Pramis, sa part 2 daw ng movie nila ni Marco…SHARON, TARGET MAGING KASINGPAYAT NI ANGEL AQUINO

ni Rohn Romulo - @Run Wild | August 11, 2021

Tama ang sinabi ni Megastar Sharon Cuneta na dapat lang bigyan ng chance na mapanood ang Revirginized (ang pagbabalik-Viva Films niya) ng mga nagdadalawang-isip dahil nga na-shock sa ginawa at pinagsasabi niya na unang nasilayan sa trailer.

At base sa mga nakapanood — at isa na kami sa mga nauna noong pagtungtong pa lang ng August 6 ay tinutukan na namin ito sa Vivamax — tama lang na maging proud si Sharon, lalo na sa character ni Carmela na mahusay niyang nagampanan, dahil tinanggap niya ang kakaiba at matapang na pelikulang isinulat at idinirek ni Darryl Yap.

Marami namang mga Sharonians ang natuwa at nag-enjoy sa kabuuan ng movie at ‘di makakalimutan ang mga eksenang ‘di nila akalaing magagawa ni Sharon, dahil marami ka talagang matututunan sa pinagdaanan ni Carmela. Masaya naman kami sa ending kahit na medyo bitin.

At tulad nga ng inaasahan, after ng ilang araw ng streaming, nag-number one na ito sa Top 10 movies ng Vivamax, na ikinatuwa ni Mega dahil marami ang nagkagusto at patuloy na sumusuporta.

At dahil nga maraming nabitin, lalo na sa eksena nina Carmela at Morph (Marco Gumabao), pupuwede nga na magkaroon ito ng part two.

Kaya naman sa FB post ni Sharon, na willing magkaroon ng sequel ang Revirginized, aniya, “Based on your comments on all social media platforms (thank you!!!), there is a clamor for a Part Two of REVIRGINIZED! You in, guys? Calling vincentiments official Direk Darryl Yap Vivamaxph, Viva Films!!! I’D LOVE TO DO A SEQUEL! Everyone, you might want to tell Direk and Vivamax yourselves!”

Dagdag pa niya, paghahandaaan talaga niya ito nang husto, “P.S.. ‘Pag natuloy ang part 2, kasingpayat na ako ni Angel Aquino!!! Napakaganda at sexy pa rin, ‘di nagbago!”

Inamin din ni Sharon na ilang ulit din niyang pinanood ang kanyang latest movie.

“Except for Maging Sino Ka Man, I don’t think I’ve ever watched one of my own movies this many times since it started showing! #revirginized @gumabaomarco @therealrosannaroces @direkdarrylyap @vincentimentsofficial @vivamaxph @viva_films.”

Kung gugustuhin talaga ni Direk Darryl, kayang-kaya niyang gawan ito ng part two, dahil marami pang pupuntahan ang kuwento nina Carmela at Morph.

Nabitin din kami sa iilang eksena nila ni Rosanna Roces, na puring-puri talaga ni Sharon, kaya dapat lang magkaroon uli sila ng pelikula.

Ganu’n din si Albert Martinez, na after 24 years ay muli niyang nakasama at third movie pa lang nila. Last movie nila ang Nang Iniwan Mo Ako.

Sa part two ng Revirginized, for sure, magiging kaabang-abang ang mga eksena nila, ganu’n din ang magiging confrontation nina Sharon at Cristina Gonzalez, dahil sa naging revelation sa pagtatapos ng pelikula.

Pero sa dami ng commitment ngayon ni Direk Darryl, mukhang matatagalan pa ito bago matupad ang kahilingan ng mga nabitin sa Revirginized.

Pero habang naghihintay tayo kung magkakatotoo ang kagustuhan ng marami sa sequel ng movie, marami rin ang nag-aabang kung this year ay matutuloy na ang ilang ulit nang naudlot na balik-tambalan nina Sharon at Gabby Concepcion.

Go na go na talaga ang Megastar at walang problema sa kanya na muling makatambal ang ex-husband, kaya ang tamang project at pagpayag na lang ni Gabby ang hinihintay, at matutuloy na ang kanilang pelikula.

Sa November ang anniversary ng Sharon-Gabby love team, kasabay ng 40th anniversary ng Viva Films. Ang ganda sana na ang balik-tambalan nila ay isa sa magiging anniversary presentation ng naturang film outfit na patuloy na umaariba ngayon on streaming sa kanilang Vivamax app.

Pero sa ngayon, mukhang malabong mapagbigyan ang kanilang fans, dahil three months na lang ang natitira bago nga mag-November.

May US $1.7 billion, tinalbugan sina Madonna, Celine, Beyonce, etc… RIHANNA, RICHEST FEMALE MUSICIAN

SA BUONG MUNDO.

ni Rohn Romulo - @Run Wild | August 09, 2021

Official nang kasama sa list ng exclusive rank ng mga billionaires si Rihanna (born Robyn Fenty) na nagpasikat ng Umbrella at Diamonds, ayon sa Forbes, na may estimated net worth na $1.7 billion.

Tinalbugan niya ang iba pang mga female singers dahil siya na ang ‘wealthiest female musician in the world’ at pumangalawa na kay Oprah Winfrey (with net worth na $2.7 billion) as the richest female entertainer.

Dahil ito sa ini-launch niyang cosmetics company na Fenty Beauty noong 2017 na nagbigay sa kanya ng estimated $1.4 billion na 50% ang kanyang pag-aari.

Ang estimated $270 million ay mula naman sa kinita niya bilang chart-topping musician and actress at mayroon din siyang 101 million followers on Instagram and 102.5 million on Twitter.

Noong 2018, sa first full calendar year ng beauty line ay kumita agad ito ng higit sa $550 million, ayon sa LVMH (ang French luxury goods conglomerate na pinatatakbo ni Bernard Arnault, na second-richest person sa mundo). Tinalo ng Fenty Beauty ang iba pang celebrity-founded brands nina Kylie Jenner’s Kylie Cosmetics, Kim Kardashian West’s KKW Beauty and Jessica Alba’s Honest Co.

Second naman sa Barbados-born singer/actress si Madonna sa list ng richest female musician in the world na may estimated net worth na $850 million.

Pasok din sa list ng Forbes sina Dolly Parton ($610M), Gloria Estefan ($500M), Celine Dion ($410M), Shania Twain ($450M), Victoria Beckham ($430M), Beyonce Knowles ($418M), Barbra Streisand ($407M) at Jennifer Lopez ($400M).

Pang-fiesta lang daw ang byuti… HIRIT NG BASHERS: KISSES, MALAMYA, WA' 'K' SA MISS U!

ni Rohn Romulo - @Run Wild | August 04, 2021

Nagpapasalamat si Kirsten Danielle ‘Kisses’ Delavin sa kanyang mga followers lalo na sa Kissables, dahil siya ang nanguna sa Top 15 Headshot Challenge ng Miss Universe Philippines 2021.

Pangalawa si Rousanne Marie Bernos at pangatlo naman si Maureen Wroblewitz.

Nasa Top 15 din ang mga beterana na sina Steffi Rose Aberaturi, Katrina Dimaranan at Leren Mae Bautista, na pasok na sa 75 candidates na mag-a-advance sa competition, kung saan pipiliin ang Top 30 official candidates sa prestigious national beauty pageant na gaganapin sa September 25.

Pero kahit na nangunguna sa botohan at maraming sumusuporta sa kanyang paglaban sa MUP, marami pa ring bashers na ‘di tanggap ang pagkakasama ni Kisses gayung kitang-kita na ang pagbabago nito, na obserbasyon ng ilan ay may aura na ang aktres at mukhang palaban na para maging beauty queen.

Meron din namang mga netizens na nagtatanggol sa kanya sa mga bitter at walang magawang bashers.

Ilan sa mga naging comments nila:

“Lalo yatang bumaba ang standards ng Ms. U. 'Kakabaduy.”

“She’s absolutely gorgeous."

“Good for you, Miss Congeniality :)”

“Never say die 'tong si Kisses, ah. Lahat na lang ba, Kisses?”

“Juskomio, lahat na lang, pinasukan ni ineng. Parang wala pa ring maaninag na pag-asa.”

“Matalino siya, may ibubuga sa Q&A, pero hindi pang-Miss Universe ang face niya. Puwede siguro siya sa Miss Earth.”

“Hahaha! Puwede rin siya, bakla, sa Reina Hispano Amerika.”

“Am not surprise kung kasali siya sa top headshot challenge, eh, marami siyang fans. Sana magaling ang performance niya come coronation night at 'di lang puro hype.”

“Parang walang kabuhay-buhay na contestant 'yan. Lamya-lamya kaya n'yan.”

“Ganda ni ate girl! Go Kisses!”

“Would love to see the pageant proper. It would be interesting to see how these influencers stack up against pageant veterans like Steffi, Katrina, and Leren.”

“Juicekolored, ano nang nangyari sa Phil pageantry? Naging pang-fiesta.”

“'Kalungkot 'yung mga comments. She's young, and she can be whatever she wants to be or at least try. Ine-enjoy lang niya buhay and youth niya, bakit ang daming nega? The fact that she's a finalist means qualified siya, bakit may mga nagsasabing 'di siya dapat nandiyan? Baka nga height requirement lang, 'di na pumasa mostly ng bashers, face value pa kaya? Be happy po sa achievement ng iba.”

“Cause she's a public figure and she's been showing herself a lot kaya may doubt na mga tao if kaya niya. Unlike other celebs na inabangan talaga. Wala rin naman kasi siyang advocacies, puro pa-celebrity lang.”

“Pinaasa tuloy ng mga faney na mananalo siya, LOL. 'Wag nang i-push. Minsan may mga bagay na hindi talaga for you. At isa 'to sa mga 'yun, K. Not bashing, sa true lang :)”

“Walang talent kaya binitawan ng ABS. Wala ring appeal. Sorry pero next, pls.?”

“Nadaan sa paramihan ng boto kaya nanalo, hindi dahil maganda head shot niya. Ano ba 'yan?”

“Juice colored. Baba ng standards talaga ng voters.”

“'Wag mo nang pansinin mga bashers mo, Kisses, mga chararat kasi 'yan. Ikaw, maganda na, matalino pa, hahahaha!”

“Asahan na natin na kung based sa votes, talagang si Kisses ang mangunguna.”

“Assuming na makakaabot siya sa finals, doon na siya malamang mangamote dahil 'di uubra mga tards niya doon.”

“Ayusin din ang pagsasalita, parang may sipon palagi.”

“Ganda niya! Fierce.”

“She’s too short to become a beauty queen. 'Wag ipilit.”

“Hindi pa naman siya ang nanalo, ang dami nang hate comments. Maraming beauty queens na hindi din katangkaran. Wait na lang natin kung makalusot siya hanggang finals, then du'n tayo manghusga kung ano ang maging performance niya sa stage. Sa ngayon, nagbase lang tayo kung paano siya nakikita dati sa TV.”

Well, malaking challenge talaga ito kay Kisses na patunayan sa mga bashers niya na deserving siya na makapasok sa official candidates ng MUP 2021.