Unang ginto ng SEAG kay Macario sa Poomsae event

ni Gerard Arce @Sports | December 11, 2025

Photo: Unang gintong medalya sa 2025 SEAG ang nakuha ni Justin Kobe Macario sa men’s individual freestyle Poomsae event (gitna), kasama sa larawan si POC Chief Abraham 'Bambol' Tolentino at bronzes mula kina John Derrick Farr sa Mountain Bike MTB Downhill at Godwin Langbayan sa Jiujitsu sa unang araw ng biennial meet kahapon. (pocmediapix)

Mahusay na pagpapakita ng showmanship at kisig sa paggalaw ang naging puhunan ni Justin Kobe Macario upang makuha ang kauna-unahang ginto ng Pilipinas sa men’s individual freestyle Poomsae event kahapon sa 2025 Southeast Asian Games sa Bangkok, Thailand.

Nagtala ang dating UST Tiger jin ng 8.200 puntos. Dinaig ni Macario si Koedkaew Atchariya ng host country Thailand sa iskor na 8.100 para sa silver, habang nakamit ni Malaysian jin Ken Haw ang tanso sa 7.740. "Nagulat dinpo ako na ako po ‘yung unang gold (winner) ng Pilipinas. Sobrang saya po dahil isang karangalan po makauwi ng ginto for the country. Sobrang thankful at binigay ni Lord sa akin ‘yung ginto sa akin,” ani Macario.  

Nakamit ni John Derrick Farr ang unang tanso men’s Mountain Bike MTB Downhill Finals sa  oras na 2:43.676. Silver medal ang Men’s Recognized Poomsae squad na sina Rodolfo Reyes, King Nash Alcairo at Ian Corton.

Dalawa ring bronze medal sa men’s at women's sepak takraw para sa 1-1-6 count as of 6 p.m. kahapon sa medal tally para sa 6th overall, kung saan ang Thailand ang nangunguna sa 8-5-1, kasunod ang Myanmar (2-2-0), Singapore, Indonesia at Vietnam.  

Bronze din si Godwin Langbayan sa Jiujitsu ng 62kgs habang sina  Jocel Ninobla at Patrick Perez ay bronze din sa Recognized Poomsae Pair. Tanso rin sa Mixed Freestyle Poomsae Team sina Kobe Macario, Jeus Yape, Darius Venerable, Juvenile Crisostomo, at Janna Oliva. 

Samantala, lumikha ng 2 home base ang RP Blu Boys baseball national team sa 10th inning para maungusan ang hometown bet na Thailand sa iskor na 8-7 upang manatiling undefeated sa 5-0 sa preliminary round at lumapit sa battle-for-gold sa Biyernes.

Gender issue sa SEA Games dapat tugunan ng Thailand

ni Gerard Arce @Sports News | August 23, 2025

Photo: The Nation / Olympicthai

Binigyang-diin ng Philippine Olympic Committee (POC) at Philippine Sports Commission (PSC) na dapat maging patas ang bawat kalahok na magpapartisipa sa 2025 Southeast Asian Games, higit na pagdating sa kasarian kasunod ng kontrobersiyang bumalot kay Vietnamese volleyball star Nguyen Thi Bich Tuyen.

Umatras ang 25-anyos na opposite spiker sa 2025 FIVB Volleyball Women's World Championships sa bansang Thailand sa kanilang Volleyball Federation of Vietnam (VFV), ilang araw bago ganapin ang palaro. Ang rason ng 6-foot-2 power hitter na napilitan itong umatras dulot ng hindi binanggit na pagbabago sa patakaran ng FIVB, na lubusan umanong ikinalungkot nito.

Nabalot ng kontrobersiya ang paglalaro ni Tuyen na umano'y kinukuwestyon ang tunay na kasarian, na binabantayan ngayon sa pandaigdigang kompetisyon kasunod na rin ng pagdiskwalipika kina Olympian boxers Imane Khelif ng Algeria at Lin Yu Ting ng Taiwan.

Iminungkahi ni POC secretary-general Wharton Chan na nararapat na magsimula sa host country Thailand ang pagsasagawa ng ‘gender testing methods’ sa lahat ng mga atleta at mas maging mahigpit sa pagpapatupad nito. 

“They have to follow strict rules, especially on equality. We cannot conform to unfair competition,” pahayag ni Chan sa mensahe sa Bulgar Sports kahapon. “Thai SOC should set parameters. I am sure even the Asian Volleyball president is against it. We will not condone.”

Bagaman hindi nasasakupan ang pagkatawan sa pandaigdigang estado sa SEA Games, nanindigan ang ahensya ng pampalakasan na dapat na mag-report ang pamunuan ng Philippine National Volleyball Federation (PNVF) na apektado ng kontrobersiya at tuluyang umaksiyon din ang Asian Volleyball Confederation sa mga ganitong suliranin.

“In the stand of athletes, hindi lang dapat sa doping ang tinututukang issue. We should also examine these kinds of circumstances. We should still support safe sport pa rin,” pahayag ni PSC Officer-In-Charge Executive Director Atty. Guillermo Iroy sa Bulgar Sports kahapon.

Hidilyn Diaz, wagi uli ng gintong medalya sa 31st SEA Games

ni Lolet Abania | May 20, 2022

Muling pinatunayan ni Olympic gold medalist Hidilyn Diaz na walang makapipigil sa kanya habang nadagdagan pa ang gintong medalya na kanyang nakolekta mula sa 31st Southeast Asian Games sa Hanoi, Vietnam.

Ngayong Biyernes, tinapos ng kauna-unahang Olympic gold medalist ng Pilipinas, ang women’s weightlifting 55 kg event at nasungkit ni Diaz ang gintong medalya para sa 31st SEA Games.

Binuhat ni Diaz ang kabuuang 206 kg sa event matapos makakuha ng 92 kg in snatch at 114 kg in clean and jerk. Sinubukan niyang mag-set ng bagong SEA Games record ng 121 kg para sa clean and jerk, pero nabigo siyang gawin ito.

Sinira naman ni Diaz ang dating SEA Games record na kanyang nakuha para sa snatch ng 91 kg, ngunit kalaunan ay nasira ito ng isa pang weightlifter.

Nakalaban ni Diaz ang limang lifters, kabilang na rito si Sanikun Tanasan ng Thailand, na isa ring gold medalist mula sa 2016 Rio Olympics, bagaman ito ay nasa lighter weight class.

Ito na ang ikalawang gold medal ni Diaz sa biennial meet matapos na makuha ang isang medalya noong 2019 edition na ginanap sa Pilipinas. Nakamit din niya ang silver medals mula sa 2011 at 2013 edition, at bronze noong 2007 sa Thailand.