COVID vaccination sa mga kabataang walang comorbidities sa Taguig, sinimulan na

ni Jasmin Joy Evangelista | November 2, 2021

Sinimulan na ng Taguig City local government ang pagbabakuna sa menor de edad na walang comorbidities ngayong Martes.

Ayon sa pamahalaang lokal ng Taguig, ang mega vaccination hubs sa Lakeshore at Bonifacio High Street ang siyang mag-a-accomodate sa pediatric population na may edad 12 to 17 without comorbidities.

Ang pagbabakuna naman sa mga menor de edad na may comorbidities na sinimulan noong Oktubre 26 ay magpapatuloy pa rin.

Para sa mga nais magpabakuna, maaari nang magpa-schedule sa pamamagitan ng trace.taguig.gov.ph o Taguig TRACE kiosks na matatagpuan sa mga barangay halls o barangay health centers.

Jollibee, ipinasara dahil sa chicken na naging ‘fried towel’

ni Ronalyn Seminiano Reonico | June 3, 2021

Isinara ang isang branch ng Jollibee fastfood chain sa Bonifacio Global City (BGC), Taguig matapos mag-viral ang post ng isang netizen na um-order ng fried chicken ngunit ‘fried towel’ ang natanggap.

Kaagad naglabas ng pahayag ang Jollibee Foods Corp. at ipinag-utos ang pagpapasara sa branch sa BGC sa loob ng tatlong araw.

Saad pa ng Jollibee, “This concerns the customer complaint on food ordered late evening of June 1 from a franchised store in Bonifacio Global City. We are deeply concerned about this matter and have conducted a thorough investigation on the incident. It is unfortunate that deviations from Jollibee’s standard food preparation procedures occurred on the part of certain personnel of the store.”

Anila pa, “As a result of this incident, we have directed the Jollibee Bonifacio – Stop Over branch to close for three days starting tomorrow, June 3, to thoroughly review its compliance with procedures and refrain its store team to ensure that this will not happen again. We will also send out reminders to all stores to ensure that strict adherence to Jollibee’s food preparation systems.”

Samantala, ang naturang netizen na nag-upload ng ‘fried towel’ ay gumagamit ng username na Alique Perez sa Facebook.

Aniya, um-order siya ng fried chicken via delivery app. Napansin nila umano na mahirap i-slice ang ‘manok’ hanggang sa mapag-alamang tuwalya pala na nakabalot ng breading ang naiprito.

Showroom ng mga kotse, nasunog

PHOTni Lolet Abania | April 29, 2021

Isang retail property ng mga sasakyan na under renovation ang nasunog sa Fort Bonifacio, Taguig City ngayong Huwebes nang umaga.

Sa report ng Taguig City Fire Department, sumiklab ang apoy sa ikatlong palapag ng gusali na pag-aari ng Toyota Philippines sa Bonifacio Global City.

Nagsimula ang sunog bandang alas-10:30 ng umaga, kung saan umabot sa unang alarma nang alas-10:45 ng umaga na itinaas sa ikalawang alarma nang alas-10:50 ng umaga at idineklarang under control nang alas-11:19 ng umaga, habang naapula ang apoy nang alas-11:33 ng umaga ngayong Huwebes.

Tinatayang limang sasakyan ang napinsala sa insidente. Wala namang naitalang nasawi o nasaktan dahil sa sunog.

Inaalam pa ng mga awtoridad ang halaga ng mga natupok na ari-arian.