’m also not getting married anytime soon, I’m not leaving the showbiz industry. I have a movie coming out next year, very, very soon. No, I’m not leaving,” sey niya.

Sa ngayon ay mananatili raw muna siya sa London para makilala ang family ng father’s side niya.

“ABS-CBN is still kind of closed, we aren’t back to what we used to be, so while I’m waiting and while I’m excited for the return of ABS-CBN, I wanna see first what I can do as an individual,” aniya.