Bokal na ngayon sa Nueva Ecija… JASON, TODO-INGGIT SA MGA NAGKA-BILYON SA FLOOD CONTROL PROJECTS

ni Reggee Bonoan @Sheet Matters | October 1, 2025

Photo: Jason Abalos

“Nakakainggit nga, eh,” birong sabi ni Jason Abalos, bagong halal na provincial board member sa lalawigan ng Nueva Ecija, nang tanungin tungkol sa isyu ng flood control projects.

Wala raw siyang kinalaman sa flood control issues sa nasabing lalawigan dahil hindi ito dumadaan sa kanya.

“Wala kayong makukuhang sagot sa akin. Nakakainggit nga, eh. Hahaha!” sey ni Jason.

May nakausap din kaming iba na hindi senador, congressman o mayor, pero nagtatrabaho rin sa gobyerno at nagbiro rin dahil bilyones at hindi lang milyones ang usapan tungkol sa flood control, kaya talagang napapa-“sana all” daw sila.

Pero sa kabilang banda ay hindi rin naman nila ito nais gawin, lalo na si Jason na tinitiis na hindi makita ang mag-ina sa loob ng 5 araw dahil sa trabaho niya sa Nueva Ecija.

“Kailangan nating magsilbi sa sinumpaan nating katungkulan,” saad ng aktor-pulitiko.

Weekends lang siya umuuwi sa Quezon City dahil dito nakatira ang misis niyang si Vickie Rushton at anak nilang si Baby Knoa na 2 ½ yrs. old na at kamukha ng ina.

Nakatsikahan namin si Jason sa birthday celebration ng kilalang owner ng Artista Salon na si Gio Anthony Medina kasama ang partners na sina Margaret Gaw at Lotis Reyes sa Panay Avenue, Quezon City.

Sabi pa ni Jason, kinakailangan pa rin niyang mag-showbiz at naghihintay siya ng alok

ng GMA-7 kung saan may kontrata siya at si ‘Nay Gio, ang kanyang manager.

“Sa mga may inquiries, kay Nanay (Gio) lahat,” saad ni Jason.

Tinanong din namin kung paano niya napagsasabay ang pag-aartista at pagiging bokal sa Nueva Ecija.

“Time management. Mahirap ngayon kasi may anak na ako kaya’t kailangan talagang bantayan din. Pati tiwala ng tao na ipinagkatiwala sa atin, kailangang tuparin,” sagot ni Jason.

Nakasama si Jason sa seryeng Lilet Matias: Attorney at Law (LM:AAL) nu’ng 2024, pero umikli ang karakter niya. 

Aniya, “Nag-campaign po kasi kaya kailangan kong magpaalam, kaya ngayon po ay naghihintay ako ng bagong offer nila.”

Bukod sa pagiging bokal sa kanilang lalawigan, isa pang nakaka-excite na ginagampanan ngayon ni Jason ay ang pagiging daddy ni Knoa Alexander.

Sabi niya, “Napakasarap po, walang kapantay ang pagiging daddy. Medyo late na ako (nagkaanak sa edad na 39). Masarap maging mabuting tao kasi gusto ko ‘pag lumaki s’ya (Knoa), sasabihin sa kanya, ‘Ang tatay mo, mabuting tao.’”

Sa edad na almost 40 ni Jason ay natanong namin kung kaya pa niyang makipaghabulan sa anak.

“Kaya pa, kaya pa rin kahit lima pa (dagdagan ang anak),” nakangiting sabi nito habang nakatingin sa asawang si Vickie Rushton.

---

SI Boss Toyo at mga kilalang influencers at artista ang mga suki ng Mcars Ph sa ginanap na grand launch kamakailan sa Music Box, Timog Avenue, Quezon City.

Ang Mcars Ph ay pag-aari ni Jed Manalang at nakipag-collab sa Socia CTO na si Reiner Cadiz at Josh Mojica, CEO ng Kangkong Chips Original at Socia web developer. 

Dumalo rin sa press launch ang head ng Metropolitan Manila Development Authority’s (MMDA) Special Operations Group-Strike Force (SOG-SF) na si Gabriel

Go.

Ang Mcars Ph ay isang car dealership na nakabase sa Malabon City na dalubhasa sa pagbebenta ng mga bago, pre-owned at “assume balance” na sasakyan. 

At dahil maaaring kumuha ng kahit ilang sasakyan through Mcars Ph as long as kaya mong bayaran, tiyak na dagdag-trapik ito sa mga major roads na matagal nang reklamo ng mga netizens. 

Sa mayayaman at kilalang pamilya sa lipunan, umaabot sa 10 hanggang 12 sasakyan ang meron sila.

Kaya natanong si G. Gabriel Go (MMDA SOG-SF) kung hindi ba nila hihigpitan ang mga sobra-sobrang sasakyan na pag-aari ng isang pamilya lalo’t isa ito sa mga dahilan ng pagsikip ng daan, lalo na sa EDSA.

Aniya, “Wala po tayong batas na bawal bumili ng maraming sasakyan o dahil karapatan naman po ‘yun ng bawat indibidwal as long as kaya n’yang magbayad at maging responsable sa pagmamaneho at higit sa lahat, dapat po ay may sariling garahe para hindi na nakakaabala sa daan, lalo na sa Mabuhay lanes.”

Sabi ni Jed, ang dahilan kaya nakipag-collab ang Mcars Ph sa Socia ay para maka-develop ng online platform na magpapabilis sa pagbili ng sasakyan at para na rin ito sa mga gustong maging ahente ng kotse.

Sabi pa ni Jed, “Binisita ni Boss Toyo ang showroom ko one time sa Malabon. He wanted a car, pero sabi n’ya, gusto n’ya muna i-test drive. Ipinauwi ko na agad sa kanya. Sabi ko, bayaran mo na lang after kung magustuhan mo na. From then on, naging magkumpare na rin kami. Malakas ang hatak ni Boss Toyo sa mga kliyente. Hindi ko kayang bayaran ang talent fee (TF) n’ya!”

Naroon ang Mcars Ph ambassadors na sina Direk Art Halili Jr., beteranang aktres na si Dexter Doria, at komedyanteng si Patani. 

Sayang at hindi na namin naabutan si Boss Toyo.

Kaya iniwan din ni Jake… CHIE, DAHILAN NG HIWALAYAN NI MATT LHUILLIER AT GF

ni Reggee Bonoan @Sheet Matters | September 26, 2025

Photo: Chie Filomeno - Instagram

Follow-up ito sa naisulat namin dito sa BULGAR tungkol sa pagde-date ng aktres na si Chie Filomeno at ng businessman na si Matt Lhuillier sa Dumaguete City na dahilan ng paghihiwalay ng dalaga at ng BF na aktor na si Jake Cuenca.

Hindi lang pala si Jake ang nakipaghiwalay kay Chie kundi pati na rin ang longtime girlfriend ng kilalang personalidad sa Cebu.

Ayon sa aming source, “Nu’ng lumabas ‘yung balita tungkol kina Chie at Matt, matindi ang away ni Matt at ng girlfriend n’ya. Nalaman na ng both families. As we speak, hiwalay na sila.”

Nabanggit pa sa amin na akala ng girlfriend ni Matt ay business lang ang purpose ng pagpunta nina Matt at Chie sa Dumaguete kasi may negosyong itinayo na ipo-promote naman ng aktres.

Nagtaka ang ilang nakakita kina Matt at Chie dahil may kakaiba silang tingin sa isa’t isa at maging sa kilos ay may something.

Kaya nagmasid na ang mga Marites. 

Sabi ng aming source, “Ganoon na nga, hindi lang promo ang naganap, naging sweet na sila.”

Mukhang pabor ang mga netizens sa nangyari dahil ginamit daw ni Chie ang utak niya dahil mayaman ang ipinalit kay Jake.

Pero mas marami ang nagtanggol sa aktor na may kaya rin ito sa buhay, may pamilyang low key lang, at higit sa lahat, pinaghirapan ni Jake kung ano’ng meron siya ngayon. 

Hindi siya umasa sa mana ng magulang o ng tito-tito (grand uncle) niyang si dating MTRCB Chairman Manoling Morato (SLN).

Sa kasalukuyan ay nananatiling tikom ang bibig ni Jake kahit ilang beses na namin itong kinontak.

Well, abangan na lang sa launching ng bagong serye ni Jake, ang What Lies Beneath (WLB) kasama sina Kaila Estrada, Sue Ramirez, Charlie Dizon at Janella Salvador kung magsasalita ang aktor.

---

MATAGUMPAY na natapos ng Movie and Television Review and Classification Board (MTRCB) ang Data Privacy Management Program nito noong Martes, Setyembre 23, na nagpapatunay sa matibay na pangako ng ahensiya na pangalagaan ang personal na impormasyon at isulong ang responsableng pamamahala ng datos sa panahon ng digitalization.

Nagbunga ang programa ng 23 bagong Data Privacy Champions. Sa bilang na ‘yan, 5 ay lalaki at 18 ang babae. Sinanay sila para ipatupad ang mga pamantayan sa data privacy at matiyak ang pagsunod sa umiiral na Data Privacy Act of 2012 at iba pang mga polisiya.

Sa kanyang mensahe, binigyang-diin ni MTRCB Chairperson and CEO Lala Sotto ang mahalagang papel ng mga Data Privacy Champions para mapanatiling ligtas, maaasahan at mapagkakatiwalaan ang ahensiya.

“Napakahalaga po para sa ating ahensiya na tiyaking maayos, ligtas at protektado ang ating mga datos, lalo na’t karamihan sa ating mga transaksiyon ay may kalakip na personal at sensitibong impormasyon,” sabi ni Chair Lala.

Pinuri naman ni KAT-C Business and Data Privacy Consulting Inc. CEO Atty. Krishna Aira Tana-Caguia ang inisyatibo ng MTRCB na palakasin ang data privacy ng ahensiya.

“Ipinapaabot namin ang taos-pusong pagbati sa matagumpay na pagtatatag ng Data Privacy Management Program ng MTRCB. Ito ay isang malinaw na tagumpay na nagpapakita ng kanilang pananagutan sa pagsunod sa Data Privacy Act of 2012 at ng kanilang pangako na protektahan ang personal na datos na kanilang pinoproseso habang ginagampanan ang kanilang mandato,” sabi ni Atty. Tana-Caguia.

Kabilang sa programa ang presentasyon ng bawat Data Privacy Champion ng kanilang hakbang tungkol sa pagpapatupad ng mga risk treatment controls at mga pagpapabuti para mapalakas ang data privacy framework ng ahensiya.

Ang inisyatibo ay nagpapakita ng dedikasyon ng Board na mailinya ang mga hakbang sa pambansa at pandaigdigang pamantayan pagdating sa pagprotekta ng datos.

“Ang maagap na hakbang ng MTRCB sa pagtatatag ng programang ito ay nagpapakita ng malalim na pag-unawa sa kahalagahan ng data privacy sa panahon ngayon. Isa itong patunay sa dedikasyon ng Board upang matiyak na ang mga karapatan ng mga data subject ay napangangalagaan,” sabi pa ni Atty. Tana-Caguia.

Buking na nakipag-date kay Matt Lhuillier sa Dumaguete… CHIE, PINALAYAS NI JAKE SA CONDO

ni Reggee Bonoan @Sheet Matters | September 24, 2025

Photo: Chie Filomeno at Jake Cuenca - IG

Mukhang late ang intel ng lalaking tsismoso na si Xian Gaza dahil nitong Lunes, Setyembre 23 lang niya ipinost na hiwalay na sina Jake Cuenca at Chie Filomeno, pero noong nakaraang buwan pa pala sila nag-break.

Ang post ni Xian, “Jake Cuenca, natagpuang humahagulgol sa loob ng bahay matapos itong iwan ni Chie Filomeno para sa isang milyonaryong negosyante sa Cebu na si Matt Lhuillier! Atin-atin lang muna, ‘wag na lang muna sana makalabas. Salamat.”

Pero sey ng aming source, “Last month pa sila hiwalay.”

Base naman sa nakausap naming nakatira rin mismo sa condominium building sa Bonifacio Global City (BGC), Taguig kung saan nakatira si Jake, nakita raw nito ang driver ng aktor na may ibinabang mga maleta at isinakay sa sasakyan.

“Akala ko, shooting lang, ganu’n naman kasi si Jake, maraming dalang gamit. Tapos, ang tagal naming hindi na nakikita si Chie, so baka ‘yun na nga, hiwalay na pala sila na nabalita ngayon,” sey ng taong nakatira rin sa building.

Naaliw nga ang taong kausap namin dahil hindi lang pala si Jake ang artistang nakatira roon. Kaya sabi namin, saka na lang niya kami tsikahin ulit kapag may mga isyu na ang ibang personalidad na nandoon.

Anyway, nagtanong kami sa taga-FPJ’s Batang Quiapo (BQ) kung kumusta si Jake sa taping, kung malungkot ba ito dahil hiwalay na sila ni Chie.

“Huh? Si Jake? Wala, ang saya-saya nga n’ya sa set, dami naming kuwentuhan. Wala namang nabanggit tungkol sa kanila ni Chie,” tsika ng taga-BQ.

Kilala namin si Jake at hindi siya ang taong nagmumukmok, lalo na’t abala siya ngayon sa dalawang seryeng isinu-shoot niya, ang BQ at What Lies Beneath (WLB) kasama sina Kaila Estrada, Charlie Dizon, Sue Ramirez at Janella Salvador.

Samantala, binalikan namin ang aming source kung totoong iniwan ni Chie si Jake base sa post ni Xian Gaza.

“Oo, totoo, pero hindi iniwan ni Chie si Jake, pinalayas ni Jake si Chie. Ipinabalik n’ya ang mga gamit sa bahay nila,” diin ng source.

Ang kilalang personalidad na binanggit ni Xian ang dahilan ng hiwalayan?

“Actually, parang nag-date lang. May totoong girlfriend kasi ‘yung Martin (Matt) at alam ng mga prominenteng pamilya sa Cebu. Pero hindi sila sa Cebu nakitang nag-date, sa Dumaguete, ilang beses na raw. May mga kaibigan si Jake na tagaroon at nakita sila. ‘Di ba nagmo-motor sina Jake ru’n kasama sina John Prats at Sam Milby? Kaya naikuwento.

“Hindi nga naniwala si Jake pero noong naalala n’yang may out-of-town si Chie, naniwala na s’ya, kasi wala s’yang panahon nga dahil dalawang shows ang ginagawa n’ya,” detalyadong kuwento sa amin.

Sa pagkakaalam ng aming kausap, walang confrontation na naganap kina Jake Cuenca at Chie Filomeno dahil nasa Dumaguete pa ang aktres nang ipabalik na ni Jake ang mga gamit niya sa bahay nila. Hindi na nakatungtong pa ng condo unit ang dalaga.

At dahil dito, marami ang tumawag sa amin para ikuwento kung sino si Chie dahil ang suwerte raw niya at naging boyfriend niya si Jake, pero pinakawalan pa niya.

Ang lalaking naka-date niya ay may girlfriend na, at habang isinusulat namin ito ay nag-aaway na raw ang pamilya ng both sides na kilalang prominente sa Cebu at ito ay dahil kay Chie.

Pinabulaanan din ng source namin ang post ni Xian na humagulgol si Jake, “Baka kabaligtaran. Hahaha! Saka, paano makikita sa loob ng bahay, eh, mag-isa lang si Jake sa condo unit n’ya?”

Sa pagkakaalam din namin, walang kasambahay si Jake kundi tagalinis lang, 2 beses sa isang buwan.

Balitang ikinatwiran din daw ni Chie na wala na sila ni Jake nang makipag-date siya. 

Mukhang kailangang maglabas ng resibo ang aktres dahil maliwanag pa raw sa buwan na ongoing pa ang relasyon nila ng aktor nang makipag-date siya kay Matt Lhuillier.

Bukas ang BULGAR sa panig nina Chie Filomeno, Jake Cuenca at Matt Lhuillier o ng kanilang kampo.