Mag-BFF na aktres, nagbati sa ABS-CBN Ball… HEART, NAGTAMPO KAY ANGELICA DAHIL KAY MARIAN KUMAMPI, ‘DI SA KANYA

ni Mercy Lejarde @Showbiz Talkies | Apr. 7, 2025

Photo: Heart Evangelista - IG

Ayon sa latest tsika nina Marites at Mosang, may maganda raw naidudulot ang mga showbiz events tulad ng nakaraang ABS-CBN Ball. 

Dito raw nagkaayos ang dating best friends na sina Heart Evangelista at Angelica Panganiban na parang magkapatid na raw ang turingan.

Nagkaroon lang daw ng lamat ang sisterly relationship ng dalawa noong panahong nagkaroon ng isyu sa pagitan nina Marian Rivera at Heart Evangelista. Mas kinampihan daw ni Angelica si Marian. Dahil daw dito ay sumama ang loob ni Heart kay Angelica. 

But as the saying goes nga... time heals all wounds, na tipong happy ending sa nasabing magkaibigan.

And last April 4 nga, nasaksihan ng publiko ang renewed friendship nina Angelica at Heart. Nagkita sila sa Solaire North sa Quezon City where the highly anticipated ABS-CBN Ball took place.  

Nagkaiyakan ang dalawa — proof how they sorely missed each other.

Well, ‘yun na!

---

TULUY-TULOY ang paghahatid ng kilig at saya ng latest Star Cinema romantic-comedy movie na My Love Will Make You Disappear (MLWMYD). Kumita na ang unang tambalan nina Kim Chiu at Paulo Avelino sa pelikula ng P100 million sa worldwide box office.

Bukod sa Pilipinas, palabas din ang pelikula ng KimPau sa iba’t ibang bansa na tinangkilik ng mga manonood, lalo na ang mga taga-Amerika at Canada, kung kaya’t ang lakas nito sa takilya.  

Matatandaan na nakalikom ito ng P12 milyon noong unang araw at P40 milyon naman sa loob ng apat na araw sa bansa. Hindi pa rito natatapos ang pag-arangkada ng pelikula, lalo pa’t naipapalabas pa rin ito sa North America, Australia, New Zealand, Middle East at piling European and Asian countries.

Nitong weekend, lumipad patungo sa US sina Kim at Paulo para magpasalamat sa kanilang mga fans sa three-day special screenings sa L.A. Cinemark Carson Theater sa Los Angeles.

Pinarangalan ng California Legislature Assembly sina Kim at Paulo ng Certificates of Recognition para sa kanilang kontribusyon sa mundo ng sining at ang kanilang patuloy na pagsulong ng Asian artistic excellence o galing ng mga Asyano sa buong mundo.

Nakatakda rin silang pumunta ng Middle East sa isang espesyal na meet and greet naman sa Reel Cinemas, Dubai Mall sa Abril 12 at 13.

Mapapanood din ang nasabing hit movie sa Austria sa Abril 5 at Cambodia sa Abril 18.

Sinabihang mag-artista na lang… RENE SALUD, ‘DI PABOR NOON, BOTO NA NGAYON NA MAGING MISS U SI WINWYN

ni Ambet Nabus @Let's See | Apr. 9, 2025

Photo: Winwyn Marquez - Instagram

Dahil sa matinding bashing ng mga supporters at fans ni Winwyn Marquez at iba pang mga beauconera, nagbigay na ng kanyang kasagutan si Mama Rene Salud.

Bigla kasing lumabas uli via socmed (social media) ang minsa’y naging opinyon ng pamosong fashion designer at beauty queen discoverer tungkol kay Winwyn noong sumali ito sa Binibining Pilipinas noon pang 2015.

Sinabi kasi noon ni Mama Rene na sa tingin niya ay mas bagay kay Winwyn ang mag-artista dahil kapos ito sa height para maging beauty queen. At kahit kaibigan niya ang mga parents nitong sina Alma Moreno at Joey Marquez at siya rin ang discoverer-mentor ng tita nitong si Melanie Marquez.

Para kay Mama Rene, noong mga time na ‘yun, hindi pang-beauty queen ang aura ni Winwyn, although pasok siya sa Top 15 noong 2015 Binibining Pilipinas edition at nanalo pa ng mga minor awards gaya ng Best In National Costume, Miss Talent at She’s So Jag. 

After 2 years, sumabak naman ito sa Miss World-Phils. kung saan nakuha niya ang Reina HispanoAmericana title at sumabak sa naturang pageant sa Bolivia at nanalo nga siya. Siya nga ang kauna-unahang Pinay na nakapag-uwi ng nasabing korona in 2017.

Forward tayo ngayong 2025 kung saan kahit ang mga nanay at transwomen ay pinayagan nang sumali sa Miss Universe, isa nga si Winwyn sa mga nangunguna sa mga kandidata.

Grabe ang reception ng mga tao sa husay niya sa pasarela, sa pagsagot ng mga tanong, and yes, sa pagkakaroon niya ngayon ng mas bonggang aura, energy at kakaibang Pinay beauty.

And this time, appreciated at mas sinasabi na ngayon ni Mama Rene base sa bagong standard at criteria ng Miss Universe, na keri na ni Winwyn ang makipagbardagulan sa Miss Universe 2025.

“Matagal nang panahon ‘yung naging opinyon ko. Mga kaibigan ko sina Alma, Joey at Melanie. ‘Wag naman ninyo kaming pag-awayin. Iba na ngayon ang mga patakaran at reglamento sa Miss Universe at sa nakikita ko naman, pasok na pasok si Winwyn,” bahagi pa ng paliwanag ng bonggaderang Rene Salud sa kanyang vlog.

Sa totoo lang, fan at supporter kami ni Winwyn at feel namin ang pagkakaroon nito ng kakaibang kabutihan, passion at talino at ganda kaya deserve na deserve nito ang bago niyang laban at advocacy. Kung namumuksa man ang kanyang husay sa pasarela at Q&A, hindi naman nakapagtataka ‘yun, ‘no!

Si Mama Rene naman ay matagal na sa industriya at isa siyang institusyon sa kanyang larangan. May karapatan siyang mag-opinyon at i-adjust ito sa panahong iba na ang kalakaran.

Very vivid pa sa amin ang malandi niyang eksena sa Ishmael Bernal classic movie na Salawahan (the original version noong ‘70s) and yes, ‘yun at ‘yun na ang kanyang awra, hitsura, kapayatan, ang kaseksihan at katarayan considering na 40+ years ago na ‘yun! Hahahaha! Eh, ‘di ba, 1979 pa nang manalong Miss International si Melanie Marquez na siya ang naka-discover?

Iba ka, Mama Rene!

---

SPEAKING of which, nakakaloka ang puksaan ng mga boses sa Tawag Ng Tanghalan (TNT) Grand Resbak na nasa semifinals na para sa dalawang Pangkat Alab at Agimat.

After ngang ma-eliminate ang Pangkat Alon at mabigyan uli ng chance sina Arvery at Miah na mapunta sa dalawang pangkat respectively, ang pinagtatapat o pinaglalaban naman ay ang mismong mga members ng bawat pangkat.

Noong Monday, ang paborito naming si Nowi Alpuerto ang tuluyan nang namaalam nang talunin siya ng kapwa ka-Agimat niyang si Aboodi, habang nagbabu na rin si Reymundo sa naging laban nila ni Mark Justo.

Nagbabu na rin si Miah na grand champion pala ng The Clash (TC) sa GMA-7.

Magpapatuloy ang ganyang sistema until this Saturday, kung saan ang mga matitira ang maglalaban-laban uli para sa finals. Tumataginting na isang milyon ang mapapanalunan ng mananalong grand resbaker sa grand finals at sa dami pa ng magagaling na singer sa bawat pangkat, napakahirap pa talagang pumili.

Good thing si Rachel Gabreza ay pumasok na rin at tinalo ang nakatapat nitong si Sheryn na napakagaling din.

May mga samut-saring intriga pa rin ang mga manonood at bashers ng portion ng It’s Showtime (IS) lalo na kay punong hurado Louie Ocampo at Ogie Alcasid.

Though may mga naglabasang bashing noon kay Pops Fernandez bilang never naman daw itong naging kontesera at “so-so” lang ang boses nito, kumpara sa ibang hurado na mga palaban at halimaw, wala namang makakuwestiyon sa isyu ng stage presence at performance ng itinuturing na Concert Queen ng bansa.

Marami ang naghahanap kay huradong Lani Misalucha na mukhang may ibang pinagkakaabalahan, habang si Zsa Zsa Padilla ang nakikita naming kasama nina Ogie, Nyoy Volante, Pops at Sir Louie.

Umuupo pa rin sina Erik Santos at Jed Madela bilang mga hurado na kapalitan yata nina Nonoy Zuniga at Marco Sison.

---

AT dahil Semana Santa na next week, very timely ang ginawang pagsusulong ni Senador Lito Lapid (LL) para sa pagpapalago ng heritage at pilgrimage tourism destinations sa lalawigan ng Cebu at buong bansa. 

Ayon nga sa ating history, sa Cebu unang ginawa ang matatawag na first Catholic mass noong Magellan time (1520s) kaya naman bonggang matatawag ang aksiyon ni Sen. Lapid para sa lahat ng mga Katoliko sa bansa.

Sa kanyang motorcade last weekend, dumaan at ininspeksiyon ng senador ang restoration project sa Nuestra Señora del Pilar complex na pinondohan ng P110 million ng Tourism Infrastructure and Enterprise Zone Authority (TIEZA) na pinamumunuan ni COO Mark Lapid, katuwang ang National Historical Commission of the Philippines at Cebu Capitol. 

Ang makasaysayang simbahan ay napinsala ng super typhoon Odette noong December 16, 2021. Ayon kay Lapid, pinuno ng Senate Committee on Tourism, layunin ng restoration project na maisaayos at manumbalik ang mga napinsalang bahagi ng simbahan bilang pagkilala sa Cebu na isang heritage and religious tourism destination.  

Madalas na bumibisita at nagdarasal si Lapid sa mga simbahan na kanyang nadadaanan sa motorcade sa iba’t ibang bahagi ng bansa. 

Itinuring ang Cebu bilang isa sa mga haligi ng Kristiyanismo sa Pilipinas at Asya.

SHAMCEY, BUMITAW NA SA PARTIDO SA PASIG DAHIL SA KAPARTIDONG BASTOS NA ABOGADO

ni Ambet Nabus @Let's See | Apr. 9, 2025

Photo: Shamcey Supsup - Instagram

Pinag-uusapan din at tinatanong ng karamihan kung may balak din kayang mag-resign si Ara Mina bilang kandidato sa Pasig City.

Hinangaan kasi ng marami si Shamcey Supsup Lee nang kumalas na ito sa partido ng This Kaya.

Binanggit lang ng dating Miss Universe-Philippines na may mga prinsipyo at

advocacies siya na hindi na tugma sa mga galawan ng partido sa Pasig.

Hindi man sinabi, pero ang lahat ng naloka sa isang kandidatong abogado na kasama nila ang ipinagpapalagay na rason ni Shamcey sa pagbibitiw sa grupo.

Ito ‘yung abogado na nag-imbita sa mga babaeng matagal nang tigang o wala nang lalaki sa buhay na pinapupunta niya sa bahay niya para punan ang naturang need.

Umiikot din ang video nito sa socmed (social media), kung saan makikita pang nasa likod ng abogado si Ara Mina na napapangiti lang habang nang-iinsulto nga itong kup*l na kandidato.

At mas lumala pa ito ngayon dahil sa isa pang kampanya ay pinaakyat pa nitong abogado ang kanyang secretary o staff na babae na medyo may katabaan. At doon niya ipinaliwanag at idinepensa ang sarili na nagtatanong kung siya raw ba ang tipo ng lalaki na pumapatol o papatol sa ganu’ng tipo ng babae.

Nakakaloka ang katabilan nitong abogado pa naman.

No wonder, nag-resign na si Shamcey dahil nakakainsulto nga namang kasama ang gaya niya. 

Ang tanong, si Ara kaya ay mag-resign din? O magbigay man lang ng kanyang saloobin?

Aabangan natin ‘yan!

---

Hindi na tumigil ang iskandalo at kontrobersiya sa lead guitarist ng Eraserheads na si Marcus Adoro.

Noong pandemic, sa kasagsagan ng pag-rediscover ng maraming mga gaya kong fan ng band, napag-usapan na ang isyu ng pananakit nito sa mga babae at diumano’y mga sexual abuse na ginagawa nito.

Dati pa naming natatandaan na kahit ang anak niyang babae na singer din at mga naging partner ni Marcus, kasama na ang indie actress na si Barbara Ruaro, ay nagpatunay ng kanyang pagiging bayolente. 

At dahil meron ngang magaganap na Electric Fun Music Festival concert this May 31 ang itinuturing na pinaka-iconic na Pinoy band na Eraserheads, bigla na namang may bagong iskandalo si Marcus.

Isang babaeng netizen ang nag-post sa kanyang social media at nag-aakusa ng umano’y ‘rape’ kay Marcus noong siya ay high school pa lang.

Ayon pa sa naturang post sa Reddit, hindi raw masikmura ng netizen na nakikita ang mukha ng lead guitarist sa mga posters o posts sa socmed (social media) dahil nanunumbalik ang nakaraang pangyayari sa kanya.

Dahil sa naturang alegasyon, minabuti nga ng lead singer ng banda na si Ely Buendia na huwag munang isama ang gitarista sa kanilang concert.

Ayon pa sa post ni Ely sa X (dating Twitter), “We acknowledge the recent allegations that have surfaced online. As proponents of justice, we unequivocally condemn all criminal acts and stand against abuse of any form. Above all, we seek the truth.

“As Marcus makes time to address the matter at hand, he will be stepping back from the upcoming project. We move forward with humility and deep respect for the truth and social responsibility.”

Tiyak na patuloy itong pag-uusapan hanggang sa May 31.

---

PANSAMANTALA namang nakapagpahinga sina Luis Manzano at Jessy Mendiola kahit super-ikling oras last ABS-CBN Ball 2025.

Rumampa ang mag-asawa at muling nakisaya sa mga kapwa nila artists from ABS-CBN at GMA-7, at lalo na sa mga malalapit nilang kaibigan at bosses.

Sa halos araw-araw nilang paglilibot at pag-iikot sa mga bayan-bayan sa buong Batangas province kasama siyempre ang ating dearest idol-friend Mareng Vilma Santos-Recto at kapatid ni Luis na si Ryan Christian, tunay namang nasasabi ni Luis (at ni Jessy) na may calling talaga siya sa mundo ng public service.

Sa ilang social media posts na aming narinig at nakita, mapuso at sincerely na naipapaliwanag ni Luis ang kanyang “LUCKY” advocacy programs na kanyang isusulong, gagawin at ihahandog sa mga taga-Batangas once na siya’y manalo bilang vice-governor.

Mga programa at usapin hinggil sa “Labor, Unemployment, Culture, Kalusugan, Youth” kasama na ang edukasyon, turismo at mga isyung pang-kababaihan ang nasa plataporma ni Luis.