Sa tangkang pag-agaw sa Greenland... Denmark, nagbabala sa US

by Info @World News | January 13, 2026

Photo: Denmark Prime Minister Mette Frederiksen at Pres. Donald Trump / FB

Nagbabala ang Denmark, isang kaalyado ng North Atlantic Treaty Organization (NATO), laban sa anumang puwersahang pagkuha ng Greenland matapos muling ipahiwatig ni US President Donald Trump ang ganitong posibilidad. 

Ayon kay Prime Minister Mette Frederiksen, nasa mapagpasyang sandali ang Denmark sa Diplomatikong alitan ukol sa Greenland. 

Binigyang-diin niya na may umiiral na alitan at ang isyu ay may mas malawak na epekto sa pandaigdigang ugnayan, hindi lamang sa kinabukasan ng teritoryo.

Dagdag pa ni Frederiksen, handa ang Denmark na ipagtanggol ang kanilang mga pinapahalagahan, igalang ang International Law, at suportahan ang karapatan ng mga mamamayan sa sariling pagpapasya, lalo sa rehiyon ng Arctic.

Matapos maaresto si Maduro... Venezuela, patatakbuhin na ng Amerika — Trump

by Info @World News | January 4, 2025

Photo File: Donald Trump / AFP

Ipinahayag ni U.S. President Donald Trump, ngayong Linggo (Jan. 4 Manila time) na pamamahalaan o patatakbuhin na ng Estados Unidos ang Venezuela kasunod ng kanyang inilarawan bilang "successful" ang magdamag na military operation na humantong sa pag-aresto kay Venezuelan President Nicolás Maduro at sa asawa nito na si Cilia Flores, sa Caracas.

Sa kanyang pagsasalita mula sa Mar-a-Lago sa Florida, sinabi ni Trump na ang US armed forces ay nagsagawa ng isang coordinated air, land, at sea assault sa Venezuelan capital nitong Sabado, laban sa military unit na tapat kay Maduro at inaresto ang mag-asawa.

“We are going to run the country until such time as we can do a safe, proper, and judicious transition,” ayon Kay Trump.

Mananatili naman ang US forces sa Venezuela hanggang sa maitatag ang isang bagong gobyerno nito, dagdag pa niya.

Moderna vaccine laban sa COVID-19, aprub na sa US

ni Thea Janica Teh | December 19, 2020

Inaprubahan na ng United States nitong Biyernes ang paggamit ng COVID-19 vaccine na Moderna, ang ikalawang vaccine na gagamitin bilang emergency use.

Ayon kay Food and Drug Administration (FDA) Chief Stephen Hahn, "With the availability of two vaccines now for the prevention of COVID-19, the FDA has taken another crucial step in the fight against this global pandemic."

Agad din itong inanunsiyo ni US President Donald Trump sa kanyang Twitter account at sinabing "Congratulations, the Moderna vaccine is now available!"

Ang US ang kauna-unahang nag-authorize ng two-dose regimen sa Moderna, na ngayon ay ikalawang vaccine na ipamamahagi sa Western country sumunod sa Pfizer-BioNTech.

Nitong Disyembre 2, inaprubahan ng Britain ang Pfizer-BioNTech vaccine at sinundan na ito ng iba pang bansa sa buong mundo kabilang ang US.

Ang Pfizer at Moderna vaccine ay parehong base sa cutting edge mRNA (messenger ribonucleic acid) technology at pareho ring nagpakita ng 95% effectivity laban sa COVID-19.

May ilang side effects na naitala sa mga vaccine na ito tulad ng pain at the injection site, tiredness, headache, muscle pain, chills, joint pain, swollen lymph nodes, nausea, vomiting at fever.

Pero ayon sa US FDA, walang dapat ikabahala ang publiko dahil under monitoring na nila ang mga nakaranas ng side effects.

Plano nang ipadala sa US ang 20 milyong Moderna vaccine ngayong buwan at 80 milyon sa unang quarter ng 2021.

Samantala, ipamamahagi naman ang 100 milyong dose ng Moderna vaccine sa second quarter ng taon.