Miss USA 2019 Cheslie Kryst, patay matapos umanong tumalon sa building

ni Jasmin Joy Evangelista | January 31, 2022

Patay matapos umanong tumalon sa gusali ang 2019 Miss USA na si Cheslie Kryst sa New York City. Bago umano ito tumalon, nag-post pa ito sa kanyang Instagram account na ng kanyang larawan na may caption na: “May this day bring you rest and peace.”

Ayon sa New York Police District (NYPD) nakatanggap sila ng tawag sa insidente ng pagtalon umano ng biktima sa 60-story Orion building sa 350 W. 42nd St. bandang 7:15 a.m.

Sinasabing naninirahan sa ika-siyam na palapag ng nasabing dating beauty queen. Nag-iwan din ito ng sulat na nagsasabing “leave everything to my mom”. “In devastation and great sorrow, we share the passing of our beloved Cheslie,” pahayag ng pamilya ng beauty queen.

“Her great light was one that inspired others around the world with her beauty and strength. She cared, she loved, she laughed and she shined.

“Cheslie embodied love and served others, whether through her work as an attorney fighting for social justice, as Miss USA and as a host on EXTRA,” pahayag pa ng kanyang pamilya.

“But most importantly as a daughter, sister, friend, mentor and colleague — we know her impact will live on.” Si Cheslie ay mula sa North Carolina at isang abogado noong makuha ang korona ng Miss USA.

Donasyong 3M doses ng Moderna, dumating na… 'Pinas at USA, may matinding friendship — P-Du30

ni Lolet Abania | August 3, 2021

Tinanggap ni Pangulong Rodrigo Duterte ngayong Martes ang dumating na 3,000,060 milyon doses ng Moderna COVID-19 vaccines sa Villamor Air Base sa Pasay City na donasyon ng United States.

“It is with joy and high hopes that we welcome the vaccines given to us by the United States. This highlights the strong and deep friendship between our two countries,” ani Pangulong Duterte.

“I know the sentiment of America that these vaccines should be given to those who have less in life,” dagdag ng Pangulo. Dumalo rin sa event si US Embassy in Manila Charge de Affaires John Law, na nagbitaw naman ng wikang Filipino para ipahayag ang sinseridad ng pagtulong ng kanilang gobyerno. “Nandito kami para sa inyo,” sabi ni Law.

Ang United States ay nakapag-donate na ng tinatayang 13 milyon doses ng COVID-19 vaccines sa Pilipinas.

5 patay, 156 nawawala sa gumuhong gusali sa Florida

ni Ronalyn Seminiano Reonico | June 27, 2021

Umakyat na sa lima ang bilang ng mga namatay sa pagguho ng isang bahagi ng 12-storey oceanfront building sa Surfside, malapit sa Miami Beach, Florida kamakailan.

"Today our search and rescue teams found another body in the rubble and as well our search has revealed some human remains," ani Miami-Dade County Mayor Daniella Levine Cava noong Sabado nang gabi.

Aniya pa, "It means that the unaccounted is now gone down to 156, confirmed deaths are now at a total of five.” Inaasahan namang tataas pa ang death toll dahil nahihirapang magsagawa ng rescue operations ang awtoridad dahil sa dami ng gumuhong debris.

Gumamit na rin ng sniffer dogs at heavy machineries katulad ng mga cranes upang mahanap ang iba pang nawawala.

Sa ngayon ay hindi pa rin malinaw kung ano ang dahilan ng pagguho ng naturang gusali ngunit, ayon sa awtoridad, noong 2018 pa ay mayroon nang nakitang “major structural damage” ang mga engineers at inspectors.

Patuloy pa rin ang imbestigasyon ng awtoridad at ang search, rescue and retrieval operations. Samantala, dahil sa insidente, ipinag-utos ni Mayor Cava na magsagawa ng isang buwang safety audit sa lahat ng gusali sa bansa na 40 years nang nakatayo.