Mister, wala raw nagawa bilang senador, todo-hurt… SHARON NAPIKON, TUMALAK PARA KAY KIKO

ni Julie Bonifacio @Winner | Oct. 12, 2024

Photo: Sharon Cuneta at Kiko Pangilinan - X

Tinalakan ni Megastar Sharon Cuneta ang mga kritiko ni Kiko Pangilinan pagkatapos mag-file ang kanyang mister ng Certificate of Candidacy (COC) for senator sa 2025 elections.  

Naka-post sa X (dating Twitter) account ni former Senator Kiko ang video clip ng interbyu sa kanila ng taga-media. Sinamahan ni Megastar si Kiko sa pag-file ng COC ng kanyang mister kamakailan.  

Nasa tabi niya si former Senator Leila de Lima at iba pang kaalyado ni Kiko sa pulitika.  

Pahayag ni Sharon, “When they say walang nagawa si Kiko, that hurts us so much because we know how hard he’s been working. Lahat po ‘yan ay mahahanap naman sa internet, please do your research. Sana po, sabihan n’yo ang iba na wala silang nagawa, ‘Wala namang ginawa ‘yan,’ oh, my God! ‘Yan po ang isa sa pinakamalaking kasinungalingan na ginawa ng kung sinuman ang kalaban n’ya. 

"Sana po you help us to let the people know that he has just done so much, you just have to look. You don’t even have to ask us, just do your own research. Alam n’yo po ang pagkontrol ng ibang tao. Napakadali pong maniwala ng iba nating kapwa Pilipino sa paninira lang.”

Sinegundahan naman si Sharon ng mga supporters ni Kiko sa socmed (social media):  

“Sen. Kiko, ikakampanya kita dito sa bayan ko. Malasiqui, Pangasinan! Presidente ako ng PWD dito sa barangay ko at Secretary ako ng asosasyon namin for the entire 73 barangays of Malasiqui.”

“Sharonian & Kikoian here po!”

But as usual, may mga bashers din ang mag-asawang Sharon at Kiko.  

“Merong nagawa, super dami, ‘di n’yo lang napansin. Hay, naku, isa sa pinakamarami doon is NOTED!”  

“Ohhh, akala ko si Sharon ang tatakbo.”

“Eto nga, nagawa niyang batas na walang kuwenta... Republic Act 9344 or the Juvenile Justice and Welfare Act.” 

Ganern?  

---

FOR sure, maha-happy ang Kalokalike contestant ng It’s Showtime (IS) na gumaya sa international rapper na si Snoop Dogg.  

Aba naman kasi, naka-post sa Instagram (IG) account mismo ng rap icon ang video ng contestant sa Kalokalike segment habang iniinterbyu ng mga hosts ng IS.

Nilagyan pa ng mga nakakatuwang emojis ang IG post ni Snoop Dogg sa ibaba ng video ng contestant.  

Caption ni Snoop Dogg, o ng kung sinumang administrator ng kanyang socmed accounts, “Wow, get it nephew.”  

At inari pa ni Snoop Dogg na pamangkin ang kanyang kalokalike sa IS, huh?

Ipinalabas ang naturang episode sa IS last October 5. Ang name ng look-alike contestant ng rap icon na taga-Tondo ay Carlos Sintyoco na nag-perform ng hit song ni

Dr. Dre at Snoop Dogg na The Next Episode. 

Snoop Dogg is a popular rapper in the United States. Malamang, sisikat itong kalokalike ni Snoop Dogg na si Carlos.

SHARON BABU SA PINAS BITBIT ANG PAMILYA

ni Angela Fernando - Trainee @News | January 27, 2024

Binigla ni “Megastar” Sharon Cuneta ang madla sa kanyang Facebook post kung saan itsinika nitong posibleng malayo muna siya sa 'Pinas.

Naglalaman ang post ni Megastar ng mga screenshots ng naging offer sa kanya sa Los Angeles, California, kung saan may gagampanan siyang role sa isang hindi nasabing series.

Tentative pa naman daw ang magiging schedule na magsisimula sa buwan ng Mayo ngunit excited na ang mga supporters nito at inuudyok si Sharon na agad na kagatin na ang nasabing role dahil miss na nga nila ang pag-arte nito.

Sey niya sa post, "From my U.S. management. [Glad emoji] I think I wanna do this! But waiting for my scheds pa here. Pag natuloy ito hay salamat malalayo ako ng konting tagal sa Pilipinas sama ko pamilya ko! Thinking hard and praying pa. [Thankful emojis]"

Mukha ngang may dapat na namang abangan ang mga supporters ng actress-singer mula sa kanya sa mga susunod na buwan.

Kahit kalat na hiwalay na... KIKO, MISIS PA RIN ANG TAWAG KAY SHARON

ni Angela Fernando - Trainee @News | December 16, 2023

Marami man ang tsismis na kumakalat ngayon na hiwalay na si Senador Kiko Pangilinan at si Megastar Sharon Cuneta, hindi naman nagpapigil ang senador na tawaging 'misis' ang aktres.

Sa bagong post ni Kiko nitong Biyernes, ipinakita nitong suportado niya ang asawa sa guesting nito sa E.A.T.

Saad niya sa kanyang post habang hawak ang art card ni Sharon, “Hello, mga Dabarkads at mga ka-OKIKS! Mas pasayahin ang inyong tanghali kasama ni Misis sa E.A.T ngayong December 15!”

Matatandaang umugong ang usap-usapang hiwalay na ang dalawa matapos na magbahagi si Megastar ng isang cryptic post sa kanyang Instagram na binura naman nito agad.

Dumagdag pa ang sinabi niya sa kanyang interview sa TV host na si Luis Manzano na ibinigay na yata lahat ang kanyang kahilingin except sa isang 'di ibinigay.

Hindi pa naman nagbibigay ng reaksiyon sina Cuneta at Pangilinan sa mga kumakalat na tsismis na hiwalay na sila ngayon.