Hitsurang witch na raw sa sobrang tangos… SANYA, OBYUS NA NAGPARETOKE NG ILONG, ‘DI NAKILALA SA GMA GALA

ni Erlinda Rapadas @Teka Nga | August 5, 2025

Photo: Sanya Lopez - IG

Marami ang halos hindi nakakilala kay Sanya Lopez noong GMA Gala 2025. Halatang-halata kasi na nagparetoke siya ng ilong na hindi naman bumagay sa kanya. 

Pareho na raw sila ng hitsura ni Ynez Veneracion, kaya naba-bash si Sanya Lopez ngayon.

Pati ang mga fans ay nagtatanong kung bakit ipinagalaw pa ni Sanya ang kanyang ilong, gayung dati na siyang maganda. Wala nang dapat ipabago sa kanyang mukha dahil maganda ang hugis nito.

Tiyak na mahihirapang umarte si Sanya Lopez kapag ang kanyang role ay madrama o anak-mahirap lang. Hindi siya magiging komportable sa hitsura niya ngayon.

Ang tawag nga kay Sanya ng mga bashers ay ‘witch’ dahil sa sobrang tulis ng kanyang ilong. Dapat ay ibalik na lang ni Sanya Lopez sa dati ang kanyang ilong.

---

Ex-GF, may kapalit na raw…

RICO, NAGMUKHANG BATA AFTER NG BREAKUP NILA NI MARIS

MARAMI ang nagsasabing ibang-iba na raw ang aura ngayon ng singer-composer na si Rico Blanco. Bumata raw ito at masiglang-masigla nang makasama niya sa isang musical event ang grupong SB19.

Kaya marami ang nagsasabing baka nakahanap na si Rico ng bagong inspirasyon kapalit ni Maris Racal. Ang laki ng ipinagbago ng hitsura ni Rico ngayon, parang nagkaroon ng ‘breakup glow’ at punumpuno ng energy kapag nagpe-perform on stage. Mukhang naka-move on na siya sa breakup nila ni Maris. 

Labis itong ikinatuwa ng mga loyal fans ni Rico Blanco. Mas mapapadalas na raw nila itong mapanood sa mga shows at concerts at sisiglang muli ang singing career niya.

---

MARAMI ang nag-react nang si Kyline Alcantara ang napiling Female Best Dressed sa ginanap na GMA Gala 2025 sa Marriott Hotel. 

Marami raw GMA stars ang mas magaganda at agaw-pansin ang suot na gown. Mas deserving manalo ng Best Dressed si Charlie Smith na makulay ang suot na gown.

Pero depensa ng mga fans ni Kyline Alcantara, kakaiba at may class ang gown ng aktres na galing sa Annie’s Collection ng Joan of Arc Gown. Nasa kalahating milyon umano ang halaga nito.

Samantala, natalbugan ni Kyline Alcantara si Kylie Padilla sa suot niyang exotic gown. Si

Kylie ang Female Best Dressed noong GMA Gala 2023 at 2024. Ngayong 2025 ay naagaw na ni Kyline ang korona kay Kylie.

Si David Licauco naman ay dalawang taon nang nananalong Male Best Dressed sa GMA Gala — 2024 at 2025.

---

STILL on GMA Gala, in fairness, nag-effort naman ang lahat ng dumalo ritong Sparkle artists.

Hindi dumalo si Pokwang sa big event dahil mas pinili niyang magluto ng kanyang paninda dahil sa dami ng bulk orders. 

Si Beauty Gonzalez naman ay mas piniling gumala sa India kaysa rumampa sa blue carpet ng GMA Gala.

May mga nagtatanong din kung bakit hindi dumalo sa GMA Gala ang cast ng Pepito Manaloto (PM), lalo na sina Michael V. at Manilyn Reynes.

Kakaiba ang design ng gown na isinuot ni Heart Evangelista na inspired sa kanyang mga paintings. Kakaiba rin ang pasabog ni Ai Ai delas Alas nang dumalo sa GMA Gala. Balot na balot ang kanyang katawan at hindi agad makikilala.

Scene-stealer na naman si Carla Abellana na lutang ang ganda sa suot na yellow gown. Nagmukha siyang Disney Princess.

Couple of the Night naman sina Mika Salamanca at Brent Manalo.

Bibili ng bahay at magtatayo ng resto… JULIA AT COCO, PINAGHAHANDAAN NA ANG PAGTIRA SA BARCELONA, SPAIN

ni Erlinda Rapadas @Teka Nga | August 4, 2025

Photo: CocoJul - IG

Panay-panay ang pag-aaral ni Julia Montes upang matutunan ang iba’t ibang Spanish cuisine. At ang dahilan pala ay may plano sila ni Coco Martin na bumili ng bahay sa Barcelona, Spain. 

Kung si Bea Alonzo ay sa Madrid, Spain bumili ng property, sina Coco at Julia ay mas pinili na sa Barcelona bumili ng bahay.

At mukhang gusto rin nilang magtayo ng Spanish resto sa Barcelona. 

Parehong business-minded sina Coco at Julia kaya sila nagkakasundo. Marunong silang humawak ng perang kanilang kinita sa showbiz, hindi sila bulagsak, at pinaghahandaan ang future ng kanilang mga anak.

---

MASAMA ang loob ng mga fans ni David Licauco kay Barbie Forteza.

Noong GMA Gala 2025 ay si Jameson Blake ang madalas na kasama ni Barbie at marami ang nakakita na panay ang holding hands nila. 

Sobrang close na sila sa isa’t isa, samantalang si David Licauco na dating ka-love team ni Barbie ay solong rumampa sa red carpet.

Kaya naman dismayado ang BarDa fans kay Barbie Forteza. Ano na raw ang mangyayari sa tandem nila ngayong pumasok sa eksena si Jameson Blake? 

Well, tutal naman ay palabas na sa mga sinehan ang horror movie na P77 ng GMA Pictures na pinagsamahan nina Barbie Forteza at Jameson Blake, wala nang dahilan upang patuloy pa rin na makitang magkasama sina Barbie Forteza at Jameson Blake. Mas marami pa rin ang mga fans at supporters ng tambalang BarDa.

---

BAGAMA’T walang exact date kung kailan idaraos ang kasal ni Kiray Celis sa kanyang fiancé na si Stephan Estopia, tiniyak naman ng aktres na sa taong ito (2025) ito magaganap. 

Fully booked daw ang December sa venue na gusto nilang pagdausan ng kasal, kaya puwedeng September, October o November sila pumili ng kanilang wedding date.

Ayon pa kay Kiray, intimate wedding lang ang kanilang gusto at ang mga imbitado ay pamilya at malalapit na kaibigan lamang. 

Handang-handa na ang wedding dress ni Kiray na binili sa shop ni Aurea Vinluan. Pati ang isusuot ng kanyang wedding entourage ay naipagawa na rin. 

Nasabihan na rin nila ang kanilang mga ninang at ninong sa kasal.

Excited si Kiray Celis sa kanyang wedding preparations. Masaya rin ang kanyang parents sa desisyon niyang magpakasal na sa kanyang longtime boyfriend na si Stephan. It’s about time na bumuo na rin daw sila ng sariling pamilya.

---

MASAYA ang ginanap na GMA Gala 2025 sa Marriott Hotel last Saturday. Nagkita-kita ang mga dating Kapuso artists at maging ang ilang StarStruck stars na hindi na gaanong aktibo ngayon tulad na lang nina Mike Tan at Dion Ignacio.

Magaling namang umarte sina Mike at Dion, kaya request ng kanilang mga fans sa pamunuan ng GMA Network ay sana maisama sila sa mga upcoming serye ng GMA Network. 

Maraming bagong aktor ngayon na ibini-build-up ng Sparkle Artist Center upang magbida.

Pero kung talent ang pagbabasehan, hindi naman kayang sapawan ng mga baguhang aktor sina Mike Tan at Dion Ignacio. 

Iba pa rin ang karisma ng mga StarStruck stars na hinangaan noon at kilala pa rin ngayon, kahit na isama pa sila sa mga veteran stars. At magagaling din silang makisama sa media, wala pa silang amnesia.

Parehong palaban sa kantahan… JULIA, PANTAPAT NG EB! KAY ANNE NG IT’S SHOWTIME

ni Erlinda Rapadas @Teka Nga | August 2, 2025

Photo File: Julia Barretto sa EB - EB YT

Masaya pero naging emosyonal sina Tito, Vic at Joey, ganoon din ang ibang hosts ng Eat…Bulaga! (EB!) sa kanilang selebrasyon ng 46th anniversary. 

Espesyal ang nasabing pagtatanghal dahil dumating ang mga dating co-hosts ng show na sina Ice Seguerra, Julia Clarete at Jimmy Santos. May kani-kanya silang production number.

At bumalik na rin si Atasha Muhlach na ilang buwan ding hindi napanood, kaya tuwang-tuwa ang mga fans niya. 

Si Julia Barretto naman ay nagpakitang-gilas din at game siyang kumanta at sumayaw. Sinasabayan niya ang effort ng ibang EB! hosts. Si Julia ang pantapat ng EB! kay Anne Curtis ng It’s Showtime (IS).

Well, pangako nina Tito, Vic at Joey sa kanilang mga loyal viewers, na hangga’t kaya nila ay patuloy silang maghahatid ng saya.

Target ng EB! na mag-celebrate pa ng kanilang golden anniversary (50 years), kaya 4 na taon pa silang mapapanood. Ito ang patunay na ang Eat…Bulaga! ang longest-running noontime show sa telebisyon.

---

TAHIMIK at mahiyain sa personal ang Kapuso actor na si David Licauco. Hindi pa siya sanay na ang bawat kilos niya ay inuusyoso ng lahat. Hindi pa niya ganap na masakyan ang buhay-showbiz, lalo na ngayon na sila ni Barbie Forteza ang paboritong love team ng lahat. 

Kailangan niyang mag-adjust sa mga fans nila ni Barbie, kaya obligado siyang maging sweet sa harap ng mga BarDa fans.

Malaki ang naitulong sa career ni David ng love team. Nagkaroon sila ni Barbie ng malalaking product endorsements. Sila ang hinihiling ng mga fans na magtambal sa serye at pelikula. 

Pero, hanggang ngayon ay hindi pa ganap na nasasanay si David na inuusyoso ng lahat ang kanyang personal na buhay. Napaka-private niyang tao, kaya gusto muna niyang itago sa publiko ang kanyang love life, isang bagay na imposibleng mangyari dahil kasama sa kanyang kasikatan ang kawalan ng privacy.

---

MARAMI ang nahihiwagaan sa tunay na dahilan ng pagkamatay ng mister ni Rufa Mae Quinto na si Trevor Magallanes. Biglaan kasi ang lahat at hindi naibalita na ito ay nagkasakit.

Nakikiusap sa lahat si Rufa Mae at ang pamilya ni Trevor na bigyan muna sila ng privacy habang inaalam ang tunay na nangyari. Magbibigay daw sila ng official statement kapag maayos na ang lahat. 

Ganunpaman, iba’t ibang espekulasyon na ang kumakalat tungkol sa sanhi ng pagkamatay ni Trevor. Balitang may cancer ito at ‘yun ang dahilan ng kanyang pagpanaw. May nagsasabi naman na nagpakamatay dahil hindi nakayanan ang mga personal na problema.

Labis na ikinalungkot ni Rufa Mae Quinto ang pagkamatay ng kanyang estranged husband. Kahit na naghiwalay sila, mahal pa rin niya ito dahil may anak sila.

---

MARAMI ang nagsasabing malaki ang moral support na ibinigay ni Ashley Ortega kay Shuvee Etrata kaya nakayanan ng huli ang buhay sa loob ng Pinoy Big Brother (PBB) house. 

Naging close sina Ashley at Shuvee nang magkasama sa seryeng Heart on Ice (HOI) ng GMA-7. 

Dahil laking-probinsiya si Shuvee, inalalayan ito ni Ashley upang makapag-adjust sa buhay-Maynila.

At maging ang mga personal niyang gamit tulad ng bags at sapatos ay isine-share niya kay Shuvee. 

Sobrang pasasalamat naman ni Shuvee kay Ashley sa mga tulong sa kanya. Para siyang nakatagpo ng isang kapatid. 

Sey naman ng mga netizens, naging eye-opener kay Ashley ang buhay ni Shuvee Etrata. Sa kabila ng kahirapan na pinagdaanan ay nanatiling matatag at masayahin si Shuvee.

Kinakaya niya ang pagtataguyod sa kanyang mga magulang at kapatid na nasa Cebu. Samantalang si Ashley, sa kabila ng maginhawang buhay ay malayo ang loob sa kanyang ina at namumuhay na mag-isa.