No extension sa SIM registration — DICT

ni BRT | April 20, 2023

Nanindigan ang Department of Information and Communications Technology na walang extension ang April 26 SIM registration deadline.

Sa isang pahayag, sinabi ng DICT na natanggap na nila ang mga kahilingan ng mga telcos na palawigin ang SIM registration period gaya ng nakasaad sa SIM Registration Act.

Sa natitirang pitong araw, wala pa umanong plano ang nasabing departamento na i-extend pa ang deadline nito.

Ang pagkabigong magparehistro ay magreresulta sa pag-deactivate ng mga SIM.

Sim registration, inihirit na i-extend

ni Alvin Fidelson | April 18, 2023

Inirekomenda ng mga regulators at stakeholders ang posibleng pagpapalawig ng SIM registration na magtatapos ngayong Abril 26, ayon sa pahayag ni National Telecommunications Commission Deputy Commissioner Jon Paulo Salvahan.

Hinimok ng halos lahat ng major telco players ang gobyerno na palawigin pa ang deadline, dahilan din umano ang kakulangan ng publiko ng valid IDs at ang kapabilidad ng mga ito pagdating sa digital na paggamit ng internet at smartphones.

Registration ng SIM cards para iwas-panloloko, isinusulong

ni Ronalyn Seminiano Reonico | May 7, 2021

Isinusulong ni Deputy Speaker Wes Gatchalian ang mandatoryong registration ng prepaid SIM cards upang madali umanong mahanap ang mga scammers at sangkot sa fraudulent online activities.

Kabilang si Gatchalian sa mga primary authors ng House Bill No. 5793 o ang Subscriber Identity Module (SIM) Card Registration Act.

Aniya, kung magkakaroon ng mandatory registration ng mga prepaid SIM cards, maiiwasan ang talamak na online scams kung saan kadalasang nabibiktima ang mga food delivery services.

Pahayag ni Gatchalian, "We change SIM cards as fast as we change our soiled shirts. Alarmingly, this seeming boundless stream of supply has become a magnet for nefarious and illegal activities. “For example, mobile phone numbers are used to register to food delivery services like GrabFood and Food Panda and because users can create fake names and hide behind the anonymity that a prepaid mobile number can give, they become brazen in committing fraudulent acts.”

Aniya, ang pagsulong ng registration ng prepaid SIM cards ay suportado rin ng telecommunications companies at mga delivery riders.

Saad pa ni Gatchalian, “We want to protect the interest of our hardworking food and package delivery riders who have no choice but absorb the expenses and the penalties incurred when they fall victim to these pranks and scams.

“We would easily be able to ascertain the identity of these scammers as everyone purchasing a prepaid SIM card would now be required to provide a valid ID.”