Sobrang in love sa misis… DENNIS, AMINADONG UNDER KAY JENNYLYN

ni Erlinda Rapadas @Teka Nga | Feb. 18, 2025

Photo: Dennis at Jennylyn - Instagram

Nang mag-guest sa Fast Talk with Boy Abunda (FTWBA) sina Jennylyn Mercado at Dennis Trillo, marami ang nagulat nang sabihin ng aktor na siya ay isang mister na under. Para kasing hindi ma-imagine ng sinuman na ang isang macho at seryosong aktor na tulad ni Dennis ay sunod-sunuran sa kanyang wifey na si Jennylyn. 

Ganunpaman, marami namang dahilan kaya nagiging under o submissive ang isang mister sa kanyang misis. Maaaring mahal na mahal ni Dennis si Jennylyn, kaya lahat ay ginagawa niya upang mapasaya ang kanyang wifey. 

Maaari rin na dumating na si Dennis sa punto ng kanyang buhay na mature na siya at ayaw na ng anumang pagtatalo at hindi nila pagkakaunawaan ni Jen, kaya hindi na lang siya kumokontra sa anumang sabihin nito.

Well, maraming babae ang naiinggit at napapa-sana all sa suwerte ni Jennylyn Mercado sa piling ni Dennis Trillo. Ang lakas pa rin ng sex appeal ng Kapuso actor kahit isa na itong padre de familia.

Samantala, marami raw bagong mag-asawa ang makaka-relate sa pelikulang Everything About My Wife (EAMW) na pinagtambalan nina Jennylyn at Dennis Trillo kasama si Sam Milby. Pareho silang nagtulungan at nag-share ng mga ideas upang mapaganda ang movie.

---

Patuloy na sinisilip ng mga netizens ngayon ang umiiral na political dynasty na mahigpit na tinututulan ng marami. 

Bakit hindi pinapayagan na ang magkakapamilya ay sabay-sabay na tumakbo sa iba’t ibang posisyon, o nagpapalitan na lang ng puwesto kapag nahalal na? 

Pero, depensa naman ng mga supporters ng ilang political clans, hindi masisisi kung patuloy na ibinoboto ang mga kandidatong galing sa isang angkan lalo’t nakikita naman na sinsero sa pagtulong sa mahihirap at ginagawa ang tungkulin bilang public servant. 

Tulad na lang ni Sen. Bong Revilla, Jr. na nagsimula ang political career sa Cavite. Pinatunayan niya na karapat-dapat siyang maging lingkod bayan. Nahalal siya bilang  senador at patuloy na pinagkakatiwalaan ng mga botante dahil sa mga batas na naisulong niya sa Senado na napapakinabangan ng marami. 

Maging ang kanyang maybahay na si Lani Mercado ay naging mayor din sa Imus, Cavite, hanggang sa maging congresswoman ng 2nd District ng Cavite. 

Ang anak nilang si Jolo Revilla ay congressman ng 1st District ng Cavite. Si Bryan naman ay kumakatawan sa Agimat Partylist. 

Dahil sa magandang serbisyo ng pamilyang Revilla, hindi na isyu sa mga botante ang political dynasty lalo na’t madali silang lapitan ng mga nangangailangan.

Samantala, ang isyu ng political dynasty ay ibinabato rin sa Star for All Seasons na si Vilma Santos dahil sa pagpasok sa political arena ng dalawa niyang anak na sina Luis Manzano at Ryan Christian Recto. 

Tatakbong governor si Ate Vi at vice-gov. si Luis Manzano. Si Ryan Christian naman ay kandidatong congressman sa 6th District ng Batangas, kung saan dating congressman si Ralph Recto. Dati na ring naging congresswoman dito si Vilma Santos. 

Nakasalalay ngayon sa mga Batangueños ang magiging kapalaran sa pulitika nina Luis Manzano at Ryan Christian. Pero, ang Star for All Seasons, mahal ng mga Batangueños kaya nakatitiyak na ng panalo. 

---

NAG-AALALA ang mga fans na baka raw masapawan si Gabbi Garcia sa kanyang pagiging co-host sa PBB Collab Celebrity Edition. Nag-iisa lang kasi si Gabbi na Kapuso host at ang makakasama niya ay sina Bianca Gonzalez, Robi Domingo, Kim Chiu, Melai Cantiveros at Enchong Dee na pawang mga Kapamilya artists. Kaya inaabangan ng mga tagahanga ni Gabbi kung ano ang segment na ibibigay sa kanilang idolo sa PBBCE. 

Ganunpaman, naniniwala ang mga Gabbi supporters na ang tipo ng aktres ay hindi basta umuurong sa mga challenges, she’s smart and witty. Kahit na sina Bianca, Robi, Kim, Melai at Enchong ang kasama niya sa reality show, tiyak na mapapansin din siya. 

At kahit paano, may experience na siya sa pagho-host sa mga events. 

For sure, paghahandaan din ni Gabbi Garcia ang mga isusuot niyang outfits sa PBB Collab Celebrity Edition, dahil isa ‘yun sa mga aabangan ng mga viewers.

---

PAGKATAPOS niyang mag-debut, marami raw gustong baguhin sa kanyang sarili ang Kapuso young artist na si Sofia Pablo. May ilan kasing nag-comment na kahit 18 years old na siya ay pa-cute at pabebe pa rin siyang kumilos at magsalita.

May ilan din ang nagsasabing ang arte-arte niya at umaastang teenager pa rin. Kaya ngayong 2025, nangako si Sofia Pablo na sisikapin na niyang magbago at maging seryoso.

Hindi man niya ito magagawa nang biglaan, unti-unti niyang babaguhin ang kanyang pabebe traits. Kikilos na siya bilang isang mature woman upang magmarka ang kanyang character na ginagampanan sa Prinsesa ng City Jail (PCJ), kasama ang leading man niyang si Allen Ansay. 

Petite si Sofia, kaya kailangan niya ng mature at mapuwersang pagganap upang magmarka ang kanyang character na ginagampanan. 

Although bagay sa kanya ang role na api-apihan, kailangan din na ipakita niya na kaya niyang lumaban. 

Dapat ding baguhin ni Sofia ang pitch o timbre ng kanyang boses upang lumutang siya sa PCJ. Likas na soft-spoken si Sofia Pablo, at ito ang dapat niyang baguhin.

V-Day gift ng BF bukod sa flowers… HALIK KAY RAYVER, KAPALIT NG GITARA NI JULIE ANNE

ni Erlinda Rapadas @Teka Nga | Feb. 17, 2025

Photo: Julie Anne at Rayver - Instagram

Bonggacious ang ibinigay na Valentine gift ni Rayver Cruz sa kanyang lady love na si Julie Anne San Jose. 

Sinorpresa niya ang nobya nang bigyan niya ng mamahaling bass guitar. Isa na naman itong karagdagan sa mga musical instruments sa music room ni Julie Anne.

Ganoon na lang ang tuwa ni Julie Anne dahil bukod sa regalong bouquet of roses ni Rayver ay may surprise Valentine gift pang bass guitar na matagal na niyang pinangarap bilhin. Kaya naman may natanggap din na Valentine kiss si Rayver mula sa nobyang si Julie Anne.  

Marami naman ang labis na naiinggit sa tatag ng relasyon nina Julie Anne San Jose at Rayver Cruz. Perfect love team sila in real life, nagkakatulungan sa kani-kanilang career at nagsisilbing inspirasyon ng isa’t isa. 

Pareho nilang iniingatan ang kanilang relasyon at parehong nangangarap na maabot ang kanilang goal sa buhay.

Wish ng mga fans nina Julie Anne at Rayver ay huwag matulad kina Barbie Forteza at Jak Roberto ang love story ng dalawa.

---

MARAMING fans ni KC Concepcion ang natuwa sa balitang nagkabalikan sila ng ex-BF niyang Azkals player na si Aly Borromeo. 

May post sa social media si Aly na may kasamang babae noong Valentine’s Day, at kahit nakatakip ang mukha, obvious daw na si KC ang ka-date nito.

Dating magkasintahan sina KC at Aly noong 2016. Two years din silang naging magkarelasyon bago nauwi sa paghihiwalay. 

Muling nagkrus ang kanilang landas nang dumalo si KC sa isang arts event at nagkita sila ni Aly, kaya muling nabuksan ang kanilang communication line. Marami ang umaasa na mauuwi na sa seryosong relasyon ang kanilang pagbabalikan.  

Pagdating sa aspeto ng love life ni KC, ayaw makialam ni Megastar Sharon Cuneta. Nasa tamang edad na raw si KC at kaya nang magdesisyon pagdating sa pag-ibig. Matured na ito at marami nang natutunang leksiyon sa buhay. 

Basta ang wish lang ni Shawie ay matagpuan ni KC ang lalaking tunay na magmamahal sa kanya at handa siyang ipagtanggol at ipaglaban. Hindi kailangang pantayan ng lalaki ang yaman ni KC Concepcion, basta mabait, may goal sa buhay, at magiging mabuting asawa at padre de pamilya, pasado na kay Mega.

---

THIRTEEN years na palang walang love life si Piolo Pascual, kaya hindi problema sa kanya tuwing sumasapit ang Valentine’s Day. 

Ito ang inamin ni Papa P nang mag-guest siya sa Toni Talks (TT) ni Toni Gonzaga.

Marami silang bagay na napag-usapan. Isa na rito ay ang love life ni Piolo. Marami ang interesado na malaman ang latest na kaganapan sa buhay-pag-ibig ng aktor.

Maging si Toni ay nagulat at hindi makapaniwala na for the longest time ay hindi na nakipagrelasyon si Piolo at nanatiling single.

Matatandaang ang huling nabalitang GF ni Piolo ay sina KC Concepcion at Shaina Magdayao. 

Paliwanag ni Papa P, kahit matagal siyang single ay hindi naman niya naramdaman na may kulang sa kanyang buhay. Masaya siya sa buhay-binata na malaya. At may mga kaibigan naman siyang nakakasama on special occasions.

Secure na rin ang kanyang future at financially stable na. Tahimik siyang namumuhay sa kanyang rest house at farm. Ramdam din niya ang payapang buhay dahil sa kanyang matibay na pananampalataya sa Diyos.  

At this point of his life, hindi siya naghahanap ng ‘someone special’ na makakasama.  

---

SASALI si Manny Pacquiao sa reality competition ng Netflix sa Korea, ang Physical: 100 Season 3. Ito ay isang survival show na nakatakdang ipalabas sa fourth quarter ng 2025. Tampok dito ang competition between Asian countries. 

Well, si Manny Pacquiao ang napili upang maging representative ng Pilipinas.

Kahit retirado na si Pacman sa larangan ng boxing, physically fit pa rin ang dating senador. Regular pa rin siyang nagdyi-gym, nag-e-exercise, at nagra-running.

Maalaga siya sa kanyang katawan at kalusugan. Hindi siya nagpabaya sa kanyang pisikal na pangangatawan. Hindi siya tumaba, maliksi pa rin at na-maintain ang dating timbang.

Abala ngayon si Pacman sa campaign trail dahil tatakbo siya ulit bilang senador sa darating na midterm election. Eh, papaano kaya kung mananalo ulit siyang senador, tutuloy pa kaya siya sa pagsali sa reality show na Physical: 100?

Aktres, kahit may cheating scandal, mabenta pa rin… ANDREA, SAPAW KAY MARIS KAYA LUMAYAS SA STAR MAGIC

ni Erlinda Rapadas @Teka Nga | Feb. 16, 2025

Photo: Andrea Brillantes at Maris Racal - Instagram

Nasa pamamahala na ngayon ni Shirley Kuan ang career ni Andrea Brillantes. Iniwan na niya ang Star Magic at piniling lumipat sa manager nina Bea Alonzo at Albert Martinez.

Sey ng mga netizens, si Maris Racal ang dahilan kaya nagbabu sa Star Magic si Andrea. Si Maris daw kasi ang mas pinapaboran at ibini-buildup nang husto ng Star Magic, kaya medyo napapabayaan na si Andrea. 

Mas magaganda rin ang exposure at TV shows ni Maris, tulad ng pagkakasama niya sa Incognito.  

Well, mas marami ang nagkakainteres sa mga kaganapan ni Maris sa kabila ng kanyang pagkakaroon ng cheating scandal kasama si Anthony Jennings. 

At game na game rin si Maris sa kahit anong gimmick para sa kanyang career, tulad ng pagpayag niyang tumakbo nang naka-bra at panty lang sa isang eksena niya sa Incognito.

Kakayanin ba ‘yun ni Andrea Brillantes at higitan ang ginawa ni Maris Racal?

Naging attraction din ang pagrampa ni Maris sa Berlinale International Film Festival (BIFF) dahil kalahok ang movie niyang Sunshine sa nasabing film fest. 

Well, dapat kumilus-kilos na rin si Andrea Brillantes bago siya mapag-iwanan.

Paglilinaw din ni Andrea, nasa ABS-CBN pa rin siya kahit nagpa-release na sa Star Magic. At mapapanood din ang pagpasok niya sa Batang Quiapo. 

---

Third party daw sa surfer at kay Andi, sinira in public… DEREK KAY PHILMAR: MAGPAKALALAKI KA!

HINDI magiging madali para kay Andi Eigenmann ang pakikipaghiwalay sa karelasyong si Philmar Alipayo. Kahit na ilang beses pa silang mag-away at magkaroon ng problema sa kanilang pagsasama, hindi niya basta maiiwan ang surfer. 

May dalawa silang anak na unang maaapektuhan dahil malapit ang mga ito sa kanilang ama. 

Besides, ayaw ni Andi ng broken family. Gusto niya ng isang buo at kumpletong pamilya, kaya nga mas pinili niya si Philmar at manatili sa Siargao. Tinalikuran ni Andi ang mundo ng showbiz dahil ang gusto lang niya ay simpleng buhay sa isla. 

Kaya naman madali niyang napatawad si Philmar at kinalimutan na ang isyu sa 224 tattoo sa girl best friend nito na si Pernilla Sjöö.  

Bagama’t may pagkakamali rin si Philmar sa pagpayag niyang magpa-tattoo sila ni Pernilla, may mga nagsasabing mali rin si Andi sa kanyang pag-e-emote sa social media.

Lumaki ang nasabing isyu at pinagpiyestahan ng mga bashers sina Philmar at Pernilla.

Kaya ang advice ng mga netizens kina Andi at Philmar ay putulin na ang friendship nila kay Pernilla upang maiwasan ang gulo. At dapat ding lumugar si Philmar sa tama dahil may pamilya na siya.

Sey nga ni Derek Ramsay sa kontrobersiyal na surfer, “Magpakalalaki ka, Philmar, at ‘wag mandamay ng iba! Dapat kang mag-sorry kay Pernilla dahil sinira mo ang pagkatao n’ya sa publiko.”

---

NAGING abala sa pag-iikot sa mga bayan-bayan sa Davao si Sen. Bong Revilla, Jr., kaya doon na siya inabutan ng Valentine’s Day. 

Ganunpaman, nakasama naman niya ang kanyang lucky charm at First Lady na si Congw. Lani Mercado. Nabigyan niya si Lani ng bouquet of roses at nakapag-dinner together. 

Masaya ang kanilang naging Valentine celebration dahil nakapag-bonding kahit hectic ang schedule sa pangangampanya.

Maraming gimik at paandar si Sen. Bong sa kanyang pangangampanya. Bentang-benta pa rin at gustung-gusto ng mga tao ang kanyang pagsasayaw na may halong pagpapatawa. 

Marami rin ang nakapansin na buung-buo ang kumpiyansa ni Sen. Bong at sanay na sanay makihalubilo sa mga tao. 

Para ngang show at hindi kampanya kapag nasa stage na si Sen. Bong at nagsasalita. Ang lakas ng karisma niya.

Malaking factor din na napanood pa rin si Sen. Bong sa action seryeng Tolome! Walang Matigas na Pulis sa Matinik na Misis (TWMNPSMNM) bago nagsimula ang campaign period. Nagmarka sa mga viewers ang character niya bilang si Tolome. Kaya naman sa recent survey ng mga senatoriables ay pasok siya sa Top 12. 

Kasama si Bong sa mga pambatong senador ng partidong Alyansa Para sa Bagong Pilipinas.