‘Pinas, World’s Leading Dive Destination

ni Ronalyn Seminiano Reonico | November 29, 2020

Itinanghal na World’s Leading Dive Destination ang Pilipinas at World’s Leading Tourist Attraction naman ang Intramuros, Manila ngayong taon ng 27th World Travel Awards, ayon sa Department of Tourism (DOT).

Tinalo ng Pilipinas ang Great Barrier Reef sa Australia, Maldives, Fiji at Mexico para sa "World’s Leading Dive Destination" award.

Tinalo naman ng Intramuros ang 15 na global attractions katulad ng Acropolis sa Athens, Greece, Burj Khalifa sa Dubai, Macchu Pichu sa Peru, Great Wall of China at Taj Mahal ng India sa "World's Leading Tourist Attraction 2020.”

Bukod sa mga naturang awards, nasungkit din ng City of Dreams Manila ang World's Leading Casino Resort 2020; Amanpulo bilang World's Leading Dive Resort 2020; at ang World's Leading Luxury Themed Resort 2020 award naman ang nakuha ng El Nido, Pangulasian Island.

JHONG, MAGIGING TATAY NA!

ni Ronalyn Seminiano Reonico | November 27, 2020

Buntis na ang long-time partner ni Jhong Hilario na si Maia Leviste Azores sa kanilang first child.

Ipinost ni Jhong sa kanyang Instagram account ang piktyur nilang dalawa ni Maia kung saan makikita ang baby bump nito.

Caption ni Jhong, “Thank you Lord! #SamplePrince or #SamplePrincess #Soon.”

Bumuhos naman ang congratulatory messages sa comments section ng naturang post ni Jhong at kabilang sa mga bumati sa kanila ni Maia ay ang mga kasamahan niya sa “It’s Showtime!” na sina Kim Chiu, Amy Castillo, Vhong Navarro, at Ryan Bang, gayundin sina Dimples Romana, Rayver Cruz, Karla Estrada, Yam Concepcion, atbp..

35 milyong Pinoy, unang tuturukan ng COVID vaccine

ni Ronalyn Seminiano Reonico | November 26, 2020

Siniguro ng vaccine czar na si Carlito Galvez, Jr. sa publiko na hindi mapupulitika ang distribusyon ng COVID-19 vaccine.

Aniya, "We will ensure na hindi po magiging pulitika ito dahil we want to save lives at saka 'yung ating economy. 'Yun po ang pinaka-primary focus ng vaccine natin, na manumbalik po ang ating normalcy sa ating pamumuhay at saka maka-recover nang husto ang ating economy.

"So, hindi po natin gagamitin ito kung saan man sa pulitika kasi I think that's immoral."

Ayon kay Galvez, 35 million Pinoy ang priority na mabigyan ng COVID-19 vaccines kabilang na ang mga healthcare workers at mga frontliners, pati ang mga empleyado ng gobyerno at ang mga residente ng mga lugar na labis na naapektuhan ng pandemya.

Inaasahan din umano na masisimulan ang distribusyon ng COVID-19 vaccines sa second quarter ng 2021.