Tinanggihan, Korina at Julius kumasa… KA TUNYING: SARAH DISCAYA, KUNG NAINTERBYU KO, MAY P10 MILYON NA AKO!

ni Janiz Navida @Showbiz Special | December 11, 2025

Photo: File Interview / Senate PH

Nakakabilib at happy kami para sa success ng mag-asawang Anthony at Roselle Taberna.

Natatandaan pa namin, 3 o 4 pa lang yata ang branch ng kanilang Ka Tunying's Cafe nang ma-exclusive interview namin sila noon para sa YouTube channel ng BULGAR bago nag-pandemic.

After 10 yrs., aba’t may Taberna Group of Companies na pala kung saan hindi lang branches of Ka Tunying's resto ang meron ang mag-asawa kundi may Kumbachero

commissary na rin sila at Outbox Media Powerhouse Corp. na nagpo-produce ng mga digital shows and events.

But when asked if balak pa nilang mapabilang sa mga richest in the Phils., inamin ni Ka Tunying na maraming opportunities dahil puwedeng-puwede pa silang mag-expand all over the Phils.

Pero ang napag-usapan daw ng mag-asawa, ano ba ang goal nila sa buhay – maging super rich pero mawalan naman ng quality time sa kanilang pamilya o makuntento na lang basta nakakapamuhay naman sila nang sapat at nakakapagbigay na nga ng kabuhayan sa kanilang 200 employees.

At ‘yun nga ang napag-usapan nina Mr. & Mrs. T (tawag sa power couple), mas importante ‘yung may contentment sila.

Samantala, dahil ngayon lang uli namin nakapanayam si Ka Tunying sa ibinigay nilang thanksgiving sa mga press people, social media content creator and business partners na ginanap kahapon sa Cities Events Place, ipinalinaw na namin sa kanya ang isyu kung bakit siya idinadawit sa kontrobersiyal na mag-asawang Sarah at Curlee Discaya.

Diretso namang sinagot at inamin ni Ka Tunying na naging ambassador siya ng isang kumpanya ng mag-asawa before the pandemic.

During that time, wala pang mga isyung ibinabato sa Discaya couple at pinag-aralan naman daw mabuti ni Ka Tunying ang offer at inalam ang background ng kumpanya ng mga Discaya.

Dahil malaki raw ang bayad bilang endorser at nangangailangan siya that time ay tinanggap naman niya.

Pero nu'ng alukin siya na interbyuhin ang mag-asawa at i-feature sa kanyang show bago mag-eleksiyon, tinanggihan na niya ito dahil hindi naman daw ito ang forte ng kanyang show at parang nakatunog na nga siya na may balak tumakbo sa Pasig si Sarah Discaya bilang mayor kalaban ni Mayor Vico Sotto.

Pabirong hirit ni Ka Tunying, “Mabuti tinanggihan ko. Kung nainterbyu ko ‘yun, di may P10 milyon na ako,” kaya nagkatawanan ang press lalo't sabi niya ay bibigyan niya ng tig-iisang milyong piso. Hahaha!

Kung matatandaan, ‘di nga ba't nag-umpisang makalkal ang tungkol sa flood control scandal nang ibulgar ni Pasig Mayor Vico Sotto na bayad diumano ng P10 milyon ang panayam sa mag-asawa kung saan na-feature ang Discaya couple sa mga programa nina Korina Sanchez at Julius Babao.

Pero nilinaw naman ni Ka Tunying na wala siyang sinasabi na nagbayad talaga ang mag-asawa, ‘yun nga lang daw ang balita at pakiusap niya sa lahat, mag-ingat sa paniniwalaan dahil ang daming fake news ngayon.

Anyway, congrats Mr. and Mrs. Taberna and more success to come!

---

Love Kryzl

NAKAKATUWA naman ang young CEO ng Purple Hearts na si Love Kryzl na siyang umawit din ng kantang Kayong Dalawa Lang sa music video nina Kiray Celis at Stephan Estopia na nag-viral recently.

Inglesera ang bagets at the age of 9 at matalinong sumagot, parang dalaga na.

Nakapag-guest na pala siya sa It's Showtime kaya na-meet ang mga hosts nito. Idol daw niya si Anne Curtis na nang tanungin namin kung paano niya ide-describe, aniya, “She has a beautiful voice.”

Naku, for sure, super happy si Anne ‘pag nalaman ‘yan.

But in fairness kay Love Kryzl, maganda rin ang boses nito at mas naging romantic ang music video nina Kiray at Stephan dahil sa kanyang Kayong Dalawa Lang song.

Regalo ni Love Kryzl kina Kiray at Stephan, na balitang sa Dec. 13 na ang kasal, ang Kayong Dalawa Lang. 

Gaganap ding little bride ang Purple Hearts CEO sa kasalang Kiray-Stephan kaya abangan ang susuotin ni Love Kryzl.

Utol na si PBBM, pinababa sa puwesto… IMELDA: IMEE, ALAM NIYA ANG KANYANG GINAGAWA

ni Janiz Navida @Showbiz Special | December 10, 2025

Photo: File / Imelda Papin

Naging emosyonal ang Jukebox Queen at PCSO Director na si Ms. Imelda Papin sa grand launching ng kanyang bagong song titled Pilipino Tayo na ginanap sa Tanghalang Pasigueño sa Pasig City nu’ng Lunes, Dec. 8 nang hapon.

Sobrang na-touched ang singer-public servant nang makitang punumpuno ang venue ng kanyang mga supporters na naghihintay marinig ang kanyang bagong song na composed by Mon del Rosario.  

Hindi napigilang maiyak na sabi ni Tita Mel (palayaw ni Ms. Imelda), “Fifty years na po ako sa showbiz. Ito po ang regalo ko sa Diyos, sa bayan at sa mga Pilipino.”

Bukod sa kanyang mga supporters, dumating din ang anak ni Tita Mel na si Maffi, mga kapatid at ilang artistang kaibigan niya para sumuporta sa grand launching ng Pilipino Tayo.

After ng launching, nakapanayam namin si Tita Mel kasama ng ibang media people.

Siyempre, bilang Pilipino, ikinalulungkot din daw niya ang mga problemang kinakaharap ng bayan ngayon, lalo na sa isyu ng korupsiyon. 

“Kung meron silang nagawa na ‘di maayos, siyempre, haharapin nila ‘yun but it should not stop us to move forward, ‘di tayo dapat apektado bilang Pilipino,” aniya.

Kaya nga raw inilabas nila ang kantang Pilipino Tayo, para sa kabila ng kaguluhan at mga kahihiyang natatatak sa atin, maging inspirasyon pa rin ito na matatapos din ang lahat at darating ang oras na maipagsisigawan pa rin natin sa buong mundo na Pilipino tayo at dapat ikarangal ang pagiging Pilipino. 

Alam daw niyang mahirap ang pinagdaraanan ngayon ni Pangulong Bongbong Marcos kaya ipinagdarasal na lang niyang malagpasan nito ang sitwasyon at nanawagang suportahan ng mga Pilipino ang mga desisyon nito.

Very vocal naman si Tita Mel na Marcos loyalist siya ever since, kaya nahingi namin ang reaksiyon niya sa nakaraang panawagan ni Sen. Imee Marcos na bumaba na ang kapatid na Pangulong Bongbong Marcos na inakusahan niyang ‘adik’. 

Sagot dito ni Imelda Papin, “She knows what she’s doing. Pero sana, ang laging prayer ko nga, lalo na pamilya, dapat magkaisa talaga. ‘Yun ang natutunan ko sa the late Pres. Marcos Sr., ang pamilya dapat ay nagkakaisa.”

Anyway, makabuluhan ang lyrics ng Pilipino Tayo at lalong naging tagos sa puso nang kantahin ito ni Imelda Papin. 

Kaya tama ang kanyang sinabi, regalo niya ito sa bawat Pilipino na patuloy na sumusuporta at naniniwala sa kanya sa 50 yrs. niya sa musika at paglilingkod-bayan.

Congrats, Tita Mel! 

---

Will, naunahan na…

BIANCA, SHOCKED NANG HAPLUSIN SA LEGS NI DUSTIN

KILIG overload ang hatid ng trailer ng MMFF 2025 entry ng Star Cinema, GMA Pictures at Regal Entertainment na Love You So Bad na pinagbibidahan ng love triangle nina Will Ashley, Bianca de Vera at Dustin Yu.

Trailer pa lang ang ipinakita sa ginanap na mediacon ng movie sa Dolphy Theater last Monday night, grabe na ang hiyawan ng mga fans sa tambalang Dustin-Bianca at Will-Bianca. 

Wala ka naman kasi talagang itulak-kabigin sa dalawang aktor at ang galing ni Direk Mae Cruz-Alviar na umaming nagta-tally sa shooting para matiyak lang na equal talaga ang mga eksena ng DustBia at WillCa.

At pati sa mga sagot nina Will at Dustin kapag natatanong tungkol kay Bianca, walang gustong magpatalbog kaya for sure, hirap na hirap ang karakter ni Bianca sa Love You So Bad kung sino talaga ang pipiliin niya sa dalawa.

In real life, ani Bianca, wala namang pressure mula sa fans kung sino talaga ang pipiliin niya dahil for now, career daw talaga ang priority niya at hindi magka-boyfriend.

Sobrang thankful nga siya sa opportunity na ibinigay ng ABS-CBN at GMA-7 at Regal Entertainment na magbida na sa MMFF movie na pambagets ang tema, kaya tiyak na isa ito sa mga mangunguna sa festival this year.

Nakikita namin si Anne Curtis sa cute na kaartehan ni Bianca (in fairness, ‘di nakakainis, ‘kaaliw lang!) at nagtilian ang mga fans sa mediacon nang mag-dialogue ito ng “Ay, bakit may pahaplos?” nang mahawakan sa legs ni Dustin Yu.

Kapag nag-box office hit ang Love You So Bad, hindi malayong may mga kasunod pang projects ang love triangle na ito.

Showing na ang Love You So Bad sa Dec. 25, 2025.

Aminadong walang pinag-aralan... SEN. LITO, GAME MAG-VP PERO TAKOT PUMALIT NA PANGULO

ni Janiz Navida @Showbiz Special | December 9, 2025

Photo: File / Piolo Pascual sa Manila's Finest

Mula sa pagiging serial killer na pari sa Mallari, isang pulis naman ang ginagampanan ngayon ni Piolo Pascual sa latest Metro Manila Film Festival entry ng MQuest Ventures, Cignal at Spring Films na Manila's Finest.

Mabuting pulis ng Manila Police District nu'ng dekada ‘60 na lalaban sa krimen at katiwalian ang role ni Piolo bilang si Capt. Homer Magtibay at ka-buddy niya rito si Enrique Gil na gaganap naman bilang si  1st Lt. Billy Ojeda.

Ang bongga ng ginanap na red carpet at grand mediacon ng Manila's Finest dahil 1960’s feels talaga ang hatid nila sa kanilang pa-bandang pang-fiesta na sinabayan ng mga makalumang suot ng cast.

Bukod kina Papa P. at Enrique, present sina Cedrick Juan, Ariel Rivera, Joey Marquez, Romnick Sarmenta, Jasmine Curtis-Smith, Kiko Estrada, Paulo Angeles, Ashtine Olviga, Ethan David, Dylan Menor, Inday Fatima, and Pearl Gonzales sa naturang mediacon.

Tinanong namin si Papa P. during the Q&A, dahil pulis ang kanyang role, pabor ba siya sa death penalty lalo't grabe na ang mga nangyayaring krimen ngayon sa bansa kumpara noong 1960s.

Natawang sagot ni Piolo, “Grabe naman ‘yun. Ang hirap namang sagutin nu'n. Hihihi (sa tawa ni Piolo)! Kaya nga ako nag-artista, eh.”

Dugtong nito, “Siguro, kung gaano kalaki ‘yung crime, ‘yung kasalanan. Let the people in the position judge. Ang hirap, eh, it's a crime against humanity. Kailangang may karampatang penalty du'n. Pareho lang, ‘di ba, an eye for an eye, a tooth for a tooth, biblically ganu'n.

“‘Di ko alam kung pa'no dapat takutin ‘yung tao na ‘wag nang gumawa ng masama to avoid that. There should really come a time na magkaroon ng takot ang tao.”

Pero kung personal nga raw niyang opinyon, wala naman siyang take sa issue ng death penalty, basta kung ano raw ang makakabuti sa mga tao.

Hmmm…. Just wondering, kung totoong nagpulis si Papa P, maraming kriminal kaya ang kusa nang magpapahuli? Hahaha!

Anyway, showing na sa Dec. 25 ang Manila's Finest bilang isa sa MMFF 2025 entries mula sa direksiyon ni Raymond Red.

---

Aminadong walang pinag-aralan... SEN. LITO, GAME MAG-VP PERO TAKOT PUMALIT NA PANGULO

PINASAYA na naman ng mag-amang Sen. Lito Lapid at Tourism Infrastructure and Enterprise Zone Authority (TIEZA) General Manager Mark Lapid ang entertainment media sa ipinatawag nilang yearly get-together.

At nakaka-touched na kahit wala na si Manay Lolit Solis na siyang nangangasiwa ng get-together, itinuloy pa rin ng mag-ama ang kanilang taunang pasasalamat sa mga kaibigan sa press, kung saan si Tito Gorgy Rula na ang namahala this year.

Sa panayam sa mag-ama, ibinalita ni Sen. Lito na pang-apat na termino na niya bilang senador ngayon kaya gusto na sana niyang magpahinga at ipaubaya na kay GM Mark kung sakaling gusto nitong sundan ang kanyang yapak at tumakbong senador sa 2028.

Kaya naman tinanong namin ang matikas pa ring senador kung tuluyan na ba niyang iiwan ang pulitika sa edad niyang 76 o handa pa siyang tumakbong vice-president kung sakaling mahilingan ng kanyang mga supporters?

Sagot ni Sen. Lito, “Ah, hindi ko pa isinasara ang pinto pero wala pa talaga. Kahit nu'ng naging vice-governor ako, wala akong naging balak pumasok sa pulitika. Kahit nga sa barangay, ngayon pa kayang mas mataas pa?”

Aminado si Sen. Lito na wala siyang mataas na edukasyon kaya maraming nang-aapi at nangungutya sa kanya. Dahil dito, hindi raw talaga niya inisip o inambisyong makapasok sa pulitika pero rito nga siya dinala ng kapalaran.

Kaya nga dagdag na hirit nito na may kasamang biro, “Ang mahirap nito, baka manalo ako. ‘Pag nanalo ako, baka mawala ang presidente, ‘yun ang malaking problema.” 

Pero sa ngayon daw talaga, hindi niya iniisip ang pagtakbong VP although napag-uusapan nila ito sa bahay, pagkumpirma pa ni GM Mark.

Well, abangan na lang natin kung mag-iiba pa ang plano ng mag-amang Sen. Lito at GM Mark, malayo pa naman.

Samantala, proud si Sen. Lito na kahit nga wala siyang mataas na pinag-aralan, pinagkatiwalaan siya ng maraming Pilipino na maging senador nang apat na beses.

Sa unang anim na taon niya bilang senador, marami siyang nagawang makabuluhan, na pinagtaasan ng kilay ng mga hindi bilib sa kanya, at minaliit ng kanyang mga kritiko. 

Pinatunayan niyang siya ay isang "working legislator", isa sa Top Performing Senators, ika-4 sa mga senador na may pinakamaraming inilatag na bills at resolutions sa 14th Congress. 

Siya ang nagpasa ng mga makabuluhang social legislations sa 14th Congress: Free Legal Assistance Act of 2010 na nagbibigay sa mahihirap ng libre at de-kalidad na serbisyong legal. 

Sinundan ito ng iba pang polisiya at mga inisyatibang magbubura sa pagitan ng mayaman at mahihirap. 

Isinulong din niya ang mga mungkahing mag-aangat sa living standard ng mga mahihirap na malaon na niyang ipinaglalaban, kaya nga siya tinawag na “Bida ng Masa”. 

Mula sa pagiging neophyte senator, patuloy siyang nagsikap gawin ang nararapat para huwag mabigo ang mahigit sa 11 milyong Pilipinong bumoto sa kanya noong 2010 national elections. 

Sa pagtatapos ng 15th Congress, nakapaglatag si Senador Lapid ng 239 bills/resolutions - patunay na siya ang Fifth Most Prolific Member of the Upper Chamber. 

Bilang Chairman ng Senate Committee on Games, Amusement and Sports, tiniyak niyang maisagawa ang mga hakbangin para sa pag-develop ng sports sa kanayunan, para mabaling ang interes ng kabataan sa sports competition. 

Hangad niya ang coordination sa mga ahensiyang sumusuporta sa pambansang sports development program. 

Sa tulong ng mga naniniwala sa kanya, at sa kanyang mga itinataguyod, napatunayan ni Senador Lapid na hindi siya dapat minamaliit. 

"Dati naman akong inaapi. Siguro nararamdaman ng mga tao na ang tunay na paglilingkod ko sa kanila ay hindi sa salita kundi sa gawa," ani Sen. Lapid.