Kahit binatikos na… POTUS Trump, muling nag-post ng picture kasama si Hesus

ni Dominic Santos @World News | April 17, 2026

Muling nag-post ng isang Artificial Intelligence (AI) image si United States (US) President Donald Trump kasama ang imahe ni Hesus sa kabila ng mga pambabatikos na natanggap sa una nitong inilabas na makikitang nagpapagaling siya ng isang lalaki bilang si Hesus.

Ayon sa caption ni Trump, maaari umanong hindi na naman magustuhan ng umano’y “Radical Left Lunatics” ang kanyang post ngunit tingin niya umano ay ‘nice’ ang larawan kung saan ipinapakita na yakap-yakap siya ni Hesus.

‘Pag ‘di binuksan ang Strait of Hormuz... Trump pinagbantaan ang Iran, magpapasabog sa loob ng 48 oras

by BRT @World News | March 24, 2026

Photo: File / Donald J. Trump - Reuters - FB

Pinagbantaan ni US President Donald Trump ang Iran at inaatasan nito ang Tehran na muling buksan ang Strait of Hormuz sa loob ng 48 oras o haharap ito sa posibleng pag-atake ng Amerika sa kanilang mga pasilidad ng kuryente.

Sa kanyang mensahe sa Truth Social, sinabi ni Trump na handang targetin ng militar ng US ang mga power grid ng Iran, lalo na ang pinakamalalaking planta nito kung hindi agad papayagan ang malayang pagdaan ng mga barko.

Ang tumitinding alitan ay nag-ugat sa halos pagsasara ng Iran sa nasabing strait, na dinaraanan ng halos 20 percent ng pandaigdigang suplay ng langis. Dahil dito, sumipa ang presyo ng krudo at lumampas sa $100 (P6K) kada bariles.

Sa kabila ng pagtaas ng presyo ng langis at iba pang bilihin, iginiit ni Trump na hindi kritikal ang Strait of Hormuz para sa US, at tinawag ang mataas na presyo ng langis bilang “maliit na kapalit” para sa mas malawak na seguridad ng mundo.

Supreme Leader ng Iran, dedo na — POTUS Trump

ni Dominic Santos @News | March 1, 2025

Photo File: Circulated / Donald J. Trump

‘One of the most evil people in the world is dead’

Kinumpirma ni United States (US) President Donald Trump na patay na ang Supreme Leader ng Iran na si Ayatollah Ali Khamenei kasunod ng ginawa nilang US-Israeli strike.

“Khamenei, one of the most evil people in History, is dead. This is not only Justice for the people of Iran, but for all Great Americans, and those people from many Countries throughout the World, that have been killed or mutilated by Khamenei and his gang of bloodthirsty THUGS,” ayon kay Trump.

Dagdag pa niya, “He was unable to avoid our Intelligence and Highly Sophisticated Tracking Systems and, working closely with Israel, there was not a thing he, or the other leaders that have been killed along with him, could do.”

Iginiit din niya na ito umano ang tamang pagkakataon para sa mga taga-Iran upang bawiin ang kanilang bansa dahil nabatid umano nila na ayaw nang lumaban ng Islamic Revolutionary Guard Corps (IRGC), Military, at ng iba pang puwersa at humihingi umano ang mga ito ng ‘immunity’ mula sa kanila.

“As I said last night, “Now they can have Immunity, later they only get Death!” Hopefully, the IRGC and Police will peacefully merge with the Iranian Patriots, and work together as a unit to bring back the Country to the Greatness it deserves,” saad pa ni Trump.

---

Mga estudyante, kaanak ng Supreme Leader ng Iran, patay din sa airstrike

Usok sanhi ng pagsabog sa Tehran, Iran nitong Pebrero 28, 2026. Photo: AP

Iba pang patay sa airstrike

Kinumpirma ng Iranian state media na kabilang sa mga pumanaw sa US-Israeli airstrike ang babaeng anak at apo ni Iranian Supreme Leader Ayatollah Ali Khamenei.

Kasabay nito ay patay din ang dalawang manugang ni Khamenei sa naturang airstrike.

Nadamay din ang hindi bababa sa 40 estudyante matapos bombahin ng Israel ang isang school building sa bayan ng Minab sa Southern Iran nitong Sabado, Pebrero 28.