Aktor, chickboy daw… MIGUEL, NAGING GF MUNA SINA BARBIE, KYLINE AT BIANCA BAGO NAPUNTA KAY YSABEL

ni Erlinda Rapadas @Teka Nga | Mar. 11, 2025

Photo: Miguel Tanfelix at Ysabel - IG

Sa guesting ni Miguel Tanfelix at ng kanyang Mommy Grace sa Toni Talks (TT), ibinuking ng huli na ang first heartbreak ni Miguel ay si Barbie Forteza noong 14 years old pa lang siya. At talaga raw heartbroken at umiyak si Miguel nang sabihin kay Mommy Grace na break na sila ni Barbie.

After Barbie ay umibig muli si Miguel sa ilang Kapuso stars tulad nina Kyline Alcantara at Bianca Umali. 

Mabilis namang naka-move on si Miguel sa bawat kabiguan sa pag-ibig. Sa career siya nag-focus ng kanyang panahon. 

Binibiro naman siya ng ilang kaibigan na “chickboy” o mahilig sa babae sa dami ng niligawan at naging GF.

Ngayon ay si Ysabel Ortega ang GF ni Miguel at naipakilala na niya ito sa kanyang mom. 

Super proud si Mommy Grace sa anak niyang si Miguel, lumaki itong mabait at marespeto sa mga elders, hindi rin ito mahilig bumarkada. 

Bata pa si Miguel, hilig na talaga ang umarte, kaya sumali noon sa StarStruck Kids ng GMA-7. Nahasa nang husto sa pag-arte si Miguel dahil nagsimula siya bilang isang child star. Halos sa GMA-7 na lumaki si Miguel Tanfelix at marami na siyang nilabasang serye.

Well, lead star ngayon si Miguel sa seryeng Mga Batang Riles (MBR). Mature na siya at palaban ang kanyang role. Kapag may mahihirap na stunts o fight scenes siyang gagawin sa serye ay binibigyan siya ng tips ni Ronnie Ricketts.

---

IPINAKILALA na ang mga housemates na kasama sa PBB Celebrity Collab Edition. Pero, maraming viewers ang dismayado dahil bakit daw karamihan sa mga pumasok na housemates ay hindi naman masasabing sikat na at isang celebrity. At paano at ano’ng basehan sa pagkakapili sa mga housemates?

Ang inaasahan ng mga viewers ay mga celebrities talaga ang makakapasok sa PBB Celebrity Collab. Ang partisipasyon ni Ivana Alawi ay panandalian lamang dahil guest celebrity lang siya sa reality show. Gayunpaman, okey sa mga viewers ang big surprise na partisipasyon ni Ivana Alawi sa PBB Celebrity Collab Edition kaso ang inaabangang mga personalidad sa show ay ‘yung may impact at gumawa ng ingay sa social media tulad nina Herlene Budol, Diwata atbp.. 

Well, bongga si Ashley Ortega dahil maganda ang magiging exposure niya sa PBB, ganoon din si Michael Sager. 

Sinu-sino pa kaya ang Kapamilya stars na magge-guest sa PBB Celebrity Collab Edition pagkatapos ni Ivana Alawi? Posible kayang si Andrea Brillantes o si Maris Racal?

---

BONGGANG-BONGGA ang grand launching ng bagong girl group na Bodies: Next Gen na ginanap sa Great Eastern Hotel sa Quezon City last March 8. 

Labingtatlong (13) kababaihan edad 18 pataas ang masuwerteng napili sa hanay ng mga applicants sa Search for Bodies: Next Gen audition. Nag-undergo sila ng training at hinasa sa pagsasayaw, pagkanta at sa pag-arte. 

Nagkaroon din sila ng pagsasanay sa personality development. Ginastusan sila nang husto ng executive producer ng Premiere Water Plus Productions na si Maryneth Gamboa. 

At ngayon, may mga naka-book na silang shows abroad.

Ang Bodies: Next Gen ay nagtataglay ng sariling karisma, ganda, talento at determinadong sumikat at magkaroon ng impact sa showbiz. Sila ang bagong girl group na handang pantayan ang kasikatan ng VIVA Hotbabes at Baywalk Beauties.

Makikilala ang Bodies: Next Gen bilang mga “BODI” at tatawagin sa pangalan nilang BODI Wen, BODI Chanel, BODI Amara, BODI Iris, BODI KZ, BODI Mycky, BODI Selena, BODI Jade, BODI Darra, BODI Kesha, BODI Sherie, BODI Dior at Bodi Tia.

One of these days, mapapanood na ang Bodies: Next Gen sa kanilang guestings sa iba’t ibang TV shows.

Kaya dumidistansiya na raw… HERLENE, ALAM NA BOBO ANG TINGIN SA KANYA NG MGA TAO

ni Erlinda Rapadas @Teka Nga | Mar. 10, 2025

Photo: Herlene Nicole Budol - Instagram

Aware si Herlene Budol, a.k.a. “Hipon Girl” na ang impression sa kanya ng marami ay bobo at mahina ang kanyang IQ (intelligence quotient). 

Alam niya na nilalait siya at pinagtatawanan kapag siya ay nakatalikod, kaya kung minsan ay tumatahimik siya at dumidistansiya kapag nakakaramdam ng pangmamaliit sa kanyang pagkatao. 

At sa halip na ma-offend at mag-self-pity, gumagawa si Herlene ng paraan upang kahit papaano ay may matutunan siya sa kanyang mga kasamahang artista. 

Hindi niya iniisip na kasingtaas ng kaalaman ng iba ang laman ng utak niya at hindi niya sinisisi ang mga taong tinatawag siyang bobo dahil willing naman siyang matuto. Nagtatanong siya kapag may mga bagay na hindi niya alam.

Very supportive naman kay Herlene Budol ang karamihan sa mga artistang kasama niya sa Binibining Marikit (BM). Nakisama siyang mabuti at nag-effort na maging professional sa trabaho. At hindi niya naramdaman ang panghuhusga sa kanyang pagkatao.

---

Pantakip sa balikan issue nila ni Daniel…

MAYOR NA BF DAW NI KATHRYN, PROPS LANG

Kathryn Bernardo - Instagram

Marami ang hindi makapaniwala sa biglang paglutang ni Lucena Mayor Mark Alcala na diumano ay BF ngayon ni Kathryn Bernardo. 

Parang ang bilis, bigla naman daw nagkaroon ng karelasyon si Kath, ganoong binubuo pa nga ng ilang fans ang KathDen (Alden Richards at Kathryn Bernardo) tandem.

Parang ang cheap ng ganitong publicity para lang masabing may love life si Kathryn. 

May ilang netizens naman ang nagsasabi na baka isang tactic ang pagsulpot ni Mayor Mark Alcala upang mailayo sa isyu na may balikan kina Kathryn at Daniel Padilla. 

Well, mukhang bantay-sarado ng mga fans ni Kathryn ang lahat ng mga may balak manligaw. Kailangan na pasado sila sa mga fans at supporters ni Kathryn Bernardo.

---

LINGID sa kaalaman ng publiko, at maging sa kanyang mga fans, dumaranas din pala si Vice Ganda ng matinding depresyon, at bigla na lang daw niya itong nararamdaman. 

Sa kabila ng kanyang pagiging billionaire at pagkakaroon ng mga mamahaling gamit at luxury cars, nalulungkot din pala si Meme Vice. At ‘yun ang pilit niyang nilalabanan at itinatago. 

Hindi siya puwedeng tumigil at magpahinga sa kanyang trabaho sa It’s Showtime (IS). Hindi lang kasi siya host ng IS, bahagi rin siya ng creative team na nag-iisip ng magagandang segments para sa kanilang noontime show. 

Si Vice Ganda ang tumatayong main man o poste ng noontime show, kaya mahirap at malaking responsibilidad ang nakapatong sa kanyang balikat. 

Well, bawal siyang magkasakit, hindi rin siya puwedeng magbakasyon. Nakatali sa IS si Vice Ganda, at ito marahil ang dahilan ng nararamdaman niyang depresyon. 

Kaya, pinapayuhan siya ng mga psychics na maging maingat sa kanyang mental health.

Takang-taka na pinakasalan ng utol… BB, UMAMING AYAW KAY MARIEL PARA KAY ROBIN

ni Erlinda Rapadas @Teka Nga | Mar. 9, 2025

Photo: BB Gandanghari - Toni Talks

Nang maging maayos na ang relasyon ni BB Gandanghari kina Sen. Robin Padilla at Mariel Rodriguez, saka lang inamin ni BB na noong una ay hindi niya tanggap si Mariel para kay Robin. 

Medyo naiintriga pa raw si BB nang dalhin ni Robin si Mariel sa bahay ng kanilang Ate Roda upang ipakilala sa kanilang magkakapatid. Dito nila napatunayan na seryoso na ang relasyon nina Robin at Mariel. 

May mga naunang karelasyon noon si Robin Padilla, pero hindi niya pormal na ipinakilala sa kanyang mga kapatid.

Sey pa ni BB Gandanghari, labis siyang nagtataka at nagtanong kung ano ang meron kay Mariel upang pakasalan ni Robin? 

Isa pa sa mga inamin ni BB Gandanghari ay hindi siya naging close kay Mariel noong nakikitira siya sa bahay nina Robin. Pero, eventually, naramdaman naman niya ang kabutihang loob ni Mariel at tinanggap kung ano ang kanyang pagkatao. 

At all-out din ang support na ibinigay ni Mariel noong nag-concert si BB Gandanghari, nagsama pa si Mariel ng mga kaibigan upang panoorin ang concert niya. 

Ngayon, para kay BB, si Mariel Rodriguez ang pinaka-the best na sister-in-law.

---

NAKAKAAWA, pero marami ang bumilib sa tibay ng loob ni Rufa Mae Quinto sa kanyang pagharap sa mga pagsubok na pinagdaanan. 

Naakusahan na siya at nademanda dahil sa nagiging problema sa ine-endorse niyang Derm Clinic, nakadagdag pa sa bigat na kanyang dinadala ang ginawang pakikipaghiwalay ng kanyang mister na si Trevor Magallanes. 

Sa ilang interviews kay Rufa Mae, halatang pinipilit lang niyang maging masaya at mahinahon. Ayaw niyang ipakita sa publiko na mahina siya at gusto nang sumuko.

Minsan, idinadaan na lang niya sa pagko-comedy at adlib ang sakit na kanyang nararamdaman. At kitang-kita sa kanyang mga mata ang lungkot na pilit niyang itinatago.

Dati-rati, during her younger days at wala pa siyang asawa at anak ay napaka-jolly ni RMQ. Marami siya noong projects, maraming manliligaw, sikat at kumikita nang malaki. Bihira siyang makitang malungkot at panay ang biyahe at shopping niya abroad.

Todo-todo kung siya ay mag-enjoy sa buhay at hindi niya inakala at inisip na magiging bigo siya sa larangan ng pag-ibig. 

Ganunpaman, survivor sa buhay si RMQ. Hindi siya ang tipong basta na lang susuko at magpapatalo sa buhay. Ang kanyang anak ang nagsisilbing lakas at inspirasyon upang patuloy na maging positibo ang kanyang pananaw.

---

SA isang interbyu kay Bianca Umali, natanong siya kung meron bang girl best friend ang nobyo niyang si Ruru Madrid? At kung meron man, ano ang reaction niya tungkol dito? 

Inamin naman ni Bianca na merong girl best friend si Ruru at ito ay ipinagtapat sa kanya ng aktor. Ito ay ang Kapuso actress at host ng programang Lutong Bahay (LB) na si Mikee Quintos. Hindi naman daw niya pinagselosan ang aktres. 

Besides, siya man ay meron ding male best friend, at alam din ito ni Ruru. Iba naman ang sitwasyon ng aktor at ni Mikee. Alam ng aktres kung saan siya lulugar. Hindi sila matutulad sa nangyari kay Philmar Alipayo at sa girl best friend nitong si Pernilla Sjöö. 

Kaya hindi makakaramdam ng selos at hindi mai-insecure si Bianca Umali kay Mikee Quintos. At malaki ang tiwala ni Bianca sa BF niyang si Ruru Madrid at alam niya na hindi ito gagawa ng mga bagay na makakasira sa kanilang relasyon.