P125M confi funds ng OVP, kinuwestiyon sa SC

ni Angela Fernando - Trainee @News | November 7, 2023

Inihain ngayong araw ang isang petisyon sa Korte Suprema ng ilang indibidwal na may hamong ibalik ng Office of the Vice President ang P125-milyong confidential funds sa kaban ng bayan.

Hiniling nina Atty. Barry Gutierrez, Arpee Santiago, at former Comelec commissioner Gus Lagman na ideklarang 'di konstitusyunal ang pagbibigay ng confi funds sa OVP nu'ng 2022.

Wala pang pahayag si Vice President Sara Duterte ukol sa usaping ito.

Bukod sa Bise Presidente, pinatutungkulan din ng petisyon ang ilang opisina tulad ng Department of Budget and Management.

Publiko, magnilay ngayong Undas — VP Sara

Fni Angela Fernando - Trainee @News | November 1, 2023

Idiniin ni Vice President Sara Duterte ang panawagan sa mga Pilipinong manampalataya para sa paggunita ng All Saints' Day ngayong taon.

Pahayag ni VP Sara, magbalik-loob nang may kahinahunan sa kahalagahan ng kanilang pananampalataya at debosyon sa Diyos at patuloy na hingin sa Kanya ang biyaya at kalakasan.

Hiniling din ngayong Miyerkules ni Pangulong Ferdinand "Bongbong" Marcos Jr. na alalahanin ng mga Pilipino ang tapang na ipinakita ng mga santo at mga yumaong mga minamahal sa kanilang pagharap sa mga pagsubok.

'Digital Education 2028', kasado na — VP Sara

ni Angela Fernando - Trainee @News | October 26, 2023

Ipinakilala ni Vice President Sara Duterte bilang kalihim ng edukasyon ang 'Digital Education 2028' na may layong gumamit ng mas makabagong paraan para sa pagkatuto.

Ito ay kanyang inihayag sa 49th Philippine Business Conference and Expo sa Manila Hotel nu'ng Miyerkules, Oktubre 25.

Binigyang-diin ni Duterte ang kahalagahan ng teknolohiya sa pag-aaral, at kung paano nito matutulungan ang mga mag-aaral sa mga pampublikong paaralan.

Saad niya, gusto ng DepEd na makita ang mga silid-aralang walang limitasyon sa tulong ng teknolohiya.

Patuloy ang kanilang pakikipag-ugnayan sa iba't ibang publisher at internet provider upang maging posible ang pagmodernisa ng pag-aaral sa bansa.

Sa kasalukuyan, may 25 na paaralan na ang napili para sa proof of concept ng Starlink, habang 2,000 pang paaralan ang nasa proseso para mabigyan ng libreng internet.