Tito Sen: Headwriter ng EB!, tinatakot ng mga abogado ng TAPE

ni Reggee Bonoan @Sheet Matters | June 5, 2023

Habang wala pang TV network na pupuntahan ang mga original hosts ng Eat… Bulaga! na sina Tito Sotto, Vic Sotto at Joey de Leon ay sa Facebook muna sila magla-live.

Ito ang sabi ni Tito Sen sa panayam sa kanya sa radio station na DWIZ at hindi raw ito mahaharang ng TAPE, Inc. dahil, “Ang may-ari ng Facebook Live ng Eat… Bulaga! is ‘yung mga head writers namin, tao namin. Hindi nakapangalan sa TAPE ‘yun.”

Inamin din ni Tito Sen na may mga nangyayari na ring pananakot sa mga head writers nila.

“Ang alam ko nga, parang tinatakot ng abogado, sinulatan yata kahapon ‘yung isa sa mga head writers, hinihingi ‘yung mga passwords. Again, pati abogado nila ay hindi alam ‘yung istorya.

“Ang ruling ng internet, kung sino ang nakapagrehistro ng e-mail, siya ang may-ari,” katwiran ng eldest sa Sotto siblings.

Target daw talaga ng TVJ na ipagdiwang nila ang 50th anniversary ng EB! sa taong 2029.

“Itutuloy namin ang Eat… Bulaga! in whatever form. Lalo na at nakikita pa namin ‘yung suporta, ‘yung pagtangkilik ng mga kababayan natin,” diin ni Tito Sen.

Nabanggit ni Tito Sen sa panayam sa kanya nina Julius Babao at Tintin Bersola-Babao sa One PH na may alok sa kanila ang TV5, RPN 9 at NET 25 at ang latest ay ang CNN Philippines.

“Nag-text sa akin si Pinky Webb na kung interesado raw kami sa CNN Philippines. Ibibigay daw sa amin ‘yung 12 (tanghali) to 3 (hapon),” pagtatapat ng dating senador.

Sa madaling salita, apat na ang kabuuang bilang ng mga TV networks na nag-aalok sa TVJ at sa iba pang mga Dabarkads na nagbitiw na rin sa TAPE, Inc..

Pero, may pahiwatig na si Joey kung saang network sila lilipat base sa kanyang ipinost sa Instagram na larawan nilang tatlo nina Tito Sen at Bossing Vic na may suot na t-shirt na ang nakalagay ay TVJ.

Ang inilagay pa niyang caption: “Sabi ko noon, we are not signing off, we are just taking a day-off. In other words, pahinga muna. In English, TAKE FIVE!”

So, sa TV5 na nga ba sila mapapanood?

JOEY, HULING NAG-F*CK YOU HABANG NAGPAPAALAM ANG TVJ SA EAT BULAGA!

ni Ambet Nabus @Let's See | June 5, 2023

Nauna na riyan ang isang portion sa Unang Hirit kung saan ipinagluluto nina Susan Enriquez at Mateo Guidicelli ang mga co-hosts nila.

Sa isang bahagi ng paglalagay ng mga ingredients, tahasang sinabi ni Mateo ang “p*pe” referring to pepper.

Tinawanan ito ni Susan, lalo’t napaka-cute ng pagkakabigkas ni Matteo ng naturang term, na ayon sa kanya ay ganu’n daw talaga i-pronounce sa Cebu.

Then, umiikot na pala sa TikTok ang naging pamamaalam nina Tito Sotto, Vic Sotto at Joey de Leon o TVJ last May 31 sa Eat… Bulaga!.

Sa naturang picture na galing sa isang video ay makikitang naka-dirty finger si Joey habang nagpapaalam at nagsasabing “Salamat.”

At ang huli nga ay last Saturday lang sa It’s Showtime, kung saan naman nagpapasalamat din si Meme Vice Ganda dahil sa success ng kanyang concert the previous night.

Malinaw at paulit-ulit na binanggit nina Kuys Vhong Navarro, Meme Vice at Jhong Hilario ang salitang “tinggel” na diumano’y slang accent ng “tanggol.”

Sa naturang concert kasi ay ibinida ni Meme Vice ang character ni Coco Martin sa Batang Quiapo bilang si Tanggol.

Kaya naman ngayon ay nananawagan ang ilang netizens sa mga taga-MTRCB na aksiyunan ang mga naturang eksena.

Hindi pa nga raw kasama riyan ‘yung paminsan-minsang “double meaning” bantering ng mga hosts sa Isip Bata portion ng It’s Showtime kung saan kasama ang mga batang sina

Kulot, Argus o Imogen at Jace.

Any reaction from MTRCB?

2 beses nang naudlot… KASALANG ANGELICA-GREGG, MAY 20, 2024

ni Vinia Vivar @Frankly Speaking | June 5, 2023

Matapos ma-engaged last year, inanunsiyo na ni Angelica Panganiban ang upcoming wedding nila ng fiancé na si Gregg Homan.

Ginawa ng engaged couple ang announcement sa kanilang You Tube channel na The Homans.

Ani Gregg, “We were going to get married last year, pero we wanted to make Bean a part of it.”

Si Baby Bean or Amila Sabine ang kanilang anak na ngayon ay malapit na ring mag-one year old sa September.

“So, we are going to do it early next year. We are looking at places locally to do it. But I am excited for it,” dagdag ni Gregg.

Sey naman ni Angelica, dalawang beses na raw na-postpone ang kanilang wedding.

“Parang twice na naming inurong ‘yung wedding. Last year and this year, dapat aalis tayo.

Ilang beses naming sinubukang mag-elope, pero parang ayaw ng mundo na itago namin.

Malakas magdasal ‘yung mga kaibigan and family members namin. So, ngayon, mukhang matutuloy na siya,” tsika ni Angelica.

Meron na raw silang date at ipinaalam na rin nila ito sa kanilang mga kaanak at kaibigan.

“Meron na kaming save-the-date, sinabi na namin siya sa mga kapamilya namin abroad para makapagtipid na sila, makapag-ipon na.

“Sa mga friends namin na sobrang busy ‘yung schedule nila sa life, marami silang commitments, inunahan na namin sila na i-save na ‘yung araw na iyon,” pahayag ng aktres.

Natawa naman si Gregg nang sabihin ni Angelica na “So, finally pakakasalan ko na ito kasi talagang dead na dead sa akin. Pagbibigyan ko lang ng isang malakasan.”

Bagama’t hindi sinabi ng dalawa ang date ng wedding, ayon kay Angelica ay may clue naman silang ibinigay kaya ang mga tao na raw ang bahalang mag-figure out dito.

Sa isang bahagi ng vlog ay nabanggit kasi ng dalawa ang kahalagahan ng oras na 5:20 PM na laging oras ng pag-upload nila ng video sa kanilang channel. Ito raw ang exact time na tinanggap ni Angelica ang proposal ni Gregg.

So, ang hula ng mga netizens ay sa May 20 sa susunod na taon ang kasal nina Angelica at Gregg.