Andi, ‘di pa pinapalitan… JAKE, 35-ANYOS NA, WALA PA RING BAGONG GF

ni Erlinda Rapadas @Teka Nga | Apr. 1, 2025

Photo: Jake Ejercito - Instagram

Marami ang nagtatanong kung wala bang girlfriend ngayon si Jake Ejercito?

Bakit wala siyang ipino-post sa kanyang social media account na larawan ng kanyang special someone o kahit na crush man lamang? 

Kay Ellie na lang ba ibinubuhos ni Jake ang kanyang panahon at atensiyon?

Thirty-five years old na si Jake Ejercito, guwapo naman at masasabing trophy BF ng sinumang babae. Galing siya sa disenteng pamilya, maganda ang image niya bilang mabait at mapagmahal na anak. Isa rin siyang mabuting ama kay Ellie.

Well, kahit sinong babae ay hindi magdadalawang-isip na mahalin si Jake Ejercito. For sure, papayag naman ang kanyang anak na si Ellie kung magkakaroon na siya ng girlfriend. Tutal, masaya na rin ang ex niyang si Andi Eigenmann sa piling ni Philmar Alipayo.

Kaya labis na pinag-uusapan ng marami kung bakit wala pang inilalantad na GF si Jake. Hindi naman siguro tututol ang kanyang mom na si Laarni Enriquez sakaling gustuhin na ni Jake na bumuo na ng sariling pamilya. 

Samantala, marami nga ang naiinggit sa sobrang closeness ng mag-amang Ellie at Jake Ejercito, patunay na daddy’s girl si Ellie.

---

MARAMI ngayon ang nag-aabang kung anu-ano ang mga eksenang magaganap sa pagpasok ng beauty queen na si Michelle Marquez-Dee (MMD) bilang celebrity guest sa Pinoy Big Brother (PBB) Celebrity Collab Edition. Tiyak daw na mai-intimidate kay Michelle ang mga housemates, lalo na ang mga kalalakihan. 

Malakas ang personalidad ni Michelle at straight forward ito kung magsalita, hindi siya ‘people pleaser’. Sinasabi niya kung ano ang kanyang opinyon sa maraming bagay.

Well, maimpluwensiyahan kaya ni MMD ang mga girls sa Bahay ni Kuya? Makaka-relate kaya sila sa palabang ugali ng beauty queen? May maglalakas-loob kaya na kontrahin siya? 

‘Yun ang tiyak na aabangan ng lahat.

---

ABUT-ABOT ang pasasalamat ng buong pamilya ni Sen. Bong Revilla, Jr. dahil nakasalba siya sa tiyak na aksidente nang pumunta siya sa campaign tour sa Cebu.

Sakay siya ng isang chopper, at sumabit sa elesi nito ang isang saranggola.

Mabuti na lamang at alisto at magaling ang piloto at agad na nakapag-emergency landing kaya ligtas si Sen. Bong at mga kasama. 

Sadyang iniiwas pa rin ng Diyos si Sen. Bong sa kapahamakan, kaya siya nakaligtas. 

Kaya naman pagdating sa Maynila, agad na nag-offer ng mass si Sen. Bong at ang kanyang pamilya bilang pasasalamat sa pagkakaligtas niya sa aksidente. 

May mga nagsasabi naman na may taglay na agimat ang aktor-pulitiko kaya inilayo sa disgrasya. Lagi rin daw nakasubaybay ang kaluluwa ng kanyang mga yumaong magulang, kaya safe na safe siya.

---

LIKAS na magaling umarte ang child actor na si Zion Cruz na bida sa seryeng Ang Himala Ni Niño (AHNN) na napapanood sa TV5 araw-araw, Lunes hanggang Biyernes, 11:15 AM. 

Sa ginanap na 38th Star Awards for TV, itinanghal na Best Child Performer si Zion. Pinarangalan na rin siya ng ibang award-giving bodies. 

Maging ang buong cast ng AHNN ay nagsasabing magaling umarte si Zion. Bilib din sa kanya ang mga senior stars na sina Freddie Webb, Carmi Martin at K Brosas. Ang galing-galing daw umiyak ni Zion.

Noong Setyembre pa unang umere sa TV5 ang AHNN na produced ng MQuest Ventures at Cornerstone Entertainment, mula sa direksiyon ni Peter Edward Dizon. 

Two weeks na lang itong mapapanood, at tiyak na magugulantang ang mga viewers sa finale episode nito. 

Ngayon pa lamang ay may mga nagre-request na ng extension ng serye, o kaya ay magkaroon ng Book 2 ang AHNN. May hatid itong magandang aral para sa lahat.

Wa’ rin daw sustento… BUBOY, TODO-DENY NA BINUGBOG ANG EX NA NANAY NG 2 ANAK

ni Erlinda Rapadas @Teka Nga | Mar. 31, 2025

Photo: Buboy Villar - Instagram

Kung hindi lumantad ang bagong GF ni Buboy Villar na si Isay Sampiano, hindi rin siguro maglalabas ng kanyang mga reklamo at sama ng loob ang dati niyang karelasyon na si Angillyn Gorens, kung saan mayroon silang dalawang anak. 

Ibinunyag ni Angillyn na sinasaktan siya ni Buboy noong panahon na sila ay nagsasama, lalo na raw kapag ito ay lasing. Kaya nang hindi na niya matiis ay nakipaghiwalay na siya sa aktor.

Isa pang inireklamo ni Gorens ay ang hindi pagbibigay ng sustento ni Buboy sa dalawa nilang anak. 

Ang mga magulang ni Gorens ang nag-aalaga sa 2 anak niya nang magtrabaho siya sa USA. At nalaman niya na hindi nga nagbibigay si Buboy ng sustento sa dalawang bata. 

Samantala, sa interview kay Buboy V. noong presscon ng Samahan ng mga Makasalanan (SNMM), itinanggi ni Buboy ang isyu tungkol sa diumano’y pananakit niya sa dating karelasyong si Angillyn at may agreement daw sila ng mga magulang nito para sa sustento ng dalawang anak.

Well, hindi maganda ang magiging impresyon ng publiko sa pagkatao ni Buboy sa akusasyong ito ng dating karelasyon. Mas marami pa rin ang maniniwala at makikisimpatya kay Angillyn Gorens dahil babae siya.

Ang dapat na lang gawin ngayon ni Buboy Villar ay bumawi sa kanyang mga anak at ayusin ang pagbibigay ng sustento.

---

Kayang mabuhay nang wala sa showbiz…

JOHN LLOYD, WALA PA SA MOOD NA BUMALIK SA PAG-ARTE

Nagpa-release na ng kontrata sa Crown Management si John Lloyd Cruz (JLC). It seems wala pa rin siya sa mood na lumabas sa telebisyon at pelikula. Ine-enjoy pa niya ang kanyang indefinite leave sa showbiz. 

Masaya si JLC sa kanyang tahimik na buhay sa likod ng kamera. Tutal, may sapat naman siyang ipon at mabubuhay siya nang maginhawa kahit ilang taon pa siyang hindi tumanggap ng project. 

Maayos naman na nag-usap sina Maja at John Lloyd nang magpa-release siya ng kontrata sa Crown Management.

Well, nagtatanong naman ang mga fans kung ano ang plano ni JLC ngayong pahinga ang kanyang showbiz career? Magpapakasal na ba sila ng kanyang GF na isang pintor? 

Labis naman na nanghihinayang ang mga netizens dahil magaling na aktor si JLC. Hindi pa rin bumababa ang kanyang popularidad. 

Samantala, maraming fans ang naghihintay sa reunion movie nila ni Bea Alonzo. Bakit kaya biglang tinabangan sa kanyang buhay-artista si John Lloyd Cruz? 

---

GUSTONG tularan ni Carmi Martin ang aktor na si Dennis Trillo kaya tumatanggap siya ngayon ng offbeat role, tulad ng kanyang character bilang si Madam Chona sa seryeng Ang Himala Ni Niño (AHNN) na mapapanood sa TV5, 11:15 AM bago mag-Eat… Bulaga! (EB!).

Markado sa mga viewers ang kanyang role, kaya nagtatanong ang mga ito kung bakit bad girl na ngayon si Carmi Martin? 

Dati kasi ay sexy comedy ang ibinibigay sa kanyang role. Pero ngayon, mas gusto na ni Carmi na maging magaling na “character actress”. Gusto niyang patunayan na kaya niyang gampanan ang lahat ng klaseng roles na ibibigay sa kanya. 

Thankful si Carmi Martin sa MQuest Ventures at TV5 sa pagkakasama niya sa seryeng AHNN, at ikinatuwa rin ni Carmi na kasama rin sa cast ang veteran actor na si Freddie Webb. 

Magkatambal sila noon ni Freddie sa sitcom na Chicks to Chicks (CTC) na tumagal ng 14 years. 

Pawang mahuhusay umarte ang mga artistang kasama sa cast. Pinuri rin ni Carmi ang MQuest Ventures at Cornerstone dahil sa respetong ibinibigay sa mga senior stars na kasama sa AHNN. Nararamdaman daw nila ang ibinibigay sa kanilang importansiya. 

Two weeks na lang eere ang AHNN at maraming kaganapan ang dapat na abangan.

---

MARAMING viewers ng Pinoy Big Brother (PBB) Celebrity Collab Edition ang nakahinga nang maluwag nang na-evict na sa Bahay ni Kuya ang Kapuso actress na si Ashley Ortega at ka-tandem na si AC Bonifacio. 

Marami na ang naaawa kay Ashley dahil sa bigat ng dinadala niyang problema sa tampuhan nila ng kanyang ina. Halos araw-araw ay iyak nang iyak si Ashley sa tindi ng emotional stress na kanyang pinagdaraanan, habang nasa loob siya ng Bahay ni Kuya.

Nag-open-up na rin siya dati kay Ivana Alawi.

Ganunpaman, marami namang mga viewers ang labis na nanghinayang na na-evict agad si Ashley. Malakas pa naman ang kanyang dating at kasundo niya ang lahat ng mga housemates. 

Anyway, may magandang kapalit naman ang pagkaka-evict kay Ashley dahil nagkabati na sila ng nakatampuhang ina. Pinadalhan si Ashley ng isang madamdaming sulat ng kanyang mommy. Napaiyak si Ashley nang sabihin ng kanyang ina na matagal na siyang pinatawad nito.

At ngayon, nakalabas na siya sa PBB house, makakasama na ni Ashley Ortega ang kanyang mom.

Bawal ang sleepover… JULIE ANNE KAY RAYVER: KASAL MUNA BAGO BABY

ni Erlinda Rapadas @Teka Nga | Mar. 30, 2025

Photo: Julie Anne San Jose at Rayver - IG

Maganda ang rule na sinusunod at pinaiiral nina Julie Anne San Jose at Rayver Cruz sa kanilang relasyon ngayon. Lagi silang aware na dapat ay “no sleepover” kahit na sabihin pa na nasa tamang edad na sila at ilang taon nang magkasintahan.

Bagama’t super sweet sila sa isa’t isa kapag magkasama sa mga lakaran at regular na nagde-date, still, may limitation pa rin kung hanggang saan lang sila dapat lumugar. Hindi sila dapat lumampas kung ano ang nararapat, hangga’t hindi pa sila kasal.

Ayon na rin kay Julie Anne, malaki ang respeto sa kanya ni Rayver at maging sa kanyang mga magulang. Hindi sisirain ni Rayver ang tiwala sa kanya ng partido ni Julie Anne, kaya paninindigan nila ng singer ang rule na “kasal muna bago baby”.

Well, at this point of their lives, pareho namang naka-focus ang panahon nina Julie Anne at Rayver sa kanilang career. Maraming oportunidad ang dumarating na dapat nilang samantalahin. 

Kailangang paghandaan muna nila ang kanilang future bago magpakasal. Malayo pa ang mararating ng kanilang career. Maganda ang tandem nina Julie Anne at Rayver Cruz dahil pareho silang singer-performer.

Bukod sa acting, kaya rin nilang mag-host. Kaya walang dahilan upang magmadali silang magpakasal.

---

Petisyon sa green card ng mister, after ipabawi…

AI AI, IDI-DIVORCE NA SI GERALD

PINABORAN ng US Citizen Immigration Services (USCIS) ang apela ni Ai Ai delas Alas na i-revoke ang Green Card petition para sa ex-husband niyang si Gerald Sibayan.

Third party ang ibinigay na dahilan ni Ai Ai, kaya “automatically revoked” ang kanyang petition para sa green card ni Gerald. Ang desisyon ng USCIS ay inilabas noong Marso 17, 2025.

Hiniling din ni Ai Ai na makansela ang travel at work permit ng kanyang ex-husband. Meaning, hindi na maaaring mag-apply ng trabaho si Gerald sa USA. 

Ayon na rin sa USCIS, hindi na maaaring iapela ni Gerald ang kanilang desisyon. 

Suportado si Ai Ai ng kanyang legal counsel, ang Lewis Law Group ng Sta. Ana, California, sa tulong ni Atty. Pia Dyquiangco. 

Ang susunod na aayusin naman ni Ai Ai ay ang divorce nila ni Gerald.

Sa ngayon, masasabi nang naka-move on na ang Comedy Queen at tanggap na ang paghihiwalay nila ng mister.

---

Ayaw pang ilantad in public… SANYA, CHINESE BUSINESSMAN ANG UNANG DYOWA

MAY love life na ang Kapuso actress na si Sanya Lopez pero ayaw pa niyang aminin kung ano ang pagkatao ng special guy na isang Chinese businessman. 

Ayaw pa ni Sanya na ilantad sa publiko ang lalaking unang nagpatibok ng kanyang puso. Nasa dating stage na raw sila ngayon.

Kung saka-sakaling ang Chinese businessman ang unang magiging BF ni Sanya ay tiyak na susuportahan nito ang career ng Kapuso actress. 

Busy ngayon sa kanyang career ang aktres. Bukod sa All-Out Sundays (AOS), may bago rin siyang movie, ang Samahan ng mga Makasalanan (SNMM) kasama sina David Licauco, Buboy Villar, atbp.. 

Pagdating sa trabaho, very professional si Sanya kaya kasundo niya ang kanyang mga direktor at co-stars. At sa bawat tagumpay na kanyang nakakamit, lagi pa rin niyang naaalala ang yumaong “The Master Showman” na si German Moreno na naging mentor niya noong nagsisimula pa lang siyang mag-artista.