Fans, ayaw paasahin… KATHRYN, INIIWASAN DAW SI ALDEN DAHIL MAY DYOWA NANG PULITIKO

ni Erlinda Rapadas @Teka Nga | July 2, 20255

Photo: Kathryn Bernardo - IG

Nagtatanong ang mga fans kung bakit hindi sinipot ni Kathryn Bernardo ang Guillermo Mendoza Memorial Award na ginanap sa Makati Plaza nu’ng Sabado. 

Pareho silang awardees ni Alden Richards bilang Box Office Stars. Si Alden, kahit may sakit at matindi ang sipon ay nagawang dumalo at tanggapin ang kanyang trophy bilang Box Office King. 

Last year ay siya rin ang Box Office King sa 52nd Guillermo Mendoza Memorial Award. Tandem sila ni Kathryn sa Hello, Love, Again (HLA), kaya natural na hanapin ang aktres ng kanyang mga fans.

Ayon naman sa ilang fans ni Kath ay may previous commitment ang actress kaya hindi nakadalo sa awards night. 

May ilang netizens naman ang nagsabi na sadyang iniwasan daw ni Kathryn na magkita sila ni Alden. Ayaw daw niya na patuloy na paasahin ang mga KathDen (Kathryn at Alden) fans. 

Marami rin ang nagsasabi na totoo ang relasyon ni Kathryn Bernardo sa isang young politician, at wala na siyang balak na balikan pa si Daniel Padilla.

---

MARAMING fans at vloggers ang humanga sa Kapuso actor na si Ruru Madrid nang dumalo ito sa Guillermo Mendoza Memorial Award. 

Si Ruru ang itinanghal na Best Supporting Actor of the Year dahil sa napakahusay niyang pagganap sa pelikulang Green Bones (GB). Sila ni Dennis Trillo ang lumutang nang husto sa GB. 

Puno ng pasasalamat ang aktor sa kanyang acceptance speech. Lahat ng kanyang naging mentors sa showbiz ay kanyang binanggit at pinasalamatan, especially ang GMA Network na nagtiwala sa kanya.

Pagbaba ng stage at bago umalis ay pinagkaguluhan ng mga fans at vloggers si Ruru. At lahat ng bumati at gustong magpa-picture ay kanyang nilibang at pinaunlakan. Wala siyang hawi boys na nakabakod, kaya tuwang-tuwa ang mga vloggers dahil pati mga interviews ay pinagbigyan ni Ruru. 

Sana raw, lahat ng artista ay tulad niya – mabait, humble at accommodating. Hindi siya binago ng panahon.

---

Kapalit ni Priscilla, idinidispley na… JOHN, MAY BITBIT NA PRETTY GIRL SA AWARDS NIGHT

SPOTTED si John Estrada na may kasamang magandang girl sa Guillermo Mendoza Memorial Award. 

Nabigyan ng parangal ang FPJ’s Batang Quiapo (BQ) bilang Popular TV Program-Primetime Drama at si John na isa sa cast ng BQ ay tinanghal ding TV Supporting Actor of the Year. Kaya bukod kay Coco Martin ay pinagsalita rin ang ibang cast ng serye. 

Sabay na umalis si John at ang magandang girlash na kasama niya, kaya marami ang nagsasabing ito na ang kapalit ni Priscilla Meirelles sa puso ng aktor.

Well, pinutol na ni Priscilla ang relasyon nila ni John bilang mag-asawa, at wala na siyang balak na balikan pa ang mister. Ang co-parenting na lang sa kanilang anak ang inaayos nila. 

Buhay-binata na naman ngayon si John, at si Priscilla naman ay haharapin ang kanyang showbiz career. Pumirma na siya ng contract sa Viva Artists Agency. 

Tinanggap na niya ang naging kapalaran ng relasyon nila ni John Estrada. Kakayanin niyang mag-survive on her own.

Ala-Heart daw… GABBI: MAARTE AKO PERO ‘DI AKO NAG-IINARTE

ni Erlinda Rapadas @Teka Nga | July 1, 20255

Photo: Gabbi Garcia - IG

Classy at smart ang personalidad ng Sparkle artist na si Gabbi Garcia, kaya ang akala ng marami ay suplada ito at maarte. 

Para raw siyang si Heart Evangelista na mahirap lapitan ng mga fans.

Ganunpaman, nang mag-guest si Gabbi sa Fast Talk with Boy Abunda (FTWBA), inamin niya na totoong maarte siya sa maraming bagay. Nasanay kasi siya na well-provided ng kanyang parents ang lahat ng kanyang magustuhan.

Flight attendant ang kanyang mommy kaya kayang ibigay ang mga material things na gusto niya. 

Pero paglilinaw ni Gabbi, maarte man siya, hindi naman siya nag-iinarte lalo na kapag nasa set ng taping. Seryoso siya sa kanyang ginagawa at napupuri ng kanyang direktor at mga co-stars si Gabbi.

Kahit anak-mayaman ay mabait, humble at marunong makisama sa lahat ang aktres. 

Bukod sa acting ay hinahasa rin ngayon si Gabbi Garcia sa pagho-host ng mga shows.

---

NAKIKITA sa aura ngayon ni Jennylyn Mercado na masaya siya sa kanyang married life sa piling ni Dennis Trillo. Naresolba na nila ang kanilang mga differences at tanggap nila ang kahinaan at pagkukulang ng isa’t isa.

Sa unang chapter ng kanilang love story ay inamin ni Jen na madalas silang mag-away noon ni Dennis kaya sila naghiwalay at nakalaya sa kanilang commitment.

Pero sa ilang taon na sila ay nagkahiwalay, doon na-realize ni Dennis na si Jennylyn ang kanyang one true love. Kaya muli niya itong sinuyo at binalikan, kasabay ng pagma-mature at ang positibong pananaw sa kanilang relasyon.

Maraming fans ang natuwa nang magpakasal sina Jen at Dennis. Sila ang talagang itinakda para sa isa’t isa. 

At tamang-tama ang kanilang pagsasama sa action-seryeng Sanggang Dikit FR (SDFR) dahil bukod sa action scenes ay may comedy pa.

Puwede rin pala sa bakbakan si Jennylyn Mercado kahit na kilala siyang dramatic actress.

Samantala, maraming netizens ang nagtatanong, nagselos o nag-away ba sila ni Dennis dahil sa third party? May naging kahati ba siya sa pag-ibig ng mister?

Well, say ni Jen, hindi naging issue sa kanila ni Dennis ang third party. Pinatunayan ng aktor na wala siyang ibang minahal nang binalikan niya si Jennylyn upang pakasalan. Naging mabuti siyang mister.

---

SA katatapos na Guillermo Mendoza Memorial Box Office Awards, itinanghal na Best Actress in Daytime Drama ang Kapuso actress na si Jillian Ward. 

Ginampanan niya ang role ni Dra. Analyn Tayag sa seryeng Abot-Kamay Na Pangarap (AKNP). 

Dalawang taon din itong pinanood ng mga viewers at consistent na mataas ang ratings.

Maganda at markado rin ang role ni Jillian nang pumatok siya sa seryeng Mga Batang Riles (MBR). At ngayong nagtapos na sa ere ang serye, inaabangan ng mga fans ni Jillian ang susunod niyang project sa GMA-7. Sana raw, ang maging follow-up project ni Jillian ay challenging tulad ng AKNP.

Well, willing naman si Jillian na subukan ang iba’t ibang klase ng role. Gusto niyang patunayan na karapat-dapat siya sa acting award na ibinigay sa kanya ng Guillermo Mendoza Memorial Awards.

Sa edad niyang 20, handa na si Jillian Ward sa mas mature at seryosong role, kahit na ang tingin sa kanya ng lahat ay bagets pa rin.

Pinagselosan, pinag-awayan… BARBIE, DAHILAN NG BREAKUP NI DAVID AT NG GF

ni Erlinda Rapadas @Teka Nga | June 29, 20255

Photo: Barbie Forteza - IG

Almost one year nang loveless ang Kapuso actor na si David Licauco. September last year pa sila nag-break ng kanyang non-showbiz GF. 

Aminado si David na mahirap sa tulad niyang artista ang may karelasyong hindi taga-showbiz. Hindi maiiwasan ang selos kapag nakikita siyang sweet sa kanyang kapareha tulad ni Barbie Forteza.

Hangga’t kaya raw niya ay sinikap naman ni David na isalba ang relasyon nila ng huling GF. Pero dumating nga sa punto na kailangan nilang maghiwalay dahil hindi na nila kinaya. Nauuwi lang ang lahat sa madalas na pag-aaway, kaya tinapos na nila ang kanilang relasyon. 

Kaya ngayon ay sa kanyang career at mga negosyo ibinubuhos ni David ang kanyang panahon. Hindi rin daw siya nagmamadaling magkaroon ng bagong GF. Hindi ito ang kanyang priority sa ngayon.

Bentahe naman para kay David Licauco na naging kaibigan at ka-love team niya si Barbie Forteza dahil masayahin ito at jologs. 

At kahit brokenhearted din si Barbie dahil sa breakup nila ni Jak Roberto, hindi ito nagpapatalo sa problema at laging positibo ang pananaw sa buhay.

---

Aktor, level-up, kaya nang mag-solo…

KATHRYN, ‘DI NA KAWALAN KAY DANIEL

MAY dapat na ipagpasalamat si Daniel Padilla sa project niyang Incognito. Sumiglang muli ang kanyang career at hindi na hinanap ng mga viewers ang kanyang dating ka-love team na si Kathryn Bernardo. 

May bagong image na ngayon si Daniel at kaya na niyang mag-solo at gumanap ng serious role. Panahon na para tumanggap siya ng mature at challenging role, huwag na siyang mag-stick sa rom-com (romantic comedy) formula. 

Well, puwede nang ipareha si Daniel sa ibang leading ladies. Huwag nang dumepende sa love team system, at mas lalawak ang oportunidad para mag-level-up ang kanyang pagiging aktor.

---

ISA kami sa mga labis na nabigla at nalungkot sa pagkamatay ni Mommy Caring, ang butihing ina ng OPM singer na si Ice Seguerra. 

Champion sa pakikisama at napakabait ni Mommy Caring. Napaka-supportive niya sa career ni Ice mula noong child star pa ito. Siya ang ‘wind beneath my wings’ ni Ice at sinuportahan ang lahat ng pangarap ng anak. 

Super proud si Mommy Caring kapag nakikitang isa-isa nang natutupad ni Ice ang kanyang mga gustong marating bilang singer. At noong nasa awkward age si Ice, lahat ng record producers ay nilalapitan niya para irekomenda ang anak. 

Ramdam ni Mommy Caring na may malaking magaganap sa singing career ng anak, at hindi nga siya nagkamali dahil big hit ang kantang Pagdating ng Panahon (PNP) na nagbalik ng sigla sa career ni Ice. 

Hindi matatawaran ang pagmamahal ni Mommy Caring, kaya isang malaking kawalan kay Ice Seguerra ang pagpanaw ng ina. 

Nagpapaabot kami ng pakikiramay kay Ice, kay Liza Diño at sa younger brother ni Ice na si Juan Miguel. 

Rest in peace, Mommy Caring.