Goodluck sa Gilas Women sa Asia Cup

ni VA / MC - @Sports | September 09, 2021

Pagkaraan ng mahabang panahon ng pagkaantala, nasimulan na rin ang paghahanda ng national women’s basketball team para sa nakatakda nilang pagsabak sa FIBA Women’s Asia Cup na gaganapin sa Amman, Jordan mula Setyembre 27 hanģgang Oktubre 3.

Ito ang inihayag ni Samahang Basketbol ng Pilipinas special assistant to the president na si Ryan Gregorio. Ayon kay Gregorio,nagsimula na ang Gilas women’s squad sa kanilang bubble camp sa Lipa City.

Dapat sana ay sa Inspire Sports Academy sa Calamba gagawin ang bubble camp ng national women's team ngunit dahil sa napakahigpit na health protocols dito ay napilitan silang humanap ng ibang venues na may mas maluwag ng kaunti ang mga panuntunan.

Ang mga kasama sa training camp ay sina Southeast Asian Games gold medalists Afril Bernardino, Janine Pontejos at Clare Castro kasama sina France Cabinbin, Khate Castillo, Ria Nabalan, Mar Prado, Andrea Tongco at mga baguhang sina Camille Clarin, Ann Pingol at Kristine Cayabyab sampu ng coaching staff sa pangunguna ni coach Patrick Aquino.

Inaasahang darating sa linggong ito buhat sa US si playmaker Ella Fajardo ng Fairleigh Dickinson University para makasama ng team sa training. Ang Gilas Women’s team ay nasa Group B kasama ng Asian powerhouse China, Australia at Chinese Taipei.

Samantala, ang kauna-unahang UAAP Varsity Channel ay inilunsad ng Cignal TV bilang tugon sa buong taon na programang inilaan para sa UAAP fans.

Inumpisahan ng UAAP ang partnership sa pay TV service provider na may 24/7-access sa lahat ng mga balita sa UAAP sports. Ang Cignal TV CH. 263 (HD) at SatLite CH. 55 na nagsimula kahapon ay maaari nang mabuksan ng mga bago at aktibong subscribers hanggang Okt. 15. Tampok dito ang mga non-stop basketball, volleyball, football at cheerdance action, na mapapanood ang 20-taon nang mga nakalipas na mga laro ng UAAP events maging ang mga legendary players ay itatampok din sa magazine shows.

Pole vaulter Obiena, tabla sa 2nd place sa World Athletics

ni Gerard Arce / VA - @Sports | September 07, 2021

Tumabla sa 2nd place si pole vaulter Ernest John Obiena sa World Athletics Continental Tour Gold-Kamila Skolimowska Memorial Silesia 2021 sa Silesian Stadium sa Chorzow, Poland noong Linggo.

Nakuhang maklaro ng 2019 SEAG gold medalist ang 5.80-meter mark kapareho ni American KC Lightfoot, habang nanguna si 2020 Tokyo Olympics silver medalist Chris Nilsen ng U.S. para sa first placefinish sa 5.86 meter. Nakamit nina Obiena at Lightfoot ang 5.70 at 5.80 sa ikalawang pagsubok.

Tinangkang maklaro ni Obiena ang 5.92-mark ng dalawang beses matapos makuha ang 5.86m, gayundin si Nilsen na pumalyang mataasan pa ang talon matapos maklaro ang 5.86 sa ikalawang pagsubok.

Tumapos sa 4th place si Kurtis Marschall ng Australia sa 5.70, na sinundan nina Piotr Lisek ng Poland at 2x World champion Sam Kendricks ng U.S. Nakakuha ng kalamangan ang Australian Pole vaulter sa pamamagitan ng count back sa mga naunang talon.

Sa nagdaang Brussels Diamond League ay nagtapos sa 10th place ang 2019 Universiade titlist sa tinalon na 5.65-meters, kung saan pinangunahan ni 2020 Tokyo Games gold medalist Armand Duplantis ng Sweden sa 6.05-meters.

Nakapasok pa rin sa prestihiyosong Diamond League finals ang Tondo, Manila native sa Setyembre 8-9 sa Zurich, Switzerland kalaban sina Duplantis, Nilsen, Lightfoot, Kendricks at Renaud Lavillenie ng France.

Karateka Tsukii, naka-gold sa Egypt Premier League

ni Gerard Arce / VA - @Sports | September 07, 2021

Nagwagi ng gold medal ang Filipino Japanese karateka na si Junna Tsukii sa women's kumite -50kg event ng 2021 Karate1 Premier League noong Linggo sa Cairo, Egypt. Ginapi ng 29-anyos na si Tsukii ang hometown bet na si Areeg Rashed, 2-1 , sa finals para sa kanyang ikatlong gold na napanalunan ngayong taon kasunod ng kanyang panalo sa Golden Belt Tournament sa Serbia noong Marso sa Premier League leg sa Lisbon noong Mayo. Naunang tinalo ni Tsukii sina Aleksandra Grujic ng Austria, Yorgelis Salazar ng Venezuela at isa pang Egyptian na si Reem Ahmed Salama upang umabot ng finals.Sa ngayon, ang 2019 Southeast Asian Games gold medalist na si Tsukii ay nasa seventh spot sa pinakahuling World Karate Federation rankings sa kanyang weight class.

Ibinuhos ni 2019 SEAG karate champion Junaa Tsukii ang kagustuhang makabawi matapos ang pagkabigo sa 2021 World Olympic Qualification Tournament.

Nakakuha siya ng puntos na ‘Yuko’ para magtapos ang laban sa 2-1 iskor. Sinubukan pa itong iapela ng kampo ng Egyptian foe sa Video Assistant Referee (VAR). “Expected her to win as she is very hungry due to the non-qualification in the recent Olympics. Bad breaks during the qualification and she conquered the setback,” wika ni Karate Pilipinas Sports Federation Inc. (KPSFI) President Richard Lim sa panayam ng Bulgar Sports sa online messaging.

Tiwala si Lim na magiging tuloy-tuloy ang momentum na hawak ng No.7th World ranked sa women’s 50kgs division na uupak pa ito ng husto sa 2022 Hangzhou Asian Games sa Setyembre sa China. “She is back really strong and focused on getting the Gold in the coming Asian Games,” saad ni Lim.

“How many times you fall, get up and keep going. I challenged the best state of the past, but I couldn't get to the Olympics, and I was so humiliating that all my effort was pointless, and I was retiring,” sambit ni Tsukii sa kanyang Facebook post. “But after all, I'm still practicing hard. I'm so happy that everyone needs it and I need everyone too. I can challenge with everyone, so I'm going to stand up again and again! I love this road where everyone is here!”