Magkasunod na lindol, yumanig sa Sarangani

ni Mai Ancheta @News | July 19, 2026

Photo: Phivolcs

Dalawang magkasunod na lindol ang yumanig sa Balut Island sa Sarangani nitong Sabado.

Naitala ng Philippine Institute of Volcanology and Seismology (Phivolcs) ang unang lindol alas-12:12 ng hatinggabi sa lakas na 5.5 magnitude sa Balut Island.

Sinundan ito ng alas-10:23 ng umaga nitong Sabado sa lakas na 5.6 magnitude.

Ayon sa Phivolcs, ang dalawang lindol ay aftershocks mula sa 7.8 magnitude na tumama sa Sarangani noong Hunyo at sa lindol na naitala sa Davao Occidental na 6.5 magnitude.

Ang magkasunod na lindol ay naramdaman sa ilang lugar sa Mindanao, partikular sa General Santos City, South Cotabato, Sultan Kudarat, ar Davao Oriental, Davao del Sur, at Davao City.

Sinabi ng Phivolcs na walang naitalang pinsala sa magkasunod na lindol at walang inaasahang aftershocks.

3 tepok, 2 nawawala sa lindol sa Sarangani

ni Angela Fernando - Trainee @News | November 18, 2023

Nag-iwan ng 3 patay at 2 nawawala ang magnitude 6.8 na lindol na tumama kahapon, Nobyembre 17 sa lalawigan ng Sarangani.

Nangalap ng impormasyon ang mga lokal na awtoridad ng lalawigan isang araw matapos tumama ang lindol na sumira sa maraming imprastraktura at kabahayan.

Ayon sa ulat ng Provincial Disaster Risk Reduction and Management Office Republic (PDRRMO), tatlong tao sa lalawigan ang namatay sa lindol.

Isa sa mga ito ay mula sa bayan ng Malapatan at dalawa ay mula sa bayan ng Glan.

Nakatutok naman ang awtoridad sa mga operasyon ng paghahanap sa isang bata at isang babae na natabunan ng gumuhong lupa sa sariling bahay sa Brgy. Munda.

Kasalukuyang merong mga sundalo, pulis, MDRRMO, at iba pa ang nasa lugar para makapagbigay ng tulong sa mga apektado ng tumamang lindol.

1800 rescuers, ipinadala sa Mindanao matapos ang lindol

ni Angela Fernando - Trainee @News | November 18, 2023

Umabot sa 1,800 emergency personnel ang ipinadala ng Department of Interior and Local Government (DILG) sa bahagi ng Mindanao upang makapagbigay ng tulong sa mga biktima ng magnitude 6.8 na lindol.

Sa isang pahayag ngayong Sabado, kinumpirma ng DILG na inatasan na ang mga kinauukulang ahensya para maghatid ng tulong na kakailanganin ng mga naapektuhan ng lindol.

Dagdag ng ahensya na binigyang direktiba na ang Bureau of Fire Protection upang tingnan ang naging resulta ng malakas na lindol at magbigay ng tulong medikal sa mga apektado.

Kasalukuyang umabot sa 292 bumbero, 17 ambulansya, at 9 na rescue truck ang ipinadala para sa mga biktima.

Matatandaang tumama ang lindol sa rehiyon ng Davao bandang 4:00 ng hapon ng Nobyembre 17.