China, magdo-donate ng 1 M COVID vaccine sa Cambodia

ni Ronalyn Seminiano Reonico | January 16, 2021

Magdo-donate ng 1 million doses ng Sinovac COVID-19 vaccine ang China sa Cambodia, ayon kay Prime Minister Hun Sen.

Ayon sa Cambodia prime minister, "Friend China is helping us with one million doses.

"Many countries are already using vaccines, including those of the People's Republic of China, Sinopharm and Sinovac, which are our necessities and we cannot wait any longer.

"This is necessary for national defense, to prevent the people from contracting this vicious pandemic."

Ayon din kay Hun Sen, ang unang makakatanggap ng bakuna ay ang mga frontline health workers, guro, sundalo at ang mga opisyales ng bansa.

COVID-19 vaccine ng China, presyong pang-“BFF” lang — Roque

ni Ronalyn Seminiano Reonico | January 14, 2021

Presyong pang-“BFF” o "best friend forever" diumano ang inalok ng China sa ‘Pinas para sa COVID-19 vaccine na Sinovac Biotech. Ito ay ayon mismo kay Presidential Spokesperson Harry Roque matapos kuwestiyunin ng marami ang mataas na presyo ng bakuna kumpara sa ibang brand.

Pahayag ni Roque, "Nabigyan po tayo ng presyo na ukol lamang sa kanilang BFF.

"Kung hindi po ako nagkakamali, pangatlong pinakamahal lang po siya out of 6 brands, so it is in the mid-range. Wala pong katuturan 'yang nginangawa ng mga kritiko na napakamahal daw ng Sinovac.”

Samantala, hindi naman sinabi ni Roque ang halaga ng Sinovac COVID-19 vaccine.

Ang tanging naging pahayag niya, “I’m not at liberty pero I can say, sa lahat po ng oorderin natin, hindi pinakamahal ang Sinovac. Alam n’yo kasi ang Tsina, hindi ‘yan kapitalista, komunista ‘yan. So their prices are not driven by market forces. Pupuwede silang unilaterally mag-fix ng price.

“At I can assure you, nabigyan po tayo ng presyo na ukol lamang sa kanilang BFF. Hindi po pinakamahal ang Sinovac.”

Sa ngayon ay nag-secure na ang Pilipinas ng 25 million doses ng Sinovac COVID-19 vaccine at 50,000 dito ay inaasahang darating sa bansa sa Pebrero.

25,000 vaccinators, isinailalim na sa training

ni Lolet Abania | January 12, 2021

Tinatayang nasa 25,000 ang isinailalim sa training para mag-administer ng COVID-19 vaccines sa mga Pinoy kasabay ng nalalapit na pagsisimula ng gagawing pagbabakuna sa bansa, ayon kay Vaccine Czar Secretary Carlito Galvez Jr.

Ayon kay Galvez, pinagsama-sama na rin ng mga local government units (LGUs), partikular ang National Capital Region (NCR), ang listahan ng mga kasali sa vaccination.

“We are training more or less 25,000 vaccinators,” ani Galvez sa isang interview.

“'Yung ating mga LGUs lalo na dito sa NCR nagko-consolidate na sila ng mga master list ng mga magpa-participate sa nationwide vaccination,” dagdag niya.

Target ng gobyerno na mabakunahan ang 50 hanggang 70 milyong Pinoy kontra COVID-19 ngayong taon.

Sinabi ni Galvez na tinatayang 50,000 Pinoy ang inaasahang mababakunahan laban sa coronavirus nitong Pebrero ng Sinovac vaccines.

Ito ang magsisilbing panimula para sa gagawing pagbabakuna, ayon kay Galvez.

“Magkakaroon tayo ng national rollout. So ito 'yung tinatawag natin na rehearsal para matuto 'yung ating mga vaccinator at para makita natin 'yung assimilations kung paano natin gagawin ang nationwide rollout,” ani Galvez.

Binanggit ni Galvez na ang mga nasabing vaccinators ay nakadalo na rin sa mga isinagawang lectures tungkol sa pagbabakuna at itong ‘rehearsal’ ang magsisilbing ‘practical exercise’ nila.

Dagdag ni Galvez, kapag dumating na sa Pebrero ang 50,000 doses ng Sinovac vaccines sa bansa, marami pang nakatakdang i-deliver nito sa mga susunod na buwan.

“So 'yung pagbibigay ng Sinovac, we will have 50,000 for February, 950,000 for March, 1 million for April, 1 million for May and then 2 million for June and 3 million for July and so on and so forth,” aniya.

“'Yan ang dapat malaman ng mga kababayan natin kapag nag-order tayo ng vaccine. It will be in tranches,” sabi ng kalihim.

Gayunman, ayon kay Galvez, posibleng maunang gamitin ang COVID-19 vaccines na mula sa Pfizer sa ilalim ng COVAX Facility bago ang Sinovac vaccines kasabay ng plano ng gobyerno para agarang pagbabakuna sa bansa.