May kasabwat na babae, tinraydor daw siya… CLAUDINE, SUMABOG ANG GALIT, BF NA UTOL NI KORINA, MINURA SA FB

ni Janiz Navida @Showbiz Special | March 1, 2026

Photo: IG _claubarretto

Nagulantang na naman ang mga fans at followers ni Claudine Barretto sa kanyang sunud-sunod na Facebook posts nu'ng Biyernes nang gabi.

Matapos kasing mag-post ng open letter sa Instagram para sa kanyang tatay-tatayang si Comedy King Dolphy (RIP) kung saan tila nagsusumbong at humihingi ito ng payo sa usaping pag-ibig, na tulungan daw siya sa kanyang mga desisyon sa buhay, bigla na lang nag-warla mode si Claudine sa kanyang series of post sa Facebook.

Una sa apat na magkakasunod na posts nito (as is): “this is the first and last time im going to say this. Bastusin nyo anak kong si Yami hahabulin ko kayo at mananagot kayo sakin at sa Daddy nya! Wag nyo antayin magalit Daddy nya. NANAY AKO! TUMIGIL KAYO LAHAT! Claudinians pagtanggol nyo si Yami barretto.At Ana at minions mo tumigil ka at mag kampihan pa kayo ni Milano!!! YES IKAW ANA AT MILANO! Leave me & my people & MY CHILDREN ALONE!”

Ilang minuto pa lang, ito na ang kasunod na post ni Claudine na obyus na nagpupuyos sa galit (as is): “Milano& ANA MALTO LEAVE MY CHILDREN ALONE! You both are delusional.going behind my back! Ana ano sabi mo about Milano? recorded and screenshots na nasa lawyers ko.gusto nyo demandahan tayo? DO NOT TOUCH MY CHILDREN!!! especially Yami! Birds of the same feather! Put*** ina tumigil kayo sa mga plano nyo.stop going behind my back & wag babaliktarin si Amy. Pinasasakay nya lang ikaw Amy! LEAVE US ALONE! mga walang bay**! I AM A MOTHER!!!”

Sa kanyang third post, humihingi ito ng tulong sa kanyang mga Claudinians (as is), “My palanggas & Claudinians pls protect my daughter Yami & my children from these people who wont stop harassing my children.Sab,Saint,& Yami & Marisol. i am Grieving & gusto nila demandahin si Sol.d maka antay na magbabang luksa muna kami ng mga bata.if something happens to my daughter Yami you guys better hide!!! pls im begging u my claudinians stop them and allow my family & i to grieve.lahat ng nag betray sakin including sol may araw.at least si Sol marunong mag sorry at mahal na mahal mga anak ko.misunderstanding yun!”

Pang-apat at huling post ni Claudine, “You broke me & now u want me back? wala akong binabalikan! di po asawa ko.”

Takang-taka at litung-lito ang mga netizens na nakabasa sa mga posts ni Claudine kung ano ang problema nito at bakit galit na galit sa mga taong nabanggit niya.

Isa na nga rito ay ang kanyang boyfriend na si Milano Sanchez, ang younger brother ni Korina Sanchez.

Kung matatandaan kasi, nagpunta at nakiramay pa sina Milano at Ateng Korina sa lamay ng Mommy Inday Barretto ni Claudine last month lang, pero bakit ngayon, may mga babala pa siya sa kanyang boyfriend?

Ang siste, hindi na makikita ngayon sa FB account ni Claudine ang naunang dalawang posts dahil burado na ito. Pero na-screenshot namin ang mga naturang posts kaya nailabas pa namin nang buo.

Marami tuloy ang nag-aalala ngayon sa pinagdaraanan ni Claudine Barretto. Meron kayang lawyers na nag-advise sa kanya na burahin ang naturang posts?

Mukhang maraming gumugulo ngayon sa isip ni Claudine, ha?

Pero in fairness, ang bilis din niyang mag-move on dahil kinabukasan lang, good vibes na naman siya at nag-bonding pa sila ng kanyang mga anak.

Naku, teka, na-migraine yata ako. Charot!!!

---

Nakipagbeso-beso at selfie pa sa mga fans…

ICE, BUMIRIT NA ALA-WHITNEY HOUSTON, HUMATAW NA MALA-SEXBOMB

HINDI binigo ni Ice Seguerra ang kanyang mga fans and supporters na nanood sa katatapos lang niyang Being Ice Live! concert sa New Frontier Theater sa Cubao.

Grabe, from start to finish, talaga namang walang gustong tumayo sa kinauupuan dahil ayaw ma-miss ng mga nanonood ang bawat song number at mga spiels ni Ice.

At bongga, punumpuno ang New Frontier mula sa harap ng stage hanggang sa balcony, to think na mas mahal ang concert ticket kesa sa movie ticket, ha?

Sa mga guests ni Ice, hindi nakarating sina Sen. Tito Sotto at Joey de Leon na inatake raw ng vertigo kaya si Vic Sotto lang ang nakasama ng singer sa kanyang song number.

Maagang sumalang sina Concert Queen Pops Fernandez, Nyoy Volante at Kyla, at ‘yung duet na lang nina Ice at Frenchie Dy ang naabutan namin sa tagal ng paghahanap namin ng parking space sa Cubao. Hahahaha!

Pero napanood namin sa reels ni Mareng Liza Endaya ‘yung duet nina Ice at Kyla ng I Will Always Love You ni Whitney Houston at talaga namang nakakabilib si Ice na kayang-kaya rin palang bumirit na parang diva, ha?!

Marami rin ang aliw na aliw sa kanya habang sing and dance siya na mala-Sexbomb Girls du’n sa isang production number niya.

Tuwang-tuwa naman ang mga fans sa portion na bumaba ng stage si Ice at nilibot ang buong New Frontier Theater para kantahan, makipagbeso-beso at makipag-selfie sa mga nanood ng concert. 

Grabe, halos malapirot na si Ice sa yakap at halik ng mga fans at may portion pa ngang nag-dialogue ito ng “Ate, dodo ko na ‘yan!” dahil nahawakan na yata ang kanyang dibdib, kaya nagkatawanan na lang, pero tuloy pa rin siya sa pagkanta.

At nu’ng kumanta siya ng Pagdating ng Panahon, naku, isa kami sa mga naging emosyonal at napaiyak ni Ice.]

Iba talaga ang boses ng isang Ice Seguerra, tagos sa puso at kaluluwa!

Congrats sa napaka-successful na Being Ice Live! na siyempre, produced ng kanilang Fire & Ice Entertainment ni dating FDCP Chair Liza Dino-Seguerra!

Ex ni McCoy, ‘di lang kina Kylie at Aljur… ELISSE, THIRD PARTY DIN DAW KINA SARAH AT RICHARD

ni Janiz Navida @Showbiz Special | February 26, 2026

Photo: Richard Gutierrez, Elisse Joson at Sarah Lahbati - IG FB

Hindi lang pala sa hiwalayang Aljur Abrenica at Kylie Padilla nadadawit ang pangalan ni Elisse Joson kundi pati sa separation nina Richard Gutierrez at Sarah Lahbati.

May Facebook page na nag-post ng pictures nina Kylie at Aljur, Elisse at AJ Raval, ang bagong karelasyon ni AA (Aljur Abrenica) na may ganitong caption (as is):

“Ba’t si AJ Raval ang Binab4sh diba si Elisse Joson talaga yung nahuli ni Kylie Padilla!? Iyan nga ang Talak ng mga Netizens matapos mapanood ang nag-iiyak na si AJ Raval sa Interview nito kay Toni Gonzaga

“Elisse SA Kay Richard at Sarah Ikaw pati ba naman Kay Kylie at aljur? SI Elisse na nga ba Ang dahilan?”

Nag-ugat ito sa isyung pagde-deny kamakailan ni AJ na siya ang third party sa hiwalayang Kylie at Aljur. Aniya sa mga bashers, bakit siya ang binabanatan at ayaw tantanan ng masasakit na salita samantalang ‘yung girl daw na totoong dahilan ay nananahimik na ngayon.

Nagkasama sina Elisse at Aljur sa seryeng Sandugo na nagsimula nu’ng Sept. 30, 2019 na nagtapos nu’ng March 20, 2020, samantalang nagkahiwalay naman sina Kylie at Aljur nu’ng year 2021.

Una na rin pala itong idinenay ni Elisse, na ngayon ay hiwalay na rin kay McCoy de Leon.

Pero sa pagkakaugnay niya sa hiwalayang Sarah-Richard, sana ay mabigyang-linaw ito ni Elisse lalo’t hindi magandang nasasabit siya sa ganitong issue lalo’t may anak siyang babae.

---

Todo-displey na in public…

EDU, MILYONARYANG CEO ANG IPINALIT KAY CHERRY PIE

May bago na palang karelasyon ngayon ang mabait na TV host-actor na si Edu Manzano.

Kumalat sa social media ang photo ng daddy ni Luis Manzano habang ka-holding hands ang isang babae na hindi naman nalalayo sa edad nito sa isang public gathering.

Ayon sa isang source, Ann Cuisia ang name ng bagong GF ni Edu. Founder at CEO pala ito ng TraXion Tech Inc., isang kumpanyang nagpo-focus sa Web3 at blockchain innovations para sa financial inclusion.

Bukod dito, isa rin siyang anchor ng Peanut Gallery Media Network (PGMN), isang digital media startup na kilala sa unfiltered political commentary at alternative news content. 

Inilarawan pa siya bilang “PGMN’s first tech anchor, legit tech genius, and entrepreneurial millionaire.”

Isinama siya ng TV host-actor sa EDSA 40 prayer rally na dinaluhan ng libu-libong katao. So, obviously, open na si Edu sa kanyang bagong GF.

Ayon sa isang source, ilang buwan pa lang ang relasyon ng dalawa. Pero bago pa man ang nasabing rally, madalas na raw isama ni Edu ang tech executive sa mga private events at espesyal na okasyong dinadaluhan niya. 

Matatandaang bago ma-link kay Ann, ang huling nabalitaang nakarelasyon ni Edu ay ang aktres na si Cherry Pie Picache. 

Ilan sa mga comments ng mga netizens na nabasa namin…

“My goodness, you’re not young anymore, dude.”

“May bago na naman siya, after a year or two, break na naman ulit. Pero in fairness, medyo mga kaedaran niya hilig niya. At least, hindi kagaya ng iba na mahilig sa bata.” 

“Love wins talaga kahit umeedad na”  

Sa ngayon, wala pang opisyal na pahayag mula kina Edu at Ann tungkol sa kanilang relasyon. Pero base sa mga larawang kumakalat at sa kanilang mga paglabas nang magkasama, mukhang hindi na rin naman kailangan ng mahabang paliwanagan pa.

---

MAY bagong single pala ang singer-songwriter na si Benjamin Angeles na tubong-Bulacan.

Tiyak na maaantig ang inyong mga puso sa bagong awitin ni Benjamin na pinamagatang One True Love under Curve Entertainment. 

Ang madamdaming ballad na ito ay isang magandang ode ng kapangyarihan ng tunay na pag-ibig, na nagtatampok ng vocals at nakakaantig na lyrics na tatatak sa mga listeners at music lovers.

Ang One True Love ay patunay ng kahusayan ni Angeles sa paggawa ng mga kanta na nagbibigay-inspirasyon at nagpapasigla. 

Si Benjamin Angeles ay isang Filipino Christian singer-songwriter na naglabas ng mga awiting Awit ng Puso, Sinasamba Kita, Iingatan Kita, Lord I Come, Walang Hanggan at For You I Am Living.

Ang kanyang album na Lord I Come ay umani ng 4.2 Million streams sa Spotify sa loob lamang ng anim na buwan mula nang ito ay inilabas. 

Available na ngayon ang kantang One True Love sa lahat ng pangunahing digital music platforms kagaya ng Spotify, Apple Music, YouTube Music at iba pa.

Bagay daw na ka-tandem ni Mayor Vico… GOV. VILMA, NO-NO-NO SA PAGTAKBONG PANGULO SA 2028

ni Janiz Navida @Showbiz Special | February 25, 2026

Photo: Mayor Vico Sotto, Mayor Joy Belmonte, Ralph at Vilma Santos-Recto / FB @Vilma Santos-Recto

“No-no-no” ang agad na sagot ni Batangas Gov. Vilma Santos-Recto sa posibilidad na pagtatambal nila ng kanyang inaanak na si Pasig Mayor Vico Sotto sa 2028 elections.

After kasing magdeklara ni VP Sara Duterte na tatakbo itong pangulo sa 2028, may mga dismayado na hindi pabor sa ipinai-impeach ngayong anak ni FPRRD.

Kaya naman, may ilang nagsulong ng option na naniniwalang magandang tambalan ang ViVi o Vilma-Vico sa 2028 lalo’t parehong malinis ang record ng dalawa sa paglilingkod lalo na kung ang pag-uusapan ay good governance.

Pero nang mabasa nga ng aming idolong si Ate Vi ang Facebook post namin tungkol sa ViVi tandem, agad itong nag-comment ng “Hahahaha!! Salamat my friend! No, no, no! Janiz!”

Kunsabagay, ‘di namin masisisi si Ate Vi, sa lagay na kinakaya pa niya ang responsibilidad sa Batangas, baka ‘pag naging presidente siya, mawalan na rin siya ng time para kay Baby Peanut at tumanda siyang bigla sa dami ng problema. Hahaha!

---

Na-fall raw sa aktor, todo-kilig…

BELLE, UMAMING SPECIAL SI DONNY SA KANYA

MAY bagong album ang Star Magic artist na si Belle Mariano at ibinalita niya ito sa ginanap na Spotlight presscon last Monday.

Titled Like U, inspired si Belle na nag-sample ng isa niyang kanta at in fairness, hindi siya mare-reject ng isa sa mga judges na si Donny Pangilinan kung sakaling sasali siya sa Pilipinas Got Talent. Hahaha! 

Anyway, dahil love team nga sina Belle at Donny, kahit pansamantalang naghiwalay at nagkani-kanyang project ay aminado ang singer-actress na patuloy silang nag-uusap ng aktor.

Inamin din ni Belle sa amin na special para sa kanya si Donny at na-fall siya rito nu’ng ginagawa nila ang Can’t Buy Me Love. Pero sa ngayon, hindi pa raw niya nakikita ang mga signs na puwede na silang mag-level-up into a relationship kaya ine-enjoy muna nila ni Donny kung ano’ng meron sila.

Soon ay magtatambal uli sila sa movie na Tayo sa Wakas, at abangan na lang natin kung magiging sila na nga sa wakas kapag naging mas close uli sila.

Samantala, natanong din namin si Belle kung game siyang gumanap na Dyesebel at positive naman ang sagot niya dahil gusto raw niya ng challenge sa kanyang acting skills.

Dream din niyang makatrabaho sina Judy Ann Santos at John Lloyd Cruz sa isang project.

Well, exciting nga ‘yan, Belle! Sana ma-push ‘yan at matupad din ang wish mong makapagsulat ng sarili mong songs.

---

Photo: Mars Santos

Photo: Mars Santos

Courtesy: Kapuso PR

Courtesy: Kapuso PR

Tagumpay na nairaos ang ginanap na Induction and Recognition Ceremony ng grupong Society of Philippine Entertainment Editors (SPEEd) kahapon, Pebrero 24, sa Bayanihan Center ng Unilab sa Pasig City.

Maagang nagdatingan ang mga panauhin sa pangunguna nina AKTOR Chairman Dingdong Dantes and President Iza Calzado, MOWELFUND Chairperson Boots Anson-Rodrigo and President Rez Cortez, Fire and Ice Entertainment CEO and founder Direk Ice Seguerra and wife Liza Diño-Seguerra.

Sina Dingdong at Iza ang nanguna sa panunumpa ng mga bagong SPEED officers ngayong 2026.

Masaya ang AKTOR chairman na sila ni Iza ang napili ng SPEEd dahil aniya, “Siyempre, we belong to the same industry. Napakasarap makita na kapag ‘yung mga kasama mo sa industriya ay nag-oorganisa at lalung-lalo na pino-formalize ‘yung kanilang samahan kasi talagang makikita mong seryosong-seryoso sila sa development ng mga organizations.

“And AKTOR will always be there to support our colleagues in the industry kaya we’re very grateful na naimbitahan kami dito sa panunumpa ng organisasyong SPEED.”

Bilang chairman ng AKTOR, ibinalita ni Dingdong na marami silang naka-line-up na proyekto para sa pagpapatibay ng welfare and craft ng mga kapwa niya aktor sa industriya at excited daw silang makipag-collaborate sa SPEEd na may ganito ring layunin.

Sa ngayon, nasa more than 300 members na raw ang AKTOR at goal nilang umabot sa 400 by the end of 2027.

Nilinaw din ni Dingdong na non-partisan group ang AKTOR at wala silang kulay-pulitika.

Samantala, sa ginanap na programa, itinalaga bilang pangulo ng SPEEd si Tessa Mauricio-Arriola, Entertainment and Lifestyle Editor ng The Manila Times. 

Kasama niya sa listahan ng mga bagong opisyal sina Maricris Valdez Nicasio (Hataw), VP for Internal Affairs; Gerardine Trillana (Malaya Business Insight), VP for External Affairs; Ervin Santiago (Inquirer Bandera), secretary; Rohn Romulo (People’s Balita), asst.-secretary; Dondon Sermino (Abante TNT at DWAR 1494), treasurer; Anna Pingol (Pika-Pika.com), asst. treasurer; Jerry Olea (PEP.ph), auditor; at sina Nickie Wang (Manila Standard), Janice Navida (Bulgar) at Neil Ramos (Tempo).

Ang iba pang miyembro ng SPEEd ay sina Eugene Asis (People’s Journal), Ian Farinas (People's Tonight) at Salve Asis (Pilipino Star Ngayon at PangMasa), kasama sina Nestor Cuartero (Manila Bulletin at Tempo), Dinah Ventura (Daily Tribune), Nathalie Tomada (Philippine Star), Bobby Requintina (Manila Bulletin), Jun Lalin (Abante) at mga nagretiro nang patnugot na sina Dindo Balares (Balita) at Rito Asilo (Philippine Daily Inquirer).

Bukod sa ginanap na induction ng mga bagong opisyal ng SPEEd, sa unang pagkakataon ay nagbigay din ang grupo ng Recognition Awards sa mga naging katuwang nito sa mga nakaraang taon sa pagsusulong ng mga adbokasiya ng grupo.

Pinarangalan sina Ms. Claire Papa, assistant vice-president at head ng External Affairs and Social Partnerships ng Unilab Inc.; Maria Yolanda "Yoly" Crisanto, chief sustainability at corporate communications officer ng Globe Telecom; Joy Andrade, direktor para sa Corporate Communications sa Newport World Resorts; Angeli Pangilinan-Valenciano, board member ng SoundCheck Inc.; Juancho Robles, presidente at punong ehekutibo ng ChanRobles & Company CPAs; at Rhea “Rei” Anicoche-Tan, presidente at chief executive officer ng Beautéderm.

Big congrats to our group, SPEEd, at maraming salamat sa lahat ng nakiisa sa aming event kahapon kabilang na ang ilang kasamahan sa print media, ABS-CBN Corp. Communications headed by Sir Kane Choa, Mr. Nelson Canlas of GMA-7, Chris Cahilig of Puregold, Sir Wilson Flores of Kamuning Bakery, Ms. Pinky Tobiano and husband Juancho Tobiano, David Young and Newport Resorts World PR team.