Acts of Lasciviousness vs Nones at Cruz, ibinasura… SANDRO: ‘DI PA TAPOS ANG LABAN!

ni Lucille Galon @Special | Feb. 14, 2025

Photo: Sandro Muhlach - Instagram

Naglabas na ng pahayag ang aktor na si Sandro Muhlach, anak ni Niño Muhlach, sa kanyang Instagram (IG) Story matapos ibasura ng Pasay Metropolitan Trial Court ang isang kaso laban kina Jojo Nones at Richard Cruz kaugnay ng umano’y sexual assault na naranasan sa kanila ng Kapuso actor.  

Sa ulat ng State of the Nation nitong Miyerkules, sinabi ng Pasay Court Branch 46 na kanilang kinatigan ang mosyon nina Nones at Cruz, kaya ibinasura ang dalawang bilang ng acts of lasciviousness na isinampa laban sa kanila.  

Sey ni Sandro, “The case wasn't dismissed, just one of the charges. The court removed the acts of lasciviousness charge because it's already part of the sexual assault case, which is still ongoing. “Meaning, mas matindi ang magiging kaso. But we will still file motion for reconsideration for acts of lasciviousness. Hindi sila makakalusot dito at ilalaban ko 'to hanggang huli! I will make sure na hindi na kayo makakaulit sa iba! #ENDRAPE.”

Samantala, pinuna rin ni Sandro ang mga pahayagan na nagpapakalat ng fake news o may misleading headline tungkol sa balita na pagbabasura ng kasong isinampa niya.

Diin niya, “I'm disappointed @inquirerdotnet misleading title ng article n'yo. Pinapasaya n'yo 'yung perpetrators at lawyer nila. Hindi pa tapos. See y'all in court!”

Mukhang mahaba pa nga ang tatakbuhin ng kaso. Makakamit kaya ni Sandro ang hustisyang hinihingi niya? Abangan!

---

OPISYAL nang inanunsiyo ng Kings of P-Pop na SB19 ang kanilang Simula At Wakas World Tour ngayong 2025.

Sa isang social media post noong Miyerkules, Pebrero 12, ibinahagi ng grupo ang listahan ng mga lungsod na kabilang sa kanilang highly anticipated tour na tatakbo mula Mayo hanggang Oktubre.  

Magsisimula ang tour sa Bulacan ngayong Mayo, bago tumungo sa iba’t ibang bahagi ng Asia, the United States and the Middle East. 

Wala pang karagdagang detalye ang SB19 tungkol sa tour, kaya abangan ang susunod nilang anunsiyo.

Matatandaang nitong nakaraang buwan, ipinasilip ng grupo ang kanilang cinematic teaser para sa bagong extended play (EP) na Simula at Wakas.

Samantala, Pebrero 28 naman nakatakdang i-release ang comeback single ng grupo, habang Abril 25 ang opisyal na paglabas ng kanilang Simula at Wakas EP.

Sa excitement ng mga fans, nag-trending sa X (dating Twitter) ang #SaWWorldTour bilang suporta sa upcoming tour ng SB19.

---

MAY sagot si Carlos Agassi sa mga netizens na may komento sa kanyang edad ngayong 45 years old na siya.

Sa isang post, tinawanan na lang ng rapper-actor ang mga komento ng ilang netizens tungkol sa kanyang ‘pagpapabata noon at hitsura ngayon.’ 

Ayon sa Happy Birthday at Cute Ako singer, hindi talaga mapipigilan ang paglipas ng panahon.  

Komento ng isang netizen sa kanya, "Grabe, ang tanda na ni Carlos Agassi! Ano'ng nangyari sa kanya?"

Ani Carlos, “Guys, walang nakakatalo kay Father Time. Lahat tayo, tatanda. Ang mahalaga, meron tayong pinagkatandaan—natututo tayo, nagma-mature tayo, nagkakaroon tayo ng

knowledge at wisdom.”

Well, noon ay miyembro ng The Hunks si Carlos Agassi kasama sina Jericho Rosales, Piolo Pascual Diether Ocampo at Bernard Palanca. Ngayon, tuloy pa rin ang pagpapaganda niya ng katawan sa pamamagitan ng pagdyi-gym at healthy diet. 

Kilalang-kilala rin ngayon ang aktor sa socmed (social media) dahil sa pagra-rap o bilang recording artists na para sa marami ay nakakatawa ngunit para sa iba’y nakakainis. 

Marami rin ang natuwa nang sumikat ang aktor sa TikTok (TT) dahil sa mga health advice niya at gym tips para pumayat o lumaki ang katawan. May seryosong side rin daw pala si Carlos Agassi.

Aktres, ganu’n daw talaga ‘pag inlab… ANDI, PAAWAK EPEK, AWAY NILA NI PHILMAR, ISINAPUBLIKO, TOGETHER AGAIN NAMAN

ni Ambet Nabus @Let's See | Feb. 12, 2025

Photo: Philmar at Andi - IG

Ngayong nagkabalikan na uli sina Andi Eigenmann at Philmar Alipayo, nag-boomerang naman sa una ang ‘nega’ comments ng mga netizens.

Although lahat ay nagsasabing okey namang nagkabalikan sila, pero ‘yung pagkadismaya at inis ng mga tao ay hindi rin mapipigilan.

Nagmistula kasing ‘korte’ ang sambayanan sa pasabog na inilantad ni Andi tungkol sa away-mag-asawa palang isyu nila. Kumbaga, naglaba ng maruruming damit si Andi sa publiko at dahil sa nagpatangay sila sa emosyon nila, hayun, nabuyangyang nga ang mga hindi kagandahang tawag, impresyon at judgement ng mga tao.

Ang ending tuloy, nakalkal ang mga lumang isyu sa aktres at napatunayan ngang may ‘mali’ sa emosyon nito, na kapag in love pala ito ay kung anu-ano ang gagawin makakuha lang ng atensiyon at higit sa lahat, pinagmukha na naman daw nitong ‘engot’ ang sambayanan.

Wala naman daw pakialam ang mga tao sa kung ano’ng meron si Philmar Alipayo para ipaglaban at ipagtanggol niya nang ganu’n-ganu’n na lang, pero sana nga raw ay hindi na niya ito ibinulgar sa publiko, lalo’t wala raw magandang salita na ipinukol dito ang sambayanan.

Baka raw sa susunod ay wala nang maniwala at kumampi kay Andi dahil umano’y legit siyang ‘baliw, luka-luka at ngarag’ pagdating sa pag-ibig.

---

“THE shortest hiwalayan of the year,” komento ng mga netizens na nag-akala nga na sina Andi at Philmar na ‘yung sumusunod kina Barbie Forteza at Jak Roberto na celebrity couple na naghiwalay this year.

“At ang taray, ha? Maraming ibang celebrities na nasangkot, na-mention at napaglaruan,” hirit pa ng marami.

Then enumerated nga sina Jake Ejercito, Albie Casiño at ultimong ang mga veteran stars na sina Rosemarie Gil at Eddie Mesa.

“Napa-Google nga kami. Sikat palang mga artista ang mga lolo’t lola ni Andi,” komento ng ilang netizens. 

Nataon din kasing binisita pala ng mga veteran stars ang Siargao at nang makipag-lunch nga sina Andi at Philmar, hayun, nagbalikan na sila. Hahaha!

Si Jake naman ay itinag nang bongga ng mga fans nila dahil muli nila itong itinukso sa aktres na makipagbalikan. Kahit nga ‘yung na-timing na socmed post ni Jake ay iniugnay sa Andi-Philmar item. Pero sinabi nga ng guwapong aktor na wa’ siya care sa isyu. Hahaha!

At si Albie ay muling na-vindicate sa lumang isyu ng pagsisinungaling ni Andi sa dati nilang gusot. Makahulugang “Hahahaha!” lang ang nai-post nito sa naturang pang-eeklay ng netizen.

Nakakaloka, ‘di ba?

---

SA bonggang thanksgiving party ng LUXE sa pamosong EDSA Shangri La Ballroom, namataan namin ang mga celebrity endorsers nilang sina Dominic Roque, Dimple Romana, Winwyn Marquez, Alexa Ilacad, mga kilalang vloggers at ‘yung mga partners ni Ms. Ana Magkawas gaya ni Pinky Tobiano atbp.. 

Naloka kami kay Ruffa Gutierrez na bonggang host that evening pero sandali lang itong nag-host dahil ‘yung male co-host na niya ang naiwan sa duration of the show. 

Sa halos 4 hours na itinagal ng program, parang wala pang one hour na nag-host si Ruffa. Hahaha!

Saglit naming nakahuntahan si Dom sa table niya at nagkumustahan kami ng mga raket kasama na ang ‘rider group’ nila nina Jak Roberto et. al. plus mga gawain sa Gabay Kalikasan at Gabay Guro.

Nang sabihin naming mas pogi at mukhang at peace na siya, agad niya kaming pinakiusapang, “No tsismis, Papa Ambet,” na siyempre pa ay inirespeto namin. Hahahaha!

At gaya ng naisulat na namin dito, ibang klase si Winwyn na personal talagang lumapit sa table ko at nakipagtsikahan at nakiusap pang hintayin ko raw ang dance number niya sa program. 

True, mga Ka-BULGAR, kahit inabot ng 10 PM ‘yung portion niya, nag-wait kami at hindi naman kami nabigo sa napanood naming husay at galing niya. Tunay namang namana niya ang awra, alindog at mga kakaibang moves ng nanay niyang si Alma Moreno na noong ‘90s ay naging Dance Floor Diva o Queen din. 

Gaya ni Winwyn, nilapitan din kami ni Dimples at nakipaghuntahan. In fact, ‘yung mga dealers ng LUXE ay bilib na bilib sa mga endorsers ni Ms. Ana dahil tunay na nakikihalubilo ang mga ito sa kanila.

Marian at Dingdong, 10 years stronger!

ni Cristine Marish Rivera (OJT) @Entertainment | Feb. 11, 2025

Photo: Marian Rivera at Dingdong Dantes - Instagram

Marian Rivera at Dingdong Dantes, reel to real. Paano? Got you, besh! Ang iniidolong couple ng karamihan, paano nga ba nagsimula? Sagot ko ‘yan, dito sa Reel to Real!

Pinag-uusapan pa rin hanggang ngayon ang mag-asawang Dingdong at Marian, pero don’t get me wrong ha, ang ibig kong sabihin, sikat pa rin sila at idol ng karamihan kahit bilang mag-asawa.

Nagsimulang magkatrabaho ang dalawa sa remake ng Pinoy teleserye na “Marimar” noong 2007 at dito itinanghal sila bilang GMA’s Primetime King and Queen.

Photo: Dingdong at Marian - Instagram Marian Rivera-Dantes

Base sa ilang panayam noon ni Marian, hindi umano sila magkasundo ni Dingdong at nasusupladuhan ito sa aktor.

So, saan nagsimulang magbago ang lahat? Maraming nagsasabing nagsimula silang ma-develop pagkatapos ng Marimar, pero ang love story nila ay nag-umpisa talaga noong 2008 hanggang 2009 kung saan ginagawa nila ang “Dyesebel” at “Ang Babaeng Hinugot sa Aking Tadyang.”

Fast forward, February 2010, ibinunyag ng dalawa ang special relationship nila sa isang exclusive magazine cover. Matapos ang tatlong taon, sigurado na si Dingdong na si Marian ang gusto niyang makasama hanggang sa pagtanda. Nag-propose ang aktor kay Marian not once, but twice.

Sana all! Unang nag-propose si Dingdong sa Macau noong August 2012. Nangyari ito sa isang ‘Big Dome’ na puno ng butterflies na paborito pala ni Marian.

Sinundan naman ito ng pangalawang proposal sa show noon na “Marian” kung saan nag-propose si Dingdong live, sa harap ng audience na nakasubaybay sa palabas. And then, ikinasal ang dalawa noong December 30, 2014 sa Immaculate Conception Cathedral at binansagang “Wedding of the Year.”

Family of four na ang DongYan ngayon. November 2015 nang ipagkaloob sa kanila ang panganay na si Maria Letizia at sinundan naman ni Sixto noong April 2019.

Nitong nakaraang taon, ipinagdiwang ng mag-asawa ang 10th year wedding anniversary na sinabay rin ng pag-renew ng kanilang wedding vows.

Ibinahagi ni Dingdong ang larawan ni Marian na suot ang white dress at hawak ang bouquet ng puting bulaklak habang mangiyak-ngiyak itong naglalakad papunta sa altar.

Pinost din nila ang mga larawan sa nasabing ceremony kasama ang kanilang mga anak. Magmula pa man noon, inaabangan at kinakikiligan ang love story nila dahil sa mala-teleseryeng kuwento ng couple.