Itinago sa trak ng mga niyog... P14M puslit na yosi, naharang sa checkpoint

by Mervin Reyes @News | September 3, 2026

Photo: 14M smuggled cigarettes yosi - PNP

Tinatayang P14 milyong halaga ng hinihinalang smuggled cigarettes ang nasamsam ng pulisya mula sa isang trak na may kargang niyog sa isang checkpoint sa Parang, Maguindanao del Norte nitong Martes, Setyembre 1.

Ayon kay Lt. Patrick Generoso Gascon, team leader ng 3rd Maneuver Platoon ng Regional Mobile Force Battalion, itinago ang mga kahon ng imported cigarettes sa ilalim ng mga niyog sa loob ng wing van.

Alas-11:45 ng umaga nang sitahin para sa regular na inspeksyon

ang trak sa Police Duran detachment sa Brgy. Sarmiento.

Sinabi ni Gascon na iginiit ng driver at helper na hindi nila alam na may ilegal na kargamento ang trak dahil sinabihan umano silang niyog lamang ang kanilang ihahatid sa lalawigan.

Gayunman, naging balisa umano ang dalawa habang isinasagawa ang plain-view inspection, dahilan upang masusing siyasatin ang loob ng wing van.

Doon nakita ng mga pulis ang mga kahon ng hinihinalang smuggled cigarettes na tinakpan ng mga niyog.

Kasalukuyang nakakulong sa Parang Municipal Police Station ang driver at helper habang inihahanda ang pagsasampa ng kaukulang reklamo laban sa kanila.

Aabot sa 400 master cases... 14-M halaga ng smuggled na sigarilyo, nasabat!

ni Zel Fernandez | May 1, 2022

Nasabat ng mga awtoridad ang mga smuggled na sigarilyo sa Maria Clara Lorenzo Lobregat (MCLL) Highway, Culianan, Zamboanga City, bandang ala-1:00 ng madaling-araw.

Batay sa ulat, tinatayang aabot sa P14-M ang halaga ng humigit-kumulang 400 master cases ng mga smuggled na sigarilyo, lulan ng isang ten-wheeler truck, na nakumpiska ng pulisya sa lungsod katuwang ang iba’t ibang security forces.

Kaugnay nito, arestado ang dalawang suspek na kinilalang sina Jose Dichoso Goodwill, 45-anyos, drayber ng truck at ang pahinante nitong si Ryan Jalis Comidoy.

Kasunod nito ay nai-turnover na sa Bureau of Customs (BOC) ang mga nakumpiskang kontrabando, maging ang sasakyan na ginamit sa pagbiyahe ng mga smuggled na sigarilyo.

Samantala, hawak na ng pulisya ang drayber at pahinante nito na kapwa mahaharap sa mga kaukulang kaso.

P64.4-M halaga ng smuggled cigarettes mula China, nasabat ng BOC Batangas

ni Ronalyn Seminiano Reonico | August 29, 2020

Nasabat ng Bureau of Customs-Port of Batangas nitong Huwebes ang smuggled cigarettes mula sa China na nagkakahalagang P64.4 million.

Ayon sa BOC, dumating ang shipment sa Port of Batangas mula sa Guangdong, China noong August 20 na idineklara umanong plastic cabinets.

Nang dumaan ang naturang shipment sa physical examination, napag-alaman na ito ay naglalaman ng 1,631 kahon ng sigarilyo.

Agad namang inirekomenda ni Acting District Collector Rhea M. Gregorio ang issuance ng Warrant of Seizure and Detention laban sa “entire shipment” dahil sa paglabag nito sa Section 1400 “Misdeclaration, Misclassification, and Undervaluation in Goods Declaration.”

Pahayag din ng BOC-Port of Batangas, “The BOC-Port of Batangas ensures that the Bureau remains steadfast in securing our country’s borders, facilitating trade, and collecting lawful revenues.”