ni Ambet Nabus @Let's See | Mar. 10, 2025
Photo: Troy Montero at Aubrey Miles - Circulated, FB, IG
Troy Montero and Aubrey Miles strikes again.
May tila pa-kontrobersiyal na namang ganap ang mag-asawa sa socmed na pinag-uusapan ngayon.
Na-bash na naman kasi ang mag-asawa na mukhang nasasanay na raw ipagmalaki, ibulgar at ipangalandakan ang pagiging mga “exhibitionist” nila.
Years ago raw kasi ay nag-promote ang mga ito ng isang private resort kung saan in their full nakedness ay mala-Eba at Adan ang peg nila sa mga lumabas na photos sa naturang private resort (pero ginawang public ang promo).
This time, kahit mga naka-damit ay very sexual naman ang theme ng mga posing nila sa loob ng isang sasakyan dahil ‘yun nga ang ipino-promote nila para sa mga nais bumili ng car.
“Nasaan na ang pagiging disente d’yan? Granting na talaga namang maraming tao ang nag-e-experiment din ng mga sexual activities nila, pero napaka-cheap naman ng promo slant ng car company na ‘yan. Hindi ba may mga anak na ‘yang sina Troy at Aubrey?
“Ang sagwa lang makita ng mga wala pang muwang sa mundo o kahit ng mga virgin pa ang sobra naman nilang pagiging experimental.
“Gumawa na lang kaya sila ng adult content ng mga sexual fantasies and trips nila kung ang hilig-hilig nilang i-share sa public ang mga kali**gan nila,” ang mataray na reaksiyon ng mga nagsasabing binabago ng mag-asawa ang disenteng definition ng “moral at morality.”
May humirit pa, “‘Pag naman tinawag silang mga porn stars, nagre-react sila. Anything na lang para pagkakitaan o makalibre sila, ‘no? Talagang gusto nilang gawing normal ang mga dapat ay private activity ng couple sa room nila.”
Aguy, uy!
“I hope that her boundaries can be respected,” ang bahagi nga ng request ng PBA cager na si Caelan Tiongson sa tila naging negative na reaction ng mga BINI supporters sa napapabalitang friendship nila ni Aiah Arceta.
Pinutakti kasi ng bashing ang basketball player ng ilang ayaw mabalitaang may seryosong love life ang mga idol nila, in this case nga ay si BINI Aiah.
Although ipinaliwanag na ni Aiah na may mga common friends sila kaya sila nakikitang magkasama, wala raw talagang romantic something or what between them.
Well, hindi nga ini-encourage ng BINI management ang pagkakaroon ng romantic involvement ng mga members nila pero kung hindi naman maiiwasan ay gawin na lang dapat na discreet o hindi publicised.
May mga naniniwala kasing hindi lang naman si Aiah ang may ganyang sitwasyon sa grupo, lalo’t aware naman daw ang lahat na ‘career-threatening’ move nga ang pagkakaroon ng karelasyon ng kahit na sinong member ng BINI.
Diyan nga naman nagsisimulang magkaroon ng mga sari-saring isyu to the point na naaapektuhan na ang lahat.
Ayaw ng mga Bloomers ng ganyan. Hahaha!
AY, mabuti pang pasalamatan na lang natin si Ivana Alawi.
Napaka-generous kasi ng aleng ito na nag-share ng kanyang blessings at sumagot din ng mga isyu.
Sa katatapos lang na thanksgiving party niya para sa mga showbiz friends, game na game na nakipaghuntahan si Ivana sa latest niyang mga ganap.
Binigyan niya tayo ng balita sa kondisyon ng kanyang health na bumubuti na sa ngayon after niyang maoperahan.
At bilang isa nga siya sa most influential and followed celebrity sa socmed (social media), may mga diskarte siya sa pagtulong at pag-payback sa mga supporters/followers niya.
“‘Yung mga tinutulungan natin talaga ay mga in need. Personal po talaga ang approach, tapos may monitoring, may kumustahang update, mga ganu’n,” kuwento ni Ivana.
“Maarte at choosy ako,” sagot naman niya sa mga nagnanais kumuha sa kanya bilang partylist o political endorser.
“Iba ang laban sa politics. Kung hindi rin lang para sa bayan ang gagawin nila, hindi nila ako maaasahan na makasama nila. Hindi naman pera-pera lang ang isyu d’yan,” hirit pa nito.
Dream na ni Ivana ang magkaroon ng sariling pamilya. Pero ‘yun nga, ang madalas nga raw na nangyayari kapag gusto niyang kilalanin ang isang lalaki na dumidiskarte sa kanya, eh, mas sa kanya pa natotoka ang pagbabayad sa mga dinner dates nila! Paano ka nga naman makakatagpo ng lalaking mamahalin mo kung ang feeling mo ay sa iyo na iaasa ang buhay nila? Hahaha!
