Mahiya naman daw… SMALL LAUDE, HUMIRIT TUNGKOL SA GHOST PROJECT

ni Mercy Lejarde @Showbiz Talkies | September 17, 2025

Photo: Small Laude - Instagram

Bongga ang ginawang pagpaparinig ng YouTuber, fashion and lifestyle influencer at kilala bilang asawa ng entrepreneur na si Philip Laude na si Small Laude tungkol sa ghost project.

Sa latest YouTube video ni Madam Small ay nag-book siya ng robo taxi sa Los Angeles, California. 

Makikita sa nasabing vlog na naghihintay si Madam Small, kasama ang asawang si Philip at dalawang anak na sina PJ at Allison (unica hija), at ang lagi niyang kasama na si Lotlot.

Dalawang minuto bago dumating ang ibinu-book nilang robo taxi ay nag-dialogue si Madam Small ng, "See you in 2 minutes, pero wala namang driver. Ghost driver naman siya. Pero at least, it's not ghost project.”

Dagdag pa ni Madam Small, "Hello, I'm paying my tax properly and then ganyan kayo? Shame on you, guys."

Samantala, pagsakay ni Madam Small sa robo taxi ay makikita sa video na masaya siya sa bagong experience.

'Yun lang, pagbaba ng robo taxi at pagkatapos nilang kumain ay nalaman niyang nawala ang cellphone niya. Naiwan pala niya sa robo taxi at in fairness, naibalik naman sa kanya nu’ng araw ding 'yun.

Well, bongga si ghost driver, nagbabalik ng naiwang cellphone. 

---

NAGBAHAGI ang professional boxer at former senator na si Manny Pacquiao sa kanyang social media ng larawan nila ng pumanaw na British boxing legend na si Ricky Hatton (RIP).

Nalungkot ang soon-to-be lolo at Pambansang Kamao na si Manny nang mabalitaan niyang pumanaw ang British boxing legend na si Ricky Hatton noong

September 14.

Saad ni Manny sa post niya, "I am deeply saddened to hear about the passing of Ricky Hatton.  

"He was not only a great fighter inside the ring but also a brave and kind man in life.  

"We shared unforgettable moments in boxing history and I will always honor the

respect and sportsmanship he showed. 

"Ricky fought bravely, not just in the ring, but in his journey through life. He truly had a good fight, and we are all blessed to have been part of his wonderful journey. 

"My prayers and deepest condolences go out to the Hatton family and all his loved ones. May the Lord give you strength and comfort in this difficult time. May he rest in peace."

Matatandaan na naglaban sa boxing sina Manny at Ricky noong May 2, 2009 na ginanap sa MGM Grand sa Las Vegas, Nevada, United States.

---

IBIBIDA ng nation’s girl group na BINI ang kanilang makulay na karanasan sa paglibot sa mundo sa kanilang bagong reality series na BINI World Tour Stories na eksklusibong mapapanood sa iWant simula Setyembre 21 (Linggo).

Ibabahagi ng BINI ang kanilang hindi malilimutang experiences mula sa matagumpay at soldout na BINIverse World Tour 2025, na nagsimula sa Philippine Arena at umarangkada rin sa Dubai (United Arab Emirates), London (United Kingdom), at sa iba’t ibang lungsod sa North America gaya ng Toronto (Canada), Washington D.C.,

Hollywood, at Las Vegas (United States).

Mas makikilala rin ng Blooms ang personal na kuwento nina BINI Aiah, Colet, Maloi, Gwen, Stacey, Mikha, Jhoanna, at Sheena tungkol sa pagharap nila sa iba’t ibang pagsubok gaya ng matagal na pagkakalayo sa pamilya at matinding pressure ng kasikatan.

Mapapanood din sa nasabing series kung paano nanatiling matibay ang kanilang samahan bilang isang grupo, na ngayon ay magkakapatid na ang turingan, walang kupas na passion para sa musika, at inspirasyong hinuhugot mula sa kanilang mga pamilya at fans.

‘Yun lang and I thank you.

Kinasuhan ng ex-mister… LINDSAY, WANTED SA CYBERLIBEL

ni Ambet Nabus @Let's See | September 17, 2025

Photo: Lindsay Custodia - IG

Umiinit na naman ang dating isyu sa pagitan ng dating ‘90s singer-actress na si Lindsay Custodio at sa kanyang estranged husband na si Frederick Cale matapos maglabas ng warrant of arrest ang Cebu City Regional Trial Court Branch 11 laban sa aktres kaugnay ng cyberlibel case nito.

Matatandaang nitong mga nakaraang buwan, naging laman ng balita ang dating couple matapos magsampa si Cale ng reklamo laban sa aktres-singer dahil umano sa mga pahayag nito online na nakasama raw sa kanyang reputasyon. Ang nasabing kaso ay konektado pa sa isang artikulong lumabas noong 2024 kung saan nagbigay ng mga pahayag si Lindsay tungkol sa kanilang hiwalayan.

Dumalo pa si Lindsay sa preliminary investigation sa Cebu nitong Marso 2025, ngunit hindi nagkasundo ang dalawang panig. Dahil dito, umusad ang kaso at ngayon ay nauwi na sa paglalabas ng arrest warrant laban sa kanya.

---

Nakakaloka! Wala naman kaming sinabi na kumokontra kami sa pagluklok bilang Hall of Famer ni Judy Ann Santos as Best Actress (BA) sa Metro Manila Film Festival (MMFF).

Ang gusto naming ikorek sana ng mga nasa pamunuan ng MMDA-MMFF Execom, partikular ng Spokesperson nitong si Noel Ferrer, ay ang pagbibigay ng label o titulong “Youngest Best Actress Hall of Famer” kay Juday.

Simple. Ang batayan kasi ng naturang parangal ay kung kailan natamo ng isang MMFF artist ang kanyang ikatlong panalo.

At base nga sa naipaliwanag na namin dito, ang yumaong Superstar at National Artist na si Nora Aunor ang karapat-dapat na bigyan ng naturang titulo dahil na-achieve niya ‘yun when she was 29 years old, kumpara kay Juday na 46 years old na at the time of her 3rd MMFF BA win.

Pero ‘yun nga, dahil gustong bigyan ng bonggang publicity at promo slant si Juday bilang pinakabata at latest inductee among those that have achieved the honors in the league of Nora, Vilma, Amy and Maricel, sige, gamitin at piliting ibigay ang titulong Youngest Best Actress Hall of Famer ng MMFF.

PR na PR kasi ang datingan ng naturang title at pagbibigay ng highlight dito na itinaon sa pag-launch nila ng coffee table book ng MMFF’s 50th year.

Just trying to straighten up a record that will become part of the MMFF history. ‘Yun lang ‘yun. 

Huwag nang dalhin ang usapin sa kung saan-saan dahil baka pati sa rally ay makarating pa ito. Hahaha!

---

PAG-USAPAN na lang natin ang magaganap na 20th anniversary concert ni Frenchie Dy.

Mahirap ngang paniwalaan na ito pala ang magiging kauna-unahan niyang major concert na magaganap come Oct. 24.

Sa loob kasi ng dalawang dekada niya sa industriya after niyang maging grand champion sa isang singing search, halos nakatrabaho na niya ang lahat ng music icons ng bansa. Nakilala siya bilang isa sa mga mahuhusay na biritera ng bansa at nakapag-perform na rin sa iba’t ibang panig ng mundo.

“There’s a right time po talaga siguro sa lahat ng bagay. I am simply thankful and grateful na kahit inabot ng 20 years, eh, saka pa lang ako magkakaroon ng major concert,” sagot ni Frenchie sa amin.

Kaya naman sinabi naming baka hindi na siya makapag-perform dahil sa dami ng mga music legends at kaibigan niyang nag-confirm ng kanilang participation sa Here To Stay (HTS) concert niya.

“Oo nga po. Parang lalabas na guest na lang,” bungisngis pa nito sabay segue na sobra nilang pinaghahandaan ang show sa tulong ng producer (Grand Glorious Production) na sumugal sa kanya at ng direktor nitong si Alco Guerrero.

“Aside from her artistry and her being a ‘biritera’ we would like to showcase her musical journey in a manner that everyone can relate to—lahat ng music genres kung makokober, gagawin namin,” sey naman ni Direk Alco, at dahil isa nga itong advocacy project para kay Frenchie na thrice nang inaatake ng Bell’s Palsy.

Sey pa nila, “Gusto rin po naming mas lalong makapag-spread ng awareness at hope through music tungkol sa kondisyon na ito.”

Next time na namin babanggitin ang sandamakmak na artists na magge-guest kay Frenchie Dy sa Here To Stay na magaganap sa Music Museum on October 24, Friday.

---

ABA’Y mas gumaling na singer itong si James Reid, huh?

Sa napanood naming A.S.A.P. performance nito sa London kasama ang iba pang mga ngayo’y ipinu-push na mga leading men ng Kapamilya channel, namely Joshua Garcia at Donny Pangilinan, aba'y kikiligin at mapapa-“Ohh!” ka nga sa boses ngayon ni James.

Mas may confidence, malinaw ang Tagalog at halos wala na itong foreign accent (sa singing, ha?), plus kitang-kita rito ang tila na-revive niyang aura at charisma dahil poging-pogi ito ngayon.

Tuloy, super-excited ang lahat sa pagtatambal nila ni Kathryn Bernardo sa isang mahalagang teleserye na soon ay gugulong na ang mga kamera.

Love ko na uli si James Reid. Hahahaha!

Kaya kahit todo-deny, naba-bash… SEN. JINGGOY, GUILTY AGAD SA MADLANG PIPOL DAHIL MAY REKORD NA SA BRIBERY CASE

ni Ambet Nabus @Let's See | September 11, 2025

Photo: Jinggoy Estrada - Senate PH

Dahil nga sa naging record ni Sen. Jinggoy Estrada kaugnay ng bribery case na kanyang pinagdusahan sa kulungan, mas madali nga siyang akusahan ng mga tao na guilty after siyang isangkot ni Engr. Brice Hernandez ng DPWH sa ‘kickback scandal’ kaugnay ng mga flood control projects.

Kahit pa nga tahasan na niya itong idinenay at ngayo’y nagbabalak na sampahan ng kaukulang legal na kaso ang nagpaparatang, sa isipan nga ng madlang pipol ay may sala na siya. 

“‘Yan ang unfair. Tama naman s’ya sa pagsasabing magkakaroon ba s’ya ng lakas ng loob at tapang na imbestigahan ang isyu at mga tao kung s’ya pala’y sinasabing sangkot din sa anomalya?” tanong ng mga nagtatanggol sa senador.

May ilang kaibigan at naging kasamahan niya sa showbiz ang nagbibigay-suporta kay Sen. Jinggoy. May mga namba-bash din naman at nagsasabing nasa kanya ang burden of proof para malinis ang name niya, gaya ng ibang isinama sa listahan ng Discaya couple.

Sa patuloy ngang pagdami pa ng mga names na ibinubunyag ng Discaya couple, talagang matatawag nating nagtuturuan na o hindi kaya’y nagkakalaglagan na sa parehong chamber ng Senate at Congress.

But still, the people should have the last justice they deserve. Dapat talagang may mga managot at maparusahan sa usaping ito at hindi ito dapat maging isang malaking zarzuela lang.

---

KAMI rin ay nagtataka kung bakit tila mas marami yata ang bashing kesa sa positive feedback na na-generate ng pagsasalita/pagtatanggol ni Maine Mendoza sa kanyang asawang si Arjo Atayde?

Is this because napaka-overwhelming ng mga sinasabing ‘luho at pagpapasikat’ ng yaman ng mga Atayde sa socmed (social media)?

Kahit nga ang kapatid ni Arjo na si Gela ay matapang na rin na sinagot ang ilan sa mga bashing partikular na ang mga nagkukuwestiyon ng trips abroad ng kapatid na congressman.

Sinabi pa nitong may kakayahan sila na mag-travel at galing sa malinis na paraan ang perang mayroon sila.

Sa mga defenders naman ni Maine, sinasabi nilang may sarili itong yaman at afford din nito ang mga sinasabing luho.

Pero ang kumakalat ngayong video ay ‘yung minsang naging ‘forecast o prediction ng kapalaran’ ng isang tarot reader na si MAMU sa ilang celebrities kasama na sina Maine at Arjo Atayde.

Sa napanood naming video sa pag-i-interview ng vlogger na si Romel Chika, napakalinaw ng reading ni Mamu na masasangkot nga sa iskandalo ang mag-asawa, lalo na si Arjo, sa usaping pera.

Nakakagulat din ‘yung prediction na mananalo ng acting award si Arjo na nangyari nga last 73rd FAMAS kung saan naging Best Actor siya.

And yes, ang naturang prediction ay nai-upload noong December 2024 pa, 8 months or so bago pa man sumabog ang ngayo’y mga iskandalo.

Nakakaloka, ‘di ba?

---

Kahit hirap na hirap na sa patung-patong na sakit… KRIS, MAY TIME PA RIN SA BAGONG LABS NA DOKTOR ULI

KUNG dati-rati ay nakakakuha ng malaking porsiyento ng reaction ang mga posts ni Mareng Kris Aquino, ngayon ay nakapagtataka ring tila hindi na ito box office kumbaga.

Sa pinakahuli nitong socmed (social media) post ay muling humihingi ng dasal ang aktres-host na sumailalim muli sa isang operasyon kaugnay ng kanyang pinaglalabanang mga sakit at kumplikasyon nito.

Wala naman tayong isyu roon dahil matagal na nating isinama sa mahabang listahan ng mga ipinagdarasal natin (personally) na mga tao-kaibigan at kapamilya si Kris.

Pero sadya yatang tatak na ni Kris ang pagiging laging in touch sa kanyang katawan at puso kaya’t kahit sa napakaraming kondisyon na kanyang inilalarawan sa medical being niya, hindi puwedeng makawala ang usapin sa love life.

Hindi man niya pinangalanan sa latest post ang tila bagong prospect ng kanyang puso ay malinaw ang pagkakasali ng same Chinese astrological sign nito sa kanyang mom at dad, pagkakaroon ng makinis na skin at great hair. 

Oh, ‘di ba, talagang nabibigyan pa niya ng pansin ang mga ‘yun, bukod sa muling pagsangkot kay God na mayroon nga raw bagong plan for her, nang dahil sa bagong doktor na ito?

And yes, she didn’t miss telling na 10 days ago ay mayroong isang dati siyang nakarelasyon na nag-reach out sa kanya at panay ang hingi ng sorry, dahil sa nangyari sa kanila.

Pati nga Ghost Month (August) ay nabanggit pa niya sa naturang post knowing her love for feng shui and the like. 

Karamihan nga sa mga nabasa naming reactions ay masuyong nagsasabi na “Go, go lang, Kris!” pero sa ngayon nga raw ay mas nais nilang magpokus sa mga kaguluhang nangyayari sa bansa

Hay…