9 patay sa cargo plane crash sa Siberia

ni Jasmin Joy Evangelista | November 4, 2021

Patay ang lahat ng sakay ng isang cargo plane matapos nitong mag-crash sa Siberia.

Ayon sa Russian federal aviation agency na Rosaviatsiya, ang Antonov An-12 plane ay ino-operate ng Belarussian company na Grodno.

Siyam na katao ang sakay nito na nagpaikot-ikot umano bago nawala sa radar at bumagsak sa lungsod ng Irkutsk, Siberia.

"The only thing we can see is that, unfortunately, everyone is dead," ani Igor Kobzev, regional governor ng Irkutsk.

Ayon pa sa Belarussian authorities, ang mga tao sa cargo plane ay binubuo ng experienced na 3 Belarussians, 2 Russians at 2 Ukrainians, at wala rin umanong sakay na cargo.

Sinabi rin ng Russian prosecutors na mayroon pang 2 pasaherong nakasakay sa nasabing cargo plane ngunit hindi sinabi kung ano ang nationality ng mga ito.

7 sports paratroopers patay, 17 iba pa sugatan sa bumagsak na eroplano sa Siberia

ni Lolet Abania | June 19, 2021

Nasa pitong parachutists ang namatay habang mahigit sa labingdalawa ang sugatan matapos na bumagsak ang isang twin-engine L-410 aircraft sa kagubatan ng Kemerovo region sa southwestern Siberia, Russia, base sa report ng Russian media ngayong Sabado.

Sa ulat ng TASS news agency mula sa isang emergency service source, maliban sa pitong nasawi, tinatayang 17 katao ang nasugatan sa pagbagsak ng eroplano malapit sa Tanagi Airport.

Ayon sa pahayag ng local prosecutor office, nagpadala ang crew ng isang distress signal hinggil sa pagkakaroon ng engine failure ng kanilang eroplano bago ito tuluyang bumagsak.

Sinabi naman ni Rosaviatsia, tagapagsalita ng Russian Civil Aviation Administration sa Siberian branch, nagsasagawa na sila ng search-and-rescue sa paligid ng bumagsak na eroplano, subalit hindi na siya nagbigay pa ng ibang detalye tungkol sa insidente.