Binata pa rin sa edad na 30… DOC KENNETH, HAPPY NA CRUSH SIYA NI KATHRYN

ni Ambet Nabus @Let's See | Apr. 14, 2025

Photo: Dr. Kenneth Hizon at Kathryn Bernardo - Instagram

Maramio ang kinikilig na mga fans at supporters ni Kathryn Bernardo sa nabalitaan nilang ‘first crush’ din pala noon ni Dr. Kenneth Hizon ang dalaga.

Sa panayam sa doktor ng TV5, nabanggit nga niyang minsan din niyang kinagiliwan ang pagiging masayahin ni Kath, lalo na ‘yung pagka-bright nito.

Ayaw daw niyang mag-assume na siya nga ‘yung ‘Kenneth’ na sinasabi pero since naging classmates nga sila sa Christian Montessori School sa Cabanatuan, Nueva Ecija noong Grade 2 sila, baka nga siya na. Hahahaha!

Masaya na45man daw siya sa nabalitaan dahil aniya, “Sino ba naman ang hindi matutuwa sa sinabi ng isang Kathryn Bernardo?”

Kaya naman ang mga shippers-fans ni Kath ay nagpaplano nang pagtagpuin sila at i-reconnect dahil anila, “Baka may something nga para sa kanila ang tadhana. Kaya Doc, pagalawin mo na ang baso.”

At 30 years old, binata pa raw at walang commitment ang doktor kaya lalong kinilig ang mga netizens.

---

Marjorie, rumesbak, naglabas ng resibo…

DENNIS, BUKING NA SINUNGALING, TODO-DRAMA PARA KAAWAAN SA SOCMED

BIGLA nga ring ini-off ni Dennis Padilla ang comment section ng kanyang socmed (social media) account.

Hindi na marahil makayanan ni Dennis ang grabeng batikos sa kanya ng mga netizens after magsalita si Marjorie Barretto.

Sa dami kasi ng inilabas na detalye ni Marj na may kasamang video at photo, napatunayan ngang tila may pagsisinungaling sa panig ni Dennis.

Sa naturang mga videos at photos kasi ay makikitang nag-e-enjoy makipaghuntahan at makipagpiktyuran si Dennis sa mga bisita, kasama na ang pamilya ng napangasawa ng anak na si Claudia.

May isang photo pa kaming nakita na masaya ring nag-uusap ang nanay ni Dennis at si Marj, katabi si Dennis.

Naging higit na kapani-paniwala rin ang sinabi ni Marjorie na may bitbit na videographer si Dennis na tila nabigyan ng instruction sa mga kilos at galaw ng father of the bride sa nasabing wedding. 

“Siyempre, magagamit nga naman sa socmed ang anumang nais nilang ipalabas o ipakita,” sey pa ni Marjorie.

Ang kaibigan ni Dennis na si Janno Gibbs na nagpahayag lang ng simpatya sa kaibigan ay nakipagbardagulan din sa socmed matapos itong i-bash at tawaging ‘enabler’ ng mga netizens.

Si Kier Legaspi naman na tatay ni Dani Barretto ay nagpahayag din ng pang-unawa sa sinapit ni Dennis at naikuwento pa nito ang noo’y pagtira sa bahay niya ni Dani matapos itong maglayas kay Marjorie Barretto.

Hmmmm… mukhang hindi pa rito matitigil ang usapin, ‘noh?

---

NGAYONG yumao na si Mamita Pilita Corrales, matutuloy pa kaya o itutuloy pa ni Janine Gutierrez ang noon pa niyang nakaplano na pag-produce ng documentary movie tungkol sa lola niya?

Minsan na nating naibalita rito na nakipag-usap na si Janine kay Direk Baby Ruth Villarama (ng Sunday Beauty Queen fame) na napipisil niyang magdidirek ng naturang documentary tungkol sa Asia’s Queen of Songs.

In fact, nu’ng naging sila na ni Jericho Rosales na lagi pa niyang isinasama sa mga weekend meet nila with Mamita at iba pang okasyon like noong Christmas at New Year, mukhang naging interesado si Echo na makipag-collab bilang co-producer ng nasabing docu project.

Sana nga, ituloy nila ito dahil more than being a good project para sa isang icon at haligi ng industriya ng music, TV and film, magsisilbi itong napaka-appropriate na tribute at legacy ng isang Pilita Corrales.

Magsisilbi rin itong magandang reference material para sa future use ng mga darating na generation ng mga mag-aaral ng Phil. entertainment industry.

Kapapanganak pa lang daw kay Julia… MARJORIE, NAWALAN NG EARDURM SA SAPOK NI DENNIS

ni Ambet Nabus @Let's See | Apr. 13, 2025

Photo: Marjorie Barretto sa interview ni Ogie Diaz - YT

Sa kabilang dako, Marjorie Barretto finally came out and spoke her side and defended her children.

Grabe, pero sa napakagandang paglalahad ni Marj ng kanyang saloobin hinggil sa mga isyu nila ni Dennis Padilla, lalong nabaon si Dennis sa mga bashers.

Sa show din ni Mama Ogie Diaz siya nagbigay ng pahayag at talaga namang inisa-isa niyang binanggit — simula nu’ng mag-asawa pa sila, hanggang sa maghiwalay — ang tunay na ugali ni Dennis.

Ang maganda sa pagkukuwento ni Marjorie, madetalye niyang ipinakilala or shall we say, ipinaalala sa madla ang kakaibang katauhan ng aktor, through events na nabalitaan at nasaksihan din naman ng mga tao.

Isa nga rito ang hinggil sa pagkawala ng kanyang eardrum matapos siyang masapok ni Dennis noong 1 month old pa lang si Julia. Naging kapani-paniwala ang mga kuwento niya lalo na sa ‘bad temper’ ng dating mister. 

“Ang gusto ni Dennis, hindi relasyon sa mga anak. Ang gusto niya, atensiyon,” saad pa ni Marj sa kung bakit laging dinadala ni Dennis sa social media ang mga usapin nila.

Pinabulaanan din niya ang mga emote ng dating mister sa wedding ni Claudia, lalo’t naglabasan ang mga photos and videos na “well-received” naman ito. 

“‘Yun lang talaga. I will never give him that. I raised my children alone at bilang ina, hindi talaga ako papayag na makasama siya sa upuan ng mga parents sa kasal ni Claudia. There’s also no truth that I manipulated everything dahil ni hindi ko nga gusto ang maglakad sa altar kasama ni Claudia but there is this tradition and practice sa church regarding du’n sa pag-angat o pagbaba ng belo ng bride bago i-introduce sa husband. 

“At saka, hindi ‘yun call ng wedding coordinator dahil ‘yung mga taga-simbahan ang nagsasabi nu’n,” paliwanag pa ni Marj.

Sa napakahaba at madidiin na pagkukuwento ni Marjorie, nakuha niya ang simpatya at paniniwala ng madla, at pinatunayan niyang sinungaling at mapaggawa ng istorya si Dennis, lalo’t sinabi niyang nagbitbit pa ito ng kasamang videographer at binigyan ng direksiyon kung paano siya kikilos sa wedding. 

“Good thing there are other people who were also recording or getting videos of the event kaya may proof kami sa mga ikinilos niya,” hirit pa ng nanay nina Dani, Julia, Claudia at Leon.

---

Kung dati, kasing-init ng summer ang lambingan… KYLINE AT KOBE, NAGKASAWAAN DAW KAYA NAGHIWALAY

MUKHANG maaga ring nag-Biyernes Santo ang mga supporters nina Kyline Alcantara at Kobe Paras dahil sa balitang nag-break na ang mga ito.

Tila nag-expire na raw ang noo’y kasing-init ng summer na feeling ni Kobe kay Kyline dahil nga sa burado na ang mga photos nila sa socmed (social media) account ng binata.

Wala pa rin kaming nakukuhang kasagutan sa mga kinauukulan o mga malalapit sa dalawa, pero may tsika na baka naman nagkakatampuhan lang ang mga ito gaya ng ibang celebs na nagde-delete ng mga photos.

“Hindi po, mukhang hiwalay na talaga. Sila ‘yung sumunod kina Paul Salas at Mikee Quintos na nagkasawaan at may pressure raw sa families kaya naghiwalay?” sey ng ilang Marites na invested sa isyu. Hahaha!

Pati ba naman ‘yan?

---

SI Janine Gutierrez mismo ang nag-post sa kanyang Instagram (IG) account hinggil sa pagkamatay ng kanyang “Mamita” Pilita Corrales nitong Sabado ng umaga, April 12.

Muli na namang nagluksa ang showbiz industry dahil isang icon at legend ngang maituturing si Pilita na tinaguriang Asia’s Queen of Songs. Eighty-five years old na si Mamita at inulila nga niya sina Jackie Lou Blanco at Ramon Christopher Gutierrez.

Sampu ang kanyang mga apo sa mga ito kasama na nga si Janine.

Forever nating makakasama ang mga awitin ni Mamita, pati na rin ang mga pelikula at TV shows na kanyang ginawa.

Wala pang detalyeng ibinigay ang pamilya tungkol sa sanhi ng pagkamatay at ano ang arrangement ng burol at lamay nito habang isinusulat namin ang balitang ito, pero tiyak naming marami ang malungkot at magdarasal para sa isang gaya niya na nakapag-iwan nga ng magandang marka sa industriyang ito, at kahit na sa buong mundo. 

Rest in peace po, Tita Pilita, our dear Mamita.

Nu’ng 2023 pa nagpabinyag… ERICH, MAY ANAK NA, PIKTYUR KALAT SA SOCMED

ni Ambet Nabus @Let's See | Apr. 12, 2025

Photo: Erich Gonzales - Instagram

Talagang nagulat ang sambayanan dahil sa biglang paglabas ng baptismal photo ng anak ni Erich Gonzales at ng asawa nitong si Mateo Lorenzo.

Two years ago na pala ‘yun (2023) at nakakalokang hindi man lang ito lumabas sa mga balita, kahit pahiwatig ng mga nakatrabaho at kaibigan ni Erich sa showbiz.

Lumabas nga ang naturang litrato bunsod ng nangyari sa kasalan nina Claudia Barretto at Basti Lorenzo at pag-iingay sa socmed (social media) ni Dennis Padilla.

Magkapatid sina Mateo at Basti, habang magkaibigan naman sina Erich at Claudia.

Ang siste, walang nakakita sa anino ng mag-asawang Erich at Mateo sa kasal kaya mabilis sa pag-conclude ang mga Marites na diumano’y baka may “something” na isyu sa mga ito?

Grabe, pero hindi kaya naloloka na ngayon ang mga taga-alta at ka-level ng mga bilyonaryong Lorenzo dahil nasasangkot sila sa mga ganitong ingay sa showbiz?

Marami tuloy ang bina-bash lalo si Dennis Padilla nang dahil sa pag-iingay nito in guise of his being the father of the bride.

“Ganyan kasimpleng magpaka-private citizen ang mga totoong alta. ‘Yung mga tunay na mayayaman talaga, chill-chill lang sa mga ganyang ganapan. Ang madalas lang namang nag-iingay o gumagawa ng ingay ay ‘yung mga nagyayaman-yamanan o ‘di kaya’y ‘nakasabit’ lang sa mga legit na rich,” ang pagtataray ng mga netizens sa pangyayari.

---

HINDI talaga natin alam kung ano ang nasa likod ng mga nangyari sa pamilya nina Dennis Padilla at Marjorie Barretto. Ang nakikita na lang ng madla sa ngayon ay ang sinasabing pagiging toxic ni Dennis, lalo’t lagi niyang dinadala sa socmed (social media) ang mga isyu niya sa kanilang mga anak. 

Matitindi na naman ang mga emote niya after nga siyang pinagmukhang guest sa kasal ng anak na si Claudia. Considering na few days ago lang ay sobra pang happy si Dennis nang mag-post siya ng picture kasama ang mga anak na sina Julia, Claudia at Leon with his mother. 

Sa naging phone interview sa kanya ni Mama Ogie Diaz, ipinasabi niyang tinutuldukan na niya ang anumang kaugnayan sa mga anak. Na marahil ay ‘pag patay na lang siya makikita ng mga ito kung gugustuhin pa nila. 

Basta para sa kanya, tapos na ang ugnayan niya sa mga ito dahil ginawa na raw niya ang lahat para mag-sorry, humingi ng pang-unawa, isapubliko ang mga nagawa niyang pagkakamali at pagkukulang, pero sadya nga raw matitigas ang mga anak niya.

Ang panganay niyang si Julia ang may mga cryptic posts ngayon after the incident. Lahat ay nagkakaisa sa pagsasabing ‘yun marahil ang sagot ng dalaga sa mga kuda ng kanyang ama.

Ilan nga sa mga ito ay gaya nito: 

“A narcissist doesn’t care about being a good parent-they just care about looking like one.”

“To a narcissist the kids are just pawns in their war to break you.” 

“A narcissist’s favorite role? The victim. Because it distracts from the damage they caused.”

‘Yun na!

---

SAMANTALA, inilunsad naman ng Viva Beauty si Rabin Angeles bilang brand ambassador ng international South Korean skincare brand, ang The Lab by Blanc Dux.

“Siyempre, ‘pag gusto nating maging good looking at confident tayo sa ating hitsura, need nating alagaan ang ating skin,” sambit ni Rabin sa pagiging endorser niya ng naturang brand.

Nagulat kami sa lakas ng following ng bagets sa socmed (social media) dahil since makasama siya sa Viva One series na Ang Mutya ng Section E (AMNSE) bilang si Yuri Hanamitchi, talaga namang dinagsa na siya ng mga endorsement offers at TV projects.

Kahit kami ay nasaksihan ‘yan during our visit sa book trade fair sa SM Megamall. Doon kami papunta sa booth ng UST Publishing kung saan nandu’n ang book ni Star for All Seasons Vilma Santos, pero inabot kami ng oras bago makapasok nang dahil sa mall tour nina Rabin, Andres Muhlach, Ashley Olviga at iba pang bida sa series.

Dumadagundong ang sigawan at tilian sa mga ito at dinig na dinig namin ang pag-shout out ng mga fans sa name ni Rabin. Grabe! Hahaha! Kumbaga, talagang sikat na siya.

“Hindi ko po iniisip ang ganyan. Wala pong ganyan, basta work muna ako at focused. Basta ang dream ko po talaga sa lahat ng pagsisikap ko ay mapatigil na sa work ang mama ko (as a nurse) at kami na lang ang asikasuhin. Ako na lang ang mag-work for us,” pagbabahagi ni Rabin.

Sa isini-ship naman ng mga fans na ‘rivalry’ nila ni Andres sa series over Ashley, “Naku, hanggang sa roles at show lang po ‘yun. May kani-kanya lang talaga kaming mga followers/supporters at all good kami. Friends po kaming lahat at kami ni Andres, super cool bro kami,” hirit pa ng half-Japanese, half-Pinoy na mas mukhang Korean idol. Hahaha! 

Mabait at marespetong kausap si Rabin na lalong nagpaguwapo rito.