Sa edad na 70, kayang-kaya pang magka-baby… BOSSING VIC, NAGPA-STEM CELL DAW KAYA PABATA ANG HITSURA

ni Erlinda Rapadas @Teka Nga | Feb. 4, 2025

Photo: Vic Sotto - TVJ

Marami ang labis na nagtataka kung bakit habang nadaragdagan ang edad ng TV host/comedian na si Vic Sotto ay lalong bumabata at pumopogi ang kanyang hitsura. 

Sa edad niyang 70 ay malakas pa rin ang kanyang sex appeal. Pang-leading man pa rin ang kanyang porma. Hindi siya alanganing tingnan kapag magkasama sila ni Pauleen Luna dahil hindi siya mukhang matanda.

May nagsasabing natagpuan daw ni Bossing Vic ang ‘fountain of youth’, kaya napanatili niya ang bagets na hitsura. 

Pero, mula sa ilang reliable sources, inilantad na ang sikreto ni Bossing Vic kung bakit nananatiling malakas, masigla, at young-looking ay nagpapa-stem cell ito tulad din ng ginagawa ng ibang senior stars. 

Medyo may kamahalan lang daw ang stem cell procedure ni Bossing Vic Sotto, pero sulit naman dahil bumata siya at aktibo pa rin ang kanyang sex life. Nagkaroon pa sila ng dalawang anak ni Pauleen Luna.

Nagagawa pa nilang mag-travel abroad on special occasions. Sa Japan sila nag-celebrate ng kanilang wedding anniversary ni Pauleen, kasama ang kanilang mga anak.  

---

Galanteng BF daw… JERICHO, MAY PA-TRIP TO JAPAN KAY JANINE, PATI GLAM TEAM, BITBIT

GALANTENG BF (boyfriend) pala itong si Jericho Rosales dahil niregaluhan niya si Janine Gutierrez ng trip to Japan, kasama ang glam (makeup) team ng aktres. 

Kaya naman tuwang-tuwa at todo-pasasalamat si Janine kay Echo. Sobra siyang na-flatter sa kabaitan at pagiging generous ni Jericho.  

Bukod dito, todo-effort din ang aktor para suportahan ang career ni Janine. Nag-volunteer si Echo na sumali sa fans club ni Janine at siya pa ang nagbitbit ng placards para sa GF nang pumunta ang mga fans sa isang event na guest ang aktres. 

Kaya naman, pati ang mga fans ni Janine Gutierrez ay napabilib sa ginawa ni Jericho Rosales. Naramdaman nila ang sincerity ng aktor sa kanilang idolo. 

Well, maging si Lotlot de Leon, ang mom ni Janine, ay puring-puri rin ang kabaitan at pagiging gentleman ni Jericho. Malaki ang tiwala niya kay Echo at panatag siya kapag ang aktor ang kasama ni Janine. 

Sa lahat ng nakarelasyon ng kanyang dalaga, kay Jericho Rosales siya pinakamagaan ang loob.

---

Pramis ni Heart, todo-tipid na…

“CHARAUGHT!” — SEN. CHIZ

NAGSIMULA na ang countdown para sa 40th birthday ni Heart Evangelista sa February 14. Inaabangan na ng kanyang mga fans kung ano ang magaganap na pasabog sa kaarawan ng sikat na fashion icon. May bongga ba siyang selebrasyon, o bibiyahe sila ni Sen. Chiz Escudero out of the country?  

Ano pa bang materyal na bagay ang kailangang iregalo kay Heart, eh, nasa kanya na ang lahat ng mamahaling gamit at alahas na pangarap ng isang babae?

May pangako naman si Heart noong pagpasok pa lang ng 2025, hindi na raw siya gaanong gagastos at magtitipid na. Isang bagay na tinawanan lang ni Sen. Escudero, sabay sabing “Charot!”

Alam niya na mahihirapan si Heart Evangelista na ito ay sundin. Hindi pa rin nga maawat ang kanyang wifey sa pagsa-shopping, lalo na kapag nasa Paris ito. Bale reward na raw ni Heart sa kanyang sarili ang bumili ng mga gamit na magpapasaya sa kanya.

Besides, sarili naman niyang pera ang kanyang ginagastos sa pagsa-shopping.

Maangas na direk, bigla raw tumiklop… VIC AT DARRYL, NAGHARAP NA SA KORTE

ni Janiz Navida @Showbiz Special | Jan. 18, 2025

Photo: Vic Sotto at Darryl Yap - Circulated, MJ Marfori

First time na nagkaharap kahapon, January 17, sa Muntinlupa Regional Trial Court Branch 205 sina Vic Sotto at Direk Darryl Yap.

Ito’y matapos sampahan ng 19 counts ng cyberlibel case na may hinihinging P35 M damage ng Eat… Bulaga! host ang controversial director ng The Rapists of Pepsi Paloma movie na si Darryl Yap dahil sa direktang pagdawit sa TV host sa trailer ng movie sa diumano’y pangre-rape sa dating sexy star na si Pepsi Paloma.

Inabangan ng press sina Bossing Vic (kasama ang misis na si Pauleen Luna) at Direk Darryl paglabas ng korte para mahingan ng pahayag sa kanilang unang paghaharap.

Magkahiwalay na lumabas ang dalawa kasama ang kani-kanilang mga abogado.

Nang si Bossing Vic ang makumusta ng press, ang tanging isinagot nito ay “Hindi ako puwedeng magsalita, eh,” dahil na rin sa gag order ng korte na hiniling ng kampo ni Yap.

Pero nu’ng si Darryl ang kinumusta ng media, ang sagot nito, “I’m okay. I’m still finishing the movie.” 

So, hindi pa pala tapos ang shooting ng controversial film at sabi pa nga ni Direk Darryl nu’ng matanong ng press kung itutuloy pa ba ang paggawa nito, “Dapat, dapat!”  

Ngunit hindi na sinagot ng controversial director ang tanong kung nagkausap ba sila ni Bossing Vic sa kanilang paghaharap sa korte.

Samantala, may ilang napansin ang mga netizens kay Darryl Yap sa kumalat na video clip nito paglabas ng Muntinlupa RTC.

Ilan sa mga comments na nabasa namin sa isang entertainment site, “Akala ko pa naman maangas itong si Yuck paglabas ng kotse at ng court.” 

“Feeling sikat si DY. May bodyguard pa!”

“Mukhang nagpatahi pa ng OOTD si DY haha!”

“Hindi ka naman pinipigilan YAK na gawin ‘yan. Pero bakit parang nawala ang angas mo? ‘Di ba arogante ka?”

Oh, well, nag-uumpisa pa lang ang kaso at mukhang mahaba-haba pa ang tatakbuhin kaya chill lang tayo tulad ni Bossing Vic. 

Just curious lang kung maipapalabas kaya sa mga sinehan ang movie knowing na ang chairperson ng MTRCB na si Lala Sotto ay pamangkin ni Bossing Vic at anak ni Sen. Tito Sotto.

---

Love na love pa rin daw, para sa anak… 

RUFA MAE, TODO-ASA PA SA BALIKAN NILA NG MISTER

Inamin na ni Rufa Mae Quinto sa interview sa kanya ni Tito Boy Abunda kahapon (January 17) sa Fast Talk with Boy Abunda na may pinagdaraanan ang relasyon nila ng mister na si Trevor Magallanes, pero itinanggi niyang nag-file na ng divorce ang asawa.

Ayon kay Rufa Mae, "Bilang asawa, siyempre, inaantay ko lang na maklaro kami, mag-usap pa rin kung totoo ba talagang 'yan ang nararamdaman n'ya. Kasi lagi nga rin akong wala, eh, so baka naman puwedeng lambingan na muna, makiusap, pasensiya na.

"Kasi siyempre, pagod ako, lagi akong wala, in short. Siyempre, there's always two sides of the story, pero naiintindihan ko rin na hindi naman siyempre, puro lang ako ang tama.

Siyempre, siya rin naman, may reason din. Pero we're going through something,” lahad ni Rufa Mae na hindi na nagdetalye sa problema nila ng mister.

Nilinaw niyang wala pa sa kanilang dalawa ni Trevor ang nagpa-file ng divorce. 

"Kasi kung ayaw na rin naman n'ya, bakit ko hindi rerespetuhin 'yun? Pero 'yung legalities sa mga file-file, walang nag-file ng divorce. So, hindi ako magpa-file kasi ang dami nang nag-file, nag-file na rin ako, so ang daming file.

"Ayoko munang mag-file sa mga divorce-divorce. Dito rin naman kasi kami ikinasal sa [Pilipinas], so hindi ko alam kung ano’ng gagawin, masyadong masakit pa."

Nang tanungin ni Tito Boy kung mahal pa ba niya si Trevor, diretsahang sagot ni Rufa Mae, "Oo naman, mahal ko siya, siyempre, at saka gusto ko, siyempre, makumpleto ang pamilya namin."

At kung gusto pa ba niyang magkabalikan sila?

Sagot ng komedyana, "Ako kasi, kung ayaw na, rerespetuhin ko 'yun kahit na masakit sa akin. Siyempre, 'di ba, bakit ko pipilitin ang isang tao kung 'yun 'yung nararamdaman n'ya?"

Aniya pa, "Hangga't nga walang nagpa-file, waiting lang. Kumbaga, hindi mo tinatapos kasi para rin sa anak namin 'yun. Saka wala naman kaming matinding pinag-awayan. Ako, gusto ko pa siya, 'di ba?"

Well, sana nga ay magkaayos pa sina Rufa Mae at Trevor kahit para na lang sa kanilang unica hija na si Athena.

After ni Piolo… VIC, GAME MAG-DRAMA ULI KASAMA SI VILMA

ni Janiz Navida @Showbiz Special | Jan. 17, 2025

Photo: Vic Sotto at Vilma Santos Recto - IG

Tiyak na marami ang mapapa-“Sana all” sa inamin ng latest ambassador ng Sante Barley na si Bossing Vic Sotto sa ginanap na launching niya nu’ng Martes na at his age now, 70, ay wala pa siyang maintenance medicines.

Ang sikreto ni Bossing bukod sa araw-araw niyang pag-inom ng Sante Barley sa umaga para sa kanyang good health and healthy lifestyle?

“Isa sa mga regimen ko lalo na pagdating sa pagkain, I only eat when it’s time to eat. Hindi ako kumakain in between breakfast and lunch, lunch and dinner. Hindi ako ma-junkfood. Hindi ako mahilig sa sweets. ‘Pag meron, tikim-tikim lang. I take everything in moderation.

Kahit na, alcohol o softdrinks, lahat ‘yan in moderation,” ani Bossing, na take note, bagama’t nagso-softdrinks pa rin, pero baka hindi na ‘yung brand na may letter “P” na paborito ng isang director. 

Char! Hahaha!

Nabanggit pa nga nito na hindi siya tulad nina Joey de Leon at Allan K. na mga diabetic na raw.

Tinanong namin si Bossing kung nasasabayan pa ba niya ang pagwo-workout ng misis na si Pauleen Luna tulad ng biking, pero natatawang pag-amin niya, hindi na niya keri dahil sa kanyang mga tuhod, although golf at walking daw ang kanyang exercise.

Samantala, inamin ni Bossing Vic na malaki ang naitutulong ng kanyang pag-inom ng Sante Barley products lalo na nu’ng time na ginagawa nila ang The Kingdom kung saan may mga physical scenes sila ni Piolo Pascual.

At aminado rin si Bossing na kahit first time niyang nag-drama sa pelikula, natuwa siya sa feedback ng mga tao sa role niya bilang Lakam kaya kung may offer uli na magandang istorya ay willing siyang mag-drama uli.

When asked kung sino ang dream niyang makasama pa sa drama project, aniya, ang konsepto muna ang tinitingnan niya bago siya pumipili ng makakasama.

Pero nang banggitin namin ang name ni Star for All Seasons Vilma Santos at kung posible ba silang magsama next time sa isang drama movie, “Why not?” ang game na sagot ni Bossing Vic.

Hmmm… mga Vilmanians at mga fans ni Bossing Vic, gusto n’yo ‘yan? 

---

SPEAKING of Ate Vi, first time naming napasok ang San Sebastian Cathedral sa Lipa, Batangas last Saturday kung saan ikinasal ang Star for All Seasons at si Finance Sec. Ralph Recto nu’ng December 11, 1992.

Naimbitahan kami ng good friend ni Mareng Karen Martinez na si Joel Pena, ang owner ng sikat na mall sa Lipa na Big Ben at producer ng musical stage play na San Sebastian: Isang Musikal para masaksihan ang year 2 ng special tribute nila kay San Sebastian bago

pa ang kapistahan nito sa Lunes, January 20.

Kung dati, sikat lang ang San Sebastian Cathedral dahil dito ikinasal si Ate Vi, ngayon ay dinadayo na rin ang naturang simbahan lalo’t ito pala ang patron saint ng mga sundalo dahil si San Sebastian ay isang sundalo sa Roma bago ito ipinroklamang santo.

Ang San Sebastian: Isang Musikal ay binuo ng Lipa Fiesta Executive Committee sa pangunguna ni Joel Pena at tampok dito ang mahuhusay na theater actors ng Lipa Actors Company.

Napabilib kami sa mga gumanap dito dahil kahit hindi sila A-list actors, ang huhusay nilang mag-perform at ang gaganda ng boses, lalo na ‘yung gumanap na bidang si Vince Conrad, at maging ‘yung gumanap na hari na assistant director din pala ng musical play kaya ang galing-galing ding umarte.

Ayon kay Joel, layunin nilang mas maipakilala pa ang background ni San Sebastian kaya ginawa nila ang San Sebastian: Isang Musikal na pinalakpakan ng mga nanood na residente ng Lipa at mga dumating na special guests.

Sayang nga lang at nasa bakasyon si Ate Vi sa Baguio that Saturday dahil birthday ni Sec. Ralph kaya ‘di siya nakapanood ng musical play, pero for sure, kapag napanood niya ito ay magiging proud din siya sa galing ng mga kababayan niya at masasabing puwede nang iikot sa Pilipinas ang play para mas marami pang makapanood.

Hopefully, pagbalik namin sa fiesta sa Lunes ay available na si Ate Vi para more chikahan pa.