Naka-jackpot pa kay Julia… COCO, NAKINIG SA PAYO NI SEN. LITO KAYA YUMAMAN

ni Erlinda Rapadas @Teka Nga | August 24, 2025

Photo: Lito Lapid at Coco Martin/ File circulated

Dapat na pamarisan ng ibang sikat na artista si Coco Martin pagdating sa paghawak ng pera. 

Galing sa hirap ang aktor-direktor at alam niya kung gaano kahirap kumita ng pera. 

Lahat ng klaseng trabaho ay kanyang sinubukan upang makaraos lamang at matulungan ang kanyang pamilya.

Kaya nang mabigyan ng break at maisama sa pelikula, doon na nagsimula ang pagginhawa niya sa buhay. 

Sinamantala ni Coco ang lahat ng oportunidad na dumating. Dinoble niya ang sipag sa trabaho at pinakisamahan ang kanyang mga katrabaho sa pelikula.

Maraming natutunan si Coco Martin habang nagtatagal sa showbiz. Hindi siya naging bulagsak sa pera, hindi siya gumagastos sa mga luho lamang, bagkus ay nag-ipon siya para gawing puhunan sa negosyo at magpundar ng mga properties. 

Pinahahalagahan niya ang bawat sentimo na kanyang kinikita sa pag-aartista. Nakinig siya sa mga payo ng mga senior actors na nakatrabaho niya sa Batang Quiapo (BQ) tulad ni Sen. Lito Lapid. 

Ngayon ay masasabing financially stable na si Coco Martin at mabibigyan niya ng magandang future ang kanyang pamilya.

Patuloy ang paglago ng negosyo ni Coco, ngunit kailanman ay hindi niya ito ipinagyabang sa mga kasamahang artista. Tumutulong siya sa mga maliliit na movie workers na nangangailangan ng tulong. 

At suwerte si Coco Martin dahil ang partner niyang si Julia Montes ay masinop at business-minded din na tulad niya.

---

Hindi lang Guillermo Box Office Awards ang ‘di sinipot… KATHRYN, INISNAB ANG FAMAS AWARD

MARAMI ang nagtataka at nagtatanong kung bakit iniisnab na ngayon ni Kathryn Bernardo ang ilang award-giving bodies. 

Hindi sinipot ng aktres ang  Guillermo Mendoza Box Office Award kung saan sila ni Alden Richards ang hinirang na Box Office Queen at King.

Tanging ang aktor ang dumating at tumanggap ng award, isang bagay na tumatak sa mga netizens.

Noong 73rd FAMAS ay si Kathryn din ang itinanghal na Bida sa Takilya (Box Office Queen), pero hindi rin siya sumipot sa nasabing event. 

Kaya nagtatanong ang lahat kung ano kaya ang idadahilan ni Kathryn sa kanyang pang-iisnab sa FAMAS Awards. Hindi tuloy maiwasang isipin ng ilang netizens na nagbago na nga si Kathryn at dedma na sa mga awards na ibinibigay sa kanya.

Alam kaya ni Kath kung gaano kaimportante ang award sa isang artista? Hindi lahat ay binibigyan ng award at pagkilala ng mga award-giving bodies. Huwag balewalain ito dahil makakatulong ito sa kanilang career.

---

ISANG malaking karangalan para sa pamunuan ng Philippine Movie Press Club (PMPC) ang pagpayag ng King of Talk na si Boy Abunda upang mag-host ng 37th Star Awards for TV na gaganapin ngayong Linggo sa VS Hotel sa QC. 

Makakasama ni Abunda sina Pops Fernandez, Robi Domingo, Gela Atayde at Elijah Canlas. 

Ang 37th Star Awards for TV ay ididirek ni Vivian Blancaflor.

Tinitiyak na dadalo ang mga recipients ng awards sa major categories, ganoon din ang mga special awards na ibibigay. 

Bukod sa trophy na ipagkakaloob sa mananalong Best Actress at Best Actor, may cash incentive din mula sa Bingo Plus. Bibigyan din ng cash prize ang mapipiling Best Female at Male Star of the Year.

Masayang-masaya naman ang cast ng Bubble Gang (BG) dahil sina Paolo Contis at Chariz Solomon ang nanalong Best Comedy Actor at Best Comedy Actress.

Congratulations!

Kaya ipina-secret sa ex-GF… ENRIQUE, TAKOT MAWALAN NG CAREER NANG MAG-BREAK SILA NI LIZA

ni Erlinda Rapadas @Teka Nga | August 23, 2025

Photo: Enrique Gil - FB circulated

Maraming fans ng LizQuen (Liza Soberano at Enrique Gil) love team ang nag-react sa ibinunyag ng aktres na si Liza Soberano na three years na pala silang hiwalay ni Enrique Gil, pero inilihim nila sa publiko. 

Ang aktor daw mismo ang nakiusap sa aktres na huwag munang aminin na break na sila. Nag-aalala raw ito sa magiging epekto nito sa kanyang career.

Kahit tinalikuran na ni Liza ang kanyang showbiz career sa ‘Pinas, umaasa pa rin si Enrique na makaka-survive siya kahit wala na ang ka-love team at hindi na sila magkakasama sa anumang project. Buong akala niya ay babalik sa ‘Pinas si Liza at muli silang gagawa ng pelikula.

Samantala, buo rin ang paniniwala ni Liza na mauuwi sa pagpapakasal ang relasyon nila, pero hindi nangyari ang kanyang inaasahan. Hindi pa rin pala handa si Enrique na mag-settle down dahil marami pa siyang personal issues na dapat ayusin. 

Tulad ng aktor, magulo rin ang mundo ni Liza Soberano.

Dismayado naman kay Enrique ang mga tagahanga nila ni Liza. Nakasandal lang pala ang aktor sa kanya para umangat ang kanyang career. Ayaw ni Enrique na mabunyag na hiwalay na sila ni Liza at buwag na ang LizQuen love team. 

Pero desidido na si Liza Soberano na makilala bilang solo artist at maka-penetrate sa Hollywood.

---

MULING pinapirma ng kontrata ng GMA Network ang comedy genius na si Michael V..

Para sa mga big bosses ng GMA-7, si Michael V. a.k.a. Bitoy ang masasabing pinaka-loyal na Kapuso artist. Tatlong dekada (30 years) na siyang bahagi ng network at nakikita naman ang sipag at dedikasyon sa mga projects na ipinagkatiwala sa kanya.

Sa darating na Oktubre ay 30 years na sa ere ang gag show na Bubble Gang (BG). Isa itong espesyal na event kaya inihahanda na ni Michael V. at ng buong BG team ang Bubble Gang Concert. Ito ay bilang handog-pasasalamat ng comedy show sa lahat ng mga viewers na tumangkilik sa kanilang show.

Samantala, ang sitcom naman na Pepito Manaloto (PM) ay patuloy na tinatangkilik ng masang Pinoy. Simpleng-simple lang ang mga kuwento at marami ang nakaka-relate sa PM. 

Saktung-sakto rin ang cast at akma ang pagsasama-sama ng iba’t ibang personalidad.

Fifteen years nang umeere ang comedy serye. Limang taon pa lang noon si Clarissa (Angel Satsumi) at sa PM na rin siya inabot ng kanyang debut. Maraming viewers ang nagsasabi na masaya ang bawat episode, ito raw ang version ng GMA-7 ng John en Marsha (JEM) nina Dolphy at Nida Blanca noon kaya patuloy na pinanonood. May aral din daw na mapupulot sa PM.

Well, hindi sinosolo ni Michael V. ang kredito sa tagumpay ng serye. Joint effort daw ito ng buong cast tulad nina Manilyn Reynes, Nova Villa, Ronnie Henares, John Feir, Chariz Solomon, Jake Vargas, Angel Satsumi, Mosang, Arthur Solinap, Maureen Larrazabal atbp..

---

HANDANG-HANDA na ang pamunuan ng Philippine Movie Press Club (PMPC) para sa 37th Star Awards for TV na gaganapin sa Linggo, August 24, sa VS Hotel.

Magsisilbing hosts ng Star Awards for TV ang veteran host and the King of Talk na si Boy Abunda, kasama sina Pops Fernandez, Robi Domingo, Gela Atayde at Elijah Canlas.

Bukod sa mga major categories na pararangalan (Best Actress, Best Actor, atbp.), bibigyan din ng tribute at Lifetime Achievement Awards sina Caridad Sanchez, Ariel Ureta, Geleen Eugenio at Angelique Lazo.

Gagawaran naman ng Plaque of Appreciation sina Atty. Persida Acosta, Cecille Bravo, Atty. Emerson Bravo at ang VS Hotel.

Ang mananalong Best Actress at Best Actor ay tatanggap din ng cash incentive mula sa BingoPlus, ganoon din ang tatanghaling Female at Male Star of the Year.

Ang 37th Star Awards for TV ay mula sa direksiyon ni Vivian Blancaflor.

Sacrificial lamb daw, para ‘di madamay si Sen. Robin sa tsongke… NADIA, MAY PASABOG SA TAMANG PANAHON

ni Erlinda Rapadas @Teka Nga | August 21, 2025

Photo: Nadia Montenegro - IG

Masamang-masama ang loob ni Nadia Montenegro dahil hindi pa nga naiimbestigahan ang iniisyung diumano’y paggamit niya ng marijuana sa loob ng CR sa Senado ay lumabas na agad sa media ang mapanirang akusasyon sa kanya. Kaya nagdesisyon na siyang mag-resign sa kanyang puwesto upang huwag nang madamay si Sen. Robin Padilla.

Ganunpaman, marami ang nagsasabing ginawa na lang siyang “sacrificial lamb” kahit hindi pa napapatunayan ang ibinibintang. Pero kahit na nag-resign na siya bilang staff ni Sen. Padilla, hindi siya papayag na hindi linisin ang kanyang pangalan. Hindi nangangahulugang dahil nag-resign siya ay guilty na. 

Magsasalita raw si Nadia sa tamang panahon at may pasabog siyang ibubunyag. 

Well, knowing Nadia Montenegro, alam ng lahat na palaban siya at hindi basta-basta pumapayag na apihin ng kahit sino. Tiyak na reresbak siya.

---

‘Di nagmamadaling magka-baby…

EA AT SHAIRA, 2 LANG ANG GUSTONG MAGING ANAK

KAHIT 12 years silang naghintay bago nagpakasal, hindi raw nagmamadali ang newlyweds na sina Shaira Diaz at Edgar Allan “EA” Guzman na magkaroon agad ng baby. 

Nag-e-enjoy muna sila sa kanilang buhay bilang mag-asawa. Susulitin nila ang bawat araw na magkasama. 

Nakatakda silang magbakasyon abroad para sa honeymoon.

May ilang mga netizens na nagsasabing baka sa South Korea sila magpunta dahil sobrang hilig ni Shaira sa K-pop stars. In fact, ang wedding gown ni Shaira ay gawa ng isang sikat na Korean designer. Napakamahal daw ng gown pero worth it naman dahil marami ang humanga at lalong lumutang ang ganda ni Shaira sa suot niyang Korean-inspired wedding gown.

Sa guesting nila sa programang Unang Hirit (UH), nabanggit nina Shaira at EA na dalawa lang ang gusto nilang maging anak. Tulad ni Shaira na dalawa lang silang magkapatid, iyon din ang ideal para sa kanila.

---

MARAMING fans ni Shuvee Etrata ang nakikiusap sa pamunuan ng GMA-7 na sana ay dagdagan at habaan ang mga eksena niya sa action-fantaseryeng Sang’gre: The Encantadia Chronicles (STEC). Bitin daw ang mga viewers at gusto nilang mapanood ang mahaba-habang fight scenes ni Shuvee laban sa mga kalaban.

Hindi naman natatabunan si Shuvee ng mga sikat na artista na kasama niya sa serye. Sa kasikatan niya ngayon, puwede na talagang dagdagan ang kanyang exposure. 

Napatunayan na kahit saan ilagay si Shuvee—drama, comedy, o hosting ay kayang-kaya niya. May timing siya sa comedy, sanay mag-adlib, at mabilis ang pick-up. 

Malaking bahagi rin ng kanyang kasikatan ang exposure niya sa Pinoy Big Brother (PBB) Celebrity Collab Edition.

---

NAGBABALAK magdemanda ang producer at direktor ng pelikulang Wild Boys (WB) na si Carlos Morales laban sa magkapatid na Aljur at Vin Abrenica na bida sa naturang pelikula.

Ang dahilan ay breach of contract dahil sa pagtanggi ng dalawa na mag-promote ng WB, kahit nasa kontrata nila na tutulong sila sa promo.

Tiyak na makakaapekto ito sa career nina Aljur at Vin Abrenica kapag kumalat sa ibang movie producers ang ginawa nila. Napaka-unprofessional daw ng kanilang attitude at siguradong magdadalawang-isip ang ibang movie outfits na kunin silang muli. 

Sa panahon ngayon, dapat maging considerate ang mga artista sa mga bagong producers na namumuhunan nang malaki para makapag-produce ng pelikula. Kung fully-paid naman sila, wala silang dahilan para hindi tumulong sa promotion ng Wild Boys.