Miyembro ng kidnap-for-ransom, tatakas, nabaril, patay

ni Thea Janica Teh | December 9, 2020

Patay ang isang hinihinalang miyembro ng kidnap-for-ransom group sa Sitio Sahaya sa Barangay Mampang, Zamboanga ngayong Miyerkules nang umaga matapos itong mabaril dahil nagtangkang tumakas sa pag-aresto ng mga awtoridad.

Ayon sa Western Mindanao Command (WESMINCOM), nagbigay ng arrest warrant ang law enforcement unit para kay Samad Awang alias Ahmad Jamal y Mara nang barilin nito ang isang pulis gamit ang caliber .45.

Kuwento ni WESMINCOM Commander Col. Antonio John Divinagracia, nilabag ni Awang ang Article 267 of the Revised Penal Code o serious illegal detention, kidnapping at hostage-taking na ibinigay ni presiding judge Josefina Bael ng 9th Judicial region, Regional Trial Court Branch 31 sa Imelda Zamboanga Sibugay.

Nakuha ng ilang pulis sa suspek ang baril na ginamit nito kasama ang ilang magazine na may 7 live ammunition at dalawang fired cartridges.

Dagdag pa ni Divinagracia, isa si Awang sa most wanted sa Police Regional Office 9.

Matatandaang pinangunahan ni Awang ang pag-kidnap kay Joel Endino noong January 29, 2011 sa Ipil Zamboanga Sibugay at siya rin ang suspek sa pagkidnap kay Gean Carlos Bossi noong 2007 at Kathy Casipong noong 2013.

4 na leon sa Barcelona, nagpositibo sa COVID-19

ni Thea Janica Teh | December 9, 2020

Nagpositibo sa COVID-19 ang apat na leon sa isang zoo sa Barcelona, Spain matapos isailalim sa RT-PCR test.

Tatlong 16-anyos na babaeng leon ang mga ito na kinilalang sina Zala, Nima at Run Run at isang 4-anyos na lalaking leon na si Kiumbe.

Ayon sa mga beterinaryong tumingin sa mga leon, nakitaan umano ang apat ng ilang sintomas kaya naman agad silang isinailalim sa COVID-19 test tulad kung paano sumasailalim sa test ang mga tao.

Napag-alaman ding dalawa sa staff ng zoo ang nagpositibo rin sa COVID-19 matapos ang outbreak noong nakaraang buwan.

Sa ngayon ay nakipag-ugnayan na ang Veterinary Service of Barcelona sa Bronx Zoo sa New York na nakapagtala rin ng 3 leon at 4 na tigre na nagpositibo sa virus noong Abril pero gumaling din naman.

"The lions were given veterinary care for their mild clinical condition - similar to a very mild flu condition - through anti-inflammatory treatment and close monitoring and the animals responded well," bahagi ng Barcelona Zoo.

Samantala, patuloy pa rin ang imbestigasyon ng mga awtoridad kung paano nakuha ng apat na leon ang COVID-19.

E-learning platform na nagtataguyod ng kulturang Filipino, inilunsad

ni Thea Janica Teh - @Bulgarific | December 9, 2020

Hello, Bulgarians! Kamakailan ay isinagawa ang kauna-unahang virtual press launches ng Suyomano, isang online learning platform na nagtataguyod sa kultura ng Filipino.

Ang Suyomano ay nagsimula noong Agosto 2020 ni Mary Lou Cunanan. Ito ay mula sa salitang “suyo” na ang ibig sabihin ay gentle affection at “mano” na ang ibig sabihin ay pagmamano sa nakatatanda. Ito rin ay binubuo nina Aames Aguas, Xerxes Itao, Jackielyn Hunio, Catherine Sy Luib at Emmanuel Damian na mga naniniwala sa preservation ng Philippine culture gamit ang digital education.

Bilang selebrasyon ng Filipino Heritage sa buwan ng Oktubre, nakipagtulungan ang Suyomano sa PG&E Samahan sa San Francisco, California at Galing Foundation sa Atlanta, Georgia upang magsagawa ng Filipino cultural classes. Karamihan sa mga kasali rito ang Filipino-Americans na gustong pagyamanin ang kanilang kaalaman sa Filipino heritage.

Bukod pa rito, kasama rin sa selebrasyon ang manila Heritage Foundation sa San Francisco, San Diego’s Filipino Food Movement, Filipino Cinema at Philippine Consulate sa Hawaii.

Samantala, sa Pilipinas, nagsagawa ang Suyomano ng Bayanihan campaign upang masuportahan ang turismo ng Pilipinas sa panahon ng pandemya. Pumirma na rin ang Suyomano ng isang agreement sa Intramuros Administration upang magkaroon ng virtual tour sa Old Manila.

Alok ng Suyomano ang ilang cultural learning experiences tulad ng local language series mula ancient scriptwriting hanggang traditional martial arts at indigenous tribal cultures. Ang mga ito ay pangungunahan nina filmmaker Benito Bautista, T’boli artist Lyn Lambago at Filipino branding maven Corinne Romabiles. Ang lahat ng malilikom sa online class na ito ay ibibigay sa T’boli tribal house.

Ngayong darating na Kapaskuhan, magsasagawa ang Suyomano ng mga klase patungkol sa turismo ng Pilipinas, Christmas tradition at bagong Filipino language series. Ito ay pangungunahan nina Chef Trisha Ocampo, isang alumna ng illustrious Le Cordon Bleu at ilan pang keynote speakers.

Para sa iba pang impormasyon, maaariing bisitahin ang kanilang website sa www.suyomano.com o ang kanilang social media accounts sa – Facebook- https://www.facebook.com/Suyomano/ at Instagram- https://www.instagram.com/suyomano/