Panganay, 1 yr. and 2 mos. old na… ZANJOE, GIRL ANG DASAL NA NEXT BABY NILA NI RIA

ni Janiz Navida @Showbiz Special | December 22, 2025

Photo: IG _ria

Pinaiyak na naman nina Angelica Panganiban at Zanjoe Marudo ang mga manonood sa pagbabalik nila sa big screen via the movie UnMarry na isa sa 8 official entries sa Metro Manila Film Festival 2025.

Ginanap ang premiere night ng movie last Saturday sa Ayala Malls Trinoma na dinaluhan nina Zanjoe, Angelica at iba pang cast na sina Eugene Domingo, Tom Rodriguez, Solenn Heussaff, Nico Antonio, Donna Cariaga, Shamaine Buencamino at Zac Sibug.

Hindi binigo ni Angelica ang moviegoers sa kanyang comeback film dahil marami na naman siyang pinaiyak, gayundin si Zanjoe na ang mature na ng akting at hinog na hinog na bilang aktor.

Aminado si Z (tawag kay Zanjoe) na malaking tulong ang pagkakaroon niya ng pamilya sa paglalim ng acting niya dahil parent na rin siya ngayon kaya naka-relate sa kanyang role na si Ivan na ipinaglalabang mabuo pa ang kanilang pamilya ni Solenn kahit umabot na sa annulment.

After ng screening, tinanong namin si Zanjoe kung may balak na ba silang sundan ng misis na si Ria Atayde ang kanilang first baby boy na 14 months old na pala ngayon.

Nakangiting sagot ng magaling na aktor, “Naku! Ako naman, kasi ano (ang paniniwala), ‘di ba, the more, the merrier lalo na kung meron kang isang cute na panganay, bakit hindi?”

Baby girl naman?

“Sana,” aniya sabay tingin sa itaas na parang nananalangin.

Although hindi naman daw sila nagmamadali dahil ine-enjoy pa rin nila ang kanilang anak ni Ria na hanggang ngayon, ‘di pa rin nila ipinapakita in public ang face ng bagets.

When asked kung bakit ayaw pa rin nilang mag-post sa social media ng photo ng baby boy nila na kayguwapo naman (ipinakita na sa amin ni Ria noon privately), ani Zanjoe, hindi raw kasi niya makita ang rason kung bakit kailangan nilang gawin ito dahil ‘di pa rin naman naiintindihan ng bata sakali mang i-post nila sa socmed ang photo nito.

Hihintayin na lang daw nilang magkaisip na ito at siya ang mag-decide para sa sarili.

Samantala, naging emosyonal naman si Angelica sa mga papuri sa kanyang acting at touched na touched siya dahil marami pa rin ang sumusuporta sa kanya kahit matagal siyang nagpahinga sa showbiz para sa kanyang pamilya.

Bilib din kami sa professionalism ni Angelica na pumayag pa rin sa kissing scene kay Zanjoe kahit may asawa't anak na. May ilang aktres kasi sa showbiz na ayaw na sa kissing scenes kapag may asawa't anak na.

Bukod kina Angelica at Zanjoe, stand-out din ang performance nina Eugene Domingo at Tom Rodriguez sa UnMarry.

Consistent talaga ang pagiging magaling na aktres ni Uge na panalo lagi ang mga eksena at punchlines.

Sobrang mabubwisit ka naman kay Tom Rodriguez na ang ganda ng role at nabigyan niya ng justice. Bagay na bagay sa kanya ‘yung controlling husband na grabeng mangmaliit sa asawa.

Sabi nga ni Tom nang mainterbyu namin, maging siya ay nabwisit nang mapanood ang sarili sa movie.

Pero nilinaw niyang exactly opposite ng kanyang role ang Tom Rodriguez in real life.

Wala rin daw siyang pinagdaanang court battle tulad ng kanyang role sa movie. 

Pero aminado siyang iyak nang iyak sa mga eksena nina Zanjoe at Angelica at affected talaga sa movie.

Sa ngayon, happily married na pala si Tom sa nanay ng kanyang anak. Sayang nga at ‘di sila nagkita ng kanyang ex-wife na si Carla Abellana sa Parade of Stars, pero sure naman si Tom na pareho na silang happy ni Carla at naka-move on na.

Palabas na sa Dec. 25 ang UnMarry mula sa direksiyon nina Chris Martinez at Jeffrey Jeturian.

Kahit malugi pa raw… CHAVIT, BIBILHIN ANG MISS UNIVERSE

ni Janiz Navida @Showbiz Special | December 23, 2025

Photo: Chavit Interview via Bulgar

Pormal na inanunsiyo ng businessman-philanthropist at dating governor ng Ilocos Sur na si Luis “Manong Chavit” Singson sa ipinatawag niyang mediacon kahapon sa kanyang bahay sa isang posh subdivision na desidido siyang bilhin ang franchise ng Miss Universe Organization para siya na ang maging sole owner nito at hindi lang basta investor o sponsor.

Idiniin ni Manong Chavit na ayaw niya ng may kasosyo sa pagmamay-ari sa Miss U dahil magulo raw kapag maraming nagpapalakad dito.

Sinabi rin niyang sa kabila ng mga kontrobersiyang kinaharap ng most prestigious beauty pageant sa buong mundo, gusto niyang ituloy ang pagmamay-ari nito kaya nag-usap na raw sila ng former Miss Universe president na si Paula Shugart at ng former VP nitong si Shawn McClain na pupunta ang dalawa rito sa ‘Pinas para maupuan nila at masinsinang mapag-usapan ang deal tungkol sa pagbili niya sa Miss Universe franchise mula sa kasalukuyang owners nito na sina Mr. Raul Rocha at Anne Jakrajutatip.

Ani Manong Chavit, willing siyang malugi sa pagsugal sa deal na ito basta makatulong sa ekonomiya at turismo ng Pilipinas.

Tinanong namin si Manong Chavit kung ano ang mga ii-implement niyang pagbabago sakaling siya na ang may-ari nito.

Natawa ito nang maalalang pati mga members ng LGBT ay puwede nang sumali sa Miss U pero wala naman daw siyang tutol doon dahil love niya ang sektor ng LGBT.

Tungkol naman sa pagsali ng mga ‘misis’ na sa Miss U, ayaw din niyang magbanggit ng personal decision niya at baka ma-bash daw siya. Kailangan daw muna itong pag-usapan ng board o grupong bubuoin para mag-handle sa Miss Universe.

Diretso naman naming tinanong si Manong Chavit kung na-in love na ba siya sa isang Miss Universe o sa mga naging kandidata man lang nito.

Napangiting sagot nito, “Hindi pa. Sabi ko sa ‘yo, takot ako sa babae, eh.”

So, wala man lang ba siyang natipuhan sa mga ito?

Nagulat kami sa sagot niyang, “Ang Miss Universe, na-observe ko lang, mas maganda ‘yung mga talunan kesa sa mga nananalo.”

Marami raw magagandang kandidata pero hindi marunong sumagot kaya natatalo.

Kaya kapag siya na raw ang may-ari ng MUO, titiyakin niyang credible judges mula sa iba't ibang bansa ang kukunin at kapag dito sa Pilipinas gagawin ang pageant, hindi siya kukuha ng Filipino judge para wala raw bias.

Hmmm… Sana nga ay matuloy ang pagbili ni Manong Chavit sa MUO at baka sakaling matapos na ang mga nakakalokang isyu at kontrobersiyang kinasasangkutan nito lalo na nitong katatapos lang na pageant this year.

Go, go, go, Manong Chavit! All for the best!  

---

TULAD ng inaasahan namin, bumaha ang luha sa premiere night last Sunday ng MMFF entry ng Nathan Studios ni Ms. Sylvia Sanchez, ang I'mPerfect na pinagbibidahan ng mga batang may Down syndrome (DS) pero nagawang mapaarte ni Direk Sigrid Andrea Bernardo.

Napakanatural umarte ng mga bidang sina Earl Amaba at Krystel Go at hindi mo aakalaing makakaarte sila kasabay ng mga beteranong artista na sina Sylvia, Lorna Tolentino, Joey Marquez, Tonton Gutierrez, Janice de Belen at Zaijian Jaranilla.

Walang effort sina Earl at Krystel na magpaiyak pero ang mga linyahan at eksena nila ang magpapatulo ng mga luha mo nang ‘di mo na lang namamalayan. 

May suntok sa puso maging ang mga dialogues nina Ibyang, Tsong Joey, LT, Tonton at Janice habang kausap sina Earl at Krystel.

Tiyak na maging ang mga magulang ng dalawang bida at maging ng iba pang batang kasama sa cast na may DS din ay proud na proud na kinaya ng mga anak nilang umarte sa big screen.

Pampamilya talaga ang pelikula at hindi lang ang mga may anak o kamag-anak ang makaka-relate sa kuwento nito dahil may aral na matututunan ang mga magulang sa paraan ng tamang pagpapalaki sa mga anak.

Hindi naman naging kawawa ang role ni Janice bilang yaya dahil malaki rin ang kanyang partisipasyon sa I’mPerfect. 

Hindi talaga dapat palagpasing panoorin ang pelikulang ito dahil ngayon lang nangyari na mismong mga may DS ang nagbida sa pelikula na tiyak ding hahaplos sa puso ng ibang lahi kapag nagkaroon na ito ng international screening.

Ngayon pa nga lang, proud nang itsinika sa amin ni Ms. Ibyang na may mga bansa nang naka-line-up para pagpalabasan ng I'mPerfect at open na rin daw sila sakaling may mga kumuhang artista kina Earl at Krystel at sa iba pang batang kasama sa cast.

Napuno ang Cinema 6 ng SM The Block nu'ng premiere night kung saan dumating din para sumuporta kay Ibyang at sa buong team ang mag-asawang Ice Seguerra at Liza Diño, Ara Mina, Zanjoe Marudo at Ria Atayde (producer ng movie), at marami pang ibang kaibigan nila sa showbiz.

Palabas na sa Dec. 25 ang I'mPerfect at kayo na mismo ang humusga kung tama ang sasabihin naming bato na lang ang puso ‘pag ‘di naiyak sa pelikulang ito.

---

SPEAKING of MMFF, tulad ng taunang ginagawa ng Metro Manila Development Authority para masuportahan ang festival, bukod sa Parade of Stars na isinagawa mula sa Macapagal Boulevard papuntang Circuit Makati nu'ng Disyembre 19, kamakailan ay matagumpay ding nairaos ang MMFF Golf Tournament kung saan ang lucky participant ay nakapag-uwi ng brand new car from Geely Philippines. 

Ang fundraising projects na ito ay nagbibigay ng suporta sa mga beneficiaries ng MMFF kabilang na ang Movie Workers Welfare Foundation (Mowelfund), Film Academy of the Philippines, Motion Picture Anti-Film Piracy Council, Optical Media Board, at ang Film Development Council of the Philippines (FDCP).

Nagsalita na rin kay Kyline… ALEXA MIRO, UMAMING GOOD FRIENDS NA SILA NI SANDRO

ni Janiz Navida @Showbiz Special | December 21, 2025

Photo: FB Alexa Miro & Sandro Marcos

First time magprodyus ng pelikula ni Gerald Anderson at pang-MMFF pa, ang Rekonek na pinagbibidahan niya kasama sina Charlie Dizon, Bela Padilla, Andrea Brillantes, Gloria Diaz, Legazpi Family na sina Carmina Villarroel, Zoren Legazpi, Cassy at Mavy, Alexa Miro, Raf Pineda at Daumier Corilla.

Mahirap at magastos daw pero mukhang nag-enjoy naman si Gerald lalo nang makita at marinig ang positive feedback ng mga nanood sa premiere night ng Christmas-themed movie nila na palabas na sa Dec. 25 mula sa direksiyon ni Direk Jade Castro.

Kaya naman after Rekonek, may balak pa raw si Gerald na magprodyus uli ng movie at serye dahil parang giving back na rin daw niya ito sa showbiz industry na nagbigay ng puwang sa kanya at nagpabago sa kanyang buhay.

Sa Rekonek, kapareha niya si Charlie Dizon, at in fairness kay Gerald, lahat ng nakakapareha niya ay may chemistry siya. Mabuti na nga lang at kasal na si Charlie kay Carlo Aquino at happy ang marriage ng dalawa or else, mali-link din ang aktres kay Gerald.

Napaka-effortless naman ng pang-aagaw-eksena ni Miss Universe Gloria Diaz na umani ng tawanan ang mga hirit na linyahan sa movie.

Hindi rin nagpatalo sa kanya si Andrea Brillantes na todo-bigay sa acting pero parang may pagka-OA na, ha? Buti na lang at kasama niya si Bela Padilla para bumalanse sa kanya.

First time naming napanood umarte si Alexa Miro sa Rekonek at in fairness, nakakaarte rin pala siya kahit nag-start siyang maging TV host.

Nakausap namin

Todo-effort din ang acting na ibinigay ni Andrea Brillantes pero may pagka-OA lang para sa amin ang dating niya sa ilang eksena.

Buti na lang at kasama niya si Bela Padilla para bumalanse sa kanya.

First time rin naming napanood na umarte si Alexa Miro sa Rekonek at in fairness, marunong naman siyang umarte kahit nag-start siyang makilala bilang TV host.

Nakausap namin si Alexa sa Parade of Stars at nakumusta namin kung totoo bang sinusuyo siya uli ng ex-boyfriend na si Presidential Son Sandro Marcos.

May nakapagtsika kasi sa aming sinusuyo raw ulit siya ni Sandro kahit pa balitang may Kyline Alcantara na ito. 

Ang kinumpirma sa amin ni Alexa, good friends na sila ngayon ni Sandro at nakapag-usap na nang maayos pero hindi sila nagkabalikan.

About Kyline, narinig din daw niya ang tungkol dito at kay Sandro pero ‘di niya ma-confirm dahil wala raw siyang alam.

Sa ngayon, masaya raw si Alexa sa itinatakbo ng kanyang career lalo't kasama siya sa Rekonek. 

Hindi pa raw siya handang magka-boyfriend uli at career ang priority niya ngayon.

Anyway, palabas na sa Dec. 25 ang Rekonek mula sa direksiyon ni Jade Castro.

---

BFF, nagtampo raw dahil dedma siya…

DUSTIN, ‘DI FEEL IMBITAHAN SI DAVID SA MOVIE NIYA

SOLID ang cast ng Shake, Rattle and Roll: Evil Origins sa premiere night at Parade of Stars.

Dumating ang main cast na sina Richard Gutierrez, Carla Abellana, Francine Diaz at Seth Fedelin, Fyang Smith at JM Ibarra at iba pang kasama sa movie.

Ang lakas ng takot factor ng movie at ngayon pa lang, mukhang hahakot ito ng awards lalo na sa production design.

Magagaling din ang mga artistang nakuha ng mag-inang Roselle at Keith Monteverde ng Regal Entertainment dahil walang tapon, ‘ika nga.

Action star na talaga ang packaging ngayon ni Richard Gutierrez at mas lumutang ang kanyang pagka-aktor.

Hindi naman nagpahuli sa kanya si Dustin Yu na kahit matinee idol ay may ibubuga rin sa action.

Tinanong nga namin si Dustin kung iimbitahan ba niya ang BFF na si David Licauco na panoorin ang SRREO dahil kamakailan ay naging issue nga ang tampuhan nila.

Pabiro namang sagot ni Dustin, “Hindi ko na siguro siya iimbitahin kasi nagtatampo raw.”

Pero aniya, after ng busy sched niya, babawi talaga siya kay David.

Samantala, malakas din talaga ang chemistry nina Francine at Seth at nina Fyang at JM at ang lakas ng tilian ng mga fans sa mga eksena nila kahit horror pa.

No wonder na ang lakas din ng hatak sa bagets crowd ng SRREO.

‘Kaaliw naman ang mga eksena ni Sassa Gurl na sinasabing the next Vice Ganda, ha?

Sa episode na 1775, lutang din ang galing nina Janice de Belen, Carla Abellana at Loisa Andalio.

Ang lakas din ng tilian kay Kaila Estrada na kasama sa 2025 episode, at kahit short lang ang role ay tumatak din.

Mula sa direksiyon nina Shugo Praico, Joey de Guzman at Ian Lorenos, showing na sa Dec. 25 ang Shake, Rattle and Roll: Evil Origins.