White House event, binulabog ng pamamaril, Pres. Trump at FL Melania, inilikas

ni BRT @Overseas News | April 27, 2026

Ligtas sina U.S. President Donald Trump at First Lady Melania Trump matapos silang agad na inilikas ng Secret Service mula sa White House Correspondents’ Dinner.

Ayon sa mga opisyal, may lalaking may dalang shotgun na sinubukang lumapit at pumasok sa seguridad ng event. 

Binaril umano ng suspek ang isang Secret Service agent, pero hindi ito nasaktan dahil protektado siya ng suot na gear.

Pagkaraan ng insidente, nag-post si Trump sa social media na nahuli na ang suspek. Sinabi rin niyang ligtas ang lahat ng opisyal na dumalo sa event.

Iniimbestigahan pa ng mga otoridad ang insidente.

Dahil sa kakulangan ng lethal injection drugs... Firing squad at electrocution, posibleng dagdag sa death penalty sa Amerika

ni Jenny Rose Albason @Overseas News | April 26, 2026

Isinusulong ng administrasyon ni Donald Trump ang pagdaragdag ng firing squad, electrocution, at gas asphyxiation bilang mga alternatibong paraan ng execution sa federal level, ayon sa ulat ng United States Department of Justice.

Ayon sa report, layunin nitong tugunan ang kakulangan sa lethal injection drugs at matiyak na maipapatupad ang parusang kamatayan kahit may limitasyon sa supply.

Bahagi ito ng hakbang upang muling palakasin ang federal executions matapos alisin ang moratorium na ipinatupad ng nakaraang administrasyon.

Sa kasalukuyan, mahigit 40 kaso ang isinusulong para sa death penalty, bagaman wala pang umaabot sa aktwal na execution. Tatlo na lamang ang natitirang nasa federal death row matapos i-commute ng dating administrasyon ang karamihan ng mga sentensya.

Umani naman ito ng batikos mula sa mga human rights group at ilang mambabatas, na nagsabing ang mga naturang paraan ay malupit at hindi makatao.

Sa kabila nito, iginiit ng Justice Department na kinakailangan ang mga alternatibong ito upang matiyak ang pagpapatupad ng batas.

Sa kabila ng gulo sa Middle East… US, muling pinagtibay ang alyansa sa ‘Pinas — Brawner

ni Dominic Santos @News | April 20, 2026

Photo: File / Circulated

Muling pinagtibay ng United States (US) ang pakikipag-alyansa sa Pilipinas sa kabila ng nangyayaring kaguluhan sa Middle East na dulot ng US-Israel kontra sa Iran, ayon kay Armed Forces of the Philippines (AFP) chief Gen. Romeo Brawner, Jr.

Aniya, magkausap umano sila ng kanyang counterpart na si Admiral Samuel Paparo, na commander ng US Indo-Pacific Command noong nagsisimula pa lamang ang gulo sa Middle East at tiniyak nito na mananatiling malakas ang commitment ng US sa bansa.

“He assured me that despite the conflict happening now in the Middle East and elsewhere around the world, the commitment of the US is still strong, and that this year’s Balikatan exercise will be, in his own words, the biggest ever,” saad pa ni Brawner.