Thai drug dealer, timbog

ni Mabel Vieron (OJT) | March 4, 2023

Ni-raid ng Thai investigative police ang isang condo sa suburb ng Bangkok na tinataguan umano ng isang smuggler ng droga na ilang buwan nang tumakas.

Kinilala ang suspek na si Saharat Sawanjaeng, 25, isang Thai national at residente ng Bangkok.

Ayon sa pulisya, sumailalim sa maraming plastic surgery ang suspek hanggang sa hindi na ito makilala.

Si Sawanjaeng ay pinaghahanap mula noong nakaraang taon dahil sa umano'y pag-import ng higit sa 2,500 gramo at 290 tablet ng MDMA.

Umamin umano si Sawanjaeng sa pagkakaroon ng worldwide connections, na kinasuhan ito ng habambuhay na pagkakulong dahil sa pag-import at ilegal na pamamahagi nito sa Thailand.

Valentine’s Day reminder ng Thailand: Safe pandemic sex

ni Jasmin Joy Evangelista | February 13, 2022

Nagpaalala ang health authorities ng Thailand ngayong Valentine’s Day sa mga couple na gawin ang safe pandemic sex — tulad ng pagsusuot ng face masks habang nagtatalik.

Ang daily coronavirus case numbers sa Southeast Asian tourism hub ay umakyat ng 8,000 sa simula pa lamang ng buwan.

Ayon sa mga health authorities, posibleng ngayong February 14 ay tumaas ang kaso ng COVID-19.

“Covid isn’t a sexually transmitted disease, but catching Covid is possible through close-contact breathing and exchanging saliva,” ani Bureau of Reproductive Health director Bunyarit Sukrat sa pahayag sa Agence France-Presse (AFP) nitong Biyernes.

Inirekomenda rin niya na magsagawa ng antigen test bago ang kanilang date upang maiwasan ang hawahan.

Ayon pa kay Bunyarit, “lovers are urged to avoid face-to-face sex positions and deep kissing” at pinapayuhang gumamit ng contraceptives kung nais maiwasan ang unwanted pregnancy.

“If possible, wearing face masks while having sex can help reduce Covid risks,” aniya pa.

Popular ang Valentine’s Day sa Thailand at kinokonsidera bilang masuwerteng araw para magpakasal ang mga couples.

Travel restrictions sa 10 bansa, extended sa Agosto 15

ni Ronalyn Seminiano Reonico | July 30, 2021

Pinalawig ng Pilipinas ang travel restrictions sa mga biyahero mula sa sampung bansa hanggang sa Agosto 15 upang maiwasan ang pagkalat ng COVID-19 Delta variant, ayon sa Malacañang.

Saad ni Presidential Spokesperson Harry Roque, "President Rodrigo Duterte approved the recommendation of the Inter-Agency Task Force (IATF) to extend the travel restrictions currently imposed to 10 countries until August 15. These countries include India, Pakistan, Nepal, Sri Lanka, Bangladesh, Oman, United Arab Emirates, Indonesia, Malaysia and Thailand."

Samantala, inilabas na rin ng Malacañang ang listahan ng mga bansang ikinokonsidera bilang “green countries” o ang mga low-risk sa COVID-19 na binubuo ng: Albania, Antigua and Barbuda, Benin, Brunei, Cayman Islands, Comoros, Djibouti, Gabon, American Samoa, Australia, Bermuda, Bulgaria, Chad, Ivory Coast, Equatorial Guinea, Gambia, Anguilla, Azerbaijan, Bosnia and Herzegovina, Burkina Faso, China, Dominica, Falkland Islands, Ghana, Grenada, Kosovo, Marshall Islands, Montserrat, Niger, Northern Mariana Islands, Romania, Saint Pierre and Miquelon, Slovakia, Hong Kong, Laos, Federated States of Micronesia, New Caledonia, Nigeria, Palau, Saba, Singapore, Taiwan, Hungary, Mali, Moldova, New Zealand, North Macedonia, Poland, Saint Barthelemy, Sint Eustatius, at Togo.