Joshua, kaya ‘di na ipinaglaban… IPE, TAKOT NA SIRAIN NI KRIS

ni Erlinda Rapadas @Teka Nga | May 3, 2025

Photo: Ipe Salvador at Kris Aquino - FB, IG

Patuloy na ginagawang isyu ngayon kay Phillip Salvador ang diumano’y hindi niya pagbibigay ng sustento sa anak niya kay Kris Aquino na si Joshua. Hinayaan na lang daw ng aktor na lumaki si Joshua na hindi sila nagkakaroon ng bonding bilang mag-ama. 

Kaya naman sa yumaong dating Pangulong Noynoy Aquino napalapit ang loob ni Joshua dahil sila ang madalas na magkasama. At gustuhin man ni Phillip na hiramin si Joshua ay hindi nangyayari dahil hindi ito pinapayagan ni Kris. 

Kaya sa halip na pagmulan pa ng away nila ni Kristeta ang tungkol sa kanyang karapatan sa anak, hindi na ito ipinilit pa ni Phillip. Hinayaan na lang niya kung ano ang gustong pagpapalaki ni Kris kay Joshua kahit na hinuhusgahan ang kanyang kakulangan bilang ama. 

Nagmarka sa publiko na isang pabayang padre de pamilya si Ipe batay na rin sa mga naging pahayag sa media ni Kris Aquino. 

Pero sabi nga ni Phillip, alam ng Diyos kung ano ang totoo, tulad din ng sinabi ni Kyline Alcantara na, “I know my truth.” 

Hinusgahan man siya ng lahat, alam ng Diyos na mahal na mahal niya si Joshua at nami-miss niya ang kanyang anak. 

Umiwas siya at nanahimik na lang sa mahabang panahon dahil ayaw niya ng gulo. 

Ayaw niyang banggain noon si Kris Aquino dahil alam niya kung ano ang puwede nitong gawin na ikasisira ng kanyang reputasyon. Darating din naman ang araw na maiintindihan ni Joshua ang lahat.

---

BUKOD kina Mavy Legaspi at Kobe Paras, nauna palang nakarelasyon ni Kyline Alcantara sina Darren Espanto at Miguel Tanfelix. Pero hindi ito gaanong naisapubliko at hindi man lang nai-post ni Kyline sa social media. It seems hindi rin naman nagtagal ang kanyang pakikipagrelasyon kina Darren at Miguel dahil hindi siya nag-post ng larawan na kasama ang mga ito sa anumang events. 

Wala ring naging reaction ang mga mommies nina Darren at Miguel tungkol kay Kyline. Nangangahulugan lamang na hindi ganoon kaseryoso si Kyline kina Darren at Miguel. 

Nagkaroon lang ng issue nang ma-involve si Kyline kina Mavy Legaspi at Kobe Paras. Inaayawan siya ng mga mommies ng dalawa at inaakusahan pa si Kyline na manipulative at bayolente kapag nagseselos. 

Pero ayaw nang pansinin ni Kyline ang paninirang ito sa kanya. Career ang kanyang prayoridad, hindi na ang love life.

---

MISTULANG tourist spot ang puntod ng yumaong Superstar/National Artist na si Nora Aunor. Patuloy na dumaragsa at dumadalaw ang mga loyal fans ni Aunor sa Libingan ng mga Bayani. Dito nagkikita-kita ang mga tagahanga ni Nora upang sariwain ang mga alaala ng Superstar. May mga nagdadala pa ng tent, upuan, at pagkain at nagpi-picnic sa harapan ng puntod ni Guy. 

Maging ang ilang artista na naging kaibigan ni Aunor ay dumadalaw at nag-aalay ng bulaklak tulad ni Gardo Versoza. Ikinukuwento pa ni Gardo kay Nora na may ginagawa siyang movie with Direk Joel Lamangan na tiyak daw na magugustuhan ng Superstar. 

Well, tiyak na bago pa mag-40 days si Aunor ay marami pang paghahanda ang gagawin ng iba’t ibang grupo ng Noranians bilang pagpupugay at respeto sa minamahal at iniidolong Superstar.

---

THANKFUL ang Kapuso actor na si Jak Roberto na naimbitahan siyang muling mag-guest sa sitcom na Pepito Manaloto (PM). 

Bale six years na rin mula nu’ng huli niyang guesting sa PM. At nataon na 15th anniversary pa ng sitcom kaya espesyal ang episode dahil isinabay sa summer.

Nag-enjoy si Jak na makasamang muli ang cast ng PM. Para na siyang bahagi ng pamilya ng sitcom. 

Marami naman ang nakakapansin na maaliwalas ang aura ni Jak. Mukhang naka-move on na siya sa breakup nila ni Barbie Forteza at umamin na ready na ulit siyang umibig kung may darating na magpapatibok ng kanyang puso. 

Ang hindi lang sure ay kung papayag ba si Jak Roberto na magkasama o magkatrabaho sila ni Barbie sa isang serye ng GMA-7. 

Samantala, excited naman si Jake Vargas dahil nabuo na ang banda niyang Altitude.7 (A.7). May mga gigs na sila ngayon kaya inspirado si Jake na mag-perform.

Kaya ‘pag wala siyang taping sa PM ay sa kanyang banda nakatutok ang panahon ni Jake Vargas. Matagal na niyang pangarap ang tumugtog at kumanta kasama ang kanyang banda kaya masaya siya sa bagong challenge na ito sa kanyang career.

Kaibigan daw ng nanay niya… ALDEN, PASIKRETONG PINADADALHAN NG PERA SI NORA NU’NG BUHAY PA

ni Erlinda Rapadas @Teka Nga | May 2, 2025

Photo: Alden Richards - IG

Nang pumanaw ang Superstar/National Artist na si Nora Aunor, lumutang ang maraming pangalan ng personalidad na tumulong sa usaping-pinansiyal. 

Bukod kay Pangulong BBM at sa PCSO, nabanggit din at pinasalamatan ni Lotlot de Leon sina Sen. Robin Padilla, Sen. Bong Go, Imelda Papin, Chavit Singson, Sharon Cuneta, Kiko Pangilinan at ang Star for All Seasons na si Vilma Santos.  

Meron ding mga non-showbiz friends na dumamay at iba’t ibang fans club ni Aunor.  

Pero lingid sa kaalaman ng marami, isa si Alden Richards sa mga nagbigay din ng tulong-pinansiyal noong nabubuhay pa ang Superstar. Inilihim niya ito sa publiko dahil gusto niya ng tahimik lang na pagtulong.  

Ayon kay Alden Richards, bata pa siya ay kilala na niya si Nora Aunor. Naging magkaibigan daw si Guy at ang kanyang ina na si Rosario Reyes (SLN). Madalas daw siyang isinasama noon ng kanyang ina kapag dumadalaw kay Aunor sa bahay nito, kaya nakita ni Alden kung gaano kabait at ka-humble ang Superstar.  

Nasubaybayan din ni Alden ang naging takbo ng buhay ni La Aunor. Kaya nang mabalitaan niya na may pangangailangan itong pinansiyal, sikreto niya itong pinadalhan. 

Naaalala raw ni Alden ang yumao niyang ina kapag nakikita niya ang Superstar.

---

MARAMI ang interesado at nag-aabang sa remake ng Marimar na naging daan upang sumikat si Marian Rivera na ang kapareha ay si Dingdong Dantes. Kaya naman gustong iparating ng grupo ng mga tagahanga nina Alden Richards at Kathryn Bernardo sa GMA executives na i-remake ang Marimar. 

Bagay daw sa KathDen ang character na kanilang gagampanan, lalung-lalo na si Alden Richards bilang si Sergio. 

At si Kathryn, kahit na morena ang kutis ay may hubog naman ang katawan. 

Let’s see kung magpo-prosper ang project para sa tambalang KathDen.

Magiging abala ang schedule ngayon ni Alden dahil may bago siyang show sa GMA-7, ang Stars On The Floor (SOTF). Si Alden ang host at judges naman sina Marian Rivera, Pokwang at ang choreographer ng SB19. 

---

MUKHANG si Michael Sager ang susunod na ibi-build-up nang husto ng GMA Network. 

Malaki ang potensiyal upang sumikat siya nang husto dahil matinee idol ang porma niya.

Dati nang naging leading man ni Jillian Ward si Michael Sager bago pa siya pumasok sa Bahay ni Kuya. 

Nag-click ang collab/tandem nila ni Emilio Daez na younger brother ni Mikael Daez sa PBB Celebrity Collab Edition. 

Nabigyan ngayon ng break si Michael Sager upang maging host sa Unang Hirit (UH). Dito ay marami siyang matututunan, lalo na sa pagho-host.

Samantala, maraming mga fans ni Emilio Daez ang umaapela sa GMA-7 na kunin na rin nila ito at i-build-up. Talented naman ito at mahilig ding umarte. Wish din ng mga fans, pagsamahin sa isang show sina Michael Sager at Emilio Daez.

---

MAY bagong pinagkakaabalahan ngayon ang aktor na si Mark Herras. Nang naputol ang pagsama-sama niya sa singer-businessman na si Jojo Mendrez, dumating ang mga oportunidad para siya kumita at makawala sa anino ng singer. 

Bukod sa pag-eendorso ng isang brand ng clothing line ay inalok din siya ng Ang Probinsyano Partylist upang tumulong sa pag-iikot para mangampanya. Kasama niya rito sina Jason Abalos at JC de Vera. 

Naniniwala sina Mark, Jason at JC sa adbokasiya na isinusulong ng Ang Probinsyano Partylist at ni Cong. Alfred Delos Santos. 

Sa iba’t ibang lalawigan sa Luzon at Visayas sumasama sina Mark, Jason at JC. Si Mark, pinagkaguluhan nang mag-ikot sa lalawigan ng Siquijor kamakailan.  

Ex-GF, binanatan ng madir… KOBE, TODO-PARTY LANG, KYLINE, IPINAUBAYA NA KAY JACKIE

ni Erlinda Rapadas @Teka Nga | Apr. 30, 2025

Photo: Kobe Paras - Instagram

Sa halip na mapabuti at mabigyang-linaw kung bakit naghiwalay sina Kyline Alcantara at Kobe Paras, mas naging kumplikado at masalimuot ang sitwasyon nang magbigay ng statement si Jackie Forster upang ipagtanggol ang anak na si Kobe. 

Naba-bash na rin ngayon si Jackie at nauungkat ang kanyang nakaraan nang hiwalayan ni Benjie Paras.

Hindi pumayag ang mga loyal fans ni Kyline na api-apihin at ipahiya ni Jackie sa publiko ang kanilang idolo. 

Katwiran ng mga fans ni Kyline, dapat ay si Kobe Paras ang nagsasalita at nagpapaliwanag, hindi ang kanyang mom na si Jackie Forster. Tuloy, nagmumukhang mama’s boy at sumbungero si Kobe. 

Wala nang ginawa si Kobe Paras ngayon kundi ang mag-party-party matapos makipaghiwalay kay Kyline.

---

‘Di solo ng mga anak ang mana… 

BOYET, RICHARD MERCK, RICKY AT BING, KASAMA SA LAST WILL NI NORA

MARAMING Noranians ang naguguluhan at nagtatanong kung totoo ang lumabas sa social media na may iniwang Last Will and Testament ang yumaong Superstar/National Artist na si Nora Aunor. 

Wala pa namang kumpirmasyon na nanggagaling mismo sa mga anak ni Aunor na sina Lotlot, Ian at Matet, at maging ang personal na abogado ni Aunor ay wala pa ring pahayag. 

Pero ayon sa ilang taong nakapaligid kay Nora, nababanggit daw sa iniwang Last Will and Testament ng Superstar na bukod sa mga anak ay kasama rin ang ex-husband niyang si Christopher de Leon at ganoon din ang pinakasalan niya abroad na si Richard Merck.

Well, tiyak naman na maisasaayos ang mga naiwang properties ni Guy sa tulong ng trusted lawyer niya. Interesado ang lahat na malaman kung sinu-sino ang mga personalidad na pinamanahan ni Nora Aunor.

---

TAPOS nang kunan ang mga eksena ni Rhian Ramos sa Encantadia Chronicles: Sang’gre (ECS) kaya medyo nabitin siya sa kanyang last taping day. Mami-miss niya ang iba pang sang’gres na kasama niya tulad nina Gabbi Garcia, Mikee Quintos, Glaiza de Castro, atbp..

Pero, pabor naman para kay Rhian na maagang nakunan ang kanyang mga eksena sa ECS. May panahon na siyang samahan ang BF niyang si Sam Verzosa sa pangangampanya. 

Kandidato sa pagka-mayor ng Maynila si SV, at madalas ay kasama si Rhian Ramos sa pag-iikot sa iba’t ibang distrito at barangay ng Maynila. 

Lucky charm ni Sam Verzosa ang aktres dahil masang-masa ang appeal nito. Sanay kumain si Rhian ng street food kahit sosyal ang personalidad. At marami ang nagsasabing bagay daw na maging First Lady ng Maynila si Rhian sakaling palaring manalo sa pagka-mayor si SV. 

Wish naman ng mga fans ni Rhian Ramos, sana si Sam Verzosa na ang maging real-life partner ng kanilang idolo.

---

MAY mga netizens ang nagtataka kung bakit napasama sa mga judges ng Stars On The Floor (SOTF) hosted by Alden Richards si Pokwang, gayung hindi naman siya dancer kundi isang comedienne. 

Okey lang si Marian Rivera at ang choreographer ng SB19 na si Jay Joseph Roncesvalles bilang mga hurado. Mas okey din kung si Rochelle Pangilinan na dating leader ng grupong Sexbomb ang kinuhang judge ng SOTF.

Marami tuloy ang nagsasabing tila paborito si Pokwang ng Kapuso Network dahil nadagdagan na naman ang mga shows niya sa GMA-7. Co-host si Pokwang sa TikToClock, at kasama rin siya sa seryeng Binibining Marikit (BM).

Well, may mga nagsa-suggest din na sana, kinuhang judge sa SOTF sina Maribeth Bichara, Geleen Eugenio o si Joy Cancio na aktibo pa rin naman, o kaya, si Wowie de Guzman.

Anyway, nakatawid na si Rochelle Pangilinan sa pagiging aktres at hindi na lamang dancer. Markado ang kanyang role sa action seryeng Lolong: Pangil ng Maynila na pinagbibidahan ni Ruru Madrid.