Stampede sa templo sa India, 7 patay, 19 sugatan

ni Justine Berganio @Overseas News | August 18, 2026

Photo: Ang stampede sa Ashok Dham Temple sa Bihar's Lakhisarai - India Today

Pito katao ang nasawi habang 19 ang sugatan matapos mauwi sa stampede ang kaguluhan sa Ashok Dham Temple sa Lakhisarai district, Bihar, India nitong Lunes.

Nagtipon ang malaking bilang ng mga deboto sa templo para sa pagdiriwang ng banal na buwan para sa mga Hindu nang kumalat ang ulat na bumagsak ang isang poste ng kuryente sa loob ng compound.

Ayon sa pulisya, pinaniniwalaang may mga taong nakuryente matapos bumagsak ang poste, dahilan upang mataranta ang mga deboto at magsimulang magsiksikan. Gayunman, patuloy pang bineberipika ng mga awtoridad ang eksaktong pinagmulan ng insidente.

Isinugod sa mga ospital ang mga biktima habang ipinakita sa mga ulat ang mga kamag-anak na nagtipon sa mga pagamutan habang inililikas ng mga rescuer ang mga nasugatan.

Sinabi ni Lakhisarai District Magistrate Shailendra Kumar na kontrolado na ang sitwasyon at patuloy ang imbestigasyon. Naglaan naman si Bihar Chief Minister Samrat Choudhary ng 400,000 rupees (P256K) na ayuda para sa pamilya ng bawat nasawi.

Stampede sa Madagascar’s National Stadium, 12 dedbol, 80 sugatan

ni Jenny Rose Albason @Overseas News | August 28, 2023

Patay ang 12 katao habang sugatan naman ang 80 sa nangyaring stampede ng sports fans na sinubukang makapasok sa Madagascar’s national stadium para sa opening ceremony ng Indian Ocean Island Games.

Hindi pa rin malinaw kung ano ang sanhi ng stampede, pero sa parehong insidente sa Mahamasina stadium noong 2019, na hindi bababa sa 15 katao ang namatay.

Ayon pa sa Prime Minister na si Christian Ntsay, 11 sa mga sugatan ay nasa kritikal na kondisyon ngayon.

Matatandaan na ang Indian Ocean Island Games ay nilikha ng International Olympic Committee noong 1977, at kinabibilangan ng mga atleta mula sa Mauritius, Seychelles, Comoros, Madagascar, Mayotte, Réunion at Maldives.

8 patay sa music festival sa Houston, USA

ni Lolet Abania | November 6, 2021

Nasa walo ang nasawi habang marami ang nasaktan nang dumugin ng mga tao ang ginanap na Astroworld musical festival sa Houston, Texas, USA nitong Biyernes, ayon sa mga awtoridad.

“The crowd began to compress towards the front of the stage and that caused some panic and it started causing some injuries,” pahayag ni Houston fire chief Samuel Pena sa isang press conference.

Batay sa ulat, tinatayang 50,000 indibidwal ang dumalo sa Astroworld Festival sa NRG Park ng nasabing siyudad, nang ilan sa mga audience ay biglang nagpuntahan sa stage.

Nagsimulang dumagsa ang mga tao, bandang alas-9:00 ng gabi ng Biyernes local time (0200 UTC Sabado) sa event.

Ayon pa sa mga awtoridad, kitang bumagsak na walang malay ang mga biktima at lumala pa ang kaguluhan sa festival ng alas-9:38 ng gabi, habang nagkaroon na ng mass casualty o namatay sa insidente.

“We had at least eight confirmed fatalities tonight and scores of individuals that were injured,” sabi ni Pena, subalit hindi pa nila makumpirma ang sanhi ng pagkamatay ng mga biktima dahil aniya, hinihintay pa nilang makumpleto ang medical examinations ng mga ito.

Sinabi rin ni Pena kung paano nag-umpisang mag-crush o magsiksikan ang mga tao patungo sa stage nang ang rapper na si Travis Scott ay nagpe-perform na.

“We transported 17 patients to the hospital... 11 of those that were transported were in cardiac arrest,” saad pa ni Pena.