Biyahe mula ‘Pinas, India at Pakistan pa-HK, suspendido

ni Ronalyn Seminiano Reonico | April 19, 2021

Pansamantalang sinuspinde ang mga flights papuntang Hong Kong mula sa India, Pakistan at Pilipinas nang dalawang linggo simula bukas, April 20, dahil sa N501Y mutant COVID-19 strain, ayon sa awtoridad.

Noong Linggo, nakapagtala ang Hong Kong ng 30 bagong kaso ng COVID-19 kung saan 29 diumano ang “imported cases.”

Saad ng pamahalaan ng Hong Kong, "It applied the criteria of the newly implemented place-specific flight suspension mechanism retrospectively for 14 days on places where there had been imported cases confirmed by arrival tests that carried the N501Y mutant strain.

"India, Pakistan, and the Philippines all had a seven-day cumulative number of relevant cases that reached the criteria in the past 14 days."

LRT-1 at LRT-2, walang biyahe sa Holy Week

ni Mary Gutierrez Almirañez | March 23, 2021

Tigil-operasyon muna ang Light Rail Transit (LRT) 1 simula sa ika-31 ng Marso hanggang sa ika-4 ng Abril dahil sa kanilang Holy Week maintenance schedule, batay sa Light Rail Manila Corporation (LRMC) ngayong umaga, Marso 23.

Ayon pa kay LRMC COO Enrico R. Benipayo, “The work we will need to do on our lines is to ensure that our train system continues to perform at its best.

We are doing everything we can for a better and smoother commute on the LRT-1.”

Kaugnay nito, nauna na ring nag-abiso ang LRT-2 sa naka-schedule nilang maintenance ngayong darating na Holy Week kaya pansamantalang maaantala ang kanilang operasyon.

Inaasahan namang magbabalik-operasyon ang mga tren sa ika-5 ng Abril.

Bibiyahe papasok at palabas ng Metro Manila, bawal

ni Mary Gutierrez Almirañez | March 21, 2021

Ipinatupad ang bagong restrictions sa ilalim ng General Community Quarantine (GCQ), kung saan bawal bumiyahe palabas ng Metro Manila papunta sa probinsiya ng Bulacan, Cavite, Laguna at Rizal, gayundin ang mga nabanggit na probinsiya papuntang Metro Manila, ayon kay Presidential Spokesperson Harry Roque ngayong hapon, Marso 21.

Aniya, magkakaroon ng tinatawag na ‘bubble’ sa mga nasabing lugar at ang puwede lamang maglabas-masok ay ang mga authorized person katulad ng mga sumusunod:

• Empleyado na may company I.D.

• Healthcare workers at emergency frontliners

• Kawani ng gobyerno

• Duly-authorized humanitarian assistance actors

• Bibiyahe para sa medical o humanitarian purposes

• Pupunta sa airport para mag-travel

• Returning overseas Filipino o balikbayan

Kaugnay nito, iginiit din niya na mananatili ang mga pampublikong transportasyon sa kanilang current capacity. “Bagama’t ine-encourage po natin, hinihikayat natin ang publiko na magbisikleta or maglakad, pero wala pong pagbabawas sa public transportation,” paglilinaw pa niya.