Dedma raw sa ibang girls… KOBE, LOYAL KAY KYLINE

ni Erlinda Rapadas @Teka Nga | Apr. 10, 2025

Photo: Kyline Alcantara at Kobe Paras - Instagram

Habang nagtatagal ay lalong lumalalim ang relasyon nina Kyline Alcantara at Kobe Paras. Halos hindi na sila naghihiwalay at kita na super in love sila sa isa’t isa. 

Natagpuan na ni Kobe ang kanyang “the one” sa katauhan ni Kyline at bentahe sa kanilang career ang kanilang nabuong love team bilang KyBe (Kyline at Kobe) dahil kinukuha na silang endorsers ngayon.

Mala-BarDa at KimPau na rin ang KyBe tandem. Marami ang nagsasabing meant for each other sina Kyline at Kobe, naging inspirasyon nila ang isa't isa.

Si Kobe Paras, kahit maraming chicks ang nagpaparamdam ay hindi niya pinapansin dahil tapat siya kay Kyline. 

Wish ng kanilang mga fans, sana ay huwag silang matulad kina Barbie Forteza at Jak Roberto, ganoon din kina Mikee Quintos at Paul Salas na nauwi sa paghihiwalay ang dating magandang relasyon.

---

Nakaka-proud ang maging GF ni Dominic Roque dahil maraming kababaihan ang nangangarap na maging boyfriend ang ex ni Bea Alonzo.

Husband material kasi si Dominic at napaka-hard working. Puwede siyang ipagmalaki ng sinumang babae. 

Gayunpaman, may pressure pa kay Sue Ramirez ang makarelasyon si Dominic. Hindi kasi maiaalis na ikumpara si Sue kay Bea Alonzo na bukod sa sikat at maganda, eh, billionaire pa, kaya hindi dapat na pabayaan ni Sue ang kanyang physical looks upang kahit papaano ay may maipantapat siya sa ganda ni Bea.

Kaya naman, pinaghandaan nang husto ni Sue Ramirez ang pagrampa sa ABS-CBN Ball 2025 kasama si Dominic Roque. Alam niyang maraming fans ni Bea ang nag-abang kung kaya niyang pantayan ang aktres.

---

EXCITED si Alden Richards sa pelikulang Out Of Order (OOO) dahil bukod sa siya ang bida rito ay siya pa rin ang direktor. Si Heaven Peralejo ang kanyang katambal sa movie.

Ang OOO ay isang court drama kaya dapat magagaling ang mga artista at magsisiganap dito. 

Nasa cast ng movie ang lady boss ng GMA Network na si Atty. Annette Gozon. Markado ang role rito ni Atty. Annette, at hindi guest appearance lang. 

Lumabas ang kanyang galing sa pag-arte at malaki ang tiwala ni Direk Alden kay Atty. Annette. 

Well, maganda ang partnership ngayon ni Alden sa Viva Entertainment. Marami siyang matututunan kay Boss Vic Del Rosario sa pagpapalakad ng negosyo. Magkakatulungan sila sa pag-produce ng pelikula, concert, shows at special events.

Maging sa food business ay natutulungan din si Alden ni Boss Vic Del Rosario at willing to learn si Alden dahil gusto niyang protektahan ang perang kanyang pinaghirapan.

---

FOR the longest time, hindi isine-share ng comedienne na si Chariz Solomon ang kanyang pribadong buhay, lalo na ang kanyang love life. Nagawa niyang itago at ilihim sa publiko na hiwalay na sila ng kanyang mister na si Nestor Ng noon pang 2018. 

Six years ding tumagal ang kanilang marriage, at may dalawa silang anak na lalaki, edad 11 at 9. 

Taong 2019 nang mag-file ng annulment si Chariz Solomon. At na-grant lang ito last January 2025 dahil inabutan ng pandemic. 

Well, no regrets si Chariz na nagpakasal siya kay Nestor, marami namang masasayang memories sila sa kanilang marriage. Hindi lang naiwasan na may mga problema at pagsubok na dumating sa kanilang pagsasama. Nag-iba na rin ang mga plano nila sa buhay. 

Aminado naman si Chariz na may pagkukulang siya sa kanyang tungkulin bilang wife. Mas nag-focus kasi siya sa kanilang mga anak. 

Ganunpaman, naghiwalay sila ni Nestor Ng bilang magkaibigan. Kailanman ay hindi niya siniraan ang kanyang ex-husband, dahil ito pa rin ang tatay ng dalawa nilang anak. 

Sa ngayon ay pareho na silang naka-move on at nakahanap ng kani-kanyang partner sa buhay. Isang non-showbiz guy ang nagpapasaya ngayon kay Chariz at kahit nagkaroon ng problema ang kanyang marriage noon, tuloy ang showbiz career ni Chariz. 

Regular cast siya sa Bubble Gang (BG) at sa sitcom na Pepito Manaloto (PM). May movie rin siya, ang Samahan ng Mga Makasalanan (SNMM) kasama sina Sanya Lopez, David Licauco, Buboy Villar, at Betong Sumaya.

Nu’ng si Janine ang GF, ‘di raw umangat ang career… PAULO, NAGKAROON NG MGA ENDORSEMENTS DAHIL KAY KIM

ni Erlinda Rapadas @Teka Nga | Apr. 9, 2025

Photo: Paulo at Kim - Instagram

Marami ang nagsasabing nahahatak daw ni Kim Chiu si Paulo Avelino kaya may mga endorsements na ngayon ang aktor. Umingay at nagkaroon ng buhay ang career ni Paulo nang maging tandem sila ni Kim. At kahit hindi nila aminin, ramdam ng mga tao sa kanilang paligid na may ‘something special’ na namamagitan sa kanilang dalawa. 

Maraming fans ang sumusupport ngayon sa KimPau love team. Mahigpit ang tapatan nila sa tambalang BarDa (Barbie Forteza at David Licauco), kaya raw kumita sa takilya ang KimPau movie na My Love Will Make You Disappear (MLWMYD). 

Pero, may ilang fans ni Kim ang hindi pa rin kumbinsido sa sincerity ni Paulo sa Chinita Princess. Para lang daw sa career ang ipinakitang sweetness ng aktor kay Kim Chiu. Bakit daw noong si Janine Gutierrez ang GF ni Paulo ay hindi naman gaanong umangat ang kanyang career, at hindi siya nagkaroon ng mga endorsements? 

Si Kim ang mabentang-mabenta na product endorser, kaya nadamay si Paulo Avelino sa suwerte ng KimPau love team.

Well, ano kaya ang reaction dito ng mga solid fans ni Paulo Avelino?

---

Tinawag ding napakasinungaling… 

SIGAW NG EX: SINASAKTAN AKO NI BUBOY ‘PAG WALA SIYANG MARIJUANA

Matapos mapanood ang guesting ni Buboy Villar sa Fast Talk with Boy Abunda (FTWBA) kung saan ibinigay ng Kapuso comedian ang kanyang side tungkol sa hindi niya pagsusustento sa unang dalawang anak sa ex-partner na si Angillyn Gorens, muling rumesbak at nagpakawala ng matitinding akusasyon ang non-showbiz ex ni Buboy. 

Hindi na lang ang isyu sa pananakit sa kanya at ang hindi pagbibigay ng sustento sa dalawang anak nila ang ibinato ni Angillyn kay Buboy. 

Naghamon si Angillyn kay Buboy na maglabas ito ng katibayan na nagbigay siya ng P120,000 buwan-buwang sustento para sa kanilang dalawang anak. 

Ayon kay Angillyn, sinabi ni Buboy sa isang interview na nagbibigay siya ng P60,000 tuwing 10th at 25th ng buwan, kaya’t umaabot ng P120,000 kada buwan ang sustento niya.

Agad na sumagot si Angillyn, tinawag na sinungaling si Buboy at hinamon na mag-post ng proof. 

Bukod dito, may ibinulgar din si Angillyn na galit na galit umano si Buboy at sinasaktan siya nu’ng panahon ng pandemic kapag wala itong marijuana. 

Tiyak na makakaapekto ito sa magandang career ni Buboy Villar at maba-bash siya nang husto. 

Talagang hindi tatantanan ni Angillyn ang dating karelasyon. Gusto niyang sirain ang reputasyon at pagkatao ni Buboy. 

Marami naman ang nagsasabing hindi man lang ba naisip ni Angillyn na kapag nawalan ng career at trabaho si Buboy ay lalo nang hindi nito mabibigyan ng sustento ang kanilang dalawang anak? 

Mas okey ba ‘yun kay Angillyn para lang makaganti kay Buboy? Sana, mag-isip-isip din siya dahil siya naman ang naunang nagkaroon ng bagong karelasyon at may anak na rin siya. Mas mahihirapan na siyang itaguyod ang pangangailangan ng dalawang anak nila ni Buboy kapag tuluyan nang hindi nakapagbigay ng sustento ang Kapuso actor.

---

HEALTH conscious ang Kapuso Primetime Princess na si Barbie Forteza, kaya naman kahit na gaano pa siya kaabala ay nabibigyan niya ng panahon ang kanyang pagtakbo upang maging fit at healthy. 

Naging bahagi si Barbie sa ginanap na Ayala Fun Run for a Cause, na ang mga beneficiaries ay ang mga batang may cancer. 

Nakasama ni Barbie sa nasabing fun run sina Kim Chiu at Julia Barretto. 

Matagal nang ginagawa ni Barbie ang pagtakbo kapag wala siyang trabaho. Sina Alden Richards at Kristoffer Martin ang kanyang running buddies. 

Nangako rin si Barbie kay Alden na sasama siya sa Run For A Cause project na gagawin sa Mayo sa Mall of Asia Arena. Ito ay ang Lights, Camera, Run, kung saan ang kikitain ay ido-donate ni Alden Richards sa MOWELFUND upang matulungan ang mga miyembro. 

Isa sa mga board members ng MOWELFUND si Alden, kaya aktibo siya sa mga fundraising projects ng organisasyon.

Nag-level-up ang career dahil kay Barbie… DAVID, MADATUNG NA, GUSTO NANG MAG-ASAWA

ni Erlinda Rapadas @Teka Nga | Apr. 8, 2025

Photo: David Licauco - Instagram

Dahil mayaman at marunong sa negosyo bago pa siya nag-artista, hindi na nakapagtataka na kumikita ng P50 million si David Licauco. Masinop siya sa paghawak ng kanyang finances at hindi lang siya umaasa sa kanyang kikitain bilang artista. 

Mas nakatutok siya sa mga negosyo niyang itinayo. Hands-on siya sa pamamahala ng kanyang mga negosyo kahit may serye at pelikula siyang ginagawa kapareha ni Barbie Forteza. 

Thirty years old na si David at 8 yrs. na siya sa showbiz. Nag-level-up ang kanyang career nang mabuo ang BarDa love team. 

Pati sa mga endorsements ay mabenta ang tandem nila ni Barbie Forteza at lumalawak ang kanilang fan base. 

Sa isang interview, sinabi ni David Licauco na gusto na niyang mag-settle down. Nasa tamang edad na siya at financially stable na. 

Gayunpaman, aminado si David na hindi pa siya ready na harapin ang mga responsibilidad at may career siyang dapat na bigyan ngayon ng prayoridad.

---

MUKHANG sisikat din ang BFF ni David Licauco na si Dustin Yu, na isa sa mga housemates sa Pinoy Big Brother (PBB) Celebrity Collab Edition. Mabigyan lang si Dustin ng magandang break at role para ma-push ang kanyang career, mapapansin din ito at gagawa ng pangalan.

Bagama’t tahimik lang si Dustin sa loob ng Bahay ni Kuya, nakakasundo naman niya ang ibang housemates. Marunong kasi siyang makisama at hindi feeling pabida. Kapag may challenge na ipinagagawa sa mga housemates, tumutulong si Dustin. 

BFF ni David si Dustin, kaya mahilig din siya sa negosyo. Kay David natuto si Dustin na magluto ng iba’t ibang recipes kaya pangarap niyang gayahin si David Licauco. 

Samantala, marami ang kinilig noon sa kanila ni Ivana Alawi. Mismong ang mga housemates ang nagsasabing bagay sila. 

Sayang nga lang at hindi nagtagal si Ivana sa loob ng PBB house. Hindi sila nabigyan ng pagkakataon na mapalapit sa isa’t isa.

---

SA darating na Biyernes, April 11, pararangalan ng Film Development Council of the Phils. (FDCP) ang mga higanteng artista sa pelikulang Pilipino. Ang event ay bilang pagbibigay-parangal sa mga living legends sa movie industry na malaki ang naging ambag sa industriya. 

Ang theme ng event ay “Mga Higante sa Kasaysayan ng Ating Pelikula”.

Ang awarding ay gaganapin sa Seda Vertis North, 5 PM. Ang mga tatanggap ng Lifetime Achievement Award ay sina Joseph Estrada, Charo Santos-Concio, Laurice Guillen at Lav Diaz. 

Ang awarding ceremony ay pangungunahan ni Iza Calzado. 

Bibigyan din ng Annual Achievement Award ang pelikulang Iti Mapukpukaw (The Missing) directed by Carl Joseph Papa. 

Ang mga itatampok na pelikula ay Sa Kuko ng Agila kung saan bida si Joseph Estrada, directed by Augusto Buenaventura; Itim, na bida si Charo Santos, directed by Mike de Leon; Tanging Yaman, directed by Laurice Guillen; at Ang Babaeng Humayo, directed by Lav Diaz.

---

MASYADO raw madaldal at pabida ang Sparkle artist na si Michael Sager, kaya marami ang nagsasabing siya ang nanganganib na sunod na matanggal at mabigyan ng red flag sa PBB Celebrity Collab Edition. 

Pero pinatawad pa rin si Michael dahil si Mika Salamanca ang na-evict sa Pinoy Big Brother (PBB) Celebrity Collab Edition. 

Magpapatuloy pa rin ang journey ni Michael kahit dismayado sa kanya ang maraming housemates. May kani-kanyang strength ang bawat isa at masusubok ang kanilang tatag at diskarte sa mga tasks na ipagagawa sa kanila.