Kaya ‘di makauwi sa sariling bahay… DEREK, NOT ONCE BUT TWICE IPINA–BARANGAY NI ELLEN

ni Reggee Bonoan @Sheet Matters | November 20, 2025

Photo: FB / Derek at Ellen

“I’ll be gone forever. So just give me time until my place is done,” ito ang seryosong sabi ni Ellen Adarna sa mga nagtatanong na mga netizens kung sa bahay pa ng estranged husband niyang si Derek Ramsay siya nakatira.

Inamin ni Ellen na doon pa nga rin siya nakatira, pero hindi pa tapos ang renovation ng bahay na titirhan nilang mag-iina at hindi raw doon nakatira ang aktor.

At para maging legal ang lahat ay ipina-barangay niya ang asawa. “Ipina-barangay ko siya dai, twice. Not once, but twice. Yeah, but we had an agreement that, this was like months ago, three months ago, we had an agreement that he won’t come back until I move in to my new place,” pahayag ni Ellen sa kanyang Instagram (IG) Live.

Sa sinabi ni Ellen na “I’ll be gone forever,” ay winakasan na nito ang pagiging mag-asawa nila ni Derek.

Nasambit din naman ito ng aming source na hindi na nga raw magkakabalikan pa ang dalawa at nanghihinayang siya.

Anyway, bukas ang BULGAR sa panig ni Derek Ramsay tungkol sa pasabog na ito ni Ellen Adarna.

---

Ganu’n din daw ‘yung nagpaaral sa kanya…

VICE, AYAW MAKILALA NANG PERSONAL ANG MGA SCHOLARS NIYA

Maraming pinaaral si Vice Ganda at nabanggit naman niya ito sa It’s Showtime (IS), pero hindi niya kilala ang iba at ito ang gusto niya dahil ayaw niyang magkaroon ng attachment sa mga ito. 

Okay na raw na pasalamatan siya at hindi na nila kailangang magkita pa.

Pay it forward ang ginagawa ni Vice dahil, “I was once like them (scholars). I was once a kid who was sent to school by someone I did not meet in person.”

Binanggit ni Vice ang pangalan ng taong nagpaaral sa kanya. Isa itong Haponesa na hindi niya nakilala nang personal, pero ang tanging ginagawa niya ay kada linggo, sumusulat siya para magpasalamat dito at magbigay ng updates kung ano’ng nangyayari sa kanya sa school.

Hanggang sa narating na niya ang Japan at hinanap niya ang kanyang benefactor, pero walang nangyari dahil ang address na lagi niyang pinadadalhan ng sulat ay hindi na residential ngayon at walang nakakakilala sa taong hinanap ni Vice.

Nangyari ang pag-amin ni Vice sa ginanap na contract signing at launch ng Beautederm Belle Dolls New Faces sa Solaire Resort North nu’ng Lunes, Nobyembre 17, kung saan sina Vice at Ion Perez nga ang ipinakilala at tinawag sa harap ng stage.

Ang pagpayag ni Vice kasama si Ion Perez ang maituturing na advanced birthday gift ni Beautederm CEO Rei Tan dahil matagal na pala niyang nililigawan ang Unkabogable Superstar para maging endorser ng Belle Dolls drink tulad ng Collagen Juice Drink Avocado and Kiwi Flavored, Stem Cell Juice Drink na Strawberry Lychee Flavored, Caramel Macchiato Healthy Coffee, at Black Coffee Decaf, pero hindi natutuloy.

Health buff si Ion at ‘yun ang nagustuhan sa kanya ni Ms. Rei. 

Aniya, “Ganu’n din kasi ako, tulad ni Ion na pinipili ang pagkain kaya sila ang right faces bilang bagong ambassadors natin. Gaya ko, I’m turning 45 (November 26) and 99 pounds, kaya dapat maging healthy tayo kasi paano natin aalagaan ang ibang tao kung sarili natin, hindi natin maalagaan? 

“Saka health conscious kami ni Achi (Vice), nasa 40s na, at hindi na kami nagsu-sugar kaya saktung-sakto ang Belle Dolls.”

Samantala, kilala na raw noon pa ni Vice ang Beautederm. 

Aniya, “Of course I know Beautederm kasi si Darla (Sauler), gumanda! At saka si Lorna Tolentino rin. Sabi ko kay LT, ‘Ang ganda-ganda ng mukha mo, hindi ka tumatanda.’ Tapos sabi sa akin, ‘That’s Beautederm.’ Kaya I know Beautederm.”

Kaya sobrang nagpasalamat sina Vice at Ion na parte na sila ng Beautederm family at natapat pa sa 16th anniversary ng kumpanyang itinayo ni Ms. Rei.

Tito Sen., ibinulgar na may kabit… “BAKA MAY NAKAIN SI ANJO NA TUMAMA SA UTAK NIYA” — GOMA

ni Reggee Bonoan @Sheet Matters | November 7, 2025

Photo: FB Richard Gomez & Anjo Yllana

“Kung nagbibiro s’ya, medyo mabigat ‘yun! Pero kung totoo ‘yun, mabigat din dahil mas maganda sana kung nakapag-usap sila. ‘Di ko talaga alam,” sabay iling “kung ano talaga,” ito ang diretsong sagot ni Leyte 4th District Representative Richard ‘Goma’ Gomez kay Nanay Cristy Fermin sa guesting niya kahapon sa Cristy FerMinute (CFM) show na napanood sa OnePH YouTube (YT) channel.

Hiningan ng reaksiyon ni ‘Nay Cristy ang kaibigan ni Anjo Yllana sa ginawa nitong paninira kay Senate President Tito Sotto na may babae raw ito mula year 2013 at saksi raw siya rito, bukod pa sa sinabing may sindikato sa Eat… Bulaga! (EB!) na programa ng TVJ na malapit nang mag-50 years.

Bago nagtanong ang CFM host ay nagsabi siya na kung hindi ito sasagutin ni Richard ay maiintindihan nila ng co-host niyang si Romel Chika mula sa puso.

Sey ni Goma, “Nu’ng una kong nakita the other day, ‘di ko alam,” na naghahagilap ng tamang termino. 

Dugtong niya, “Honestly, hindi ko alam, Ate Cristy, na totoo ba talaga ‘yun o nagloloko lang s’ya (Anjo)? Hindi ko alam kung nasaan si Anjo, kung totoo ba ‘yun o binibiro lang n’ya si Senator Tito Sotto. Kung nagbibiro s’ya, medyo mabigat ‘yun, pero kung totoo ‘yun, mabigat din ‘yun. Mas maganda sana kung nakapag-usap sila. Hindi ko talaga alam kung ano ‘yung situation.”

Binanggit ni ‘Nay Cristy na umurong na si Anjo, na ibig sabihin ay binawi na nito ang mga pinagsasabi niya, at katwiran niya ay namba-bluff lang daw siya sa pananakot kay Senate Pres. Tito Sotto.

Natawa naman si Goma sa pagbawi ng kaibigang si Anjo, “Kahit ako, nagulat din sa ginawa n’yang ‘yun. Pero ang akin lang, mabait na tao naman si Anjo. Maganda sana na makapag-usap silang mabuti ni Senator Tito Sotto.

“Kung bluff ‘yun, medyo hindi maganda. Kahit ako, hindi ko magugustuhan dahil alam mo, si Anjo, malapit sa puso ko dahil kaibigan natin ‘yan, kaya nagulat ako! Nagulat talaga ako nu’ng pagbukas ko ng Facebook (FB) ko, tapos nagsasalita, aga-aga nito, bagong gising, ah.

“Baka may nakain si Anjo na tumama sa utak n’ya. But you know, let’s wish Anjo the best na sana, magkasundo sila at magkausap sila ni Tito Sen.”

At bilang miyembro ng Kamara ay hindi naiwasang hingan ng komento si Cong. Goma ni Romel Chika kung ano ang pipiliin niya, ang pulitika o showbiz.

“Alam mo, ang problema natin dito sa pulitika, ‘yung mga kalaban natin, aba, talo pa ‘yung mga scriptwriters at direktor ng pelikula, eh,” kaswal na sagot ng aktor-pulitiko.

Sinang-ayunan naman ito nina ‘Nay Cristy at Romel Chika, “Totoo.”

Tuloy ni Richard, “Ang galing magsinungaling ng mga loko na ‘to. Minsan, pagmumurahin mo na lang, eh. Minsan (naisip ko), ‘pag nakaharap ko ‘to, gugulpihin ko ‘to, sigurado. Ganu’n ba? Ang daming sinungaling, so ako, minsan, hindi ko na lang sinasagot, ipinapasa-Diyos ko na lang, ipinagdarasal ko na lang. Sabi ko, ‘Lord, Ikaw na bahala sa mga g*go na ito at mga sinungaling na ito.’

“Unlike sa showbiz, magkakasamaan tayo ng loob, magkakatampuhan tayo, pero ito, may panahon na puwede tayong mag-usap. Kung gusto mo in public, gusto mo nang live, puwede tayong mag-usap. Pinag-uusapan ‘yung totoo at ‘yung tama.”

Tawa naman nang tawa sina ‘Nay Cristy at Romel Chika sa reaksiyon ni Goma sa mga pulitikong sinabihan niya ng sinungaling.

---

DAHIL sa kasikatan ng Pinoy pop group na BINI, sobrang busy ng kanilang schedule.

Pero ayon sa miyembrong si Colet, natututo siyang maghinay-hinay, na isang mindset na perpektong sumasalamin sa mensahe ng pinakabagong campaign ng isang lokal na fashion brand na inire-represent niya at ng kanyang mga kasamahan sa BINI.

“‘Yung Cozy Days Ahead, it resonates with me kasi it’s about taking a pause,” sabi ni Colet sa panayam ng Penshoppe para sa Cozy Days Ahead campaign.

Dagdag niya, “Sa panahon ngayon, parang ang pag-pause, hindi siya madaling gawin. Lately, ako po, I’ve been learning to slow down, appreciate slow moments and reconnect. Ipina-practice ko siyang gawin everyday.”

Samantala, bilang artista, ibinahagi ni Colet na nakaka-relate siya sa kampanya sa pamamagitan ng pagtutok sa pagiging totoo.

“Nagre-reflect itong campaign na ito kung saan ako ngayon. Mas focused ako sa pagiging authentic, authenticity, mag-reconnect and... kumbaga, ‘yun ‘yung ipina-practice din namin na ma-resonate namin sa ibang tao,” sabi pa.

Ang grupo na kilala sa mga hit songs na Pantropiko, Salamin, Salamin, at pinakahuling First Luv ay nasilayan ng kanilang mga supporters sa Davao nang dalawin nila ang branch ng Penshoppe at nagkaroon ng pictorial.

Sa parehong panayam, ibinahagi din ng BINI kung ano ang kanilang mga paboritong kasuotan at nabanggit ni Aiah ang knitted tops.

“I own a lot. No joke... parang may own store ako sa place ko kasi parang almost every day, I wear Penshoppe and it’s because it’s so comfortable. Aside sa it’s so comfortable, you look so good wearing it,” sey ni Aiah.

Samantala, ang mga damit na terno ay malakas ang dating sa pinaka-pinuno ng grupo na si Jhoanna.

“Kasi ‘pag may shoot kami, ito na, kukunin. Wala nang isip-isip. Ang ganda ng style.”

Cargo at baggy pants naman ang kay BINI Sheena.

Ang bongga! Bagay na bagay sila sa endorsement na ito.

Napuno, magpapasaklolo na sa abogado… WILL AT MADIR, SINABIHAN NG BASHER NA MAMATAY NA

ni Reggee Bonoan @Sheet Matters | November 4, 2025

Photo: Will Ashley - IG

Biktima ng bullying ang singer-actor na si Will Ashley at idinamay pa ang kanyang nanay, na ikinagulat namin dahil ibig sabihin, ganoon katindi ang galit ng taong may sama ng loob sa kanya.

Ini-retweet ni Will sa kanyang X (dating Twitter) account kahapon ang ipinadalang mensahe sa kanya ng isang taong walang pagkakakilanlan.

Ito ang mensahe, “Mamatay ka na. Gag*, tang*** mo, mamatay ka na, hayop! Pangit ng nanay mo.”

Pahayag ni Will, “I’ve been getting a lot of messages saying they hope my mom dies. Bakit umabot tayo sa ganyan? Last week lang, nagkaroon ng online reflection about bullying and mental health, tapos lumala this week?

“We are just doing our job, working for our craft, our art. Bakit kailangan itapon natin ang morality? O baka sadyang masama lang talaga kayong tao and can’t wait to wish ill on others. Wala kaming ninanakaw, wala kaming sinasaktan o tinatapakan, lalo na ang pamilya ko.

“Save your outrage for people who are doing evil, not people who are just making art. Also, my friends know better than you. Bakit sila nadadamay? Pati support system who keep us afloat and are there during the private moments of our lives, nada-drag nang walang dahilan. And this isn’t just happening to me, pati sa ibang housemates.

“We built a strong bond in the house, hindi n’yo ito masisira. Not everything we do is a calculated PR (public relations) move. We are humans too. 4 months kaming magkakasama, supporting each other every day through some of the toughest days of our lives, so obviously close talaga kami.

“Sana all the fans, including the very few of mine na gumagawa nito, let’s tone it down, please. Lahat kami, we are just working for our dreams. Lahat kami, mahal ang trabaho namin.”

Kumausap na si Will ng abogado para sa isyung ito at itine-trace na rin kung saan nagmula ang post na ito kahit pa wala siyang pagkakakilanlan.

Sabi pa ni Will, “I am consulting now for legal options in case this doesn’t stop. I don’t want to tolerate this hate anymore na ibinabato n’yo sa kahit sino.

“Not me, not my friends, and especially not my family. This is not a good use of our limited time on earth. Sana, use your time to spread love, positivity, and support. Lastly, thank you to my fans who fight for me kahit minsan mahirap.

“Maraming salamat sa pagsama pa rin sa akin sa journey ko, kayo ang lakas ko. Know I appreciate you all and mahal ko kayong lahat.”

Walang larawan ang nagpadala ng mensahe at base sa mga sinabi nito ay sobra ang galit sa Sparkle artist dahil pati magulang nito ay idinamay pa.

Dismayado si Will sa mga natanggap na mensahe, at hindi lang pala ito ngayon nangyari, may ilang linggo na, kaya nagtataka siya kung bakit may hate messages siya. Base sa pagkakakilala namin sa batang ito, napakagalang, well-mannered, at mahal ng lahat dahil down-to-earth siya. Napanood naman siya sa loob ng Bahay ni Kuya sa nakaraang Pinoy Big Brother Celebrity Collab Edition (PBBCCE) at doon nakita ang ugali niya, kaya nga favorite siya ng lahat.

Gusto naming isiping inggit ang dahilan ng taong gumawa nito kay Will dahil napakaganda ng nangyayari sa career ngayon ng aktor. Bukod sa kaliwa’t kanang product endorsements, may dalawang pelikula siyang kasama sa 51st Metro Manila Film Festival (MMFF), ang Bar Boys After School (BBAS) at Love You So Bad (LYSB), at may series pa na Hotel 88 (H88).