Venues ng Palarong Pambansa sa Ilocos Norte, nakahanda na

ni Gerard Arce @Sports News | May 22, 2025

Photo: Marcos Stadium - Ilocos Norte - Palarong Pambansa 2025

Dalawang siyudad at walong munisipalidad sa Ilocos Norte, kabilang ang main hub na Laoag City ang magiging venue ng 24 na pampalakasan para pagdausan ng mga laro sa 2025 edisyon ng Palarong Pambansa na may temang “Nagkakaisang Kapuluan.”

Sa Laoag City naroon ang 12,000-capacity track and field stadium na Ferdinand E. Marcos Memorial Stadium (FEMMS) na paggaganapan ng Athletics, Football (Secondary), Lawn Tennis (Secondary), at Swimming event.

Idaraos din sa Laoag City ang 3x3 Basketball, Basketball (secondary Boys) sa Ilocos Norte Centennial Arena, Basketball (secondary girls) sa Laoag City Amphitheater; Football (elementary) sa Northwestern University-Football Field at iba pa. 

Ang kauna-unahang mga Olympic gold medals ng bansa na pampalakasan na Weightlifting ay gaganapin sa Laoag Central Elementary School, habang ang Men and Women Artistic Gymnastics ay masusulyapan sa Ilocos Norte National High School Gymnasium.  

Gaganapin naman sa Batac City ang Billiards (Mariano Marcos State University-Student Center); Boxing (Imelda Cultural and Civic Center); Chess (Mariano Marcos State University-Library); Football Secondary (Mariano Marcos State University-Football Field); Lawn Tennis Secondary (Mariano Marcos State University-Tennis Court); Sepak Takraw (Mariano Marcos State University-Covered Court); Taekwondo (Mariano Marcos State University-Teatro Ilocandia); at Volleyball Secondary (Mariano Marcos State University-Gymnasium).

Magtatagisan naman ang mga atleta sa munisipalidad ng San Nicolas sa mga larong Archery (Venvi Realty Corp. Open Field -East of Robinsons); Arnis (Marcos Cultural and Sports Center); Dancesport (Robinsons Mall Annex -Activity Area A); Kickboxing (Robinsons Mall -Alfresco Area); at Pencak Silat (Robinsons Mall Annex -Activity Area B).

Tinatayang aabot sa 1,777 na medalya ang maipamimigay sa lahat ng regular sports, maging sa demo sports at para-games, kung saan kaantabay nito ang pagdiriwang ng Filipino heritage na kinabibilangan ng mga Palaro ng Lahi – mga tradisyunal na larong Pinoy na pinapalaganap ang pangangalaga ng kultura sa mga kabataan. 

Hidilyn Diaz, staff sergeant na ng AFP

ni Lolet Abania | July 28, 2021

Ipinahayag ni Armed Forces of the Philippines chief Cirilito Sobejana ngayong Miyerkules na si weightlifter Hidilyn Diaz ay binigyan ng promosyon bilang staff sergeant rank matapos na magwagi ng unang gold medal ng bansa sa 2020 Tokyo Olympics.

Sa isang statement, sinabi ni Sobejana na ang promosyon ni Diaz ay inaprubahan ng Philippine Air Force nitong Hulyo 27. “The Philippine Air Force through its Commanding General approved the promotion of Sgt Hidilyn Diaz effective 27 July 2021 to the rank of Staff Sergeant,” ani Sobejana.

“We laud and support this move at the General Headquarters to mark SSg Diaz’ remarkable achievements in the field of sports and for bringing pride and glory to our country,” dagdag ng opsiyal. Pinuri ni Sobejana si Diaz sa kanyang husay at determinasyon habang sinabing labis siyang ipinagmamalaki ng AFP.

Nitong Lunes, nakamit ni Diaz ang kauna-unahang gold medal ng bansa sa Olympics nang magwagi siya sa women’s 55-kg weightlifting event ng 2020 Tokyo Olympics na ginanap sa Tokyo International Forum.

Ang pagkapanalo ni Diaz ang tumapos sa halos century-long Olympic gold medal drought ng Pilipinas mula nang sumali ang bansa sa games noong 1924. Mula noon ang bansa ay nagwagi lamang ng 3 silvers at 7 bronze medals. Gayundin, si Diaz ay nagwagi na ng silver medal sa women’s 53-kg category sa 2016 Rio Olympics.

#Olympics2020 #Olympics2021 #HidilynDiaz #AFP #ArmedForcesofthePhilippines

Hidilyn Diaz, balik-‘Pinas na

ni Lolet Abania | July 28, 2021

Dumating na sa bansa ang kauna-unahang Olympic gold medalist na si Hidilyn Diaz ngayong Miyerkules nang hapon.

Sakay ng Philippine Airlines flight si Diaz kasama ang kanyang team na lumapag sa Ninoy Aquino International Airport (NAIA).

Una nang sinabi ng Pinay weightlifter na nasasabik na siyang umuwi sa Pilipinas para makasama ang kanyang pamilya.

Bago pa umalis sa Japan, si Diaz ay nanatili sa Malaysia simula pa noong nakaraang taon matapos na ma-stranded dahil sa COVID-19 lockdown. “[Excited akong] ipakita sa inyo ang medalyang napanalunan ko nu'ng isang araw at naipakita na kaya nating mga Pilipino,” ani Diaz sa isang video.

Nakamit ni Diaz ang makasaysayang laban nang magwagi sa women’s weightlifting 55-kg category. Bukod kay Diaz, ang team ng manlalaro sa skateboarding na si Margielyn Didal ay umuwi na rin sa bansa ngayong Miyerkules. Si Didal ay nasa 7th sa finals ng street skate event.

#Olympics2020 #Olympics2021 #HidilynDiaz