Skateboarder Olympian Didal, naoperahan; 23 Teams sa PNVF

ni VA / MC - @Sports | November 3, 2022

Nagpapagaling na ngayon si Filipino Olympian at skateboarder Margielyn Didal matapos operahan sa paa, ayon sa ulat.

Sumailalim sa operasyon ang Pinay Olympian matapos magkaroon ng fracture sa left ankle. Nakuha umano ni Didal ang injury noong lumahok siya sa Red Bull Skate Level.

Agad namang nagpasalamat si Didal sa mga doktor dahil sa matagumpay na operayson at mga fan na nagpa-abot ng kanilang dasal para sa kanyang agarang paggaling.

Dagdag pa nito na bagamat parte sa paglalaro ang injury, tiniyak niya na mag-iingat na lamang sa mga susunod paglalaro.

Samantala, may 23 koponan, 15 sa kalalakihan at 8 sa kababaihan ang magsasagupa sa ikalawang edisyon ng Philippine National Volleyball Federation (PNVF) Champion's League.

Hinati sa bisa ng draw na pinangunahan ni Don Caringal ng PNVF sa tatlong grupo ang mga koponan sa men's division at dalawa naman sa women's division.

Nagkasama-sama sa Pool A ang PGJC Navy Sea Lions, Basilan-Tennun Spikers, Cignal HD Spikers, VNS-Quezon City Griffins at AIP-University of Baguio-Benguet Province Cardinals.

Natipon sa Pool B ang Aklan Ati-Atihans, Imus City- AJAA Spikers, National University (NU)-Pasay City Bulldogs, One Bulacan Republicans at Pikit-North Cotabato AMC G Spikers.

Nabunot upang Bumuo sa Pool C ang University of the East (UE)-Cherrylume Red Warriors, Baguio City Highlanders, Bacolod City Tarags, Sta. Rosa City Lions at Army-Taguig City Troopers.

Sa women’s division magkakasama sa Pool A ang University of Batangas-Batangas City Lady Brahmans, ICC-Caloocan City Lady Bluehawks, KMS-Quezon City Lady Vikings at Imus City-AJAA Lady Spikers.

Nasa Pool B ng women's ang last year’s first runner-up CPS-Antipolo City, Davao City Lady Agilas, UE Manila-Cherrylume Lady Red Warriors at Tomodachi Bulacan Bulakenyas.

Team Lakay, nagkampeon sa Nat'l Kickboxing C'Ships

ni VA - @Sports | November 3, 2022

Naghari ang Team Lakay sa katatapos na National Open Kickboxing Championships matapos nilang magwagi ng 14 na gold, dalawang silvers at tatlong bronze medals sa pagtatapos ng kompetisyon sa Music Hall ng Mall of Asia sa Pasay City.

Nanguna sa nasabing tagumpay ng fight club na nakabase sa Baguio City sina Hanoi Southeast Asian Games gold medalists Jean Claude Saclag at Gina Iniong Araos.

Ginapi ni Saclag si Drexter Taligan ng Nak Muay sa finals ng men’s 63.5-kg low kick class sa pamamagitan ng technical knockout habang tinalo naman ni Araos si Zepania Ngaya, 2-1, sa low kick 60-kg women’s finals.

Nagwagi din ng gold para sa koponan ng trainer na si Mark Sanglao sina mixed martial artists Danny Kingad, Honorio Banario, Jeremy Pacatiw at Jenelyn Olsim sa pagtatapos ng tatlong araw na kompetisyon na inorganisa ng Samahang Kickboxing ng Pilipinas na pinamunuan ni Francis Tolentino at Secretary General Wharton Chan.

Iginupo ni Kingad ang kinatawan ng Nak Muay Camp na si Vhiko Alhado sa gold medal match men’s 63.5-kilogram full contact division habang nanaig si Olsim sa kapwa niya Taga Baguio City na si Carrol Panganiban ng Nak Muay Camp sa women’s 60-kg full-contact finals.

Pinayukod ng Vietnam SEA Games bronze medalist na si Banario si Ejay Pestaño ng Dragon Knights Martial Arts para sa gold sa men’s 71-kilogram low kick habang mangibabaw si Pacatiw Kay John Galvan ng King’s Sword ABKA Davao sa finals ng men’s 71-kg full contact.

Inangkin nina Mary Carluen at Jerlyn Kingad ang gold at silver ayon sa pagkakasunod matapos magtala ng 1-2 finish sa women's 56-kg group.

Yulo, entra sa finals ng Fig World C'Ships

ni Gerard Arce / VA - @Sports | November 2, 2022

Pasok sa finals ng apat na events si two-time World Champion at Olympian gymnasts Carlos Edriel “Caloy” Yulo matapos ang kanyang ipinakitang mahusay na performance sa preliminaries ng 51st FIG Artistic Gymnastics World Championships sa M&S Arena sa Liverpool, England kahapon ng umaga-Nobyembre 1(oras dito sa Manila).

Gold medalist sa floor exercise noong 2019 edition ng kompetisyon, umusad ang 22-anyos na si Yulo sa finals ng men’s individual all around makaraang pumangatlo sa iskor na 84.664 gayundin sa floor exercise kung saan sya ang nanguna sa naitalang 15.226.

Pasok din siya sa finals ng parallel bars pagkaraang tumapos na pang-apat sa iskor na 15.300 at 15.3, fourth) at sa vault matapos niyang pumangalawa sa iskor na 14.849.

Pumangatlo ito sa men’s all-around laban sa 24 na gymnasts upang makapasok sa finals ng makuha ang kabuuang 86.664 sa anim na apparatus upang makapasok sa top-eight.

Nauna ng nakakuha ng dalawang gintong medalya si Yulo sa 2019 Stuttgart sa floor exercise at 2021 Kitakyushu, Japan sa vault, habang silver medal ito sa parallel bars at bronze medal sa 2018 Doha. Qatar. “This was a wonderful outing by Caloy (Yulo’s), especially his third place finish in the men’s all-around qualifiers, and reaching the finals of the floor exercise, vault and parallel bars. A truly remarkable performance by a remarkable athlete,” pahayag ni gymnastics head Cynthia Carrion na nasa Liverpool din mismo. “It’s a really good result but it’s just the qualifying. I’m not being boastful, it’s not the final yet so I can do it in the final maybe I will say I am satisfied,” wika ni Yulo na nais na higitan ang mga mahuhusay na Japanese gymnasts na sina Wataru at Hashimoto sa top-two Japanese qualifiers sa men’s all-around.

Nakatakdang idaos ang final round sa Biyernes- Nobyembre 4.