Ayaw tantanan sa interview kay Bongbong… TONI, TINAWAG NA MARCOS APOLOGIST

ni Rohn Romulo - @Run Wild | September 23, 2021

Basag na basag pa rin si Toni Gonzaga dahil ayaw siyang tantanan ng mga bashers.

Ang latest ay pinagdiskitahan naman ang movie niya with John Lloyd Cruz na My Amnesia Girl, dahil may nag-edit nito sa Wikipedia.

‘Yung isa ay nilagyan ito ng ‘Marcos Loyalist’ kasunod ng name ni Toni. Pero mas malala ‘yung pangalawa sa ginawang pag-edit dahil pinalitan na nga ang title ng movie ng “My Marcos Apologist Girl”, sa ibaba nito, nilagyan pa ang name niya ng “…and Toni Gonzaga na DDS at Marcos apologist.”

Halu-halo na naman ang reaction ng mga netizens sa entertainment blogsite, na ‘yung iba ay natawa lang sa ginawang pag-edit. May sumang-ayon at meron ding nagtatanggol kay Toni.

Ilan nga sa naging komento nila:

“Hahahahhahahahah love this. Whoever did this, saludo ako sa ‘yo. Hahahhaha!”

“Hehehe. ‘Katawa naman. Sa true lang naman ‘yung nag-edit. Marcos apologist. Check. DDS. Check. Marcos loyalist. Check. Ikaw na gurl!!!”

“Very unfair treatment. People hate Marcos for being a dictator then why are you guys dictating things to Toni.”

“Whoever did that is ill bred.”

“It’s a reflection of the truth.”

“Kapag natutuwa ka sa mga bagay na ganito, eh, di siya normal.”

“We so like manipulating the truth, huh?”

“I think it's witty. Hindi ill-bred ‘yun. Wala namang pinatay, tinorture o ninakaw sa webpage edit. Hindi rin siya kasinungalingan, dahil mukhang nagkakalimutan na nga ng mga kaganapan noong martial law.”

“Totoo naman, Marcos loyalist siya! Bakit sasama ang loob, ‘di ba? Nakita ba n’ya mga confessions nu’ng martial law victims kung gaano sila sinaktan at inabuso? No to Toni na ‘ko. No no no, Toni.”

“They are calling out Toni, they did not dictate. Wala silang sinabing i-take down ni Toni ang vlog. What they're doing is just simply the consequences to Toni's picking of side. Of course she will be bashed. And please do not compare, the people calling her out did not torture, kidnap, and kill her or one of her family members. They did not steal money from her too. So ang layo ng logic.”

“Ang tatalino ng nakaisip nito. HAHAHAHAHHA. AMNESIA.”

“Everyone is entitled to their own opinion.

“Mali man ‘yung ginawa ng bashers niya, aminin nating ang taba ng utak nila at nakakatawa talaga ‘to, hahahaha.”

“This is too low and immature. For sure, bagets ang gumawa n’yan. Kaya ako, I'm just keeping my political opinion to myself, ang dumi-dumi na ng socmed. Dapat happy lang!”

“What's low is Toni invalidating the horrors experienced during Martial Law and even supporting its progeny. This is too good for her, she deserves to be censured more harshly.”

“Sobrang invested nila kay Toni, ah. Pathetic people.”

“Nag-interview lang si Toni, pathetic na? Bawal pakinggan ibang side? Paano si Kris Aquino, in-interview niya rin si BBM? May similarity nga mga questions, eh.”

“Mas maayos noong Marcos, ngayon, ang gulo na, tagal na nakaupo ng Aquino, ano nangyari? Lahat ng palpak, sisi pa rin sa Marcos.”

“Katakot ‘yung mga ganito na nae-edit ‘yung mga historical facts sa Wikipedia. At mga komunista ang gumagawa! Papa’no na lang kung mga important info like ng isang lugar o institution ang ginagawan ng mga ganito?”

“That’s why Wikipedia is not a reliable resource.”

“Ang taba ng utak ng gumawa nito. True ano, may amnesia si gurl, kunwari walang martial law sa Pilipinas.”

“OMG!! Hahaha! Buti nga sa ‘yo, ateng, pabida ka kasi, interview for the sake of views, ‘di man lang maging sensitive sa mga families na victim ng martial law.”

“Kadiri. Tinalo pa mga DDS at Marcos loyalists ng mga supposedly mga may pinag-aralan at matatalino.”

“‘Di kasi uubra ‘yung 'my vlog, my rules' especially when you are raking in millions from that YouTube channel na may millions of followers. Then it is expected that people will hold you to be responsible with your content. Ang gusto ni Toni, eh, free siya from any form of accountability samantalang nagiging instrumento siya ng misinformation at historical revisionism. Even artistas nga, pati personal life nila, pinupuna dahil kesyo ‘di mabuting halimbawa sa younger fans. Why not Toni, ‘di ba?”

“Your point being? So, kailangan muna niya ng affirmation before siya puwedeng maglabas ng opinion at vlog? Kanino niya dapat ipa-approve kung katanggap-tanggap ba ang opinion niya? And you're the ones who dislikes fascist and tyrants. Take a look at yourself in the mirror. Mukhang hindi niya naman itinatago na Marcos supporter siya so bakit parang gulat na gulat kayo?!”

Naku, ang mga netizens talaga, ang daming time na mag-comment sa socmed!

Walang plaster ang manoy… HUBO’T HUBAD NA PIKTYUR NI MARCO, KALAT NA

ni Rohn Romulo - @Run Wild | September 22, 2021

Grabe, patok na patok talaga ang butt exposure ni Marco Gallo habang naliligo, na isang eksena sa pelikulang Ang Manananggal Na Nahahati Ang Puso, na mula sa direksiyon ni Darryl Yap.

Kalat na kalat na sa social media at sa ilang gay websites ang daring photos at video ni Marco, kung saan wala siyang takot na naghubo’t hubad at kitang-kita ang puwet niyang maputi, makinis at matambok. Ayon nga sa mga netizens, nasaan daw ang hustisya kumpara sa kanilang mukha?

Pumayag ang 20-year-old Fil-Italian na gawin ang eksena dahil natural daw sa kanilang mga Europeans ang maligo nang walang saplot sa katawan.

Inalok pa raw si Marco na mag-plaster para siguradong walang makita na private part niya, pero tinanggihan ito ng Viva actor, dahil masakit daw ‘yun at may maglalagay pa.

Siniguro naman ni Direk Darryl na hindi masisilip ang kanyang private part dahil puro likod lang daw ang kuha kaya sawang-sawa ang mga beki sa matambok na puwet ni Marco na umani na nang milyung-milyon views kahit ilang oras pa lang ito naa-upload.

Obserbasyon ng iba, mas daring pa raw itong ginawang eksena si Marco kumpara sa mga butt exposures nina Marco Gumabao sa Just A Stranger at Aljur Abrenica sa Nerisa.

Samantala, originally, para kina James Reid at Nadine Lustre ang romance-comedy na may pagka-horror na Ang Manananggal na Nahahati ang Puso, pero hindi nga nag-push through kaya napunta kina Marco at Aubrey Caraan na inilo-launch sa movie.

Si Marco ay mula sa Pinoy Big Brother 7 at si Aubrey naman ay finalist sa Pinoy Dream Academy, na ayon kay Direk Darryl ay pasadung-pasado ang tambalan ng dalawa at perfect choice sila sa movie, lalo na si Aubrey na halos ka-wavelength daw ni Nadine, na napakahusay ding kumanta.

Na-imagine tuloy namin, kung natuloy si James, papayag din kaya ito na magkaroon ng butt exposure habang naliligo sa loob ng drum?

At ikinagulat din kaya ng unica hija nina Richard Gomez at Lucy Torres-Gomez na si Juliana Gomez ang pagiging daring ng nakarelasyon nito noon na si Marco?

Japorms ng 51-anyos na mister, binago… HEART, PINIPILIT MAGMUKHANG BAGETS SI CHIZ

ni Rohn Romulo - @Run Wild | September 12, 2021

Kinaaliwan ng mga netizens at followers ni Heart Evangelista ang photo shoot nila ng asawang si Sorsogon Governor Chiz Escudero.

Sa Instagram post ni Heart, ibinahagi niya sa kanyang mga followers ang series of photos nila ni Chiz kung saan pinagsuot niya ito ng nakakabagets na blazers and slacks, habang ini-enjoy nila ang mga wacky pose.

Caption ni Heart, "If you only knew how long it took to have him agree to let me shoot and style him. Surprisingly, he was super game! Thank you, babe. Here's to us," at naka-tag dito ang asawa, @escuderochiz.

Umani na ito ngayon ng higit sa 600,000 likes, patunay na marami talagang natuwa lalo na kay Gov. Chiz na sa edad na 51 ay napagmukha ni Heart sa kanyang styling na parang nasa 20s lang, at ‘yun din ang naging comment ng mga netizens.

Last February, nag-celebrate na ang mag-asawa ng kanilang sixth wedding anniversary.

Samantala, nakalulula na pala ang worth ng mga special edition paintings ni Heart, kung saan sa interview ni Karen Davila para YT channel nito, inamin ng asawa ni Chiz na roon nagmula ang malaki niyang kita.

Na bukod sa mga naglalakihan niyang paintings, nakilala rin si Heart sa very limited hand-painted bags niya, at ang kinikita raw niya rito na milyun-milyon ang kanyang ginagastos at ‘yung iba niyang kinikita sa TV shows, endorsements, brand deals, Instagram posts at YouTube channel ay isine-save niya.

“That’s what motivated me [to paint]. I really enjoy it,” sabi niya kay Karen.

Nilinaw din ni Heart sa interview ni Karen na kung anuman ang luho o mamahaling bagay na binibili niya ay galing mismo sa hard-earned money at ‘di ibinigay ni Chiz.

“Let me make it clear, I'm not crazy rich! I'm not – it's just that I've been working for a long time so meron din akong sarili ko. For me also, I wanted din also for him to feel na hindi ko rin siya gagamitin.

"Plus he has also two kids. Gusto ko rin na ma-appreciate ng kids niya that they'll also be protected,” pahayag pa ni Heart na soon ay mapapanood na sa weekly drama series na I Left My Heart in Sorsogon sa GMA-7 na ang leading men niya ay si Richard Yap at ang kontrobersiyal ngayon na si Paolo Contis.