4 months lang sa ere… SITCOM NINA DINGDONG AT MARIAN, PAPALITAN NA

ni Rohn Romulo - @Run Wild | August 21, 2022

Magtatapos na ba ang sitcom nina Kapuso Primetime King & Queen Dingdong Dantes at Marian Rivera na Jose & Maria Bonggang Villa sa August 27?

Ipinakita na kasi ang timeslot ng Running Man PH na eere na simula sa September 3, Sabado at 7:15 PM (na timeslot ng sitcom ng mag-asawa) at sa September 4, Sunday at 7:50 PM (na sa timeslot naman ng Daig Kayo ng Lola Ko).

Kunsabagay, pang-16th episodes na nila sa Saturday, dahil nagsimula silang umere noong May 14, kaya may bonus episodes na sila. Usually, 13 episodes lang ang isang season.

Nakakalungkot lang kung magtatapos na sila dahil alam naming nakabuo na sila ng isang masayang pamilya at marami rin ang nag-e-enjoy na panoorin ang kanilang sitcom tuwing Sabado nang gabi, at mataas naman ang ratings at 'di nga umubra ang mga katapat na sitcoms at reality shows.

O baka naman ilipat na lang sila sa mas late na timeslot at puwede namang pahinga na lang muna at babalik din para sa Season 2 after ng much-awaited reality-game show on Philippine TV na Running Man PH na nakaka-excite ring panoorin dahil kinunan ang kabuuan nito sa South Korea.

Nagtanong kami sa taga-GMA, pero wala pa silang maibigay na sagot.

HEART, TINANGGAL ANG APELYIDO NI CHIZ PARA SA P10 MILYON

ni Rohn Romulo - @Run Wild | August 19, 2022

Bukod sa kilalang fashion icon ang aktres na si Heart Evangelista, pinangangatawanan talaga niya ang pagiging 'artist'. Inaabangan ng mga art lovers and collectors ang kanyang latest creations.

Sa kanyang Instagram post, may bago na namang pasabog si Heart, ang kanyang first-ever hand-painted toy collectibles.

Caption niya, "LoveMarie x @secretfreshgallery My first ever Art Toy release, a collectible set of 12 figures - each hand painted - will be released in a limited run of only 50 sets. Each set comes with a personalized message for me (a surprise actually) 28 August 2022 Secret Fresh Gallery."

Ang hand-painted resin figures ay ire-release in a limited run of 50 sets sa August 28, kung saan makikita rin ang kanyang mga paintings sa naturang gallery.

Ayon sa owner ng Secret Fresh Gallery na si Bigboy Cheng, ini-expect nilang maso-sold-out ang toy collectibles ni Heart after na i-announce ito last Sunday.

Ang bawat set ay may kasamang wooden box at 'yung one-of-a-kind personal message ni Heart at nagkakahalaga nga ito ng P200,000.

Kaya kung maibebenta lahat ang 50 sets, katumbas lang naman ito ng P10 million pesos.

Bali-balitang higit na sa kalahati ang naibebenta at marami pang nag-i-inquire rito sa atin at sa ibang bansa.

Kaya comment ng mga netizens at followers ni Heart na hangang-hanga at talagang napa-wow na naman… "Those art pieces, so unique and so beautiful! Congratulations @iamhearte"

"Congrats!! May art toy na!!"

"OMG! Would love to have one of your paintings."

"OMG! How can I purchase?? I'm in USA."

"OMG! Heart, this is incredible — I want one of your paintings too."

"Congrats, Heart! Love your toy art collection! Hanggang tingin at hangad na lang ako."

"You're so good in your artworks!...Congratulations to your new collections...."

Suggestion pa nila, "@iamhearte Can you do Toy Art with all your outfits, mga Fashion Week in Europe, that would be fantastic!"

"If ever she'll come out with that, I'll sure get the one she's wearing the famous "binalatang suman" by Cheetah Rivera.. Kidding aside, that black and green skirt, she looked amazing in that outfit."

"Kahit dressing dolls from local or international designers, I bet she can! She has a lot of sources, bibili talaga ako."

At para sa mga Marites na nagpakalat ng tsismis kina Heart at Sen. Chiz Escudero, say ng netizen, "Mga Marites, oh, ito na ang sagot sa mga tanong-chismis n'yo... Now we know why Ongpauco and Escudero have been removed from Ms. Heart's profile name.. Good luck Ms. Heart sa bagong venture mo..."

Makikita nga sa pasilip na video sa kanyang toy collectibles ang isa-isang pagsusulat ni Heart ng personal message na kasama sa bawat set. Nandu'n din ang mag-asawang Julius at Christine Babao, na isa sa mga unang bumili ng limited artwork ng aktres.

Comment ni Christine, "So exciting!! Congratulations Hearty! Proud to be one of the 50 owners of your limited series. And thank you, for personalizing the special dedication for me and @juliusbabao"

Congrats, Heart!!!

Piktyur, ikinalat sa socmed… ICE, MINURA AT BINANTAANG RERESBAKAN NI SYLVIA

ni Rohn Romulo - @Run Wild | August 17, 2022

Kung marami ang na-stress sa black and white photo, may pampa-good vibes naman at pambawi na IG post si Ice Seguerra dahil naisahan na naman niya ang kanyang Nanay Teresita na si Sylvia Sanchez.

Caption niya, "Hi, 'Nay! Tinulugan mo na naman ako, eh...tsk!"

Sagot naman ni Ibyang, "Puny*ta!!! Naisahan mo na naman ako!!! Pinilit kong 'wag makatulog dahil alam kong wawalanghiyain mo na naman ako. Pero paanong hindi ako makatulog, eh, kanta ka nang kanta. May araw ka din!! Tandaan mo 'yan, magagantihan din kita @iceseguerra."

Last week lang ay nakunan din ni Ice si Sylvia na natutulog at ipinost din ang parang mapang-asar na larawan nila.

Kaya nagbanta pa nga ang aktres ng, "Nakaisa ka na naman talaga! May araw ka din.

Maiisahan din kita, hahaha! Bwisit ka 'Nak, hintay ka lang!"

Comment uli ni Ice, "@sylviasanchez_a Ganda naman ng shot ko, eh. Captured 'yung essence mo rito."

Aliw na aliw ang mga netizens na patuloy na nanonood ng rerun ng Be Careful with My Heart sa Kapamilya channel sa kulitan nina Nanay Teresita at Kute (Ibyang at Ice).

Hinahanap tuloy ng madlang pipol kung nasaan si Maya (Jodi Sta. Maria) dahil may kulang.

Sana raw ay magpakita ito at maka-bonding nila sa kulitan at isama na rin si Cho (JM Ibañez, na binatang-binata na ngayon).

Samantala, nag-i-invite rin si Ice sa upcoming concert nila sa Japan...

"Sabay-sabay nating kantahin ang mga kantang nagpaiyak at nagpaibig sa ating (heart icon).

Ice Seguerra LIVE @ Matsudo Civic Hall Matsudo Chiba Japan | SEPTEMBER 11 | SUNDAY.

SOULFULLY YOURS 'A Heartwarming Live Acoustic Concert"

Makakasama ni Ice sina Nyoy Volante, Joey Generoso at may special appearance si Jason Fernandez.