Misis ni Gary V., todo-tanggol… ANGELI: NADIA, CHRISTIAN, GALING SA KANSER, ‘DI MAGAGAWANG MAG-MARIJUANA

ni Vinia Vivar @Frankly Speaking | August 18, 2025

Photo: Nadia Montenegro - IG

Matapang na ipinagtanggol ng misis ni Gary Valenciano na si Angeli Pangilinan-Valenciano ang kaibigang si Nadia Montenegro sa akusasyong gumagamit ito ng marijuana sa Senado.

Sa kanyang Facebook (FB) post, sinabi ni Angeli na hindi magagawa ni Nadia ang ibinibintang dito.

Sey niya, “I read something terribly unjust about my dear friend of over 25 years Nadia Montenegro Pla!”

Unang-una, Christian daw ang kaibigan at kasamahan nila sa grupo.

“Nadia is a deeply rooted Christian who has been nonstop doing quiet community services and supporting her 8 children, all so wonderfully raised by her. She is a member of our Artists-in-Touch ministry (a group of artists in the country’s entertainment industry) with the likes of Gary, Ogie, Kata Inocencio, Tirso Cruz III and wife Lynn, Audie Gemora, Anthony and Maricel P, Felichi P. Buizon, Amy Austria-Ventura, Carla Martinez, Carlo Orosa, Tricia Amper-Jimenez, Gina Alajar, Maricris Bermont-Garcia, Malou Fagar, Chit Guerrero, Garlic Garcia, Samantha Chavez-Wue, Sandra Chavez, Donita Rose, Aly Sotto, Gian Sotto, Mandy Ochoa, Kuh Ledesma, etc., and we all love each other like real siblings,” paglalarawan ni Angeli kay Nadia.

“We agree, disagree, laugh, cry, rejoice, admonish each other privately, pray for and support each other’s events, and are there for each other in good times and bad times, in sickness and in health, always praying for each other,” dagdag pa niya.

Ipinunto rin ni Angeli na kagagaling lang ni Nadia sa laban sa cancer kaya paano raw mangyayaring mai-involve ito sa paggamit ng substance.

“Nadia has just come out of a battle with cancer and she nearly died. Why on earth would she even engage in substance abuse at the Senate?

“She is an intelligent, godly and brilliant woman, always silently helping the poor,” pagtatanggol pa ni Angeli.

“We have prayer chats and she is active in some of these chats. Why would she ruin her testimony by what they are accusing her of!!!?” giit ng talent manager.

“But that’s just me. She didn’t ask me to write this post. I am just fiercely loyal to friends who have changed their lives and want to live righteously,” aniya pa.

Sa huli ay humiling si Angeli ng hustisya para sa kaibigan.

“I am praying for justice for Nadia!!!” aniya.

Si Nadia ay nagsisilbing political officer ni Sen. Robin Padilla at tinukoy siya ng isang staff ni Sen. Ping Lacson na sangkot sa paggamit ng marijuana sa loob ng Senado.

Ayon sa report, nangamoy-marijuana raw sa ladies’ room ng Senado at nakita si Nadia roon. Nang tanungin ang dating aktres, itinanggi nito ang akusasyon at sinabing

mayroon siyang vape at baka iyon ang nangamoy.

Sa ngayon ay iniimbestigahan ng Senado ang bagay na ito at kasalukuyang naka-leave si Nadia Montenegro sa opisina ni Sen. Robin Padilla.

---

MATAPANG namang hinarap ni Jodi Sta. Maria ang kanyang claustrophobia o takot sa masisikip na lugar nang pumasok siya sa isang madilim na kuweba kamakailan.

Ipinost ng aktres sa Instagram (IG) ang videos kung saan makikitang pumunta siya sa isang gubat at pumasok sa madilim na kuweba na napapalibutan ng mga paniki.

Sa last video ay kitang-kita ang kasiyahan ng aktres habang nasa loob na siya ng kuweba at napagtagumpayan ang kanyang takot.

“Fear has a way of making things look bigger, darker, and scarier than they really are.

“But I’ve learned that courage isn’t the absence of fear… it’s choosing to keep moving, even with fear beside you,” caption ni Jodi.

Inamin niyang natakot siya pero ginawa pa rin niya.

“That day, I didn’t just step into a cave… I walked in anxious, telling myself, ‘Okay, I am scared but I’m doing this anyway.’ That moment I was reminded that courage grows each time you try,” aniya.

Noon pa ay sinasabi na ni Jodi Sta. Maria sa mga interviews na claustrophobic siya.

Congratulations, Jodi, dahil nalabanan mo na ang takot mo.

Madir, adik, padir na-deport dahil sa patung-patong na kaso… LIZA, INABUSO, ITINTRATONG HAYOP NG UMAMPON

ni Vinia Vivar @Frankly Speaking | August 17, 2025

Photo: Liza Soberano - IG

Sa kauna-unahang pagkakataon ay nag-open-up si Liza Soberano tungkol sa naging buhay niya sa Amerika when she was a child.

Sa latest episode ng podcast-cinema-documentary YouTube (YT) channel na Can I Come In? kung saan siya ang featured artist, ikinuwento ng aktres ang pinakamasakit at pinakamadilim na bahagi ng kanyang buhay kung saan ay inabuso siya at itinratong parang hayop.

Sinimulan ni Liza ang kuwento nang ipanganak siya sa Santa Clara, California ng kanyang young parents na sina John and Jacqueline. Her dad was 22 years old at that time and her mom was 18.

“One thing that they had in common was they were so misguided. When I was born, these two kids were still children,” aniya.

“They literally didn’t know what to do. They were working multiple jobs to make ends meet,” patuloy niya.

She confessed na nalulong sa droga ang kanyang ina habang ang ama naman niya ay na-deport sa Pilipinas noong wala pa siyang isang taon dahil sa patung-patong na kaso tulad ng drugs, illegal firearms at trespassing. 

Naiwan si Liza at ang kanyang younger brother sa pangangalaga ng ina at dito na mas lumala ang sitwasyon dahil lalo pa raw itong nalulong sa droga.

Isa sa kanyang mga early trauma ay nang makipagrelasyon ang kanyang ina sa isang lalaki na nagngangalang Michael.

“My mom started dating this guy named Michael, and this guy was really bad news,” aniya.

Nagnakaw daw ng minivan ang boyfriend na ito ng kanyang ina at tumira sila roon nang ilang araw. Ini-report na raw sila ng pamilya ng kanyang ina na “missing persons” at nasa news na raw sila.

Dumating pa raw sa point na inutusan siya ng BF ng ina na hampasin niya ng buckle ng seatbelt ang kanyang kapatid na 1 yr. old pa lang. Hindi niya ito sinunod kaya sinaktan siya ng lalaki.

“And then the next thing I know, he hits me in the head with the bottom of a gun he was holding,” kuwento niya.

Hanggang sa naaresto rin daw ito dahil nang makakuha ng tiyempo ang kanyang ina ay nagtungo ito sa pulis at ini-report ang boyfriend. Kasunod nito ay na-hospitalize ang kanyang ina at pagkatapos ay nakulong din because of illegal drug use kaya naging ‘parentless’ daw silang magkapatid.

Napunta raw sila sa pangangalaga ng kanilang grandparents pero hindi rin ito nagtagal dahil matatanda na raw ang mga ito at hindi na sila kayang alagaan. Dito na sila nagsimulang mapunta sa foster care.

“Apparently, I went through a few homes before I landed in the one that I stayed the longest in. And the one that I stayed the longest in is the one that I have a vivid memory of.

“It was with this lady named Melissa. She was supposedly my mom’s high school best friend but it was very far from the truth,” kuwento niya.

Noong una raw ay okey naman ang pakikitungo ng kanyang foster mom, pero hindi nagtagal ay nagbago raw ito. Aniya ay naging family dog siya sa naturang bahay.

“They would literally call me the family dog and I would have to sit in like a big cardboard box behind the sofa and I actually would just sit there like a dog,” umiiyak na kuwento ni Liza.

“She started really abusing me, not just psychologically. The first instance was when I was eating spaghetti at the table and this is why I have a phobia of meatballs now. She forced me to eat the meatballs and I choked. She didn’t do anything and she just watched me,” saad pa ng aktres.

Pinakamatinding ginawa sa kanya ay pinaglinis siya ng dumi ng aso gamit ang kanyang dila.

“The next instance I remember was when their actual family dog took a shit on the carpet, and she called me to come clean it up,” kuwento niya.

Nang nililinis na raw niya ng brush ang dumi ay sinabi ng kanyang foster mom na, “No, I want you to use your tongue.”

Sey ni Liza, “I thought she was joking, until she grabbed the back of my head and forced me down on the carpet.” 

Hanggang sa later on ay nadiskubre ng social worker ang ginagawang pang-aabuso sa kanilang magkapatid.

Pagkatapos ng nakakawindang na rebelasyon na ito ni Liza, tila nakahinga nang maluwag ang aktres at sinabing, “I actually feel lighter now.”

Pagkatapos nito ay napunta na sila sa pangangalaga ng paternal grandparents nila at dito na raw nagsimulang gumanda ang buhay nilang magkapatid.

Pero nagkasakit daw ang kanyang lolo at kinailangang tumigil sa trabaho ang kanyang lola para alagaan ang asawa. Nagkaroon na ng financial problems ang kanyang grandparents hanggang sa magdesisyon ang mga ito na pauwiin silang magkapatid sa Pilipinas para tumira sa kanilang ama.

“At the age of 10, my brother and I migrated to the Philippines to live with my estranged father,” aniya.

Inamin din niya na ayaw niya sanang pumunta ng Pilipinas at makasama ang kanyang ama dahil hindi niya ito kilala, since maliit pa siya nang magkahiwalay sila. Pero wala naman daw siyang magawa.

And the rest is history, so they say. Later ay napasok na nga sa showbiz si Liza Soberano at naging isa sa pinakasikat na artista sa kanyang henerasyon.

After 12 yrs., sa wakas, ikinasal na… SHAIRA KAY EA: SA ‘YO LANG AKO FOREVER!

ni Vinia Vivar @Frankly Speaking | August 16, 2025

Photo: EA at Shaira Diaz - IG

Opisyal nang mag-asawa sina Edgar Allan Guzman and Shaira Diaz. Ikinasal ang Kapuso celebrity couple nitong nakaraang Aug. 14 sa St. Benedict Parish, Westgrove Heights, sa Silang, Cavite na dinaluhan ng kani-kanilang pamilya at malalapit na kaibigan.

Makikita na nga sa social media ang ilang larawan mula sa kasal na ipinost ng kanilang mga bisita. 

In fairness, ang ganda-ganda ni Shaira at bagay na bagay sa kanya ang wedding gown na gawa ng South Korean designer na si Choi Jae Hoon.

Kabilang sa mga principal sponsors sa kasal ay sina Sen. Jinggoy Estrada, Boy Abunda, Jean Garcia, Arnold Clavio, Susan Enriquez, Arnold Vegafria, Ben Chan, Beautederm CEO Ms. Rei Anicoche-Tan at GMA-7 executive Annette Gozon-Valdes.

Ang mga groomsmen naman ay sina Coco Martin, Gerald Anderson, Rayver Cruz, Rodjun Cruz, Joross Gamboa at Jose Sarasola.

Nagsilbing bridesmaids sina Julia Montes, Jasmine Curtis at Arra San Agustin habang bridesmen ang mga kasamahan ni Shaira sa Unang Hirit (UH) na sina Carlo Tingcungco at Anjo Pertierra.

Kasama rin si Jennylyn Mercado bilang isa sa mga secondary sponsors.

On the day of the wedding ay nakapanayam ng UH si Shaira at ipinasilip ang ginagawa nilang preparasyon sa kasal at reception.

Sobrang excited ng aktres dahil finally ay haharap na siya sa dambana at magiging Mrs. Guzman na matapos ang 12 years nilang magkarelasyon ni EA.

“Ito ‘yung most-awaited moment naming dalawa. Sobrang excited ako na matawag s’yang my husband, asawa ko,” aniya.

Mensahe ni Shaira kay EA, “Mahal na mahal kita, alam mo ‘yan. And I’m so excited na makita ka mamaya sa aisle. I can’t wait to marry you. I can’t wait to be Mrs. Guzman. Sa ‘yo lang ako forever. Mahal na mahal kita.”

‘Kakilig!

---

Ala-Sandara Park daw… 

ZELA, GUSTONG SUGALAN NG KOREAN INVESTOR

PARA sa P-pop soloist na si Zela, compliment na madalas siyang maikumpara sa K-pop idol na si Sandara Park.

Napuna kasi ng press sa mediacon ng kanyang debut album na Lockhart na ginanap kamakailan na may similarity siya kay Sandara, especially when she performs.

Aniya ay marami na rin daw ang nagsabi nito sa kanya at flattered siya about it.

“I get it a lot. I take it as a compliment. ‘Cause hello, that’s Sandara Park. Who doesn’t like to be compared to her. But she’s really good. Kung through face lang po, mas maganda s’ya I think and more talented,” sey ni Zela.

“We have our own beauty, talent na sa amin lang. We stand on our own. I’m really glad every time I am compared to her because she’s Sandara Park,” dagdag pa niya.

At mukhang magkakaroon din ng career si Zela sa South Korea dahil may Korean investor na handang sumugal sa kanya.

Ayon sa isa sa mga bosses ng AQ Prime Music na si RS Francisco na siyang nagma-manage ng singing career ni Zela, after the presscon ay may meeting daw siya sa mga Korean investors para pag-usapan nila ang international career ng kanilang talent.

“It’s gonna be a project wherein si Zela ang gagawa ng music, s’ya rin ang kakanta, so we’re trying to elevate her craft para hindi lang dito sa Philippines, kundi makita s’ya all over,” sey ni RS.

Na-surprise naman si Zela sa malaking planong ito sa kanya ng AQ Prime Music dahil hindi pa raw niya alam ang tungkol dito.

“I’m very happy po because I really wanted to go global ever since I started in this industry and now it’s starting to happen like everything. The album is one of my dreams lang po before and it’s here na, so I’m very, very happy and grateful,” ani Zela.

Zela’s Lockhart album contains 10 tracks – A.C.E, Arangkada, 01/01, Z.L, G.O.A.T, Paraiso, Chaos, Bababa, Hanap Ka Na Lang Ng Iba, and Leave Me. 

Karamihan sa mga nasabing awitin ay siya mismo ang nagsulat.