Lutang na lutang daw ang talino… VALERIE, KAMUKHA NINA TONI AT HEART, SI KRIS ANG IDOL

ni Erlinda Rapadas @Teka Nga | June 6, 20255

Photo: Ms. Valerie Tan - 1 Heart PH, IG Story

Si Kris Aquino pala ang peg ng host ng I Heart PH (IHPH) na si Valerie Tan.

Hangang-hanga raw siya sa husay mag-host ni Kris sa kahit na anong show na ibigay sa kanya. Lutang na lutang ang talino at pagiging smart nito at lagi siyang well-informed sa maraming topics na kanyang tinatalakay kaya nagagawa niyang interesting ang bawat show na hinahawakan.

Ang katangiang ito ni Kris ang gustong tularan ni Valerie, kaya pinagbubuti niya ang pagho-host ng IHPH na ngayon ay nasa Season 10 na.

Marami namang viewers ang nagsasabing malaki ang hawig ni Valerie Tan kay Toni Gonzaga na isa ring magaling na TV host, pero may anggulo rin na kamukha niya si Heart Evangelista.

Well, walang kontrata si Valerie Tan sa TV8 Media, pero malaki ang tiwala sa kanya kaya tumagal ang kanilang partnership.

Samantala, para sa Season 10 ng IHPH, espesyal ang kanilang feature in partnership with Hong Kong Tourism Board. Itatampok sa show ang iba’t ibang atraksiyon tulad ng Disneyland, Ocean Park, at maging ang fishing village na hindi napupuntahan ng mga turista. 

Game na game si Valerie Tan na gawin ang mga challenges sa kanyang paglilibot sa Hong Kong.

Mapapanood ang I Heart PH tuwing Linggo, 10:30 AM simula sa June 8.

---

HINDI man pinalad na manalo si Luis Manzano nang kumandidatong vice-governor ng Batangas, tatlong game shows naman ang nakalinya niyang i-host. 

Nauna na rito ang Rainbow Rumble (RR) na patok sa mga viewers. Sa kanya rin ibinigay ang pagho-host ng Minute to Win It (MTWI) at Deal or No Deal (DOND) kaya bonggang-bongga ang magiging exposure ni Luis sa telebisyon.

So far, tanggap naman niya na hindi pa panahon upang pasukin niya ang mundo ng pulitika. Naniniwala siyang darating din iyon kung sadyang nakalaan para sa kanya kaya balik na siya sa kanyang kinagisnan bilang game show host dahil ito ang forte niya.

Bentahe kay Luis Manzano ang kanyang exposure sa mga game shows dahil dito siya nakukuhang product endorser, at milyones ang kinikita niya rito.

---

MARAMING netizens ang nakapansin na pumayat ang ex-husband ni Ai Ai delas Alas na si Gerald Sibayan. 

Base sa mga larawan nito na naka-post sa social media, bumagsak ang katawan ni Gerald at marahil, dahil na rin sa stress na pinagdaraanan niya ngayon sanhi ng ginawang pagbawi ni Ai Ai sa kanyang petition para sa US citizenship.

Maging sa paghahanap ng trabaho ay malilimitahan din si Gerald, kaya hindi na niya magagawang tumira o magtrabaho sa United States of America (USA). No choice siya kundi bumalik na lang sa ‘Pinas.

Samantala, payapa at naka-move on na rin si Ai Ai at tinanggap na ang pakikipaghiwalay sa dating mister. May bagong show siyang pagkakaabalahan ngayon — ang The Clash (TC) kung saan isa siya sa mga hurado kasama sina Lani Misalucha at Christian Bautista.

Nalilibang din siya sa kanyang pagsu-zumba kaya physically fit siya ngayon. 

Naibalita rin ng Comedy Queen na ibinabalik niya ang dating tradisyon kung saan nagsusuot siya ng belo kapag siya ay nagsisimba bilang tanda ng respeto sa simbahan. Marami na ngayon ang hindi na gumagamit ng belo kapag nagsisimba.

Marami ang shocked… LOVI, RUMAMPA PA SA BENCH, 7 MONTHS BUNTIS NA RAW

ni Erlinda Rapadas @Teka Nga | June 2, 20255

Photo: Lovi Poe - IG

Marami ang hindi makapaniwala sa balitang 7 months preggy na si Lovi Poe. Nakita pa kasi siyang rumampa sa Bench Summer 2025 at wala namang nakitang baby bump niya. Napaka-sexy ni Lovi nang rumampa sa kanyang summer look.

Pero balita nga ng malalapit na kaibigan ni Lovi na preggy na ang aktres. 

Marami naman ang natutuwa kung totoo na talaga ito dahil alam nilang pangarap ni Lovi na magkaroon na sila ni Monty Blencowe ng kanilang little angel. 

At sa edad niyang 36, nararapat na nga na magkaroon na sila ng baby upang makumpleto ang kanilang pamilya. 

Excited na rin si Lovi na ma-experience ang maging ganap na ina.

---

MARAMI nang nakarelasyong artista si Gerald Anderson tulad nina Kim Chiu, Sarah Geronimo, Maja Salvador, Bea Alonzo at Julia Barretto. Magkakaiba ang naging experience niya sa bawat relasyon na kanyang pinagdaanan. 

Sa height ng kanyang popularidad ay naging makulay ang kanyang love life, kaya chickboy ang kanyang naging image sa showbiz dahil papalit-palit ang kanyang naging karelasyon.

Marami rin ang nagtatanong kung bakit nauuwi sa breakup ang relasyon niya sa mga babaeng kanyang minahal? Masaya naman sa umpisa ang bawat love story na nagdaan sa buhay ni Gerald.

Pero sa isang interbyu ni Boy Abunda, inamin ni Gerald na sa lahat ng kanyang nakarelasyong artista, si Kim Chiu ang kanyang greatest love. Marami raw magagandang bagay na naituro sa kanya si Kim. Isa na rito ay ang pananatiling humble at huwag magbabago kahit na sumikat pa nang husto at ‘yun ang kanyang tinatandaan kapag naaalala niya ang aktres.

---

INAMIN mismo ni David Licauco kay Barbie Forteza na segurista siya pagdating sa pag-ibig. Hindi raw siya basta nanliligaw sa babae kapag naramdaman niyang wala siyang pag-asa. Hindi siya basta sumasabak kahit type niya ang isang girl. Nagtatanung-tanong din muna siya sa mga kaibigan ng girl na balak niyang ligawan kung papasa ba siya.

Hindi open si David Licauco pagdating sa kanyang love life. Hindi niya ito ipino-post sa social media. 

Ang pagiging tahimik ni David Licauco ang nakaka-attract sa mga kababaihan. At plus factor din na may mga negosyo na ito at financially stable na.

Inamin ni David na naka-lima na siyang girlfriends, pero nauwi sa paghihiwalay. Kaya naman, may mga nagsasabing sana ay si Barbie na lang ang ligawan ni David. Tutal, magkasundo sila sa maraming bagay kahit magkaiba ang kanilang personalidad. Isa pa, nagkakatulungan sila sa kani-kanilang career.

Kaya raw naghiwalay… JULIA, ATRAS MAGPAKASAL KAY GERALD

ni Erlinda Rapadas @Teka Nga | May 31, 20255

Photo: Julia Barretto - IG

Tuluyan nang binura ni Julia Barretto ang mga larawan nila ng nobyong si Gerald Anderson sa kanyang IG account.

Kaya naman, mas tumibay ang bali-balitang tinapos na nila ang kanilang relasyon na tumagal din ng 6 na taon. 

Parehong hindi nagbigay ng statement sina Julia at Gerald sa issue ng kanilang breakup. Pero, hindi nila ito maitatago nang matagal sa media. 

Samantala, may ilang nagsasabi na posibleng ang isa sa mga dahilan ng kanilang paghihiwalay ay ang pagtanggi ni Julia na magpakasal na. 

Nasa kasagsagan kasi ng kanyang career ngayon si Julia at maraming oportunidad ang mawawala kapag siya ay nagpakasal na. 

Alam ng lahat na gustung-gusto na ni Gerald ang mag-asawa at bumuo na ng sariling pamilya. Handa na siyang harapin ang responsibilidad ng isang padre de familia. Gusto na niyang maranasan ang maging ama tulad ng iba niyang kasabayang artista. 

Ang problema lang ay hindi pa handa si Julia na i-give-up ang kanyang career. Marami pa siyang pangarap na gustong abutin.

---

Katas ng showbiz… DAVID, NAKABILI NA NG DREAM CAR WORTH P7 M

MASAYA at excited ang Kapuso actor na si David Licauco dahil nabili na rin niya ang kanyang dream car. Isa itong white Porsche Taycan na ang presyo ay nasa P7 M, depende sa model. 

Electric car ito na bagong labas lamang sa ‘Pinas. Ito raw ay regalo ni David sa kanyang sarili. 

Sabi nga, katas ng showbiz at pinag-ipunan niya ito, kaya mas mai-inspire at sisipagin si David sa kanyang mga projects.

Bukod sa acting, susubukan na rin ni David ang maging recording artist ng GMA Records. At hindi siya makapaniwala na magiging singer din siya. 

In fact, ang pagiging artista ay hindi rin pinangarap noon ni David. Shy type kasi siya at tahimik lang. Pero, dinala siya ng kanyang kapalaran sa showbiz at pinalad na mabigyan ng break. Nag-click naman ang tambalan nila ni Barbie Forteza at nabuo ang BarDa love team.

---

NAGING emosyonal ang buong cast ng Pepito Manaloto (PM) sa kanilang taping para sa 15th anniversary ng sitcom.

Lahat ay nagpapasalamat na umabot ang PM nang mahigit 10 taon sa ere. Napakasimple lang ng bawat episode ng sitcom at maraming viewers ang natutuwa dahil nakaka-relate sila sa kuwento. 

Natural din ang pagganap ng buong cast sa kanilang role. Para silang isang masayang pamilya kapag nasa set. 

Hindi rin dumedepende ang PM sa mga big stars na guest. Kahit nga walang malaking artista ay nakaya ng PM na makapaghatid ng masayang palabas tuwing Sabado ng gabi. 

Wish ng mga bumubuo sa comedy serye sa pangunguna nina Michael V., Manilyn Reynes, Nova Villa, Ronnie Henares, John Feir, Jake Vargas, Chariz Solomon, Angel Satsumi, Mosang, Arthur Solinap atbp., na magpatuloy ang Pepito Manaloto sa ere sa marami pang taon.