Sa edad na 33… MAYOR VICO, IPINAGSIGAWANG LAST YEAR LANG NATULI

ni Rohn Romulo - @Run Wild | August 16, 2022

Maraming naaliw sa Facebook post ni Pasig Mayor Vico Sotto last Sunday (August 14) kung saan sinabi niyang sumailalim siya sa isang procedure para sa kanyang tuhod.

Kasama ang dalawang larawan, caption ni Mayor Vico, "Kahapon, sumailalim ako sa procedure na "PRP" o "platelet-rich plasma" sa dalawang tuhod. Kaya bilin ng doktor, bawasan ko muna ang paglalakad hanggang bukas (August 14-15, 2022).

"Kaya magpapaalam lang ako na limitado lang muna ang maa-attend-an kong events hanggang sa Martes.

"Maraming salamat sa napakahusay na sina Doc Gar Eufemio ng Peak Form. Magsa-sampung taon na 'kong nagpapatingin sa kanila..."

Dagdag pa ng eligible bachelor ng Pasig City, "Hindi ko na maalala ang bawat injury ko sa dami pero 'yung sa tuhod talaga ang malaking problema dahil ang sakit maglakad, tapos kulang ang oras ko para magpa-therapy/gym.

"Napaisip nga ako nu'ng International Youth Day nu'ng August 12...33 yrs. old pa lang ako, pang-senior citizen na 'tong tuhod ko. Kailangang alagaan din natin ang ating KALUSUGAN.

"Kaya ito, sa susunod na buwan, HA/lubricant naman (pang-senior na talaga, haha), tapos strengthening program. Malay natin, makapag-back from retirement pagkatapos ng ilang buwan."

Kaya naman ang mga concerned netizens ang nag-alala at nag-send ng kanilang 'get well soon' messages para sa butihing mayor, na 'yung iba ay inakalang ngayon lang siya nagpa-knee surgery.

Paglilinaw naman ni Mayor Vico, "Btw, naalala ko lang, sana po, bago mag-share ng post o mag-get well soon, tingnan muna ang petsa. 'Yung surgery ko nu'ng 2017, every 3 months umaakyat ulit sa feed, tapos may bumabati ng 'Get well soon.' Napapaisip tuloy ako kung napa'no ba 'ko."

Reaction ng kanyang mga beloved followers...

"WORRIED LANG PO, EH. PASENSIYA NA PO. GET WELL PO, MAYOR VICO.

"Worried lang po, Mayor... dumayo kayo dine at malagyan ng santo olio at mahilot 'yang tuhod mo, Mayor, kapag nakirot. Hahaha!"

"At any rate, still take care always, Mayor Vico. The world needs a little humour once in a while. It's good that we have people like you."

May isa namang nag-comment ng, "Babe, magpagaling ka, gagawa pa tayo ng tatlong anak" at "Take care and rest muna, Babe, bubuo pa tayo ng pamilya."

Kaya naman may mga sumagot na, "Umayos ka naman sa pila mo, teh, dami pong nakaabang kay Mayor, pila ka muna sa likod."

"Ay, grabe, umabot pa 'yung kaharutan dito, oh," dagdag pa.

Sabi naman ng ilan pa, "Mag-asawa ka na, Mayor, para may nag-aalaga sa 'yo araw-araw. Message mo lang ko."

Pagbibiro ng isang netizen, "Akala ko, circumcision, Mayor, hahaha!"

In fairness, sinagot naman ito ni Mayor Vico ng, "Ay, natuli na po ako last year."

Say naman ng isa, "Ok lang po sa 'kin, Mayor, kahit hindi ka pa TULI, hahaha! Aalagaan kita..."

At may pumatol pa sa joke, "Hi, Mayor, kaya biglang haba mo...tangkad po pala, last year ka lang naano? Ingatan ang tuhod.. Hahaha! Kasingtangkad mo ang anak ko, sana, eh, makalaro ka raw niya sa basketball. God bless, stay safe po."

Dagdag pa ng mga nagmamahal kay Mayor Vico, "Take good care of yourself, Mayor! Ikaw ang inaasahan namin na maging next president of our country after your term as mayor!

God heals, guides and bless you always!

"The future president, isang matinong civil servant at incorruptible. Sana, dumami pa ang lahi mo, Mayor. Ang katulad mo ang pag-asa ng bayan."

Madir, mas payat na… SHARON AT KC, PARANG MAGKAPATID NA LANG

ni Rohn Romulo - @Run Wild | August 12, 2022

Patuloy na nagluluksa si Megastar Sharon Cuneta sa pagkawala ng kanyang dearest friend na si Cherie Gil, na ngayon pa lang ay miss na miss na niya at damang-dama pa rin ang nararamdamang sakit sa kanyang puso.

Sa kanyang IG, ipinost ni Sharon ang photos niya na kuha sa isang beach, na ramdam na ramdam pa rin ang labis na kalungkutan at caption niya, "Third sunset without you in my world #cheriegil #mylavinia"

Sunod na IG post niya, kasama ang series of photos na hawak-hawak niya ang kamay ni Cherie at hinahalikan...

"I miss you so, so much…Still cannot imagine the coming days, years without you…Too much of this unexpected, unacceptable, inexplicable stabbing pain in my heart…Love you forever and ever and ever and ever…#mycherie #mylavinia #foreverinmyheart"

Kaya, marami pa ring nakikidalamhati kay Sharon, nagdarasal at nagpapakita ng kanilang pagmamahal at pag-alala.

Pero sa kabila ng labis na kalungkutan na pinagdaraanan ngayon ni Sharon, may isa namang nagpasaya sa kanya at ito 'yung muli nilang pagkikita ng kanyang first born and first princess na si KC Concepcion.

Caption ni Mega, "A little HAPPY during days of grieving. @kristinaconcepcion."

Kita sa mga larawan nila ni KC na pilit niyang pinasasaya ang sarili, pero bakas na bakas pa rin talaga sa mukha niya ang kalungkutan at mahirap maitago sa isang taong labis na nagluluksa.

Ikinatuwa naman ito ng mga netizens na finally, natuloy na ang muling pagkikita ng mag-ina sa Amerika. May nag-comment pa nga na para lang daw silang magkapatid, dahil siguro mas slim na ngayon si Sharon, kaya bumata ang hitsura.

NETIZENS, DUDANG KAYANG PANTAYAN NI JUDAY SI NORA

ni Rohn Romulo - @Run Wild | August 9, 2022

Si Judy Ann Santos ang napiling gumanap na Elsa sa script-reading ng Himala para sa screenplay book launch ni National Artist for Literature Ricky Lee.

Magaganap ang script-reading ngayong Agosto 9 sa Cinemalaya Film Festival at magkakaroon din ng book signing.

Ayon kay Ricky Lee, "Judy Ann Santos will read the monologue of Elsa from Himala. She will be joined by Dingdong Dantes, Agot Isidro, Gina Alajar and Aicelle Santos."

Babasahin nga nila ang mga excerpts mula sa screenplays ni Ricky Lee sa book launch ng Mga Screenplay ni Ricky Lee Vol 1: Brutal, Moral, Karnal; at Vol 2: Himala, Salome, Cain at Abel.

Inamin naman ni Juday sa kanyang post na labis-labis ang kaba na kanyang nararamdaman.

"Kinakabahan po ako... pero isang karangalan ang maimbitahan na gawin ang obra ng dalawang National Artists... Pagkatawid ko nito... pakiramdam ko... ok na... ok na ok na."

Marami naman ang naniniwala na kayang-kayang maitawid ni Judy Ann ang iconic role ni Elsa na unang binigyang-buhay at pinasikat ng Superstar at National Artist for Cinema na si Ms. Nora Aunor.

Wala namang duda na isa nga siya sa best actresses in her generation. Pero, may ilang netizens din na nagne-nega sa kapasidad niya bilang aktres at say nila:

"Kaya mo 'yan, Juday! Basta HIMALA talaga ang bigkas, hindi HIMELAH."

"She can do it!"

"Go girl... Slay it girl."

"Mahirap tapatan si Nora Aunor. Mata pa lang, punumpuno na ng emosyon."

"Overacting actress!"

"And what is your basis in saying that? Did you watch her movies and teleseryes? I watched almost all her movies and TV series so I know that Judy Ann is perfect as Elsa."

"However, playing naaapi 'yung roles.... palaging pa-victim. NAKAKASAWA."

For sure, maraming Marites ang mag-aabang sa magiging performance ni Judy Ann at kung mabibigyan ba niya ito ng hustisya.

Samantala, ipinost din niya ang art card ng 'Rest In Peace, Cherie Gil' at nilagyan niya ito ng caption na: "Ikaw ang naging basehan sa pagiging kontrabida.. pero sa tunay na buhay.. ikaw ang basehan ng pagiging totoo sa sarili at sa kaibigan. Our industry lost another pillar.

You will never ever be forgotten, Ms. Cherie.

"Rest well in God’s loving arms… no more pain up there for sure.. Here? We give you our never ending gratefulness for sharing your craft and wisdom to all of us."

Pinusuan din ito at umapaw ang pakikidalamhati sa namayapang mahusay na aktres.